spot_img
Homeມູມໄອທີລາວຄອມພິວເຕີເຈົ້າອາດຕິດໄວຣັສ ຖ້າມັກເຮັດຕາມ 9 ສິ່ງນີ້

ຄອມພິວເຕີເຈົ້າອາດຕິດໄວຣັສ ຖ້າມັກເຮັດຕາມ 9 ສິ່ງນີ້

Published on

010430l720gnz27970j728

1.ມືໄວ ໃຈໄວ
ຖ້າ ມີອີ່ຫຍັງຂື້ນມາໃນໜ້າຈໍທ່ານ ແລ້ວທ່ານມັກໄປກົດຮັບໂດຍບໍ່ອ່ານຫຼືຄິດອີ່ຫຍັງເລີຍ ເຊັ່ນ ການກົດປຸ່ມ Yes ຫຼື Accept ອາດເຮັດໃຫ້ເຄື່ອງຂອງເຮົາຕິດໄວຣັສໂດຍບໍ່ຮູ້ໂຕ ແຖມເຮົາອາດເປັນໂຕເຜີຍແຜ່ໄວຣັສກໍໄດ້ ດັ່ງນັ້ນເຮົາຄວນອ່ານຂໍ້ຄວາມກ່ອນທີ່ຈະກົດປຸ່ມ Yes ຫຼື Accept

2.ບໍ່ມັກອັບເດດໂປຣແກຣມສະແກນໄວຣັສ
ຄົນເຮົາມັກຄິດວ່າໂປຣແກຣມທີ່ມີຢູ່ມັນດີຢູ່ແລ້ວ ກໍເລີຍວາງໃຈແລ້ວບໍ່ມັກອັບເດດໂປຣແກຣມ ຢ່າລືມວ່າຄົນທີ່ປ່ອຍໄວຣັສນັ້ນເຂົາອັບເດດໄວຣັສໃໝ່ໆ ຕະຫຼອດຖ້າເຮົາບໍ່ອັບເດດໂປຣແກຣມ ໂຕສະແກນທີເຮົາມີຢູ່ກໍຈະນຳບໍ່ທັນໄວຣັສໂຕໃຫມ່ໆ ດັ່ງນັ້ນຖ້າບໍ່ຢາກໃຫ້ເຄື່ອງເຮົາຕິດໄວຣັສກໍຕ້ອງໝັ່ນອັບເດດໂປຣແກຣມຢູ່ຕະຫຼອດ ເພື່ອເປັນການປ້ອງກັນການຕິດໄວຣັສ ຫາກບໍ່ຕ້ອງການອັບເດດຕະຫຼອດ ກໍຄວນຕັ້ງເວລາສະແກນອັດຕະໂນມັດເລີຍຈະດີກວ່າ

3.ບໍ່ຢາກເສຍເວລາສະແກນເຄື່ອງ
ຄົນ ສ່ວນຫຼາຍບໍ່ມັກສະແກນເຄື່ອງ ເພາະຢ້ານເສຍເວລາ ແຕ່ຢ່າລືມວ່າຖ້າເຄື່ອງເຮົາມີໄວຣັສເຂົ້າຈະຍິ່ງເສຍເວລາຫຼາຍກວ່າເກົ່າ ເພາະເຮົາຕ້ອງມາຟໍແມັດຫຼືລົງ Windows ໃໝ່ ເຮັດໃຫ້ເສຍເວລາກວ່າຈະໄດ້ໃຊ້ງານເປັນປົກກະຕິຄືເກົ່າ ດັ່ງນັ້ນ ເຮົາກໍຄວນຈະສະແກນເຄື່ອງຕະຫຼອດເດີ້

4.ບໍ່ກ້າອັບເດດໂປຣແກຣມ
ບາງ ທ່ານອາດນຳໂປຣແກຣມສະແກນໄວຣັສປອມມາໃຊ້ ເຮັດໃຫ້ຢ້ານຈົນບໍ່ກ້າອັບເດດໂປຣແກຣມ ຈຶ່ງເຮັດໃຫ້ໂປຣແກຣມທີ່ມີຢູ່ນັ້ນບໍ່ມີຄ່າ ເຖິງມີໄວ້ກໍບໍ່ສາມາດສະແກນໄວຣັສໂຕໃຫມ່ໆ ໄດ້ ດັ່ງນັ້ນຄວນຈະຫາຊື້ໂປຣແກຣມສະແກນໄວຣັສທີ່ລາຄາບໍ່ແພງຫຼາຍມາໃຊ້ ເພື່ອໃຫ້ເຄື່ອງເຮົາບໍ່ຕິດໄວຣັສ (ແຕ່ວ່າປະເທດລາວເຮົາມັກນິຍົມຂອງປອມຫຼາຍ)

5.ມັກຂອງຟຣີ
ຄົນທີ່ມັກໂຫຼດໂປຣແກຣມຕ່າງໆ ມາໃຊ້ເອງທີ່ມັກດາວໂຫຼດຕາມ Bit Torrent ຫາກຄົນທີ່ເອົາໄຟຣມາປ່ອຍບໍ່ໄດ້ສະແກນກ່ອນຫຼືເອົາໄຟຣແຄັກມາໃຫ້ ເປັນເວີຊັ່ນເຕັມອາດຈະມີ Spyware ກໍໄດ້ ດັ່ງນັ້ນເມື່ອໂຫຼດມາແລ້ວກໍຄວນສະແກນກ່ອນເດີ້

6.ເປີດອ່ານອີເມວບໍ່ເລືອກ
ສຳລັບ ບາງຄົນທີ່ມັກເປີດອ່ານອີເມວບໍ່ເລືອກ ໂດຍບໍ່ເບິ່ງໃຫ້ດີກ່ອນວ່າສົ່ງມາຈາກໃສ ເຖິງວ່າອີເມວນັ້ນຖືກສົ່ງມາຈາກໝູ່ຂອງທ່ານເຂົາອາດຈະບໍ່ໄດ້ສົ່ງຫຼືສົ່ງມາແບບບໍ່ ຮູ້ໂຕ ເນື່ອງຈາກເຄື່ອງຂອງເຫຍື່ອໄວຣັສນັ້ນໄດ້ສັ່ງໂປຣແກຣມໃຫ້ໂຕເອງສົ່ງເມວແຜ່ກະຈາຍ ໄປຫາຜູ້ທີ່ມີລາຍຊື່ໃນ Address Book ແຕ່ກໍມີຂໍ້ສັງເກດ ໂດຍສ່ວນຫຼາຍຈະເປັນ Re:… ສົ່ງມາໃຫ້ເຮົາໂດຍທີ່ເຮົາບໍ່ໄດ້ສົ່ງເມວໄປເລີຍ

7.ສຽບ Flash Drive ບໍ່ເລືອກ
ສ່ວນໃຫຍ່ຈະຕາມສຳນັກງານ ຫຼືນັກສຶກສາ ເພາະຈະມັກຈັບ Flash Drive ໝູ່ໄປບັນທຶກງານ ພໍໃຊ້ງານແລ້ວບໍ່ມັກສະແກນໄວຣັສ ເຮັດໃຫ້ຕິດໄວຣັສໄດ້ງ່າຍ

8.ມັກເຂົ້າເວັບໂປ້ຫຼືເບິ່ງຮູບໂປ້
ຄົນ ສ່ວນຫຼາຍຈະມັກເບິ່ງຮູບໂປ້ ຫຼືຮູບໂປ້ຈະມີຕາມເວັບທົ່ວໆໄປ ຕົວະໃຫ້ເຂົ້າໄປເບິ່ງເຊິ່ງເວັບເຫຼົ່ານັ້ນຈະມີໄວຣັສຫຼາກຫຼາຍ ໂດຍສັງເກດໄດ້ງ່າຍໆ ຄືເມື່ອເຂົ້າໄປແລ້ວຈະໃຫ້ຕິດຕັ້ງໂປຣແກຣມບາງຢ່າງ ດັ່ງນັ້ນເມື່ອເຂົ້າເວັບກໍຄວນເບິ່ງໃຫ້ດີໆ

9.ອ່ານຫຼືແປບໍ່ອອກ
ນີ້ ອີກແບບໜຶ່ງທີ່ຄົນສ່ວນຫຼາຍເປັນ ເມື່ອອ່ານບໍ່ອອກກໍຈະກົດເມື່ອມີຂໍ້ຄວາມຫຼືໄຟຣຕ່າງໆ ຂື້ນມາ ຄວນບໍ່ໃຫ້ກົດຂໍ້ຄວາມທີ່ອ່ານບໍ່ອອກຫຼືບໍ່ຄຸ້ນເຄີຍ

ໂອ້ສຸດຍອດເລີຍຄັນບໍ່ເຮັດຕາມນີ້ໄດ້ໝົດຄົງຈະບໍ່ມີໄວຮັສ

ບົດຄວາມຫຼ້າສຸດ

ລາຍຊື່ 23 ນັກເຕະທີມຊາດລາວຊຸດໃຫຍ່ ລຸຍບານເຕະ ຊີງແຊ້ມອາຊີ 2027 ຮອບຄັດເລືອກ (ຮອບສຸດທ້າຍ)

ສຕລ ປະກາດລາຍຊື່ 23 ນັກເຕະທີມຊາດລາວຊຸດໃຫຍ່ ລຸຍບານເຕະ ຊີງແຊ້ມອາຊີ 2027 ຮອບຄັດເລືອກ (ຮອບສຸດທ້າຍ) ທີມຊາດລາວ ຊຸດໃຫຍ່ ພາຍໃຕ້ການຄຸມທີມຂອງ ທ່ານ ຮາ ຮອກ...

ເຂົ້າກັກໂຕທັນທີ! ເຈົ້າໜ້າທີ່ກັກໂຕໜຸ່ມລາວ ໃນຂໍ້ຫາມີພຶດຕິກຳໃຊ້ບັນຊີ ຮັບ-ຖອນເງິນ ໃຫ້ກຸ່ມສະແກມເມີ

ອີງຕາມການລາຍງານຈາກສຳນັກຂ່າວປະເທດໄທ, ເຈົ້າໜ້າທີ່ກວດຄົນເຂົ້າເມືອງໜອງຄາຍ ປະເທດໄທ ໄດ້ເຂົ້າກັກໂຕໜຸ່ມຄົນລາວ ທີ່ມີຊື່ວ່າ ທ ເຈມບອນ ອາຍຸ 31 ປີ ຢູ່ທີ່ດ່ານຊາຍແດນຂົວມິດຕະພາບລາວ-ໄທ ແຫ່ງທີ 1 ໃນວັນທີ...

ພິທີເປີດງານມະຫະກຳກິລາແຫ່ງຊາດ ຄັ້ງທີ XII ນະຄອນຫຼວງວຽງຈັນເກມ 2025 ຢ່າງເປັນທາງການ

ເປີດຂຶ້ນຢ່າງເປັນທາງການແລ້ວ ງານມະຫະກຳກິລາແຫ່ງຊາດ ຄັ້ງທີ XII ນະຄອນຫຼວງວຽງຈັນເກມ 2025. ມະຫະກຳກິລາ ແຫ່ງຊາດ ຄັ້ງທີ XII ຫຼື ນະຄອນຫຼວງວຽງຈັນເກມ ທີ່ນະຄອນຫຼວງວຽງຈັນ ເປັນເຈົ້າພາບ ໄດ້ເປີດຂຶ້ນຢ່າງເປັນທາງການ...

ໃນປີ 2026 ລັດຖະບານຈະປັບເງິນເດືອນ ພະນັກງານລັດຖະກອນບໍ່ຫຼຸດ 3,000,000 ກີບ/ເດືອນ ເພື່ອແກ້ໄຂສະພາບການເປັນຢູ່ຂອງພະນັກງານ

ທ່ານ ສັນຕິພາບ ພົມວິຫານ ລັດຖະມົນຕີກະຊວງການເງິນ ໄດ້ຊີ້ແຈງຕໍ່ການຊັກຖາມຂອງສະມາຊິກສະພາແຫ່ງຊາດ ໃນກອງປະຊຸມສະໄໝສາມັນ ເທື່ອທີ 10 ຂອງສະພາແຫ່ງຊາດ ຊຸດທີ IX ໃນວັນທີ 13 ພະຈິກ...