spot_img
Homeຂ່າວຕ່າງປະເທດຄົນຮ້າຍທີ່ຂັບລົດຕໍາຂະບວນຄຣິສມາສຢູ່ອາເມລິກາ ເຄີຍກໍ່ເຫດຂັບລົດຕໍາເມຍຕົນເອງມາກ່ອນ!

ຄົນຮ້າຍທີ່ຂັບລົດຕໍາຂະບວນຄຣິສມາສຢູ່ອາເມລິກາ ເຄີຍກໍ່ເຫດຂັບລົດຕໍາເມຍຕົນເອງມາກ່ອນ!

Published on

ເຫດເກີດເມື່ອວັນທີ 22 ພະຈິກ 2021 ຢູ່ທີ່ເມືອງ Waukesha ລັດ Wisconsin ໄດ້ມີລົດ SUV ຄັນໜຶ່ງ ຂັບໄປຕໍາຂະບວນຄຣິສມາສ ທີ່ເຕັມໄປດ້ວຍຜູ້ຄົນ ສົ່ງຜົນໃຫ້ມີຜູ້ເສຍຊີວິດຢ່າງຕໍ່າ 5 ກໍລະນີ ແລະ ໄດ້ຮັບບາດເຈັບອີກ 40 ຄົນ, ຕໍາຫຼວດສາມາດຈັບໂຕຜູ້ກໍ່ເຫດໄດ້ແລ້ວ.

ຜູ້ກໍ່ເຫດມີຊື່ວ່າ ທ້າວ ດາເຣວ ບຣູກ ອາຍຸ 39 ປີ ໂດຍສໍານັກງານອາຍະການເຂດວໍເຄຊາ ໄດ້ຍື່ນຟ້ອງດ້ວຍຂໍ້ຫາຄາດຕະກໍາໂດຍເຈດຕະນາ, ຢ່າງໃດກໍຕາມ ທ້າວ ດາເຣວ ເຄີຍພົວພັນເລື່ອງກົດໝາຍມາຫຼາຍຄັ້ງ ແລະ ຖືກຕັ້ງຂໍ້ຫາຄະດີອາດຊະຍາກໍາມາແລ້ວຢ່າງຕໍ່າ 12 ຄັ້ງ ໃນຊ່ວງ 22 ປີທີ່ຜ່ານມາ ແລະ ເມື່ອປະມານ 3 ອາທິດກ່ອນໜ້າທີ່ເຂົາຈະກັບລົດຕໍາຂະບວນຄຣິສມາສນີ້ ເຂົາກໍໄດ້ຂັບລົດຕໍາເມຍຂອງຕົນເອງ ຈົນຖືກຈັບໄດ້ໃນວັນທີ 2 ພະຈິກ ດ້ວຍຂໍ້ຫາ ເປັນອັນຕະລາຍຕໍ່ຄວາມປອດໄພ, ຂັດຂວາງການເຮັດວຽກຂອງເຈົ້າໜ້າທີ່, ໜີການປະກັນຕົວ, ກໍ່ຄວາມຮຸ່ນແຮງພາຍໃນຄອບຄົວ ແລະ ທໍາຮ້າຍຮ່າງກາຍ.

ປະຫວັດອາດຊະຍາກໍາຂອງເຂົາ ໄດ້ເລີ່ມຕົ້ນຂຶ້ນຕັ້ງແຕ່ຕອນທີ່ເຂົາອາຍຸໄດ້ພຽງ 17 ປີ ໃນປີ 1999 ແລະ ໄດ້ກໍ່ເຫດຫຼາກຫຼາຍຄະດີຈົນເຖິງປັດຈຸບັນ. ໃນນັ້ນຍັງລວມມີຄະດີການລ່ວງລະເມີດທາງເພດອີກດ້ວຍ.

ແຫຼ່ງຂ່າວ: Thairath / mgronline

ບົດຄວາມຫຼ້າສຸດ

ຕຳກາງອາກາດ ເຫດລົດບິນຕໍາກັນກາງອາກາດຢູ່ເມືອງສາງຊຸນ ສປ.ຈີນ ໃນລະຫວ່າງຊ້ອມການສະແດງເປີດໂຕລົດບິນໄດ້

ໃນວັນທີ 18/09/2025 ມີລາຍງານຈາກສຳນັກຂ່າວປະເທດຈີນ ເກີດອຸບປະຕິເຫດ ລົດບິນຕໍາກັນລະຫວ່າງຊ້ອມການສະແດງ ທີ່ເມືອງສາງຊຸນ ຂອງປະເທດຈີນ ລາຍງານມີຜູ້ບາດເຈັບ 1 ຄົນ. ອຸບບັດຕິເຫດດັ່ງກ່າວໄດ້ເກີດຂຶ້ນໃນຕອນທີ່ບໍລິສັດ Xpeng ຂອງປະເທດຈີນ ໄດ້ຈັດງານສະແດງເປີດໂຕລົດບິນ. ສະແດງເຖິງເຕັກໂລໂນຊີທີ່ທັນສະໄໝ...

ຍ້ອນຫຼັບໃນ! ກະບະລີໂວ້ຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ

ກະບະລີໂວ້ຫຼັບໃນຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ ຢູ່ບ້ານດ້ານຊ້າງ ເມືອງໄຊທານີ ນະຄອນຫຼວງວຽງຈັນ ເຈົ້າໜ້າທີ່ ປກສ ເມືອງໄຊທານີ ນະຄອນຫຼວງວຽງຈັນ ໃຫ້ຮູ້ວ່າ:...

ທັງໜ້າຕາດີ ທັງຈິດໃຈດີ Felix Stray kids ໃນ 2 ປີທີ່ (2024-2025) Felix ໄດ້ບໍລິຈາກໃຫ້ປະເທດລາວ ລວມມູນຄ່າທັງໝົດປະມານ 3 ຕື້ກີບ

ທັງໜ້າຕາດີ ທັງຈິດໃຈດີ Felix Stray kids ຂອບໃຈທີ່ໃຫ້ການສະໜັບສະໜູນມາຕະຫຼອດ 2 ປີ (2024-2025) ທີ່ໄດ້ເຂົ້າມາຊ່ວຍເຫຼືອເດັກນ້ອຍໃນປະເທດລາວໃຫ້ມີຊີວິດການເປັນຢູ່ ແລະ ສະພາບເວດລ້ອມທີ່ດີຂຶ້ນ, ໃນ 2...

ຕ້ອງກະກຽມຂໍ້ມູນຫຍັງແນ່ ເພື່ອຂຽນປະກອບເອກະສານເຮັດບັດປະຈໍາຕົວດິຈິຕອນ ກຽມພ້ອມໄວ້ ເພື່ອຄວາມສະດວກ ແລະ ວ່ອງໄວ

ໃນປັດຈຸບັນໃນນະຄອນຫຼວງວຽງຈັນສາມາດເຮັດບັດປະຈໍາຕົວໄດ້ແລ້ວ ຢູ່ທີ່ກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ບ້ານແສງສະຫວ່າງ ເມືອງໄຊເສດຖາ ນະຄອນຫຼວງວຽງຈັນ ເຊິ່ງກ່ອນທີ່ຈະເຮັດບັດປະຈຳຕົວດິຈິຕອນແມ່ນ ຕ້ອງໄດ້ຊື້ແບບຟອມປະກອບຂໍ້ມູນ ລາຄາ 30,000 ກີບ ແລະ ຈະເປີດບໍລິການເຮັດບັດປະຈຳຕົວໃນທົ່ວປະເທດໃນຕົ້ນເດືອນຕຸລາ...