spot_img
Homeຂ່າວພາຍ​ໃນກົມຄຸ້ມຄອງມົນລະພິດ ແຈ້ງ! ນະຄອນຫຼວງກຳລັງພົບກັບອາກາດທີ່ເປັນພິດ

ກົມຄຸ້ມຄອງມົນລະພິດ ແຈ້ງ! ນະຄອນຫຼວງກຳລັງພົບກັບອາກາດທີ່ເປັນພິດ

Published on

ພາຍຫຼັງທີ່ເຫດການໝອກຄວັນໄດ້ປົກຄຸມເກືອບທົ່ວນະຄອນຫຼວງວຽງຈັນ ທີ່ແກ່ຍາວມາເປັນເວລາ2-3 ມື້, ປະຊາຊົນຕ່າງກໍຕື່ນຕົກໃຈຕໍ່ກັບບັນຫາດັ່ງກ່າວເປັນທີ່ສຸດ ອັນເນື່ອງມາຈາກເຮົາເຄີຍພົບເຫັນໃນຂ່າວສານປະເທດໄທ ຕໍ່ກັບບັນຫາຝຸ່ນ PM2.5 ເພາະມັນມີຜົນອັນຕະລາຍຕໍ່ສຸຂະພາບ, ນອກຈາກນີ້ຍັງມີກະແສສັງຄົມອອນລາຍຕ່າງກໍຄອງຄອຍຖ້າຄຳຕອບທີ່ຊັດເຈນຈາກພາກສ່ວນລັດ ແລະ ມື້ນີ້ເຮົາກໍໄດ້ຮູ້ຄຳຕອບແລ້ວ.

ວຽງຈັນທາມລາຍງານຈາກການສຳພາດ ຫົວໜ້າກົມຄຸ້ມຄອງມົນລະພິດ, ກະຊວງຊັບພະຍາກອນທຳມະຊາດ ແລະ ສີ່ງແວດລ້ອມ ທ່ານນາງ ສີສຸພັນ ຫຼວງລາດ ໄດ້ໃຫ້ຮູ້ວ່າ: ແມ່ນແທ້ນະຄອນຫຼວງວຽງຈັນ ກຳລັງພົບກັບບັນຫາມົນລະພາວະທີ່ເປັນພິດຕໍ່ສຸຂະພາບ ເຊີ່ງຢູ່ໃນເກນອັນຕະລາຍ ແຕ່ຍັງບໍ່ທັນຮ້າຍແຮງ, ທາງວິຊາການຂອງກົມຄວບຄຸມມົນລະພິດໄດ້ໃຫ້ຮູ້ເຖີງຄ່າວັດແທກປະລິມານແມ່ນຢູ່ທີ່ 172 ໄມຄຣອນກຼາມ ຕໍ່ ຄິວບິກແມັດ (Cubic Metre) ຕໍ່ 24 ຊົ່ວໂມງ ນີ້ແມ່ນສະແດງໃຫ້ເຫັນວ່າຍັງຢູ່ໃນເກນທີ່ອັນຕະລາຍຕໍ່ສຸຂະພາບ ແຕ່ຍັງບໍ່ທັນຮ້າຍແຮງ ແລະ ຄາດວ່າອີກ 2-3 ມື້ໃນຕໍ່ໜ້າອາກາດແມ່ນຈະປັບປ່ຽນດີຂື້ນກວ່າປະຈຸບັນ.

ທາງກົມຄວບຄຸມມົນລະພິດໄດ້ໃຫ້ຮູ້ຕື່ມກ່ຽວກັບສາເຫດຂອງໝອກຄວັນທີ່ເກີດຂື້ນວ່າ ແມ່ນອິດທິພົນມາມາຈາກໄຟໄໝ້ປ່າຢູ່ປະເທດເພື່ອບ້ານ ພ້ອມທັງໄຟໄໝ້ປ່າຢູ່ເມືອງສັງທອງ, ນະຄອນຫຼວງວຽງຈັນ ແຕ່ເຈົ້າໜ້າທີ່ສາມາດຄວບຄຸມສະຖານະການໄວ້ໄດ້ແລ້ວ.

ຝຸ່ນລະອອງ ຫຼື ໝອກຄວັນນີ້ ຖ້າສູດດົມເຂົ້າໄປຫຼາຍ ຈະເຮັດໃຫ້ເກີດອັນຕະລາຍຕໍ່ສຸຂະພາບໄດ້. ສະນັ້ນ, ໃຫ້ປະຊາຊົນເຝົ້າລະວັງເປັນພິເສດ ຫຼີກລ່ຽງການເຮັດກິດຈະກຳກາງແຈ້ງ ຫຼື ໃສ່ຜ້າປິດປາກ-ດັງ ເພື່ອຫຼຸດຜ່ອນການສູດດົມເອົາໝອກຄວັນດັ່ງກ່າວ, ພ້ອມທັງຫຼຸດຜ່ອນການຈຸດຂີ້ເຫຍື້ອ ເພື່ອສະພາບແວດລ້ອມທີ່ປອດໄພ.

 

 

 

 

 

 

 

 

 

ຮຽບຮຽງໂດຍ: ບຸນມີ ບຸນມີໄຊ

ແຫຼ່ງຂ່າວ: ວຽງຈັນທາມ, ກົມຄວບຄຸມມົນລະພິດ

ຮູບພາບ:weixin.qq

ບົດຄວາມຫຼ້າສຸດ

ໃຊ້ AI ໃຫ້ເປັນປະໂຫຍດ ຊາຍຊາວອາເມລິການໍາໃຊ້ Chat GPT ໃນການສຸ່ມໂຕເລກເພື່ອຊື້ຫວຍ ຖືກລາງວັນ 100,000 ໂດລາ ຫຼື ປະມານ 2.1 ຕື້ກີບ

ເມື່ອບໍ່ດົນມານີ້ ກາຍເປັນກະແສດັງຢູ່ປະເທດອາເມຣິກາ ເມື່ອມີຊາຍຄົນໜຶ່ງ ອາຍຸ 45 ປີ ອາໄສຢູ່ທີ່ເມືອງ Wyandotte ຣັດ Michigan ສ.ອາເມລິກາ ໄດ້ຖືກຫວຍທ້ອງຖິ່ນ Powerball ພາຍຫຼັງນຳໃຊ້ປັນຍາປະດິດ...

ເສຍຊີວິດສອງຄົນ ເຮືອບິນຂົນສົ່ງສິນຄ້າຂອງສາຍການບິນ ເອມິເຣດ ລຸດອອກນອກລັນເວ ທີ່ສະໜາມບິນຮົງກົງ

ອຸບັດຕິເຫດເຮືອບິນຂົນສົ່ງສິນຄ້າ ເອມິເຣດ ໄຫຼອອກນອກລັນເວ ທີ່ສະໜາມບິນຮົງກົງ ເຮັດໃຫ້ເສຍຊີວິດສອງຄົນ. ສຳນັກຂ່າວຕ່າງປະເທດລາຍງານໃນວັນທີ 20 ຕຸລາ 2025 ນີ້ວ່າ: ເກີດເຫດເຮືອບິນຂົນສົ່ງສິນຄ້າຂອງສາຍການບິນ ເອມິເຣດ ໄຫຼອອກນອກລັນເວຕຳກັບລົດຈົນຕົກທະເລ ທີ່ສະໜາມບິນຮົງກົງ ເຊິ່ງເຫດການດັ່ງກ່າວມີເຈົ້າທີ່ເສຍຊີວິດສອງຄົນ. ຕາມການລາຍງານລະບຸວ່າ:...

ຈະເປີດໃຫ້ບໍລິການໃນປີ 2030 ທາງລົດໄຟວຽງຈັນ-ໜອງຄາຍ ໂດຍຈະເລີ່ມລົງມືກໍ່ສ້າງໃນປີ 2027

ກອງ​ປະຊຸມ​ໄດ້​ຈັດ​ຂຶ້ນ​ຢູ່​ກະຊວງ​ໂຍທາ​ທິການ ​ແລະ ຂົນ​ສົ່ງ ​ແຫ່ງ ສປປ ລາວ ​ໃນ​ວັນ​ທີ 17 ຕຸລາ 2025 ​ເພື່ອ​ປຶກສາ​ຫາລື​ກ່ຽວ​ກັບ​ການ​ກໍ່ສ້າງ​ຂົວ​ທາງ​ລົດ​ໄຟ​ຂ້າມ​ແມ່ນ້ຳຂອງ​ແຫ່ງ​ໃໝ່. ກອງ​ປະຊຸມ​ຄັ້ງ​ນີ້​ໄດ້​ເປັນ​ປະທານ​ຮ່ວມ​ຂອງ​ທ່ານ ທ່ານ ຈັນທອນ...

ຍີ່ປຸ່ນໃຫ້ທຶນຊ່ວຍເຫຼືອ 88,546 ໂດລາ ໃນໂຄງການກໍ່ສ້າງໂຮງຮຽນປະຖົມສົມບູນ ບ້ານຫາດສະ ເມືອງປາກທາ ແຂວງບໍ່ແກ້ວ ເພື່ອຍົກລະດັບສະພາບແວດລ້ອມການສຶກສາຮ່ຳຮຽນ

ໃນວັນທີ 15 ຕຸລາ 2025 ທີ່ຜ່ານມາ, ລັດຖະບານຍີ່ປຸ່ນໄດ້ໃຫ້ການຊ່ວຍເຫຼືອເປັນມູນຄ່າປະມານ 88,546 ໂດລາສະຫະລັດ ໃນ ໂຄງການກໍ່ສ້າງໂຮງຮຽນປະຖົມສົມບູນບ້ານຫາດສະ ເຊິ່ງແມ່ນໂຄງການທີ່ຢູ່ພາຍໃຕ້ກອບຮ່ວມມືທີ່ມີຊື່ວ່າ ໂຄງການເສີມສ້າງຄວາມໝັ້ນຄົງຂອງມະນຸດຂັ້ນຮາກຖານ (GGP). ໂຄງການດັ່ງກ່າວແມ່ນການສະໜັບສະໜູນທຶນຮອນເພື່ອກໍ່ສ້າງອາຄານຮຽນໃໝ່, ຫ້ອງນໍ້າ...