spot_img
Homeຂ່າວພາຍ​ໃນຄາຣສະເບີກຮ່ວມສະເຫຼີມສະຫຼອງແຊ້ມກັບແຟນບານ ລິເວີພູ ທົ່ວໂລກດ້ວຍກະປ໋ອງເບຍລຸ້ນພິເສດ

ຄາຣສະເບີກຮ່ວມສະເຫຼີມສະຫຼອງແຊ້ມກັບແຟນບານ ລິເວີພູ ທົ່ວໂລກດ້ວຍກະປ໋ອງເບຍລຸ້ນພິເສດ

Published on

ຄາຣສະເບີກ ຮ່ວມສະເຫຼີມສະຫຼອງການເປັນແຊ້ມລີກສູງສຸດຂອງປະເທດອັງກິດ ຫຼື Premier League ດ້ວຍການເປີດໂຕເບຍກະປ໋ອງລຸ້ນ ລິມິຕິດ ອິດິຊັນ ທີ່ມີຊື່ວ່າ “Champions can’” ໃຫ້ກັບແຟນບານໃນ 25 ປະເທດ ທົ່ວໂລກ.

ໃນກະປ໋ອງລຸ້ນພິເສດນີ້ໄດ້ມີການປັບປ່ຽນຈາກສີຂຽວທີ່ເປັນສີເອກະລັກຂອງ ຄາຣສະເບີກ ມາເປັນສີແດງທີ່ເປັນສີເອກກະລັກຂອງ ລິເວີພູ. ພ້ອມກັນນັ້ນ ກະປ໋ອງລິມິຕິດ ອິດິຊັນ ນີ້ຍັງມີຈຸດເດັ່ນຢູ່ທີ່ກາສັນຍາລັກຮູບນົກຂອງສະໂມສອນລິເວີພູ, ລາຍເຊັນຂອງບັນດານັກເຕະ ແລະ ຍັງໄດ້ປ່ຽນຂໍ້ຄວາມຈາກ “1847 onwards” (ທີ່ສື່ເຖີງປະຫວັດອັນຍາວນານ 173 ປີຂອງ ຄາຣສະເບີກ)ໃຫ້ມາເປັນ “Champions, 2020 onwards”.

ໃນຄໍ່າຄືນຂອງມື້ວານນີ້ Liverpool FC ຖືກຢືນຢັນເປັນທີ່ແນ່ນອນແລ້ວວ່າຈະໄດ້ເປັນແຊ້ມພຣິເມຍລີກປະຈຳລະດູການນີ້  ຫຼັງຈາກທີ່ Manchester City ບຸກໄປແພ້ Chelsea, ຫຼັງຈາກທີ່ Liverpool FC ເອົາຊະນະ Crystal Palace ໃນວັນພຸດທີ່ຜ່ານມາ. ຜ່ານລະດູການທີ່ໜ້າອັດສະຈັນນີ້ເຮັດໃຫ້ Liverpool FC ສາມາດຄວ້າແຊ້ມໄດ້ກ່ອນປິດລະດູການ ທັງທີ່ຍັງເຫຼືອການແຂ່ງຂັນເຖິງ 7 ນັດ.

ແຟນບານທັງ 25 ປະເທດລວມທັງ: ສປປ ລາວ, ອົດສະຕາລີ, ຈີນ, ອິນເດຍ, ໄອແລນ, ມາເລເຊຍ, ສະຫະລັດອາເມລິກາ ແລະ ປະເທດອື່ນໆ ສາມາດຊອກຫາ ຄາຣສະເບີກ ລຸ້ນລິມິຕິດ ອິດິຊັນ ນີ້ໄດ້ຈາກບັນດາຮ້ານຄ້າທີ່ເຂົ້າຮ່ວມໂຄງການໃນໄວໆນີ້ ພ້ອມດຽວກັນນັ່ນການສະເຫຼີມສະຫຼອງດັ່ງກ່າວຍັງຈະສືບຕໍ່ດຳເນີນໄປຜ່ານຊ່ອງທາງອອນໄລ ແລະ ກິດຈະກຳຕ່າງໆທີ່ກ່ຽວຂ້ອງ.

ທ່ານນາງ ຫລຸຍ ບາກ ຫົວໜ້າໜ່ວຍງານອຸປະຖຳຂອງເຄືອ ຄາຣສະເບີກ ໄດ້ກ່າວວ່າ: “ພວກເຮົາຮູ້ສຶກດີໃຈເປັນຢ່າງຍິ່ງທີ່ໄດ້ຮ່ວມສະເຫຼີມສະຫຼອງລະດູການທີ່ໜ້າອັນສະຈັນຂອງທີມໄປພ້ອມໆກັບແຟນບານ ຂອງລິເວີພູ ທົ່ວທຸກມູມໂລກ ເຊິ່ງບົດບາດຂອງ ຄາຣສະເບີກ ຄືການສ້າງປະສົບການທີ່ດີກວ່າເກົ່າໃຫ້ກັບແຟນບານ ແລະ ຫວັງວ່າສິ່ງນີ້ຈະເຮັດໃຫ້ການສະເຫຼີມສະຫຼອງເປັນທີ່ໜ້າຈົດຈຳຍິ່ງຂື້ນ”

ການຮ່ວມມືລະຫວ່າງ ຄາຣສະເບີກ ແລະ ສະໂມສອນລິເວີພູ ຖືວ່າເປັນສາຍສຳພັນທີ່ຍາວນານທີ່ສຸດໃນ ພຣີເມຍລີກ ເຊິ່ງໄດ້ຮ່ວມຄຽງບ່າຄຽງໄຫຼ່ກັນມາທັງໝົດ 27 ລະດູການ. ໃນປີ 2019, ຫ້ອງວິໄຈຂອງ ຄາຣສະເບີກ ທີ່ເມືອງໂຄເປັນເຮເກັນ ຄາຣສະເບີກ ຮ່ວມກັບຜູ້ຊ່ຽວຊານດ້ານການຕົ້ມເບຍ ແລະ ນັກວິທະຍາສາດຂອງພວກເຮົາ ໄດ້ທຳການຄົ້ນຄວ້າ ແລະ ຜະລິດເບຍສູດພິເສດທີ່ເປັນ ສີແດງ ເພື່ອມອບໃຫ້ກັບແຟນບານ ລິເວີພູ ໂດຍສະເພາະ. ການທີ່ເຮັດທຸກຢ່າງບໍ່ວ່າຈະເປັນ ສະຫຼາກ, ແກ້ວ ຈົນເຖີງນໍ້າເບຍທີ່ເປັນສີແດງນັ້້ນ ກໍ່ເພື່ອສະເຫຼີມສະຫຼອງໃຫ້ແກ່ການຕັດສິນໃຈຄັ້ງຍິ່ງໃຫຍ່ຂອງຜູ້ຈັດການທີມ ຜູ້ເປັນຕຳນານ ທ່ານ ບິວ ແຊກລີ ທີ່ໄດ້ປ່ຽນສີເຄື່ອງທຸກຢ່າງມາເປັນສີແດງທັງໝົດ ພ້ອມກັບຄວາມເຊື່ອທີ່ວ່າສີແດງຈະນຳພາໄຊຊະນະມາສູ່ທີມຫຼາຍຂື້ນ.

ທ່ານສາມາດເບິ່ງຂໍ້ມູນເພີ່ມເຕີມຂອງການຮ່ວມມືລະຫວ່າງ ຄາຣສະເບີກ ແລະ ສະໂມສອນ ລິເວີພູ ໄດ້ທີ່:
https://www.carlsberg.com/en/liverpool-fc-by-carlsberg/premier-league-champions-probably/

 

ບົດຄວາມຫຼ້າສຸດ

ສຕລ ປະກາດລາຍຊື່ນັກກິລາທີມຊາດລາວ ຍູ 23 ເຂົ້າຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ.

ປະກາດ 23 ລາຍຊື່ນັກກິລາທີມຊາດລາວ ຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ. ໃນວັນທີ 11 ກໍລະກົດ 2025 ສະຫະພັນບານເຕະແຫ່ງຊາດລາວ (ສຕລ)...

ດາວດວງໃໝ່! ສາຍແສງໃນເວທີສາກົນ ອອດສະກ້າ ນັກກິລາໜຸ່ມນ້ອຍລາວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ

ນ້ອງ ອອດສະກ້າ ອາຍຸ 11 ປີ ໜຸ່ມນ້ອຍແຄ່ງລູກເຂົ້າໜຽວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ ທີ່ປະເທດແອັດສະປາຍ. ກາຍເປັນອີກຂ່າວດີຂອງວົງການກິລາບານເຕະເຍົາວະຊົນລາວ ອີກໜຶ່ງຜົນງານໃນເວທີສາກົນ ທ້າວ ສີນໄຊ ຫຼວງບຸນເຮືອງ ຫຼື...

ເຈົ້າໜ້າທີ່ຕຳຫຼວດໄທຈັບກຸມ ໜຸ່ມຮັກສັດເລືອກທາງຜິດ ຂາຍຢາບ້າເພື່ອຫາເງິນຊື້ອາຫາານໃຫ້ໝາ-ແມວ

ໜຸ່ມໄທຮັກສັດເລືອກທາງຜິດ ຂາຍຢາບ້າເພື່ອຊື້ອາຫານມາລ້ຽງໝາ-ແມວ 30 ກວ່າໂຕ ສຳນັກຂ່າວໄທລັດລາຍງານໃນວັນທີ 9 ກໍລະກົດ 2025 ຜ່ານມາ, ເຈົ້າໜ້າທີ່ຕຳຫຼວດໄທ ຮ່ວມກັບພາກສ່ວນກ່ຽວຂ້ອງໄດ້ລົງພຶ້ນທີ່ເພື່ອແກ້ໄຂບັນຫາຢາເສບຕິດ ຕາມການລາຍງານຂອງພົນລະເມືອງດີວ່າມີກຸ່ມຄົນຄ້າຂາຍຢາເສບຕິດໃນຊຸມຊົນແຫ່ງໜຶ່ງໃນ ຈັງຫວັດ ສຣະແກ້ວ ປະເທດໄທ. ຕາມການລົງພຶ້ນທີ່ຕົວຈິງຂອງເຈົ້າໜ້າທີ່ໄທສາມາດຈັບຕົວຜູ້ຖືກຫາໄດ້ໜຶ່ງຄົນ...

ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ມາຂຶ້ນກັບຄະນະໂຄສະນາອົບຮົມສູນກາງພັກ ຢ່າງເປັນທາງການ

ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ມາຂຶ້ນກັບຄະນະໂຄສະນາອົບຮົມສູນກາງພັກ. ພິທີເຊັນບົດບັກທຶກ ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ຈາກກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ ມາຂຶ້ນກັບຄະນະໂຄສະນາອົບຮົມສູນກາງພັກ ຈັດຂຶ້ນໃນວັນທີ 8 ກໍລະກົດ 2025,...