spot_img
Homeຂ່າວພາຍ​ໃນຊາວນະຄອນຫລວງວຽງຈັນສະຫລອງບຸນປີໃໝ່ລາວມື້ທີສອງຢ່າງຄຶກຄື້ນມ່ວນຊື່ນ

ຊາວນະຄອນຫລວງວຽງຈັນສະຫລອງບຸນປີໃໝ່ລາວມື້ທີສອງຢ່າງຄຶກຄື້ນມ່ວນຊື່ນ

Published on

ຂປລ. ໃນວັນທີ 15 ເມສາ 2013 ກົງກັບມີ້ແຮມ 1 ຄ່ຳເດືອນ 5 ເປັນມື້ທີສອງຂອງການສະ ເຫລີມສະຫລອງບຸນກຸດສົງການ ຫລື ປີໃໝ່ລາວ, ຊາວນະຄອນຫລວງວຽງຈັນ, ກໍຄືຊາວລາວທົ່ວ ປະເທດໄດ້ພ້ອມກັນສືບຕໍ່ສະຫລອງບຸນກຸດສົງການຢ່າງມ່ວນຊື່ນ ແລະ ເຕັມໄປດ້ວຍບັນຍາກາດອັນ ຟົດຟື້ນຕາມຮີດຄອງປະເພນີ ທີ່ເຄີຍປະຕິບັດມາແຕ່ບູຮານນະການ.
ສຳລັບຢູ່ນະຄອນຫລວງວຽງຈັນປະຊາຊົນລາວບັນດາເຜົ່າໄດ້ຫົດສົງພະຢູ່ຕາມວັດຕ່າງໆແລະຫົດສົງນ້ຳຢ່າງຄຶກຄື້ນມ່ວນຊື່ນຕາມເສັ້ນທາງສຳຄັນຕ່າງໆເປັນຕົ້ນ: ຖະໜົນເສດຖາທິລາດ, ເຈົ້າຟ້າງຸ່ມ ແລະ ສະຖານທີ່ອື່ນໆ. ໃນນີ້ຖະໜົນເສດຖາທິລາດ ເລີ່ມແຕ່ ໄຟແດງວັດອິນແປງຫານ້ຳພຸ ( ບ້ານຊຽງຍືນ ) ໄດ້ມີການປິດການສັນຈອນເລີ່ມແຕ່ເວລາ 13:00 ໂມງຫາ 17: 00ໂມງ ເພື່ອໃຫ້ມວນຊົນຊາວ ນະຄອນຫລວງວຽງຈັນກໍຄືນັກທ່ອງທ່ຽວທັງນາຍໃນ ແລະ ຕ່າງປະເທດ ໄດ້ເຂົ້າຮ່ວມການສະຫລອງບຸນ ປີໃໝ່ລາວດ້ວຍຄວາມມ່ວນຊື່ນແລະປອດໄພ, ນອກນັ້ນບາງຄອບຄົວຍັງໄດ້ມີການ ຄາລະວະສົມມາຜູ້ຊົງ ຄຸນວຸດທິ,ພໍ່ແມ່ເຖົ້າແກ່ອາວຸໂສເພື່ອສະແດງຄວາມຮູ້ບຸນຄຸນກະຕັນຍູກະຕະເວທີຕໍ່ຜູ້ມີພະຄຸນ ເພື່ອສົ່ງທ້າຍ ປີເກົ່າແລະຕ້ອນຮັບປີໃໝ່ບົນຈິດໃຈແຫ່ງຄວາມເບິກ ບານມ່ວນ ຊື່ນ,ຮັກສາໄດ້ຮີດ ຄອງປະເພນີທີ່ເປັນເອກະ ລັກ ຂອງຊາດຕົນ ໃຫ້ຄົງ ຢູ່ຕະ ຫລອດການ.
ສ່ວນຢູ່ທີ່ທ່າວັດຈັນໄດ້ຈັດກິດຈະກຳກິລາຫາດຊາຍຫລາຍປະເພດຊຶ່ງປະກອບມີ:ບານເຕະຫາດຊາຍ, ບານສົ່ງຫາດ ຊາຍ,ແຂ່ງຂັນການຈັບປາແບບ ພື້ນບ້ານແລະກິລາປະເພດອື່ນໆສຳລັບຢູ່ຕາມເບື້ອງ ລຸ່ມ ແຄມນ້ຳຂອງກໍໄດ້ຫົດນ້ຳ ມ່ວນຊຶ່ນ.ສ່ວນຢູ່ດ້ານເທິງລຽບແຄມທາງກໍໄດ້ມີການ ວາງສະແດງແລະຂາຍສິນ ຄ້າຜະລິດຕະພັ ນລາວ,ເຄື່ອງຫັ ດຖະກຳລາວ ​ແລະເຄື່ອງທີ່ລະ ນຶກວັດ ທະນະ ທຳບັນດາເຜົ່າຕະຫລອດ ທັງວັນ./.

ທີ່ມາ http://www.kpl.net.la/lao/news/dnl%205.htm

ບົດຄວາມຫຼ້າສຸດ

ຈັບຊາຍຊາວຈີນ ຫຶງໂຫດລົງມືຄາຕະກຳແຟນສາວ ຢູ່ທ່າແຂກ ແຂວງຄຳມ່ວນ

ຈັບຊາຍຊາວຈີນ ຫຶງໂຫດລົງມືຄາຕະກຳແຟນສາວ ຢູ່ທ່າແຂກ ແຂວງຄຳມ່ວນ ຍ້ອນຄິດວ່າແຟນສາວຈະເດີນທາງໄປຫາຜູ້ບ່າວ. ເຈົ້າໜ້າທີ່ ປກສ ເເຂວງຄໍາມ່ວນ ລາຍງານວ່າ: ວັນທີ 8 ພຶດສະພາ 2025 ເຈົ້າໜ້າທີ່ໄດ້ນໍາຕົວ ທ້າວ...

1 ນະຄອນ ແລະ 5 ເມືອງຂອງແຂວງຈໍາປາສັກໄດ້ຮັບໃບຢັ້ງຢືນເປັນນະຄອນ – ເມືອງພົ້ນທຸກ

ຊົມເຊີຍ 1 ນະຄອນ ແລະ 5 ເມືອງຂອງແຂວງຈຳປາສັກໄດ້ຮັບໃບຢັ້ງຢືນເປັນນະຄອນ - ເມືອງພົ້ນທຸກ. 1 ນະຄອນ ແລະ 5 ເມືອງຂອງແຂວງຈໍາປາສັກ ຄື: ນະຄອນປາກເຊ,...

ສຶກສາຮ່ວມມືການຈັດລະບຽບສາຍສື່ສານ ແລະ ສາຍໄຟຟ້າ 0,4 ກິໂລໂວນ ລົງໃຕ້ດິນ ໃນທົ່ວປະເທດ

ບໍລິສັດໄຟຟ້າລາວເຊັນ MOU ສຶກສາຮ່ວມມືການຈັດລະບຽບສາຍສື່ສານ ແລະ ສາຍໄຟຟ້າ 0,4 ກິໂລໂວນ ລົງໃຕ້ດິນ ໃນທົ່ວປະເທດ. ໃນວັນທີ 5 ພຶດສະພາ 2025 ຢູ່ ສໍານັກງານໃຫຍ່...

ຕິດຕາມ, ກວດກາການບູລະນະ ເຮືອນພັກຂອງທ່ານ ໜູຮັກ ພູມສະຫວັນ ອະດີດການນໍາຂັ້ນສູງແຫ່ງ ສປປ ລາວ

ຄວາມຄືບໜ້າການບູລະນະ ເຮືອນພັກຂອງທ່ານ ໜູຮັກ ພູມສະຫວັນ ອະດີດການນໍາຂັ້ນສູງແຫ່ງ ສປປ ລາວ ວັນທີ 5 ພຶດສະພາ 2025 ຜ່ານມາ, ທ່ານ ວັນໄຊ ພອງສະຫວັນ...