ຊາວນາເມືອງຈຳພອນ ເກັບກ່ຽວເຂົ້ານາປີ ສຳເລັດແລ້ວ 80%

ພາບປະກອບ

ຂປລ. ຕາມການລາຍງານຂອງ ​ເຈົ້າ​ໜ້າ​ທີ່ຫ້ອງການກະສິກຳ ແລະ ປ່າໄມ້ ເມືອງຈຳພອນ ໃນວັນທີ 14 ພະຈິກ 2016 ນີ້ວ່າ: ປັດຈຸບັນ ຊາວນາຊາວກະສິກອນ ເມືອງຈໍາພອນ ສາມາດເກັບກ່ຽວ​ເຂົ້ານາ​ປີ​ ສໍາ​ເລັດແລ້ວ 16.440 ເຮັກຕາ, ເທົ່າກັບ 80% ຂອງເນື້ອທີ່ປະຕິບັດໄດ້ 20.550 ເຮັກຕາ.

ຄຽງຄູ່ກັບການເກັບກ່ຽວເຂົ້ານາປີແລ້ວ, ຊາວນາຊາວກະສິກອນ ຍັງໄດ້ເກັບກູ້ພືດສຳຮອງ ໃນລະດູຝົນສາມາດເກັບກູ້ ໄດ້ແລ້ວ 1.006 ເຮັກຕາ, ເທົ່າກັບ 82,13%. ນອກນັ້ນ ສຳລັບການເກັບກ່ຽວ ເຂົ້ານາປິ ໂຄງການລຶບລ້າງຄວາມທຸກຍາກ ຈຸດສຸມຄຳປາແໜ ກໍ່ໄດ້ທຳການເກັບກ່ຽວເຂົ້ານາປີ ໄດ້ແລ້ວ 90%, ສ່ວນການຜະລິດເຂົ້າເປັນສິນຄ້າສົ່ງອອກ ສ.ປ ຈີນ ບັນລຸ 34 ເຮັກຕາ, ເທົ່າກັບ 30% ຂອງເນື້້ອທີ່ປະຕິບັດ.

 

ແຫລ່ງຂ່າວ:

ຂປລ

 

 
ຕິດຕາມເຮົາທາງFacebook ກົດຖືກໃຈເລີຍ!