spot_img
Homeຂ່າວຕ່າງປະເທດຈີນຮ່າງກົດໝາຍໃໝ່ "ຫ້າມຄ້າສັດປ່າ ແລະ ຫ້າມກິນຊີ້ນໝາ"

ຈີນຮ່າງກົດໝາຍໃໝ່ “ຫ້າມຄ້າສັດປ່າ ແລະ ຫ້າມກິນຊີ້ນໝາ”

Published on

ເວັບໄຊ posttoday.com ລາຍງານວ່າ ເທດສະການກິນຊີ້ນໝາຊື່ດັງຂອງຈີນເລີ່ມຕົ້ນຂຶ້ນໃນວັນທີ 21-30 ມິຖຸນານີ້ ເຊິ່ງເປັນເທດສະການປະຈຳປີທີ່ເມືອງ ອີ້ຫຼິນ ເຂດປົກຄອງຕົນເອງກວາງຊີຈ້ວງ ຄາດວ່າການຈັດງານໃນປີນີ້ອາດເປັນປີສຸດທ້າຍ ເນື່ອງຈາກວ່າ ມັນໄດ້ສວນທາງກັບການລົນນະລົງຂອງລັດຖະບານຈີນໃນການປັບປຸງສະຫວັດດີການສັດ ແລະ ຫຼຸດຄວາມສ່ຽງຕໍ່ສຸຂະພາບຕໍ່ການບໍລິໂພກຊີ້ນສັດແປກໆ ຫຼັງຈາກເກີດການລະບາດຂອງໄວຣັດໂຄໂຣນາສາຍພັນໃໝ່ ແລະ ເຮັດໃຫ້ປະຊາຄົມໂລກຈັບຕາເບິ່ງພຶດຕິກຳການກິນຊີ້ນສັດປ່າຂອງພົນລະເມືອງຈີນ.

ຕາມປົກກະຕິແລ້ວ, ເທດສະການດັ່ງກ່າວໃນແຕ່ລະປີຈະມີຜູ້ເຂົ້າຮ່ວມງານຫຼາຍພັນຄົນ ແຕ່ນັກລົນນະລົງເພື່ອສິດທິສັດລາຍງານວ່າ ຕົວເລກຜູ້ເຂົ້າຮ່ວມງານໃນປີນີ້ຫຼຸດໜ້ອຍລົງ.

ເມື່ອເດືອນເມສາທີ່ຜ່ານມາ ກະຊວງກະສິກຳຈີນຕັດສິນໃຈທີ່ຈະຈຳແນກໝາໃຫ້ເປັນສັດລ້ຽງແທນທີ່ຈະເປັນປະສຸສັດ (ສັດທີ່ສາມາດກິນໄດ້) ເຊິ່ງຖືເປັນບາດກ້າວສຳຄັນທີ່ຈະນຳໄປສູ່ການບັງຄັບໃຫ້ປະຊາຊົນຢຸດຕິການກິນຊີ້ນໝາທີ່ກໍ່ໃຫ້ເກີດພາບລັກອັນບໍ່ດີຕໍ່ສາຍຕາປະຊາຄົມໂລກ ແລະ ມີບາງເມືອງໄດ້ຫ້າມກິນຊີ້ນໝາເດັດຂາດແລ້ວເຊັ່ນ: ເມືອງ ເຊິນເຈິ້ນ.

ລັດຖະບານຈີນກຳລັງຮ່າງກົດໝາຍໃໝ່ເພື່ອຫ້າມການຄ້າສັດປ່າ ແລະ ປົກປ້ອງສັດລ້ຽງ ເຊິ່ງນັກລົນນະລົງຫວັງວ່າປີນີ້ຈະເປັນປີສຸດທ້າຍທີ່ມີການຈັດງານເທດສະການກິນຊີ້ນໝາ.

 

ຮຽບຮຽງຂ່າວ: ພຸດສະດີ

ບົດຄວາມຫຼ້າສຸດ

ງົດງາມທີ່ສຸດຈາກທົ່ວໂລກ ຕາດກວາງຊີ ແຂວງຫຼວງພະບາງ ຖືຈັດຢູ່ໃນ 21 ນໍ້າຕົກທີ່ສວຍງາມຈາກທົ່ວໂລກ ປີ 2025

ວາລະສານ ການທ່ອງທ່ຽວຊື່ດັງຂອງໂລກ Travel + Leisure ໄດ້ຈັດອັນດັບ Top 21 Most Beautiful Waterfalls in the World...

ໄທເລີ່ມປະຕິບັດແລ້ວ ທະນາຄານເລີ່ມປາບປາມຂະບວນການບັນຊີມ້າ ຖ້າກວດພົບຄວາມສົງໄສ ຈະອາຍັດບັນຊີທັນທີ

ບັນຊີມ້າແມ່ນບັນຊີທະນາຄານທີ່ຖືກນໍາໃຊ້ໂດຍອາດຊະຍາກອນ ເພື່ອເກັບເງິນ ຫຼື ຟອກເງິນທີ່ໄດ້ມາແບບຜິດກົດໝາຍ ແມ່ນບັນຊີທີ່ຖືກຈ້າງໃຫ້ເປີດ ຫຼື ຖືກລັກຂໍ້ມູນໄປໃຊ້ ເພື່ອເປັນທາງຜ່ານຂອງເງິນທີ່ໄດ້ມາຈາກການກະທຳຜິດກົດໝາຍ ລວມທັງການພະນັນ. ໃນຊ່ວງໜຶ່ງອາທິດທີ່ຜ່ານມາ ທາງທະນາຄານເເຫ່ງປະເທດໄທ ເລີ່ມກວດສອບ ແລະ ລົງມືປະຕິບັດຢ່າງເຂັ້ມງວດ ໃນການອາຍັດບັນຊີມ້າ...

ຄວາມຫວັງໃໝ່ຂອງເນປານ ແຕ່ງຕັ້ງລັດຖະມົນຕີຄົນໃໝ່ ໂດຍຈະປະຕິບັດໜ້າຮັກສາການ 6 ເດືອນ

ພາຍຫຼັງຄວາມວຸ່ນວາຍຂອງເຫດການປະທ້ວງໃນປະເທດເນປານ ເຮັດໃຫ້ອະດີດນາຍຍົກລັດຖະມົນຕີໄດ້ລາອອກ ພ້ອມທັງເດີນທາງອອກນອກປະເທດ ນຳພາໃຫ້ເນປານບໍ່ມີຄົນດຳລົງຕໍາເເໜ່ງນາຍົກລັດຖະມົນຕີໃນໄລຍະໜຶ່ງ. ເຊິ່ງໃນວັນທີ 12 ກັນຍາ 2025 ທີ່ຜ່ານມາ, ໄດ້ມີການປະກາດແຕ່ງຕັ້ງ ທ່ານ ນາງ  ສຸຊີລາ ກາກີ ຂຶ້ນຮັບຕໍາແໜ່ງຮັກສາການນາຍົກລັດຖະມົນຕີ...

ສະຫຼົດ! ຊາຍອາຍຸ 26 ປີ (ເສຍຊີວິດ) ຍ້ອນຂັບລົດຕຳງົວ ທີ່ບ້ານວຽງແກ້ວ ເມືອງຈັນທະບູລີ ນະຄອນຫຼວງວຽງຈັນ

ບັນຫາການປ່ອຍສັດຊະຊາຍ ສ່ຽງເຮັດໃຫ້ຄົນອື່ນເກີດອຸບັດຕິເຫດ ເຖິງຂັ້ນເສຍຊີວິດໄດ້. ບັນຫາການປ່ອຍສັດລ້ຽງ (ງົວ, ຄວາຍ, ແບ້, ມ້າ...) ຍັງຄົງຖືກພົບເຫັນເລື້ອຍໆຢູ່ຫຼາຍໆຂົງເຂດ ຕັ້ງແຕ່ເຂດຊານເມືອງຈົນໄປເຖິງໃນເມືອງ. ຈົນກາຍເປັນຄວາມເຄີຍຊິນໄປແລ້ວສຳລັບຜູ້ສັນຈອນໄປມາທີ່ຕ້ອງລະວັງເອງ ແຕ່ບາງຄັ້ງກໍມີອຸບປະຕິເຫດຕາມມາ ເຊັ່ນ: ລົດໃຫຍ່ຕຳງົວ, ລົດຈັກຕຳງົວ,...