ຈີນ ລ໋ອກດາວ ເມືອງທີ 3 ຫຼັງພົບຜູ້ຕິດເຊື້ອໂອໄມຄຣອນ 2 ຄົນ

0
133

ວັນທີ 12 ມັງກອນ 2022 ສໍານັກຂ່າວ Metro ລາຍງານ ສະຖານະການ ການແຜ່ລະບາດຂອງ ໂຄວິດ-19 ໃນປະເທດຈີນ ຫຼັງຈາກທາງການທ້ອງຖິ່ນ ເມືອງອັນຫຍາງ ປະກາດໃຊ້ມາດຕະການການລັອກດາວຄຸມເຂັ້ມປະຊາກອນກວ່າ 5,5 ລ້ານຄົນ.

ໂດຍມີຄໍາສັ່ງ ຫ້າມອອກນອກເຂດອາຄານ, ຫ້າມບໍລິການຂົນສົ່ງມວນຊົນ ແລະ ແຕ່ລະຄອບຄົວໄດ້ຮັບອະນຸຍາດໃຫ້ສະມາຊິກພຽງ 1 ຄົນ ອອກໄປຊື້ອາຫານ ແລະ ເຄື່ອງໃຊ້ທີ່ຈໍາເປັນໄດ້ ຫຼັງກວດພົບຄົນໃນເມືອງອັນຫຍາງ 2 ຄົນ ຕິດເຊື້ອສາຍພັນໂອໄມຄຣອນ ແລະ ຄາດວ່າເປັນກໍລະນີທີ່ເຊື່ອມໂຍງກັບຜູ້ຕິດເຊື້ອສາຍພັນໂອມີຄອນ 2 ຄົນທີ່ກວດພົບກ່ອນໜ້ານີ້ໃນນະຄອນທຽນຈີນ.

ລາຍງານລະບຸວ່າ ເມືອງອັນຫຍາງ ກາຍເປັນເມືອງທີ 3 ໃນປະເທດທີ່ລັອກດາວເຕັມຮູບແບບ ຕໍ່ເນື່ອງຈາກເມືອງຊີອານ ແລະ ເມືອງ ຢູໂຈ, ສົ່ງຜົນໃຫ້ຈໍານວນປະຊາຊົນທີ່ຢູ່ພາຍໃຕ້ການລັອກດາວໃນປະເທດເພີ່ມເກືອບ 20 ລ້ານຄົນ.