spot_img
Homeຂ່າວພາຍ​ໃນຈັບພໍ່ຄ້າຂົນຢາບ້າ 1 ແສນກວ່າເມັດ ໜີຜ່ານດ່ານກວດ

ຈັບພໍ່ຄ້າຂົນຢາບ້າ 1 ແສນກວ່າເມັດ ໜີຜ່ານດ່ານກວດ

Published on

       ເຈົ້າໜ້າທີ່ ປກສ ເມືອງບໍລິຄັນ ຮ່ວມກັບເຈົ້າໜ້າທີ່ ປກສ ກຸ່ມບ້ານນາກຸນ ແລະ ເຈົ້າໜ້າທີ່ປະຈຳປ້ອມກວດທ່າສີ ແຂວງບໍລິຄຳໄຊ ຊ່ວຍກັນສະກັດລົດເກັງນ້ອຍຊູຊູກິສີຂາວ ທີ່ຫຼົບໜີຈາກດ່ານກວດ ໃນວັນທີ 24 ກັນຍາ 2018 ແລະ ເຈົ້າໜ້າທີ່ສາມາດຈັບຕົວ ທ້າວ ກິ່ງຊົ່ງ, ອາຍຸ 35 ປີ ບ້ານນາສາລາ, ເມືອງໄຊທານີ ນະຄອນຫຼວງວຽງຈັນ ໃນວັນທີ 25 ກັນຍາ 2018 ພ້ອມຂອງກາງຢາບ້າ 2 ເປົາ ກັບ 64 ເມັດ ລວມມີ 161.000 ກວ່າເມັດ.

ເຈົ້າໜ້າທີ່ ປກສ ເມືອງບໍລິຄັນ ໃຫ້ຮູ້ວ່າ: ເວລາປະມານ 18:00 ໂມງ ຂອງວັນທີ 24 ກັນຍາ 2018 ໄດ້ມີກຸ່ມຄົນໄປສົ່ງຢາເສບຕິດລະຫວ່າງບ້ານນາກຸນ ຫາ ບ້ານຫວ້າ ເມືອງບໍລິຄັນ ແຂວງບໍລິຄຳໄຊ  ຈື່ງໄດ້ປະສານກຳລັງລົງກວດກາຕິດຕາມການເຄື່ອນໄຫວ ພົບເຫັນລົດເກັງສີຂາວ ທະບຽນ ກນ 9654 ກຳແພງນະຄອນ ໃນຂະນະທີ່ເຈົ້າໜ້າທີ່ກຳລັງຈະເຂົ້າຈັບກຸມຕົວ ແຕ່ເປົ້າໝາຍຮູ້ໂຕຈື່ງໄດ້ຫຼົບໜີໄປທາງປ້ອມທາສີ ມຸ່ງໜ້າມາທາງບ້ານແຄນຢ່ອງ ເມືອງ ບໍລິຄັນ. ເຈົ້າໜ້າທີ່ຈຶ່ງໄດ້ຂັບລົດໄລ່ຕິດຕາມຈົນຮອດເວລາ 11:00 ໂມງ ຂອງວັນທີ 25 ກັນຍາ 2018 ຈຶ່ງສາມາດກັກຕົວໄດ້. ໃນເບື້ອງຕົ້ນພົບຢາຕິດຕົວ ຈຳນວນ 64 ເມັດ ແລະ ໄດ້ສອບສວນຈຶ່ງຮູ້ວ່າມີຢາບ້າ ຈຳນວນ 2 ເປົາ ຊຸກເຊື່ອງໄວ້ແຄມປ່າໃກ້ກັບສວນໝາກນັດ. ສະນັ້ນ, ເຈົ້າໜ້າທີ່ຈື່ງນຳໄປຊີ້ຈຸດພົບຕື່ມອີກ 80 ເມັດ ແລະ 8 ຖົງນ້ອຍ ລວມຢາບ້າທັງໝົດ 161.000 ກວ່າເມັດ”.

ພາຍຫຼັງເຈົ້າໜ້າທີ່ຈັບຕົວ ຜູ້ກ່ຽວສາລະພາບວ່າ: ” ໃນເດືອນ ກັນຍາ 2018 ມີຜູ້ຮ່ວມຂະບວນການເອົາຢາບ້າມາໃຫ້ຜູ້ກ່ຽວຢູ່ເຮືອນ ຈຳນວນ 2 ເປົາ, ຕໍ່ມາ ວັນທີ 24 ກັນຍາ 2018 ເວລາປະມານ 13:00 ໂມງ ຕົນກັບລູກຊາຍ ເອົາຢາດັ່ງກ່າວຂຶ້ນໃສ່ໃນລົດເກັງຊູຊູກິ ທະບຽນ ກນ 9654 ກຳແພງນະຄອນ ເພື່ອຈະເອົາໄປໃຫ້ຂະບວນການຢູ່ ບ້ານຖ້ຳດິນ ເມືອງລອງຊານ ແຂວງໄຊສົມບູນ. ຈາກນັ້ນ, ຂັບລົດມາທາງເມືອງປາກຊັນ ມຸ້ງໜ້າໄປທາງບ້ານທ່າສີ ຫາ ບ້ານນາກຸນ ເມືອງບໍລິຄັນ ເຊິ່ງໄດ້ເກີດອຸບັດຕິເຫດຕຳກັບລົດຈັກ ຈຶ່ງໂຄ້ງກັບຄືນມາທາງບ້ານທ່າສີ ເພື່ອໄປໂຮງໝໍ. ພໍຂີ່ລົດມາຮອດປ້ອມຕຳຫຼວດ ເຫັນເຈົ້າໜ້າທີ່ກຳລັງລັດລົດ ຕົນຈຶ່ງໄດ້ຂັບລົດຜ່າດ່ານໄປ ແລ້ວເຈົ້າໜ້າທີ່ກໍໄລ່ຕິດຕາມ. ພໍຂັບຂີ່ມາຮອດຕີນພູແຫ່ງໜຶ່ງໄດ້ຈອດລົດ ແລ້ວເອົາຢາບ້າຈຳນວນ 2 ເປົາ ລົງໄປເຊື່ອງໄວ້ປ່າແຄມທາງຕີນພູໃກ້ກັບສວນໝາກນັດ ແລ້ວຂີ່ລົດກັບຄືນໄປທາງບ້ານ ທ່າສີ ຈຶ່ງຖືກເຈົ້າໜ້າທີ່ກັກຕົວ”.

 

 

 

 

 

ຮຽບຮຽງໂດຍ: ໃບບົວ ຈັນທະລັງສີ

ແຫຼ່ງຂໍ້ມູນຈາກ: ໜັງສືພິມຄວາມສະຫງົບ

ບົດຄວາມຫຼ້າສຸດ

ຕຳກາງອາກາດ ເຫດລົດບິນຕໍາກັນກາງອາກາດຢູ່ເມືອງສາງຊຸນ ສປ.ຈີນ ໃນລະຫວ່າງຊ້ອມການສະແດງເປີດໂຕລົດບິນໄດ້

ໃນວັນທີ 18/09/2025 ມີລາຍງານຈາກສຳນັກຂ່າວປະເທດຈີນ ເກີດອຸບປະຕິເຫດ ລົດບິນຕໍາກັນລະຫວ່າງຊ້ອມການສະແດງ ທີ່ເມືອງສາງຊຸນ ຂອງປະເທດຈີນ ລາຍງານມີຜູ້ບາດເຈັບ 1 ຄົນ. ອຸບບັດຕິເຫດດັ່ງກ່າວໄດ້ເກີດຂຶ້ນໃນຕອນທີ່ບໍລິສັດ Xpeng ຂອງປະເທດຈີນ ໄດ້ຈັດງານສະແດງເປີດໂຕລົດບິນ. ສະແດງເຖິງເຕັກໂລໂນຊີທີ່ທັນສະໄໝ...

ຍ້ອນຫຼັບໃນ! ກະບະລີໂວ້ຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ

ກະບະລີໂວ້ຫຼັບໃນຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ ຢູ່ບ້ານດ້ານຊ້າງ ເມືອງໄຊທານີ ນະຄອນຫຼວງວຽງຈັນ ເຈົ້າໜ້າທີ່ ປກສ ເມືອງໄຊທານີ ນະຄອນຫຼວງວຽງຈັນ ໃຫ້ຮູ້ວ່າ:...

ທັງໜ້າຕາດີ ທັງຈິດໃຈດີ Felix Stray kids ໃນ 2 ປີທີ່ (2024-2025) Felix ໄດ້ບໍລິຈາກໃຫ້ປະເທດລາວ ລວມມູນຄ່າທັງໝົດປະມານ 3 ຕື້ກີບ

ທັງໜ້າຕາດີ ທັງຈິດໃຈດີ Felix Stray kids ຂອບໃຈທີ່ໃຫ້ການສະໜັບສະໜູນມາຕະຫຼອດ 2 ປີ (2024-2025) ທີ່ໄດ້ເຂົ້າມາຊ່ວຍເຫຼືອເດັກນ້ອຍໃນປະເທດລາວໃຫ້ມີຊີວິດການເປັນຢູ່ ແລະ ສະພາບເວດລ້ອມທີ່ດີຂຶ້ນ, ໃນ 2...

ຕ້ອງກະກຽມຂໍ້ມູນຫຍັງແນ່ ເພື່ອຂຽນປະກອບເອກະສານເຮັດບັດປະຈໍາຕົວດິຈິຕອນ ກຽມພ້ອມໄວ້ ເພື່ອຄວາມສະດວກ ແລະ ວ່ອງໄວ

ໃນປັດຈຸບັນໃນນະຄອນຫຼວງວຽງຈັນສາມາດເຮັດບັດປະຈໍາຕົວໄດ້ແລ້ວ ຢູ່ທີ່ກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ບ້ານແສງສະຫວ່າງ ເມືອງໄຊເສດຖາ ນະຄອນຫຼວງວຽງຈັນ ເຊິ່ງກ່ອນທີ່ຈະເຮັດບັດປະຈຳຕົວດິຈິຕອນແມ່ນ ຕ້ອງໄດ້ຊື້ແບບຟອມປະກອບຂໍ້ມູນ ລາຄາ 30,000 ກີບ ແລະ ຈະເປີດບໍລິການເຮັດບັດປະຈຳຕົວໃນທົ່ວປະເທດໃນຕົ້ນເດືອນຕຸລາ...