spot_img
Homeຂ່າວພາຍ​ໃນຄິມ ຈອງອິນ ລົງໂທດເຈົ້າໜ້າທີ່ລັດທີ່ຈັດການ Covid-19 ຜິດພາດພາປະເທດດິ່ງສູ່ວິກິດ

ຄິມ ຈອງອິນ ລົງໂທດເຈົ້າໜ້າທີ່ລັດທີ່ຈັດການ Covid-19 ຜິດພາດພາປະເທດດິ່ງສູ່ວິກິດ

Published on

ຄິມ ຈອງອິນ ຜູ້ນຳສູງສຸດແຫ່ງເກົາຫຼີເໜືອລົງໂທດການນຳລະດັບສູງຂອງລັດຫຼາຍຄົນທີ່ເຮັດວຽກຜິດພາດໃນການຈັດການ Covid-19 ເປັນເຫດພາປະເທດເກົາຫຼີເໜືອຈົມດິ່ງເຂົ້າສູ່ວິກິດຢ່າງບໍ່ສາມາດຫຼີກລ່ຽງໄດ້.

ຕາມການລາຍງານຂ່າວຈາກ BBC, ວິກິດ Covid-19 ໃນເກົາຫຼີເໜືອຄັ້ງນີ້ ຖືເປັນສັນຍານຄວາມຮຸນແຮງທີ່ໂລກພາຍນອກເກືອບບໍ່ເຄີຍໄດ້ຍິນມາກ່ອນ ເພາະຜ່ານມາເກົາຫຼີເໜືອໄດ້ຢືນຢັນວ່າ ບໍ່ມີການຕິດເຊື້ອພາຍໃນປະເທດ ຈົນສ້າງຄວາມສົງໄສໃຫ້ແກ່ຜູ້ຊ່ຽວຊານບໍ່ໜ້ອຍ.

ຫຼ້າສຸດ, ໃນເດືອນເມສາຜ່ານມາ ຄິມ ຈອງອິນ ໄດ້ອອກມາຍອມຮັບວ່າ ປະເທດກຳລັງປະເຊີນປັນຫາຂາດແຄນອາຫານ ພ້ອມເຕືອນໃຫ້ປະຊາຊົນກຽມຮັບມືກັບສະຖານະການອັນຮ້າຍແຮງທີ່ກຳລັງເກີດຂຶ້ນ ເຊິ່ງ ຄິມ ໄດ້ປຽບທຽບກັບສະພາວະໄພອຶດຫິວທີ່ເຄີຍເກີດຂຶ້ນໃນເກົາຫຼີເໜືອ ປີ 1990 ເຮັດໃຫ້ປະຊາຊົນເສຍຊີວິດຈາກໂລກຂາດສານອາຫານປະມານ 3 ລ້ານຄົນ.

ແທນທີ່ຈະຮ່ວມມືກັນຢ່າງຈິງຈັງເພື່ອແກ້ໄຂວິກິດພາຍໃນປະເທດ, ຄິມ ຈອງອິນ ຊໍ້າພັດກ່າວຫາໃສ່ເຈົ້າໜ້າທີ່ລະດັບສູງຂອງລັດຖະບານຜູ້ເປັນຕົ້ນເຫດທີ່ພາໃຫ້ເກີດວິກິດອັນໃຫຍ່ຫຼວງໃນການຮັກສາຄວາມໝັ້ນຄົງຂອງລັດ ແລະ ຄວາມປອດໄພຂອງປະຊາຊົນ, ເຮັດໃຫ້ເຈົ້າໜ້າທີ່ເຫຼົ່ານີ້ຖືກສັ່ງປົດຕຳແໜ່ງ ແຕ່ສື່ບໍ່ໄດ້ລະບຸຊັດເຈນກ່ຽວກັບຄວາມຜິດດັ່ງກ່າວ.

ເຖິງແມ່ນເກົາຫຼີເໜືອຈະນຳໃຊ້ມາດຕະການຄວບຄຸມການແຜ່ລະບາດຂອງ Covid-19 ຢ່າງເຂັ້ມງວດ ໃນຂະນະທີ່ສື່ຂອງທາງການກໍໄດ້ແນະນຳໃຫ້ປະຊາຊົນເຝົ້າລະວັງການຕິດເຊື້ອ, ແຕ່ການຄ້າຂອງເກົາຫຼີເໜືອກັບຈີນ ເຊິ່ງເປັນພັນທະມິດສຳຄັນຊໍ້າພັດຕົກຕໍ່າລົງ ນັບແຕ່ເກົາຫຼີເໜືອປະກາດປິດຊາຍແດນ ສົ່ງຜົນໃຫ້ບໍ່ສາມາດນຳເອົາອາຫານ ແລະ ຢາປົວພະຍາດເຂົ້າປະເທດເກົາຫຼີເໜືອໄດ້.

ອົງການຈັດຕັ້ງຊ່ວຍເຫຼືອຕ່າງໆໄດ້ເຕືອນວ່າ ຈະເກີດວິກິດຂາດແຄນອາຫານ ແລະ ວິກິດເສດຖະກິດທີ່ຮຸນແຮງໃນເກົາຫຼີເໜືອ ເຊິ່ງໃນຊ່ວງສອງສາມເດືອນຜ່ານມາ ມີລາຍງານກ່ຽວກັບການພຸ່ງສູງຂຶ້ນຂອງລາຄາອາຫານ ລວມທັງມີຜູ້ເສຍຊີວິດຈາກຄວາມອຶດຫິວ ແລະ ຈຳນວນຄົນຂໍທານກໍເພີ່ມຂຶ້ນ.

ບົດຄວາມຫຼ້າສຸດ

ຕຳກາງອາກາດ ເຫດລົດບິນຕໍາກັນກາງອາກາດຢູ່ເມືອງສາງຊຸນ ສປ.ຈີນ ໃນລະຫວ່າງຊ້ອມການສະແດງເປີດໂຕລົດບິນໄດ້

ໃນວັນທີ 18/09/2025 ມີລາຍງານຈາກສຳນັກຂ່າວປະເທດຈີນ ເກີດອຸບປະຕິເຫດ ລົດບິນຕໍາກັນລະຫວ່າງຊ້ອມການສະແດງ ທີ່ເມືອງສາງຊຸນ ຂອງປະເທດຈີນ ລາຍງານມີຜູ້ບາດເຈັບ 1 ຄົນ. ອຸບບັດຕິເຫດດັ່ງກ່າວໄດ້ເກີດຂຶ້ນໃນຕອນທີ່ບໍລິສັດ Xpeng ຂອງປະເທດຈີນ ໄດ້ຈັດງານສະແດງເປີດໂຕລົດບິນ. ສະແດງເຖິງເຕັກໂລໂນຊີທີ່ທັນສະໄໝ...

ຍ້ອນຫຼັບໃນ! ກະບະລີໂວ້ຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ

ກະບະລີໂວ້ຫຼັບໃນຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ ຢູ່ບ້ານດ້ານຊ້າງ ເມືອງໄຊທານີ ນະຄອນຫຼວງວຽງຈັນ ເຈົ້າໜ້າທີ່ ປກສ ເມືອງໄຊທານີ ນະຄອນຫຼວງວຽງຈັນ ໃຫ້ຮູ້ວ່າ:...

ທັງໜ້າຕາດີ ທັງຈິດໃຈດີ Felix Stray kids ໃນ 2 ປີທີ່ (2024-2025) Felix ໄດ້ບໍລິຈາກໃຫ້ປະເທດລາວ ລວມມູນຄ່າທັງໝົດປະມານ 3 ຕື້ກີບ

ທັງໜ້າຕາດີ ທັງຈິດໃຈດີ Felix Stray kids ຂອບໃຈທີ່ໃຫ້ການສະໜັບສະໜູນມາຕະຫຼອດ 2 ປີ (2024-2025) ທີ່ໄດ້ເຂົ້າມາຊ່ວຍເຫຼືອເດັກນ້ອຍໃນປະເທດລາວໃຫ້ມີຊີວິດການເປັນຢູ່ ແລະ ສະພາບເວດລ້ອມທີ່ດີຂຶ້ນ, ໃນ 2...

ຕ້ອງກະກຽມຂໍ້ມູນຫຍັງແນ່ ເພື່ອຂຽນປະກອບເອກະສານເຮັດບັດປະຈໍາຕົວດິຈິຕອນ ກຽມພ້ອມໄວ້ ເພື່ອຄວາມສະດວກ ແລະ ວ່ອງໄວ

ໃນປັດຈຸບັນໃນນະຄອນຫຼວງວຽງຈັນສາມາດເຮັດບັດປະຈໍາຕົວໄດ້ແລ້ວ ຢູ່ທີ່ກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ບ້ານແສງສະຫວ່າງ ເມືອງໄຊເສດຖາ ນະຄອນຫຼວງວຽງຈັນ ເຊິ່ງກ່ອນທີ່ຈະເຮັດບັດປະຈຳຕົວດິຈິຕອນແມ່ນ ຕ້ອງໄດ້ຊື້ແບບຟອມປະກອບຂໍ້ມູນ ລາຄາ 30,000 ກີບ ແລະ ຈະເປີດບໍລິການເຮັດບັດປະຈຳຕົວໃນທົ່ວປະເທດໃນຕົ້ນເດືອນຕຸລາ...