spot_img
Homeຂ່າວພາຍ​ໃນງານວາງສະແດງຜະລິດຕະພັນລາວ (Made In Laos) ຄັ້ງທີ 4 ຈະຈັດຂື້ນທ້າຍເດືອນນີ້

ງານວາງສະແດງຜະລິດຕະພັນລາວ (Made In Laos) ຄັ້ງທີ 4 ຈະຈັດຂື້ນທ້າຍເດືອນນີ້

Published on

ຮອງປະທານສະພາການຄ້າ ແລະ ອຸດສາຫະກຳແຫ່ງຊາດ ໄດ້ຖະແຫຼ່ງຕໍ່ສື່ມວນຊົນ ຢູ່ສະມາຄົມນັກຂ່າວແຫ່ງ ສປປ ລາວ ໃນວັນທີ 14 ພະຈິກນີ້ວ່າ: ສະພາການຄ້າ ແລະ ອຸດສາຫະກຳແຫ່ງຊາດ ຮ່ວມກັບທ້ອງຖິ່ນ, ກຸ່ມທຸລະກິດ ແລະ ສູນການຄ້າລາວ-ໄອເຕັກ ຈະຈັດງານວາງສະແດງຜະລິດຕະພັນລາວ (Made In Laos) ຄັ້ງທີ 4 ປະຈຳປີ 2016 ຂຶ້ນ, ໃນລະຫວ່າງວັນທີ 28 ພະຈິກ – 4 ທັນວາທີ່ຈະມາເຖິງ, ຢູ່ສູນການຄ້າລາວ-ໄອເຕັກຕຶກເກົ່າ ເປັນການຊຸກຍູ້ສົ່ງເສີມການຜະລິດເປັນສິນຄ້າພາຍໃນ ແລະ ເພື່ອຊຸກຍູ້ສົ່ງເສີມຄວາມເຂັ້ມແຂງ ໃຫ້ແກ່ຜູ້ປະກອບການ, ໂດຍສະເພາະແມ່ນການສ້າງເງື່ອນໄຂ ແລະ ຜູ້ດຳເນີນການຜະລິດ ແລະ ທຸລະກິດອື່ນໆ ໄດ້ມີໂອກາດແລກປ່ຽນບົດຮຽນ ແລະ ປະສົບການຕ່າງໆ, ພ້ອມທັງສາມາດຊອກຫາຄູ່ຄ້າຕ່າງປະເທດຫຼາຍຂຶ້ນ.

ຮອງປະທານສະພາການຄ້າ ແລະ ອຸດສາຫະກຳແຫ່ງຊາດ ໃຫ້ຮູ້ວ່າ: ງານວາງສະແດງຜະລິດຕະພັນລາວ ຈັດຂຶ້ນຄັ້ງທຳອິດໃນປີ 2011, ໂດຍຈຸດປະສົງຫຼັກຂອງງານດັ່ງກ່າວ ແມ່ນເພື່ອເຕົ້າໂຮມພະລິດຕະພັນທີ່ມີຄວາມໂດດເດັ່ນ, ມີເອກະລັກ, ມີຄຸນນະພາບ ແລະ ເປັນຫົວຄິດປະດິດສ້າງຂອງຄົນລາວ ຫຼື ນັກລົງທຶນຕ່າງປະເທດ ທີ່ນຳໃຊ້ວັດຖຸດີບພາຍໃນ ຫຼື ນຳເຂົ້າຈາກຕ່າງປະເທດມາຜະລິດເປັນສິນຄ້າ, ພ້ອມທັງເປັນການແລກປ່ຽນບົດຮຽນ ປະສົບການນຳກັນລະຫວ່າງຜູ້ປະກອບການ, ເປັນຕົ້ນແມ່ນການປັບປຸງຄຸນນະພາບສິນຄ້າ ແລະ ການບໍລິການໃຫ້ເປັນທີ່ຍອມຮັບຂອງຕະຫຼາດ, ເພື່ອສາມາແຂ່ງຂັ້ນກັບບັນດາປະເທດອາຊຽນໄດ້ ແລະ ສາກົນໄດ້, ພ້ອມເປັນການດຶງດູດນັກທ່ອງທ່ຽວ ແລະ ນັກລົງທືນຕ່າງປະເທດເຂົາມາລາວຫຼາຍຂື້ນ. ພິເສດສຳລັບປີນີ້ຈະມີສິນຄ້າ ແລະ ຜະລິດຕະພັນພາຍໃນ ເຂົ້າຮ່ວມວາງສະແດງປະມານ 200 ກວ່າຮ້ານຄື: ສິນຄ້າຫັດຖະກຳ, ອຸດສາຫະກຳ, ອັນຍະມະນີ, ເຟີນິເຈີ້, ຕັດຫຍິບ, ການຢາ, ທ່ອງທ່ຽວ, ການບໍລິການລວມເຖິງສິນຄ້າ ໜຶ່ງເມືອງໜຶ່ງຜະລິດຕະພັນອີກດ້ວຍ.

 

ແຫລ່ງຂ່າວ:

ລພນ

ຕິດຕາມເຮົາທາງFacebook ກົດຖືກໃຈເລີຍ!

ບົດຄວາມຫຼ້າສຸດ

ຍ້ອນຫຼັບໃນ! ກະບະລີໂວ້ຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ

ກະບະລີໂວ້ຫຼັບໃນຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ ຢູ່ບ້ານດ້ານຊ້າງ ເມືອງໄຊທານີ ນະຄອນຫຼວງວຽງຈັນ ເຈົ້າໜ້າທີ່ ປກສ ເມືອງໄຊທານີ ນະຄອນຫຼວງວຽງຈັນ ໃຫ້ຮູ້ວ່າ:...

ທັງໜ້າຕາດີ ທັງຈິດໃຈດີ Felix Stray kids ໃນ 2 ປີທີ່ (2024-2025) Felix ໄດ້ບໍລິຈາກໃຫ້ປະເທດລາວ ລວມມູນຄ່າທັງໝົດປະມານ 3 ຕື້ກີບ

ທັງໜ້າຕາດີ ທັງຈິດໃຈດີ Felix Stray kids ຂອບໃຈທີ່ໃຫ້ການສະໜັບສະໜູນມາຕະຫຼອດ 2 ປີ (2024-2025) ທີ່ໄດ້ເຂົ້າມາຊ່ວຍເຫຼືອເດັກນ້ອຍໃນປະເທດລາວໃຫ້ມີຊີວິດການເປັນຢູ່ ແລະ ສະພາບເວດລ້ອມທີ່ດີຂຶ້ນ, ໃນ 2...

ຕ້ອງກະກຽມຂໍ້ມູນຫຍັງແນ່ ເພື່ອຂຽນປະກອບເອກະສານເຮັດບັດປະຈໍາຕົວດິຈິຕອນ ກຽມພ້ອມໄວ້ ເພື່ອຄວາມສະດວກ ແລະ ວ່ອງໄວ

ໃນປັດຈຸບັນໃນນະຄອນຫຼວງວຽງຈັນສາມາດເຮັດບັດປະຈໍາຕົວໄດ້ແລ້ວ ຢູ່ທີ່ກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ບ້ານແສງສະຫວ່າງ ເມືອງໄຊເສດຖາ ນະຄອນຫຼວງວຽງຈັນ ເຊິ່ງກ່ອນທີ່ຈະເຮັດບັດປະຈຳຕົວດິຈິຕອນແມ່ນ ຕ້ອງໄດ້ຊື້ແບບຟອມປະກອບຂໍ້ມູນ ລາຄາ 30,000 ກີບ ແລະ ຈະເປີດບໍລິການເຮັດບັດປະຈຳຕົວໃນທົ່ວປະເທດໃນຕົ້ນເດືອນຕຸລາ...

ອົບພະຍົບຫຼາຍກວ່າ 1,000 ຄົນ ເຫດໄຟໄໝ້ເຂດຊຸມຊົນແອອັດ ໃນນະຄອນຫຼວງມະນິລາ ປະເທດຟິລິປິນ

ເກີດເຫດໄຟໄໝ້ຮຸນແຮງຢູ່ເຂດຊຸມຊົນແອອັດ ໃນເມືອງຫຼວງຂອງຟິລິບປິນ ປະຊາຊົນຫຼາຍກວ່າ 500 ຄອບຄົວບໍ່ມີທີ່ຢູ່ອາໄສ. ສຳນັກຂ່າວຕ່າງປະເທດລາຍງານວ່າ: ໃນວັນທີ 15 ກັນຍາ 2025 ຜ່ານມາ, ເກີດເຫດໄຟໄໝ້ຮຸນແຮງໃນຊ່ວງກາງຄືນໃນດເຂດຊຸມຊົນ ແຮບປີ້ແລນ ເຮັດໃຫ້ອາຄານບ້ານເຮຶືອນໄດ້ຮັບຄວາມເສຍຫາຍຫຼາຍຮ້ອຍຫຼັງ ເຮັດໃຫ້ປະຊາຊົນກວ່າ...