spot_img
Homeຂ່າວຕ່າງປະເທດກຳປູເຈຍສັ່ງໃຫ້ປົດຕຳແໜ່ງນາຍທະຫານລະດັບສູງໂທດຖານລັກລອບຂົນສົ່ງປະຊາຊົນຂ້າມແຂວງ

ກຳປູເຈຍສັ່ງໃຫ້ປົດຕຳແໜ່ງນາຍທະຫານລະດັບສູງໂທດຖານລັກລອບຂົນສົ່ງປະຊາຊົນຂ້າມແຂວງ

Published on

ເມື່ອວັນທີ 23 ມີນາ 2021 ສຳນັກຂ່່າວຊິນຫົວລາຍວ່າ ພຣະບາດສົມເດັດພຣະໂນດົມ ສີໝຸນີ ກະສັດແຫ່ງກຳປູເຈຍ ໄດ້ສັ່ງໃຫ້ປົດຕຳແໜ່ງນາຍທະຫານລະດັບສູງຈາກກອງທັບກຳປູເຈຍ. ຫຼັງຈາກເຈົ້າໜ້າທີ່ທະຫານຄົນດັ່ງກ່າວໄດ້ລະເມີດມາດຕະການສະກັດກັ້ນການລະບາດຂອງເຊື້ອໄວຣັດໂຄວິດ-19 ໂດຍການລັກລອບຂົນສົ່ງຄົນຂ້າມແຂວງ.

ພົນຕີຊຸມ ພອຟ ຮອງຫົວໜ້າຄະນະວິໄຈຍຸດທະສາດການທະຫານ ຖືກຈັບກຸມຕົວເມື່ອວັນທີ 22 ເມສາທີ່ຜ່ານມາ ໃນໂທດຖານທີ່ກ່ຽວຂ້ອງກັບການລັກລອບນຳປະຊາຊົນ 28 ຄົນ ເດີນທາງຈາກນະຄອນຫຼວງພະນົມເປນ ໄປທີ່ແຂວງສວາຍຮຽງ.

ກ່ອນໜ້ານີ້, ພົນຕີຊຸນ ພອຟ ໄດ້ຮັບໃບອະນຸຍາດເດີນທາງທີ່ອອກໂດຍພົນໂທ ເມຍ ວັນນາ ຫົວໜ້າຄະນະວິໄຈຍຸດທະສາດການທະຫານ ທີ່ອະນຸຍາດໃຫ້ເຂົາສາມາດເດີນທາງຜ່ານພະນົມເປນ ແລະ ແຂວງຕ່າງໄດ້ ໃນໄລຍະວັນທີ 1 ເມສາ ເຖິງ 30 ພຶດສະພາ ໂດຍຫຼັງຈາກໄດ້ຮັບໃບອະນຸຍາດເດີນທາງຜູ້ກ່ຽວແມ່ນໄດ້ໃຊ້ໃບອະນຸຍາດດັ່ງກ່າວເພື່ອລັກລອບນຳປະຊາຊົນຈາກພະນົມເປນໄປທີ່ແຂວງສວາຍຮຽງ ທີ່ມີຊາຍແດນຕິດກັບຫວຽດນາມ.

ພະລາຊະດຳລັດໄດ້ລະບຸວ່າການອອກຄຳສັ່ງໂຍກຍ້າຍແມ່ນດຳເນີນຕາມຄຳຮ້ອງຂໍຂອງນາຍົກລັດຖະມົນຕີ ກຳ ປູເຈຍ ທ່ານ ສົມເດັດຮຸນເຊນ ໂດຍນາຍພົນ ພອຟ ຈະຖືກດຳເນີນຄະດີຕາມກົດໝາຍຂອງປະເທດວ່າດ້ວຍການປ້ອງກັນໂຣກລະບາດໂຄວິດ-19.

ກະຊວງສາທາລະນະສຸກຂອງກຳປູເຈຍກ່າວວ່າ ກຳປູເຈຍປະສົບກັບການລະບາດຂອງໂຄວິດ-19 ໃນຊຸມຊົນຮອບທີສາມ, ນັບແຕ່ວັນທີ 20 ກຸມພາ ີ່ຜ່ານມາ, ໂດຍມີລາຍງານພົບຜູ້ຕິດເຊື້ອກໍລະນີໃໝ່ 655 ຄົນໃນວັນສຸກທີ່ຜ່ານມາ, ເຊິ່ງເຮັດໃຫ້ມີສະຖິຕິສະສົມທັງໝົດ 8,848 ກໍລະນີ, ຜູ້ປ່ວຍໄດ້ຮັບການປິ່ນປົວ 5,633 ກໍລະນີ ແລະ ມີຜູ້ເສຍຊີວິດ 61 ຄົນ.

ຮຽບຮຽງຂ່າວ: ພຸດສະດີ

 

 

 

ບົດຄວາມຫຼ້າສຸດ

ຕຳກາງອາກາດ ເຫດລົດບິນຕໍາກັນກາງອາກາດຢູ່ເມືອງສາງຊຸນ ສປ.ຈີນ ໃນລະຫວ່າງຊ້ອມການສະແດງເປີດໂຕລົດບິນໄດ້

ໃນວັນທີ 18/09/2025 ມີລາຍງານຈາກສຳນັກຂ່າວປະເທດຈີນ ເກີດອຸບປະຕິເຫດ ລົດບິນຕໍາກັນລະຫວ່າງຊ້ອມການສະແດງ ທີ່ເມືອງສາງຊຸນ ຂອງປະເທດຈີນ ລາຍງານມີຜູ້ບາດເຈັບ 1 ຄົນ. ອຸບບັດຕິເຫດດັ່ງກ່າວໄດ້ເກີດຂຶ້ນໃນຕອນທີ່ບໍລິສັດ Xpeng ຂອງປະເທດຈີນ ໄດ້ຈັດງານສະແດງເປີດໂຕລົດບິນ. ສະແດງເຖິງເຕັກໂລໂນຊີທີ່ທັນສະໄໝ...

ຍ້ອນຫຼັບໃນ! ກະບະລີໂວ້ຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ

ກະບະລີໂວ້ຫຼັບໃນຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ ຢູ່ບ້ານດ້ານຊ້າງ ເມືອງໄຊທານີ ນະຄອນຫຼວງວຽງຈັນ ເຈົ້າໜ້າທີ່ ປກສ ເມືອງໄຊທານີ ນະຄອນຫຼວງວຽງຈັນ ໃຫ້ຮູ້ວ່າ:...

ທັງໜ້າຕາດີ ທັງຈິດໃຈດີ Felix Stray kids ໃນ 2 ປີທີ່ (2024-2025) Felix ໄດ້ບໍລິຈາກໃຫ້ປະເທດລາວ ລວມມູນຄ່າທັງໝົດປະມານ 3 ຕື້ກີບ

ທັງໜ້າຕາດີ ທັງຈິດໃຈດີ Felix Stray kids ຂອບໃຈທີ່ໃຫ້ການສະໜັບສະໜູນມາຕະຫຼອດ 2 ປີ (2024-2025) ທີ່ໄດ້ເຂົ້າມາຊ່ວຍເຫຼືອເດັກນ້ອຍໃນປະເທດລາວໃຫ້ມີຊີວິດການເປັນຢູ່ ແລະ ສະພາບເວດລ້ອມທີ່ດີຂຶ້ນ, ໃນ 2...

ຕ້ອງກະກຽມຂໍ້ມູນຫຍັງແນ່ ເພື່ອຂຽນປະກອບເອກະສານເຮັດບັດປະຈໍາຕົວດິຈິຕອນ ກຽມພ້ອມໄວ້ ເພື່ອຄວາມສະດວກ ແລະ ວ່ອງໄວ

ໃນປັດຈຸບັນໃນນະຄອນຫຼວງວຽງຈັນສາມາດເຮັດບັດປະຈໍາຕົວໄດ້ແລ້ວ ຢູ່ທີ່ກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ບ້ານແສງສະຫວ່າງ ເມືອງໄຊເສດຖາ ນະຄອນຫຼວງວຽງຈັນ ເຊິ່ງກ່ອນທີ່ຈະເຮັດບັດປະຈຳຕົວດິຈິຕອນແມ່ນ ຕ້ອງໄດ້ຊື້ແບບຟອມປະກອບຂໍ້ມູນ ລາຄາ 30,000 ກີບ ແລະ ຈະເປີດບໍລິການເຮັດບັດປະຈຳຕົວໃນທົ່ວປະເທດໃນຕົ້ນເດືອນຕຸລາ...