ຊາຍຊາວຫວຽດນາມລັກລອບຂົນໜ້າກາກອະນາໄມເຂົ້າລາວ

0
1091

ອີງຕາມລາຍງານຈາກສຳນັກຂ່າວ VN Express ໃຫ້ຮູ້ວ່າ ໃນວັນທີ 13 ມີນາ 2020​ ຕຳຫຼວດຊາຍແດນຫວຽດນາມໄດ້ຈັບກຸມຜູ້ລັກລອບນຳເຂົ້າໜ້າກາກອະນາໄມຈາກ ຮ່າໂນ້ຍ ປະເທດ ຫວຽດນາມຜ່ານລົດເມໂດຍສານ ເປັນຈຳນວນ 13 ກ່ອງ ຫຼື 30,000 ແຜ່ນ ທີ່ດ່ານ Cau Treo. ຜູ້ຕ້ອງຫາເປັນຊາຍອາຍຸ 32 ປີ ສາລະພາບວ່າຖືກຈ້າງໂດຍຄົນແປກໜ້າສອງຄົນໃຫ້ຂົນສົ່ງສິນຄ້າໄປວຽງຈັນເປັນຈຳນວນເງິນ 6.5 ລ້ານດົງ (2.5 ລ້ານກີບ). ລັດຖະບານຫວຽດນາມໄດ້ອອກມາດຕະການຫ້າມສົ່ງອອກໜ້າກາກອະນາໄມຕັ້ງແຕ່ວັນທີ 28 ກຸມພາ, ຍົກເວັ້ນການສົ່ງອອກຢຽວຢາຈາກພາກລັດ ຫຼັງໜ້າກາກອະນາໄມເປັນສິນຄ້າທີ່ມີຄວາມຕ້ອງການຫຼາຍໃນປະເທດ, ຜູ້ໃດກະທຳຈະຖືກປັບໄໝເປັນມູນຄ່າ 5-10 ລ້ານດົງ (1.9-3.8 ລ້ານກີບ).

ຮຽບຮຽງໂດຍ ວະນິດາ

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.