ຄູ່ຮັກໄນຈີເຣຍໄດ້ແຝດ 6 ຄົນ ຫຼັງພະຍາຍາມເອົາລູກເຖິງ 17 ປີ

0
1048

ນາງ ອະຈິໂບລາ ໄທໄວ ຍິງຊາວໄນຈີເຣຍ ໄດ້ເກີດລູກຝາແຝດເຖິງ 6 ຄົນ ດ້ວຍການຜ່າຕັດເອົາລູກອອກ ທີ່ສູນການແພດມະຫາວິທະຍາໄລສາຂາລັດເວີຈີເນຍ ໃນສະຫະລັດເມື່ອບໍ່ດົນມານີ້ ເຊິ່ງຝາແຝດ ທັງ 6 ຄົນນັ້ນເປັນຍິງ 3 ແລະ ຊາຍ 3 ຄົນ ແລະ ທັງໝົດແມ່ນມີສຸຂະພາບແຂງແຮງດີ ແລະ ການຜ່າຕັດເກີດລູກໃນຄັ້ງນີ້ຕ້ອງໄດ້ໃຊ້ທີມແພດເຖິງ 40 ຄົນ.

ເຊຶ່ງຜົວເມຍຄູ່ນີ້ມາຈາກທິດຕະເວັນຕົກຂອງປະເທດໄນຈີເຣຍ ໄດ້ພະຍາຍາມມີລູກນໍາກັນມາເຖິງ 17 ປີ ແລ້ວແຕ່ບໍ່ໄດ້ຜົນ ຈົນມາເຖິງເດືອນ ພະຈິກ 2016 ທີ່ຜ່ານມາ ແພດໄດ້ວິໄຈວ່າ ນາງ ອະຈິໂບລາ ໄດ້ຖືພາ.

ເຊຶ່ງກໍລະນີທີ່ຖືພາລູກຝາແຝດເຖິງ 6 ຄົນນີ້ ມີຄວາມຍາກທີ່ຈະເກີດຂຶ້ນ ໂດຍປີ 2015 ມີເດັກນ້ອຍ 4 ລ້ານກວ່າຄົນເກີດໃນສະຫະລັດ ແລະ ຈໍານວນນີ້ເປັນແຝດ 4 ຄົນຂຶ້ນໄປພຽງ 24 ຄົນເທົ່ານັ້ນ.

ການຜ່າຕັດເກີດລູກຝາແຝດ 6 ຄົນຕ້ອງໃຊ້ຄວາມພະຍາຍາມສູງມາກ ຄືກັບກໍລະນີນີ້ຕ້ອງໃຊ້ແພດເຖິງ 40 ຄົນ ທາງ ດຣ. ຣັສເຊລ ມົວສ໌ ຜູ້ອຳນວຍການແຜນດູແລເດັກອ່ອນຂອງໂຮງໝໍກ່າວວ່າ ກໍລະນີດັ່ງກ່າວຖືເປັນຄວາມສຳເລັດທີ່ໜ້າຕື່ນເຕັ້ນ ແລະ ຈະບໍ່ສາມາດສຳເລັດໄດ້ຫາກທີມງານບໍ່ຮ່ວມມືກັນ.

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.