spot_img
Home​ຂ່າວທ່ອງທ່ຽວງານບຸນຊ້າງປີນີ້ ຈະມີຫລາຍກິດຈະກຳທີ່ໜ້າສົນໃຈ ຫລາຍກວ່າທຸກປີ

ງານບຸນຊ້າງປີນີ້ ຈະມີຫລາຍກິດຈະກຳທີ່ໜ້າສົນໃຈ ຫລາຍກວ່າທຸກປີ

Published on

ການຈັດງານມະຫະກຳບຸນຊ້າງປີ 2017 ທາງແຂວງໄຊຍະບູລີ ຈະຍົກລະດັບໃຫ້ສູງກວ່າປີກ່ອນໆ ໂດຍຈະເນັ້ນໜັກກິດຈະກຳຫລັກໆ ຂອງບຸນ ແມ່ນຈະມີການສະເເດງຂອງຊ້າງຄຳຮູ້ ໃຫ້ມີຄວາມຫລາກຫລາຍຂຶ້ນ ເມື່ອທຽບໃສ່ຫລາຍໆຄັ້ງຜ່ານມາ ເພື່ອໃຫ້ບັນດາແຂກທັງພາຍໃນ ແລະ ຕ່າງປະເທດໄດ້ຮັບຊົມ ມີຄວາມປະທັບໃຈ ແລະ ເພິ່ງພໍໃຈ ແນໃສ່ດຶງດູດນັກທ່ອງທ່ຽວ ໃຫ້ເພີ່ມຂຶ້ນກວ່າທຸກໆປີ.

ທ່ານ ຍັນຍົງ ສີປະເສີດ ຮອງເຈົ້າແຂວງໄຊຍະບູລີ ໃນນາມປະທານຮັບຜິດຊອບການຈັດງານ ໄດ້ຖະແຫລງຕໍ່ສື່ມວນຊົນ ໃນທ້າຍອາທິດຜ່ານມາວ່າ: ໃນບຸນປີນີ້ຈະມີຊ້າງເຂົ້າຮ່ວມ 68 ເຊືອກ ໂດຍພາຍໃນງານຈະມີກິດຈະກຳກ່ຽວກັບຊ້າງຫລາຍລາຍການເຊັ່ນ: ຂະບວນແຫ່ຊ້າງ 68 ເຊືອກ, ປະກວດຊ້າງງາມບາສີສູ່ຂວັນຊ້າງການສະເເດງຝຶກແອບຊ້າງ, ການຈັດງານລ້ຽງຊ້າງ ຫລື ບຸບເຟຊ້າງ, ການເອົາຊ້າງອາບນ້ຳ, ການສະເເດງຊ້າງຄຳຮູ້, ການບໍລິການຂີ່ຊ້າງ ແລະ ອື່ນໆອີກຫລາຍກິດຈະກຳ.

ນອກຈາກກິດຈະກຳຂອງຊ້າງຍັງ ມີການໂຄສະນາຂາຍສິນຄ້າປະເພດຕ່າງໆ ຈາກຫລາຍພາກສ່ວນທັງພາຍໃນ ແລະ ຕ່າງປະເທດ, ການສະເເດງສິລະປະວັນນະຄະດີ ຈາກພາຍໃນແຂວງ, ຈາກກອງສິລະປະກອນແຫ່ງຊາດ ແລະ ກົມກອງຕ່າງໆໃນເເຕ່ລະຄືນ ມີການສະເເດງດົນຕີ ເທິງເວທີຂອງຜູ້ສະໜັບສະໜູນບຸນ ແລະ ພາກສ່ວນອື່ນໆຫລາຍລາຍການ, ມີການສະເເດງວາງຂາຍຜະລິດຕະພັນ, ອາຫານພື້ນບ້ານທີ່ ເປັນເອກະລັກຂອງທ້ອງຖີ່ນຢ່າງຫລວງຫລາຍ.

ສ່ວນກຳນົດງານ ແມ່ນຈະຈັດຂຶ້ນໃນລະຫວ່າງວັນທີ 13-19 ກຸມພາ ແຕ່ມື້ທາງການ ແມ່ນວັນທີ 17-19 ກຸມພາ 2017 ຈຶ່ງຂໍເຊີນຊວນບັນດາທ່ານ ກໍຄືນັກທ່ອງທ່ຽວຈາກພາຍໃນ ແລະ ຕ່າງປະເທດເຂົ້າ ຮ່ວມທ່ຽວຊົມງານມະຫະກຳບຸນຊ້າງ ຢູ່ແຂວງໄຊຍະບູລີ ເມື່ອໄດ້ມາເຫັນມາຊົມແລ້ວ ບັນດາທ່ານຈະຕິດອົກຕິດໃຈ, ມີຄວາມປະທັບໃຈຫລາຍກວ່າປີຜ່ານໆມາຢ່າງແນ່ນອນ.

 

ແຫລ່ງຂ່າວ:

ຂປລ

ຕິດຕາມເຮົາທາງFacebook ກົດຖືກໃຈເລີຍ!

ບົດຄວາມຫຼ້າສຸດ

ຕຳກາງອາກາດ ເຫດລົດບິນຕໍາກັນກາງອາກາດຢູ່ເມືອງສາງຊຸນ ສປ.ຈີນ ໃນລະຫວ່າງຊ້ອມການສະແດງເປີດໂຕລົດບິນໄດ້

ໃນວັນທີ 18/09/2025 ມີລາຍງານຈາກສຳນັກຂ່າວປະເທດຈີນ ເກີດອຸບປະຕິເຫດ ລົດບິນຕໍາກັນລະຫວ່າງຊ້ອມການສະແດງ ທີ່ເມືອງສາງຊຸນ ຂອງປະເທດຈີນ ລາຍງານມີຜູ້ບາດເຈັບ 1 ຄົນ. ອຸບບັດຕິເຫດດັ່ງກ່າວໄດ້ເກີດຂຶ້ນໃນຕອນທີ່ບໍລິສັດ Xpeng ຂອງປະເທດຈີນ ໄດ້ຈັດງານສະແດງເປີດໂຕລົດບິນ. ສະແດງເຖິງເຕັກໂລໂນຊີທີ່ທັນສະໄໝ...

ຍ້ອນຫຼັບໃນ! ກະບະລີໂວ້ຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ

ກະບະລີໂວ້ຫຼັບໃນຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ ຢູ່ບ້ານດ້ານຊ້າງ ເມືອງໄຊທານີ ນະຄອນຫຼວງວຽງຈັນ ເຈົ້າໜ້າທີ່ ປກສ ເມືອງໄຊທານີ ນະຄອນຫຼວງວຽງຈັນ ໃຫ້ຮູ້ວ່າ:...

ທັງໜ້າຕາດີ ທັງຈິດໃຈດີ Felix Stray kids ໃນ 2 ປີທີ່ (2024-2025) Felix ໄດ້ບໍລິຈາກໃຫ້ປະເທດລາວ ລວມມູນຄ່າທັງໝົດປະມານ 3 ຕື້ກີບ

ທັງໜ້າຕາດີ ທັງຈິດໃຈດີ Felix Stray kids ຂອບໃຈທີ່ໃຫ້ການສະໜັບສະໜູນມາຕະຫຼອດ 2 ປີ (2024-2025) ທີ່ໄດ້ເຂົ້າມາຊ່ວຍເຫຼືອເດັກນ້ອຍໃນປະເທດລາວໃຫ້ມີຊີວິດການເປັນຢູ່ ແລະ ສະພາບເວດລ້ອມທີ່ດີຂຶ້ນ, ໃນ 2...

ຕ້ອງກະກຽມຂໍ້ມູນຫຍັງແນ່ ເພື່ອຂຽນປະກອບເອກະສານເຮັດບັດປະຈໍາຕົວດິຈິຕອນ ກຽມພ້ອມໄວ້ ເພື່ອຄວາມສະດວກ ແລະ ວ່ອງໄວ

ໃນປັດຈຸບັນໃນນະຄອນຫຼວງວຽງຈັນສາມາດເຮັດບັດປະຈໍາຕົວໄດ້ແລ້ວ ຢູ່ທີ່ກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ບ້ານແສງສະຫວ່າງ ເມືອງໄຊເສດຖາ ນະຄອນຫຼວງວຽງຈັນ ເຊິ່ງກ່ອນທີ່ຈະເຮັດບັດປະຈຳຕົວດິຈິຕອນແມ່ນ ຕ້ອງໄດ້ຊື້ແບບຟອມປະກອບຂໍ້ມູນ ລາຄາ 30,000 ກີບ ແລະ ຈະເປີດບໍລິການເຮັດບັດປະຈຳຕົວໃນທົ່ວປະເທດໃນຕົ້ນເດືອນຕຸລາ...