spot_img
Homeຂ່າວຕ່າງປະເທດຄວາມເສຍຫາຍຈາກພາຍຸໄຊໂຄລນໂມຄາ ໃນມຽນມາ ແລະ ບັງກະລາເທດ

ຄວາມເສຍຫາຍຈາກພາຍຸໄຊໂຄລນໂມຄາ ໃນມຽນມາ ແລະ ບັງກະລາເທດ

Published on

ພາຍຸໄຊໂຄລນໂມຄາ ພາຍຸເຂດຮ້ອນຂະໜາດໃຫຍ່ທີ່ກໍ່ໂຕຂຶ້ນໃນມະຫາສະມຸດອິນເດຍ ຕອນເໜືອສົ່ງຜົນກະທົບໃຫ້ກັບປະເທດມຽນມາ ແລະ ບັງກາລາເທດ.

ກົມອຸຕຸນິຍົມວິທະຍາອິຍເດຍ (IMD) ລາຍງານວ່າພວກເຂົາພົບພາຍຸນີ້ເມື່ອວັນທີ 8 ພຶດສະພາ ຫຼັງຈາກທີ່ກາຍເປັນພາຍຸດີເປນຊັນ ໂດຍເຄື່ອຕົວໄປທາງເໜືອ-ຕາເວັນຕົກສ່ຽງເໜືອຢ່າງຊ້າໆ ເທິງ​ອ່າວເບງກໍ (Bengal) ​ຈົນ​ກາຍ​ເປັນ​ພາຍຸ​ໄຊ​ໂຄນ​ທີ່​ມີ​ຄວາມ​ແຮງ​ສູງ ຄວາມໄວລົມສູງສຸດ 280 ກິໂລແມັດຕໍ່ຊົ່ວໂມງ, ທຽບເທົ່າກັບ ພາຍຸ ໄຊໂຄລນເຟນີ ເຊິ່ງເປັນພະຍຸທີ່ແຮງທີ່ສຸດໃນບັນທຶກໃນມະຫາສະໝຸດອິນເດຍເໜືອ.

ສ່ວນມຽນມາ​ປະ​ເຊີນ​ໜ້າ​ກັບ​ພາຍຸ​ດ້ວຍ​ຄວາມ​ໄວ​ເຂົ້າ​ຝັ່ງ​ສູງ​ສຸດ 195 ກິ​ໂລ​ແມັດ​ຕໍ່​ຊົ່ວ​ໂມງ. ທຽບເທົ່າກັບພະຍຸເຮີຣິເຄນລະດັບ 5, ໄດ້ສ້າງຄວາມເສຍຫາຍເປັນວົງກວ້າງໃຫ້ແກ່ເຮືອນຊານ ແລະ ຕົ້ນໄມ້, ລວມທັງເຮືອນຂອງຊາວອົບພະຍົບ ໂລຮິນຍາ Rohingya ທັງຢູ່ໃນມຽນມາ ແລະ ບັງກະລາເທດ, ຄາດວ່າຄົນເສຍຊີວິດປະມານ 400 ຄົນ ແລະ ອີກຫຼາຍຄົນຍັງຫາຍສາບສູນ.

ບັງ​ກະລາເທດ ກ່າວ​ວ່າ: ພາຍຸລູກດັ່ງກ່າວ ເປັນພະຍຸທີ່ແຮງທີ່ສຸດ ທີ່ບັງກະລາເທດ ພົບເຫັນໃນຮອບເກືອບ 20 ປີ ໄດ້ສ້າງຄວາມເສຍຫາຍເປັນວົງກວ້າງ ລວມທັງນ້ຳຖ້ວມ ແລະ ດິນເຈື່ອນ ເຈົ້າ​ໜ້າ​ທີ່​ບັງ​ກະລາເທດ ​ໄດ້ສະຫຼຸບ​ຍອດ​ຜູ້​ເສຍ​ຊີວິດ​ປະມານ 200 ຄົນ ​ແລະ​ ຫຼາຍ​ຮ້ອຍ​ຄົນ​ຫາຍ​ສາບ​ສູນ.

ອ້າງອີງ: ທີເອັນເອັນ ອອນລາຍ

ບົດຄວາມຫຼ້າສຸດ

ເຫດປະທ້ວງທີ່ຕີມໍເລສເຕ ນັກສຶກສາກວ່າ 2.000 ຄົນ ເຂົ້າປະທ້ວງລັດຖະບານ ຫຼັງອະນຸມັດແຜນການຈັດຊື້ລົດຫຼູລາຄາແພງ

ໃນວັນທີ 17/09/2025 ທີ່ຜ່ານມາ, ຈາກສຳນັກຂ່າວຈາກປະເທດຕີມໍ ເລສເຕ ລານງານວ່າ ມີເຫດການປະທ້ວງຈາກປະຊາຊົນຫຼາຍກວ່າ 2.000 ຄົນ ໃນນະຄອນຫຼວງດິລີ ປະເທດຕີມໍ ເລສເຕ, ໃນນັ້ນສ່ວນຫຼາຍແມ່ນນັກສຶກສາ ທັງໝົດມາເພື່ອປະທ້ວງແຜນການທີ່ໄດ້ຮັບອະນຸມັດເມື່ືອປີກ່ອນ...

ຂຶ້ນຄ່າແຮງງານຂັ້ນຕໍ່າ ໃຫ້ແກ່ແຮງງານໃນອຸດສາຫະກຳຕັດຫຍິບຂອງກໍາປູເຈຍ ປັບຂຶ້ນຈາກ 208 ໂດລາ ເປັນ 210 ໂດລາ ຕໍ່ເດືອນ

ປະກາດ​ໃນ​ວັນ​ທີ 17 ກັນຍາ ຜ່ານມາ​ວ່າ, ທ່ານ ຮຸນ ມາເນດ ນາຍົກລັດຖະມົນຕີ ກຳປູເຈຍ ໄດ້​ກຳນົດ​ຄ່າ​ແຮງງານ​ຂັ້ນ​ຕ່ຳ​ຕໍ່​ເດືອນ​ໃໝ່​ໃຫ້​ແກ່​ອຸດສາຫະກຳ​ຕັດຫຍິບ, ເກີບ ແລະ ສິນຄ້າ​ສຳລັບການເດີນທາງ ​ເປັນ...

ຕຳກາງອາກາດ ເຫດລົດບິນຕໍາກັນກາງອາກາດຢູ່ເມືອງສາງຊຸນ ສປ.ຈີນ ໃນລະຫວ່າງຊ້ອມການສະແດງເປີດໂຕລົດບິນໄດ້

ໃນວັນທີ 18/09/2025 ມີລາຍງານຈາກສຳນັກຂ່າວປະເທດຈີນ ເກີດອຸບປະຕິເຫດ ລົດບິນຕໍາກັນລະຫວ່າງຊ້ອມການສະແດງ ທີ່ເມືອງສາງຊຸນ ຂອງປະເທດຈີນ ລາຍງານມີຜູ້ບາດເຈັບ 1 ຄົນ. ອຸບບັດຕິເຫດດັ່ງກ່າວໄດ້ເກີດຂຶ້ນໃນຕອນທີ່ບໍລິສັດ Xpeng ຂອງປະເທດຈີນ ໄດ້ຈັດງານສະແດງເປີດໂຕລົດບິນ. ສະແດງເຖິງເຕັກໂລໂນຊີທີ່ທັນສະໄໝ...

ຍ້ອນຫຼັບໃນ! ກະບະລີໂວ້ຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ

ກະບະລີໂວ້ຫຼັບໃນຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ ຢູ່ບ້ານດ້ານຊ້າງ ເມືອງໄຊທານີ ນະຄອນຫຼວງວຽງຈັນ ເຈົ້າໜ້າທີ່ ປກສ ເມືອງໄຊທານີ ນະຄອນຫຼວງວຽງຈັນ ໃຫ້ຮູ້ວ່າ:...