spot_img
Homeຂ່າວຕ່າງປະເທດຊວຍຊໍ້າ! ແຮງງານລາວ 24 ຄົນ ຈະກັບບ້ານແຕ່ຖືກລົດຕູ້ປະຖິ້ມແຄມທາງເຈົ້າໜ້າທີ່ໄທເຂົ້າຊ່ວຍເຫຼືອ

ຊວຍຊໍ້າ! ແຮງງານລາວ 24 ຄົນ ຈະກັບບ້ານແຕ່ຖືກລົດຕູ້ປະຖິ້ມແຄມທາງເຈົ້າໜ້າທີ່ໄທເຂົ້າຊ່ວຍເຫຼືອ [ມີຄຣິບ]

Published on

ເວັບໄຊຂ່າວໄທເສລີນິວ ລາຍງານເມື່ອວັນທີ 25 ມີນາ 2020 ວ່າ ເມື່ອເວລາ 6:00 ໂມງຂອງມື້ດຽວກັນ ເຈົ້າໜ້າທີ່ຮັກສາຄວາມປອດໄພຕາມຊາຍແດນບ້ານ ປາກແຊງ, ຕໍາບົນ ພະລານ ຈັງຫວັດ ອຸບົນຣາຊະທານີ ໄດ້ຮັບແຈ້ງຄວາມຈາກລູກບ້ານວ່າ ພົບແຮງງານລາວຈຳນວນ 24 ຄົນ ເປັນຊາຍ 14 ຄົນ ແລະ ຍິງ 10 ຄົນ ມີເດັກນ້ອຍເພດຊາຍອີກ 1 ຄົນ ຢູ່ໃນປ່າທາງທິດຕາເວັນຕົກຂອງໝູ່ບ້ານ ຈຶ່ງໄດ້ນຳກຳ ລັງປ້ອງກັນຄວາມສະຫງົບ ແລະ ຄວາມເປັນລະບຽບຮຽບຮ້ອຍຂອງບ້ານເຂົ້າກວດສອບ ພ້ອມນຳຕົວທັງໝົດໄປສອບສວນ.

ໃນເບື້ອງຕົ້ນແຮງງານລາວໄດ້ບອກກັບເຈົ້າໜ້າທີ່ວ່າ ພວກຕົນໄດ້ພາກັນຈ້າງລົດຕູ້ຄັນໜຶ່ງມາຈາກບາງກອກ ເພື່ອໃຫ້ມາສົ່ງທີ່ດ່ານກວດຄົນເຂົ້າເມືອງປາກແຊງ ໃນລາຄາ 3,500-3,700 ບາດ ໃນຕອນເຊົ້າ ແທນທີ່ລົດຕູ້ຄັນດັ່ງກ່າວຈະພາພວກຕົນມາສົ່ງທີ່ດ່ານຕາມທີ່ຕົກລົງກັນ ຄົນຂັບລົດຕູ້ພັດຂັບລົດເຂົ້າໄປໃນປ່າແຄມທາງແລ້ວບອກໃຫ້ພວກຕົນລົງ ຈາກນັ້ນກໍ່ຟ້າວຂັບລົດໜີ.

ແຮງງານສາວລາວຄົນໜຶ່ງໄດ້ເລົ່າວ່າ ເຫດຜົນທີ່ພວກຕົນຕ້ອງເໝົາລົດຕູ້ມາ ເນື່ອງຈາກວ່າ 22 ຄົນບໍ່ມີເອກະສານເດີນທາງ ມີພຽງ 2 ຄົນທີ່ມີໜັງສືພາສປອດ ດັ່ງນັ້ນທາງລົດຕູ້ຈຶ່ງຮຽກເກັບຄ່າລົດແພງ ໂດຍບອກວ່າຈະນຳເງິນໄປຈ່າຍເພື່ອໄກ່ເກ່ຍຕາມເສັ້ນທາງ ແລະ ທີ່ພວກຕົນຕ້ອງກັບບ້ານຊ້າ ຍ້ອນວ່າຕ້ອງໄດ້ລໍຖ້າຮັບເງິນຄ່າແຮງງານກ່ອນ.

ດັ່ງນັ້ນ, ເຈົ້າໜ້າທີ່ຈຶ່ງໄດ້ນຳແຮງງານລາວທັງໝົດສົ່ງດຳເນີນເລື່ອງຕາມຂັ້ນຕອນຕໍ່ໄປ.

 

ຮຽບຮຽງຂ່າວ: ພຸດສະດີ

 

ບົດຄວາມຫຼ້າສຸດ

ຂໍສະແດງຄວາມຍິນດີນຳ ນາຍົກເນເທີແລນຄົນໃໝ່ ແລະ ເປັນນາຍົກທີ່ເປັນ LGBTQ+ ຄົນທຳອິດ

ວັນທີ 03/11/2025, ຂໍສະແດງຄວາມຍິນດີນຳ ຣອບ ເຈດເທນ (Rob Jetten) ນາຍົກລັດຖະມົນຕີຄົນໃໝ່ຂອງປະເທດເນເທີແລນ ດ້ວຍອາຍຸ 38 ປີ, ແລະ ຍັງເປັນຄັ້ງປະຫວັດສາດຂອງເນເທີແລນ ທີ່ມີນາຍົກລັດຖະມົນຕີອາຍຸນ້ອຍທີ່ສຸດ...

ຫຸ່ນຍົນທຳລາຍເຊື້ອມະເຮັງ ຄວາມຫວັງໃໝ່ຂອງວົງການແພດ ຄາດວ່າຈະໄດ້ນໍາໃຊ້ໃນປີ 2030

ເມື່ອບໍ່ດົນມານີ້, ຜູ້ຊ່ຽວຊານຈາກ Karolinska Institutet ປະເທດສະວີເດັນ, ໄດ້ພັດທະນາຮຸ່ນຍົນທີ່ມີຊື່ວ່າ ນາໂນບອດທີ່ສ້າງຂຶ້ນຈາກດີເອັນເອ ສາມາດເຄື່ອນທີ່ເຂົ້າຜ່ານກະແສເລືອດ ແລະ ປ່ອຍຢາ ເພື່ອກຳຈັດເຊື້ອມະເຮັງທີ່ຢູ່ໃນຮ່າງກາຍ ເຊັ່ນ: ມະເຮັງເຕົ້ານົມ ແລະ...

ຝູງລີງຕິດເຊື້ອຫຼຸດ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລີງຈຳນວນໜຶ່ງຫຼຸດອອກ ຢູ່ລັດມິສຊິສຊິບປີ ສະຫະລັດອາເມລິກາ

ລັດມິສຊິສຊິບປີ ລະທຶກ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລິງຈຳນວນໜຶ່ງຫຼຸດອອກໄປໄດ້. ສຳນັກຂ່າວຕ່າງປະເທດລາຍງານໃນວັນທີ 28 ຕຸລາ 2025, ລົດບັນທຸກຂົນຝູງລີງທົດລອງທີ່ອາດຕິດເຊື້ອໄວຣັສ ໄດ້ເກີດອຸບັດຕິເຫດປິ້ນລົງຂ້າງທາງ ຢູ່ເສັ້ນທາງຫຼວງລະຫວ່າງລັດໝາຍເລກ 59 ໃນເຂດແຈສເປີ ລັດມິສຊິສຊິບປີ...

ພະນັກງານກວດກາ ສປປ ລາວ 30 ທ່ານ ເຂົ້າຮ່ວມຝຶກອົບຮົມ ວຽກງານ ສະກັດກັ້ນ ແລະ ຕ້ານການສໍ້ລາດບັງຫຼວງ ຢູ່ ສປ ຈີນ

ພະນັກງານກວດກາ ສປປ ລາວ ເຂົ້າຮ່ວມຝຶກອົບຮົມ ວຽກງານ ສະກັດກັ້ນ ແລະ ຕ້ານການສໍ້ລາດບັງຫຼວງ ຢູ່ ສປ ຈີນໃນລະຫວ່າງວັນທີ 17-25 ຕຸລາ 2025...