spot_img
Homeຂ່າວພາຍ​ໃນກຽມປັບປຸງເຮືອນ ທ່ານ ຄຳໄຕ ສີພັນດອນ ໃຫ້ເປັນສະຖານທີ່ທ່ອງທ່ຽວ

ກຽມປັບປຸງເຮືອນ ທ່ານ ຄຳໄຕ ສີພັນດອນ ໃຫ້ເປັນສະຖານທີ່ທ່ອງທ່ຽວ

Published on

ຂ່າວຈາກທ້ອງຖິ່ນລາຍງານວ່າ ທ້າຍອາທິດຜ່ານມານີ້, ທ່ານ ສຸປານີ ສີລິປຸນໂຍ ຫົວຫນ້າຄະນະໂຄສະນາອົບຮົມແຂວງຈໍາປາສັກ ພ້ອມພະແນກ ການອ້ອມຂ້າງແຂວງ, ເຈົ້າເມືອງໆໂຂງ, ຫ້ອງການອ້ອມຂ້າງເມືອງ ໄດ້ລົງເຄື່ອນໄຫວເກັບກໍາຂໍ້ມູນເບື້ອງຕົ້ນກ່ຽວກັບເຮືອນຢູ່ຂອງ ປະທານ ຄໍາ ໄຕ ສີພັນດອນ ຕັ້ງຢູ່ບ້ານຫົວໂຂງພະໃຫຍ່ ເມືອງໂຂງ ແຂວງຈໍາປາສັກ ຊຶ່ງເປັນສະຖານສໍາຄັນບ້ານເກີດຂອງເພິ່ນ.

ໂອກາດນີ້, ທ່ານ ສຸປານີ ສີລິປຸນໂຍ ໄດ້ໃຫ້ຮູ້ວ່າ: ເພື່ອເປັນການກະກຽມສະເຫຼີມສະຫຼອງວັນເກີດ ປະທານ ຄໍາໄຕ ສີພັນດອນ ຄົບຮອບ 100 ປີ ໃຫ້ມີບັນຍາກາດຟົດຟື້ນ ແລະ ເຕັມໄປດ້ວຍຄວາມຫມາຍຄວາມສໍາຄັນ ແຂວງຈໍາປາສັກ ໄດ້ຈັດໃຫ້ມີຫຼາຍກິດຈະກໍາເປັນຕົ້ນ: ຈັດພິທີ ປາຖະກະຖາເລົ່າມູນເຊື້ອ, ການອອກບົດຄວາມ, ບົດນໍາກ່ຽວກັບຊີວິດ ແລະ ການເຄື່ອນໄຫວຂອງ ປະທານ ຄໍາໄຕ ສີພັນດອນ, ການສໍາພາດ ການນໍາ, ສະມາຊິກພັກ, ພະນັກງານ ແລະ ປະຊາຊົນຈໍານວນຫນຶ່ງ, ໂຄສະນາ, ເຜີຍແຜ່ຊີວິດ ແລະ ການເຄື່ອນໄຫວຂອງເພິ່ນ; ສໍາມະນາ ວິທະຍາສາດ – ແນວຄິດຊີ້ນໍາ, ການຮຽບຮຽງປຶ້ມ, ການສ້າງສາລະຄະດີ, ການຈັດກິດຈະກໍາແຂ່ງຂັນ ຖາມ – ຕອບ; ການສ້າງຂະບວນການ ອອກແຮງງານ, ຕິດປ້າຍຄໍາຂວັນຕ່າງໆ, ການວາງສະແດງຮູບພາບກ່ຽວກັບຊີວິດ ແລະ ການເຄື່ອນໄຫວ, ຈັດງານໂຮມຊຸມນຸມ ແລະ ງານ ຕະຫຼາດນັດ ເພື່ອສົ່ງເສີມຜະລິດຕະພັນລາວ ຢູ່ແຂວງຈໍາປາສັກ.

ສະນັ້ນ, ຄະນະຮັບຜິດຊອບສະເຫຼີມສະຫຼອງທຸກພາກສ່ວນ ຈຶ່ງໄດ້ເຄື່ອນໄຫວລົງມາເກັບກໍາຂໍ້ມູນໃນການກະກຽມຄວາມພ້ອມຮອບດ້ານເປັນ ຕົ້ນ: ຂໍ້ມູນເຮືອນ, ສະຖານທີ່ສໍາຄັນບ່ອນເກີດ, ສະຖານທີ່ບ່ອນທໍາການຜະລິດ ແລະ ການເຄື່ອນໄຫວອື່ນໆ ເພື່ອຮັກສາໄວ້ເປັນສະຖານທີ່ທ່ອງທ່ຽວ, ເປັນບ່ອນສຶກສາຮ່ຳຮຽນ, ຮຽນຮູ້ກ່ຽວກັບປະຫວັດສາດຂອງຊາດ, ຂອງພັກ, ຂອງທ່ານຜູ້ນໍາ.

ທີ່ມາ: ເສດຖະກິດ-ການຄ້າ

ບົດຄວາມຫຼ້າສຸດ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ໄດ້ຄາດ່ານໜອງຄາຍ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ຄາດ່ານໜອງຄາຍ (ດ່ານຂົວມິດຕະພາບແຫ່ງທີ 1) ໃນວັນທີ 3 ພະຈິກ...

ຂໍສະແດງຄວາມຍິນດີນຳ ນາຍົກເນເທີແລນຄົນໃໝ່ ແລະ ເປັນນາຍົກທີ່ເປັນ LGBTQ+ ຄົນທຳອິດ

ວັນທີ 03/11/2025, ຂໍສະແດງຄວາມຍິນດີນຳ ຣອບ ເຈດເທນ (Rob Jetten) ນາຍົກລັດຖະມົນຕີຄົນໃໝ່ຂອງປະເທດເນເທີແລນ ດ້ວຍອາຍຸ 38 ປີ, ແລະ ຍັງເປັນຄັ້ງປະຫວັດສາດຂອງເນເທີແລນ ທີ່ມີນາຍົກລັດຖະມົນຕີອາຍຸນ້ອຍທີ່ສຸດ...

ຫຸ່ນຍົນທຳລາຍເຊື້ອມະເຮັງ ຄວາມຫວັງໃໝ່ຂອງວົງການແພດ ຄາດວ່າຈະໄດ້ນໍາໃຊ້ໃນປີ 2030

ເມື່ອບໍ່ດົນມານີ້, ຜູ້ຊ່ຽວຊານຈາກ Karolinska Institutet ປະເທດສະວີເດັນ, ໄດ້ພັດທະນາຮຸ່ນຍົນທີ່ມີຊື່ວ່າ ນາໂນບອດທີ່ສ້າງຂຶ້ນຈາກດີເອັນເອ ສາມາດເຄື່ອນທີ່ເຂົ້າຜ່ານກະແສເລືອດ ແລະ ປ່ອຍຢາ ເພື່ອກຳຈັດເຊື້ອມະເຮັງທີ່ຢູ່ໃນຮ່າງກາຍ ເຊັ່ນ: ມະເຮັງເຕົ້ານົມ ແລະ...

ຝູງລີງຕິດເຊື້ອຫຼຸດ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລີງຈຳນວນໜຶ່ງຫຼຸດອອກ ຢູ່ລັດມິສຊິສຊິບປີ ສະຫະລັດອາເມລິກາ

ລັດມິສຊິສຊິບປີ ລະທຶກ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລິງຈຳນວນໜຶ່ງຫຼຸດອອກໄປໄດ້. ສຳນັກຂ່າວຕ່າງປະເທດລາຍງານໃນວັນທີ 28 ຕຸລາ 2025, ລົດບັນທຸກຂົນຝູງລີງທົດລອງທີ່ອາດຕິດເຊື້ອໄວຣັສ ໄດ້ເກີດອຸບັດຕິເຫດປິ້ນລົງຂ້າງທາງ ຢູ່ເສັ້ນທາງຫຼວງລະຫວ່າງລັດໝາຍເລກ 59 ໃນເຂດແຈສເປີ ລັດມິສຊິສຊິບປີ...