ຈີນເລັ່ງອອກກົດໝາຍກຳອຳນາດໃນຮົງກົງທັງໝົດ ຫ້າມຈັດການຊຸມນຸມທຸກຮູບແບບ

ເວັບໄຊຂ່າວ sanook ລາຍງານເມື່ອວັນທີ 22 ພຶດສະພາ ວ່າ ຈີນກຽມສະເໜີຮ່າງກົດໝາຍຄວາມໝັ້ນຄົງແຫ່ງຊາດສະບັບໃໝ່ ທີ່ມີເນື້ອໃນຫ້າມປະຊາຊົນຮົງກົງຮ່ວມຕົວປະທ້ວງ ແລະ ຈັດການຊຸມນຸມທຸກຮູບແບບ ເພື່ອຕອບໂຕ້ການປະທ້ວງຕໍ່ຕ້ານຄະນະບໍລິຫານຮົງກົງ ແລະ ລັດຖະບານຈີນແບບທີ່ເຄີຍເກີດຂຶ້ນເມື່ອປີທີ່ຜ່ານມາ ໂດຍເນື້ອໃຈໄດ້ກວມລວມໄປຈົນເຖິງການແບ່ງແຍກດິນແດນ, ການແຊກແຊງຂອງຕ່າງຊາດ, ການກໍ່ການຮ້າຍ ແລະ ກິດຈະກຳຕ່າງໆ ທີ່ສົ່ງຜົນຮ້າຍ ຫຼື ການໂຄ່ນລົ້ມລັດຖະບານຈີນ.

ຮົງກົງມີຄວາມກັງວົນວ່າຈີນກຳລັງຈະຢຶດອຳນາດການບໍລິຫານຮົງກົງທັງໝົດ ຜ່ານການອອກກົດໝາຍ ເຊິ່ງການເຄື່ອນໄຫວດັ່ງກ່າວນີ້ຂອງຈີນ ອາດສົ່ງຜົນເສຍຕໍ່ຮົງກົງໃນຖານະພື້ນທີ່ທີ່ມີຄວາມເສລີພາບທີ່ສຸດຂອງຈີນ ແລະ ໃນຖານະພື້ນທີ່ທີ່ເປັນສູນກາງການເງິນຂອງໂລກແຫ່ງໜຶ່ງ ທັງຍັງສົ່ງຜົນໃຫ້ປະຊາຊົນອອກມາປະທ້ວງອີກຄັ້ງ.

ໂຄສົກສາທາລະນະປະຊາຊົນຈີນ ໃຫ້ຄວາມເຫັນວ່າ ກົດໝາຍດັ່ງກ່າວມີຄວາມຈຳເປັນຕໍ່ຄວາມໝັ້ນຄົງຂອງຊາດ ທັງຍັງເສີມຄວາມເຂັ້ມແຂງໃຫ້ກັບກົນໄກດ້ານກົດໝາຍຂອງຮົງກົງ.

 

ຮຽບຮຽງຂ່າວ: ພຸດສະດີ

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.