spot_img
Homeຂ່າວການສຶກສາຂ່າວທາງການຈາກກະຊວງສຶກສາຯ ເລື່ອງເລື່ອນການສອບເສັງ ມ7

ຂ່າວທາງການຈາກກະຊວງສຶກສາຯ ເລື່ອງເລື່ອນການສອບເສັງ ມ7

Published on

11539642_1642587975954376_4209142079366754029_n

ແຫຼ່ງຂ່າວຈາກ ກະຊວງສຶກສາທິການແລະກິລາ ໄດ້ໃຫ້ຂໍ້ມູນແກ່ທີມຂ່າວລາວໂພສຕ໌ວ່າ ຕອນເຊົ້າຂອງວັນທີ 26 ມິຖຸນາ 2015 ນີ້ ໃນຂະນະທີ່ສູນສອບເສັງຊັ້ນ ມ7 ຕ່າງໆ ໃນທົ່ວປະເທດກຳລັງຈະດຳເນີນການສອບເສັງ ນັ້ນ ໄດ້ມີຂ່າວລືທາງສື່ສັງຄົມອອນລາຍນ໌ວ່າ “ຫົວບົດສອບເສັງຮົ່ວ” ດັ່ງນັ້ນ, ເພື່ອເປັນການຕັດໄຟແຕ່ຕົ້ນລົມ ແລະເພື່ອເຮັດໃຫ້ການສອບເສັງຄັ້ງນີ້ ມີຄວາມປອດໃສໄດ້ຄຸນນະພາບ ທາງກະຊວງສຶກສາທິການແລະກິລາ ຈຶ່ງໄດ້ສັ່ງໂຈະການສອບເສັງ 2 ວິຊາສຸດທ້າຍໄວ້ກ່ອນ ເພື່ອຄົ້ນຄວ້າກວດສອບ.
ແນວໃດກໍຕາມ, ເພື່ອເຮັດໃຫ້ການສອບເສັງດັ່ງກ່າວ ດຳເນີນຕໍ່ໄປໄດ້ຢ່າງສຳເລັດຜົນ ກົມມັດທະຍົມ ກະຊວງສຶກສາທິການແລະກິລາ ໄດ້ຮີບຮ້ອນອອກຫົວບົດສອບເສັງ 2 ວິຊາສຸດທ້າຍຄືນໃໝ່ ແລະຈະສາມາດສົ່ງຫົວບົດສອບເສັງດັ່ງກ່າວ ໄປຍັງສູນສອບເສັງທົ່ວປະເທດໄດ້ທັນເວລາ. ສຳລັບຂ່າວລືຂໍ້ສອບຮົ່ວນັ້ນ ກໍຈະຍັງສືບຕໍ່ຄົ້ນຄວ້າແກ້ໄຂຕໍ່ໄປ.

ດັ່ງນັ້ນ, ທາງກົມມັດທະຍົມ ກະຊວງສຶກສາທິການ ແລະກິລາ ຈຶ່ງອອກແຈ້ງການຢ່າງເປັນທາງການ ກ່ຽວກັບສອບເສັງ 2 ວິຊາສຸດທ້າຍດັ່ງນີ້:

ແຈ້ງການເລກທີ 2623 /ຫກ. ມຍ/2015 ອອກວັນທີ 26 ມິຖຸນາ 2015
ເຖິງ: ຫົວໜ້າພະແນກສຶສາທິການແລະກິລາ ແຂວງ/ນະຄອນຫຼວງ
ເລື່ອງ: ການຈັດຕັ້ງສອບເສັງຈົບຊັ້ນມັດທະຍົມສຶກສາຕອນປາຍ ວິຊາຄະນິດສາດ ແລະປະຫວັດສາດ ປະຈຳສົກຮຽນ 2014-2015

ຫ້ອງການກະຊວງສຶກສາທິການ ແລະກິລາ ຂໍຖືເປັນກຽດແຈ້ງໃຫ້ທ່ານຊາບວ່າ: ເນື່ອງຈາກວ່າ ມີບາງເມືອງ ມີຄວາມຫຍຸ້ງຍາກ ແລະບໍ່ທັນມີຄວາມພ້ອມ ໃນການຈັດຕັ້ງສອບເສັງບາງວິຊາ ຕາມຕາຕະລາງກຳນົດ. ສະນັ້ນ, ຈຶ່ງເລື່ອນການສອບເສັງວິຊາ ຄະນິດສາດແລະປະຫວັດສາດ ໄປໃສ່ວັນຈັນ ວັນທີ 29 ມິຖຸນາ 2015 ຄື:
– ເວລາ 9:00-11:00 ສອບເສັງວິຊາ ຄະນິດສາດ
– ເວລາ 14:00-15:30 ສອບເສັງວິຊາ ປະຫວັດສາດ
ຈຶ່ງແຈ້ງມາເພື່ອຊາບ ແລະຈັດຕັ້ງປະຕິບັດຕາມຄວາມ ເໝາະສົມ.

ບົດຄວາມຫຼ້າສຸດ

ງົດງາມທີ່ສຸດຈາກທົ່ວໂລກ ຕາດກວາງຊີ ແຂວງຫຼວງພະບາງ ຖືຈັດຢູ່ໃນ 21 ນໍ້າຕົກທີ່ສວຍງາມຈາກທົ່ວໂລກ ປີ 2025

ວາລະສານ ການທ່ອງທ່ຽວຊື່ດັງຂອງໂລກ Travel + Leisure ໄດ້ຈັດອັນດັບ Top 21 Most Beautiful Waterfalls in the World...

ໄທເລີ່ມປະຕິບັດແລ້ວ ທະນາຄານເລີ່ມປາບປາມຂະບວນການບັນຊີມ້າ ຖ້າກວດພົບຄວາມສົງໄສ ຈະອາຍັດບັນຊີທັນທີ

ບັນຊີມ້າແມ່ນບັນຊີທະນາຄານທີ່ຖືກນໍາໃຊ້ໂດຍອາດຊະຍາກອນ ເພື່ອເກັບເງິນ ຫຼື ຟອກເງິນທີ່ໄດ້ມາແບບຜິດກົດໝາຍ ແມ່ນບັນຊີທີ່ຖືກຈ້າງໃຫ້ເປີດ ຫຼື ຖືກລັກຂໍ້ມູນໄປໃຊ້ ເພື່ອເປັນທາງຜ່ານຂອງເງິນທີ່ໄດ້ມາຈາກການກະທຳຜິດກົດໝາຍ ລວມທັງການພະນັນ. ໃນຊ່ວງໜຶ່ງອາທິດທີ່ຜ່ານມາ ທາງທະນາຄານເເຫ່ງປະເທດໄທ ເລີ່ມກວດສອບ ແລະ ລົງມືປະຕິບັດຢ່າງເຂັ້ມງວດ ໃນການອາຍັດບັນຊີມ້າ...

ຄວາມຫວັງໃໝ່ຂອງເນປານ ແຕ່ງຕັ້ງລັດຖະມົນຕີຄົນໃໝ່ ໂດຍຈະປະຕິບັດໜ້າຮັກສາການ 6 ເດືອນ

ພາຍຫຼັງຄວາມວຸ່ນວາຍຂອງເຫດການປະທ້ວງໃນປະເທດເນປານ ເຮັດໃຫ້ອະດີດນາຍຍົກລັດຖະມົນຕີໄດ້ລາອອກ ພ້ອມທັງເດີນທາງອອກນອກປະເທດ ນຳພາໃຫ້ເນປານບໍ່ມີຄົນດຳລົງຕໍາເເໜ່ງນາຍົກລັດຖະມົນຕີໃນໄລຍະໜຶ່ງ. ເຊິ່ງໃນວັນທີ 12 ກັນຍາ 2025 ທີ່ຜ່ານມາ, ໄດ້ມີການປະກາດແຕ່ງຕັ້ງ ທ່ານ ນາງ  ສຸຊີລາ ກາກີ ຂຶ້ນຮັບຕໍາແໜ່ງຮັກສາການນາຍົກລັດຖະມົນຕີ...

ສະຫຼົດ! ຊາຍອາຍຸ 26 ປີ (ເສຍຊີວິດ) ຍ້ອນຂັບລົດຕຳງົວ ທີ່ບ້ານວຽງແກ້ວ ເມືອງຈັນທະບູລີ ນະຄອນຫຼວງວຽງຈັນ

ບັນຫາການປ່ອຍສັດຊະຊາຍ ສ່ຽງເຮັດໃຫ້ຄົນອື່ນເກີດອຸບັດຕິເຫດ ເຖິງຂັ້ນເສຍຊີວິດໄດ້. ບັນຫາການປ່ອຍສັດລ້ຽງ (ງົວ, ຄວາຍ, ແບ້, ມ້າ...) ຍັງຄົງຖືກພົບເຫັນເລື້ອຍໆຢູ່ຫຼາຍໆຂົງເຂດ ຕັ້ງແຕ່ເຂດຊານເມືອງຈົນໄປເຖິງໃນເມືອງ. ຈົນກາຍເປັນຄວາມເຄີຍຊິນໄປແລ້ວສຳລັບຜູ້ສັນຈອນໄປມາທີ່ຕ້ອງລະວັງເອງ ແຕ່ບາງຄັ້ງກໍມີອຸບປະຕິເຫດຕາມມາ ເຊັ່ນ: ລົດໃຫຍ່ຕຳງົວ, ລົດຈັກຕຳງົວ,...