spot_img
Homeຂ່າວຕ່າງປະເທດຄະນະສອບສວນໂຮນລັງ ເປີດເຜີຍລາຍງານ MH17 ຕົກຍ້ອນວັດຖຸພຸ່ງຕຳກາງອາກາດ

ຄະນະສອບສວນໂຮນລັງ ເປີດເຜີຍລາຍງານ MH17 ຕົກຍ້ອນວັດຖຸພຸ່ງຕຳກາງອາກາດ

Published on

 

ຄະນະກຳມະການຄວາມປອດໄພຂອງໂຮນລັງ ເປີດເຜີຍສາເຫດຖ້ຽວບິນMH17 ຂອງມາເລເຊຍ ແອຣ໌ລາຍ ຕົກມາຈາກ

ການຖືກວັດຖຸພະລັງສູງພຸ່ງເຂົ້າຕຳກາງອາກາດ.

 

ໃນວັນທີ 10 ກັນຍານີ້ ສຳນັກຂ່າວຕ່າງປະເທດລາຍງານວ່າ ຄະນະກຳມະການຄວາມປອດໄພຂອງໂຮນລັງ ເປີດເຜີຍລາຍ

ງານເບື້ອງຕົ້ນ ກ່ຽວກັບສາເຫດການຕົກຂອງເຮືອບິນສາຍການບິນ ມາເລເຊຍ ແອຣ໌ລາຍ ຖ້ຽວບິນ MH17 ໃນພື້ນທີ່

ທາງພາກຕາເວັນອອກຂອງອູແກຣນ ເຊິ່ງລາຍງານດັ່ງກ່າວ ໄດ້ສອດຄ່ອງກັບການຕັ້ງສົມມຸດຕິຖານວ່າ ເຮືອບິນຖືກ

ຂີປະນາວຸດຍິງຕົກ ໂດຍລາຍງານໄດ້ລະບຸວ່າ ສາເຫດການຕົກຂອງຖ້ຽວບິນ MH17 ແມ່ນມາຈາກການຖືກວັດຖຸທີ່ມີ

ພະລັງງານສູງ ພຸ່ງເຂົ້າຕຳລຳຕົວຂອງເຮືອບິນຢູ່ກາງອາກາດ ແລະ ບໍ່ມີສິ່ງບົ່ງຊີ້ໃດໆ ທີ່ລະບຸວ່າ ສາເຫດການຕົກຂອງ

ຖ້ຽວບິນ MH17 ມາຈາກຄວາມຜິດພາດທາງເຕັກນິກ ແລະ ການກະທຳຂອງລູກເຮືອ, ສ່ວນລາຍງານຜົນສະຫລຸບທັງ

ໝົດ ຈະໃຊ້ເວລາປະມານ 1 ປີ.

 

564803-01

 

ສຳລັບການສອບສວນໃນເບື້ອງຕົ້ນນີ້ ແມ່ນໄດ້ຂໍ້ມູນມາຈາກກ່ອງບັນທຶກສຽງໃນຫ້ອງນັກບິນ, ຂໍ້ມູນບັນທຶກການບິນ,

ພາບຖ່າຍດາວທຽມ ແລະ ພາບຖ່າຍອື່ນໆ ລວມທັງຂໍ້ມູນຣາດາ.

 

ຢ່າງໃດກໍຕາມ ຄະນະສອບສວນຂອງໂຮນລັງ ຍັງບໍ່ສາມາດເຂົ້າເຖິງພື້ນທີ່ເຮືອບິນຕົກໄດ້ ເນື່ອງຈາກຍັງຄົງມີການປະທະ

ກັນລະຫວ່າງກອງທັບຂອງລັດຖະບານອູແກຣນ ແລະ ກອງກຳລັງຂອງກຸ່ມແບ່ງແຍກດິນແດນ.

 

ບົດຄວາມຫຼ້າສຸດ

ງົດງາມທີ່ສຸດຈາກທົ່ວໂລກ ຕາດກວາງຊີ ແຂວງຫຼວງພະບາງ ຖືຈັດຢູ່ໃນ 21 ນໍ້າຕົກທີ່ສວຍງາມຈາກທົ່ວໂລກ ປີ 2025

ວາລະສານ ການທ່ອງທ່ຽວຊື່ດັງຂອງໂລກ Travel + Leisure ໄດ້ຈັດອັນດັບ Top 21 Most Beautiful Waterfalls in the World...

ໄທເລີ່ມປະຕິບັດແລ້ວ ທະນາຄານເລີ່ມປາບປາມຂະບວນການບັນຊີມ້າ ຖ້າກວດພົບຄວາມສົງໄສ ຈະອາຍັດບັນຊີທັນທີ

ບັນຊີມ້າແມ່ນບັນຊີທະນາຄານທີ່ຖືກນໍາໃຊ້ໂດຍອາດຊະຍາກອນ ເພື່ອເກັບເງິນ ຫຼື ຟອກເງິນທີ່ໄດ້ມາແບບຜິດກົດໝາຍ ແມ່ນບັນຊີທີ່ຖືກຈ້າງໃຫ້ເປີດ ຫຼື ຖືກລັກຂໍ້ມູນໄປໃຊ້ ເພື່ອເປັນທາງຜ່ານຂອງເງິນທີ່ໄດ້ມາຈາກການກະທຳຜິດກົດໝາຍ ລວມທັງການພະນັນ. ໃນຊ່ວງໜຶ່ງອາທິດທີ່ຜ່ານມາ ທາງທະນາຄານເເຫ່ງປະເທດໄທ ເລີ່ມກວດສອບ ແລະ ລົງມືປະຕິບັດຢ່າງເຂັ້ມງວດ ໃນການອາຍັດບັນຊີມ້າ...

ຄວາມຫວັງໃໝ່ຂອງເນປານ ແຕ່ງຕັ້ງລັດຖະມົນຕີຄົນໃໝ່ ໂດຍຈະປະຕິບັດໜ້າຮັກສາການ 6 ເດືອນ

ພາຍຫຼັງຄວາມວຸ່ນວາຍຂອງເຫດການປະທ້ວງໃນປະເທດເນປານ ເຮັດໃຫ້ອະດີດນາຍຍົກລັດຖະມົນຕີໄດ້ລາອອກ ພ້ອມທັງເດີນທາງອອກນອກປະເທດ ນຳພາໃຫ້ເນປານບໍ່ມີຄົນດຳລົງຕໍາເເໜ່ງນາຍົກລັດຖະມົນຕີໃນໄລຍະໜຶ່ງ. ເຊິ່ງໃນວັນທີ 12 ກັນຍາ 2025 ທີ່ຜ່ານມາ, ໄດ້ມີການປະກາດແຕ່ງຕັ້ງ ທ່ານ ນາງ  ສຸຊີລາ ກາກີ ຂຶ້ນຮັບຕໍາແໜ່ງຮັກສາການນາຍົກລັດຖະມົນຕີ...

ສະຫຼົດ! ຊາຍອາຍຸ 26 ປີ (ເສຍຊີວິດ) ຍ້ອນຂັບລົດຕຳງົວ ທີ່ບ້ານວຽງແກ້ວ ເມືອງຈັນທະບູລີ ນະຄອນຫຼວງວຽງຈັນ

ບັນຫາການປ່ອຍສັດຊະຊາຍ ສ່ຽງເຮັດໃຫ້ຄົນອື່ນເກີດອຸບັດຕິເຫດ ເຖິງຂັ້ນເສຍຊີວິດໄດ້. ບັນຫາການປ່ອຍສັດລ້ຽງ (ງົວ, ຄວາຍ, ແບ້, ມ້າ...) ຍັງຄົງຖືກພົບເຫັນເລື້ອຍໆຢູ່ຫຼາຍໆຂົງເຂດ ຕັ້ງແຕ່ເຂດຊານເມືອງຈົນໄປເຖິງໃນເມືອງ. ຈົນກາຍເປັນຄວາມເຄີຍຊິນໄປແລ້ວສຳລັບຜູ້ສັນຈອນໄປມາທີ່ຕ້ອງລະວັງເອງ ແຕ່ບາງຄັ້ງກໍມີອຸບປະຕິເຫດຕາມມາ ເຊັ່ນ: ລົດໃຫຍ່ຕຳງົວ, ລົດຈັກຕຳງົວ,...