spot_img
Homeຂ່າວການສຶກສາກາຣາເຕໂດ ກຽມຄັດເລືອກນັກກີລາເຂົ້າຮ່ວມລະດັບສາກົນ

ກາຣາເຕໂດ ກຽມຄັດເລືອກນັກກີລາເຂົ້າຮ່ວມລະດັບສາກົນ

Published on

IMG_7108

ສະຫະພັນ​ກາຣາ​ເຕ​ໂດ​ແຫ່ງ​ຊາດ​ລາວ ກຽມ​ຄັ​ດ​ເລືອກ​ເອົາ​ນັກກີລາ​ທີ່​ມີ​ຄວາມ​ສາ​ມາດ ​ເປັນ​ຕົວ​ແທນ​ທີ​ມ​ຊາດ ​ເຂົ້າ​ຮ່ວມ 3 ລາຍການ​ໃຫຍ່​ລະດັບ​ສາກົນ ກໍ​ຄື: ກາຣາ​ເຕຊີງ​ແຊັມ​ໂລກ ທີ່​ປະ​ເທດ​ເຢຍລະ​ມັນ ​ໃນ​ເດືອນ​ກັນຍາ 2014 ງານ​ມະຫາ​ກໍາ​ກີລາ​ເອຊຽນ​ເກ​ມ ຄັ້ງ​ທີ 17 ທີ່ ສ ​ເກົາຫຼີ ​ໃນ​ເດືອນ​ຕຸລາ 2014 ​ແລະ ງານ​ມະຫາ​ກໍາ​ກີລາ​ມະຫາວິທະຍາ​ໄລ​ອາ​ຊຽນ ຄັ້ງ​ທີ 17 ທີ່​ປະ​ເທດ​ອິນ​ໂດ​ເນ​ເຊຍ ​ໃນ​ເດືອນທັນວາ ທ້າຍ​ປີ​ນີ້.  ​

ທ່ານ ພູທອນ ​ໄຊ​ຍະ​ແສງ ຮອງ​ເລຂາທິການສະຫະພັນ​ກາຣາ​ເຕ​ໂດ​ແຫ່ງ​ຊາດ​ລາວ ​ແຈ້ງ​ໃຫ້​ຮູ້​ວ່າ: ພາຍຫຼັງ​ທີ່​ສໍາ​ເລັດ​ໃນ​ການ​ເຂົ້າ​ຮ່ວມ​ແຂ່ງຂັນ​ກາຣາ​ເຕ​ໂດ ຊີງ​ແຊັມ​ອາ​ຊຽນ ຄັ້ງ​ທີ 3 ທີ່​ແຂວງ​ກັນ​ເທີ ສສ ຫວຽດນາມ ລະຫວ່າງ​ວັນ​ທີ 16-18 ​ເມສາ 2014 ຜ່ານ​ມາ ຊຶ່ງ​ນັກກີລາ​ລາວສາມາດ​ຍາດ​ມາ​ໄດ້ 1 ຫຼຽນ​ເງີ​ນ ​ແລະ 3 ຫຼຽນ​ທອງ ຈາກ​ການ​ສົ່ງ​ນັກກີລາ​ເຂົ້າ​ຮ່ວມ 6 ຄົນ ຍິງ 1 ຄົນ ​ແນວ​ໃດ​ກໍ​ຕາມ ປັດຈຸບັນ​ສະຫະພັນ​ພວກ​ເຮົາ ​ກໍ​ມີ​ແຜນ​ຈະ​ສືບ​ຕໍ່​ຄັດ​ເລືອກນັກກີລາ​ທີ​ມຊາດ ​ໃນ​ເດືອນ​ພຶດສະພາ​ທີ່​ຈະ​ເຖິງ​ນີ້ ​ເພື່ອ​ກຽມ​ເຂົ້າ​ຮ່ວມ​ແຂ່ງຂັນ 3 ລາຍການ​ດັ່ງກ່າວ.

ສໍາລັບ​ນັກກີລາ​ກາຣາ​ເຕ​ໂດ ​ໃນ ສປປ ລາວ ປັດຈຸບັນ​ມີ​ປະມານ 400 ກ່ວາຄົນ ​ໃນ​ນັ້ນ 90 ​ເປີ​ເຊັນ ​ແມ່ນ​ຢູ່​ນະຄອນຫຼວງ​ວຽງ​ຈັນ ​ໂດຍ​ສະ​ເພາະ 5 ສະ​ໂມ​ສອນ​ໃຫຍ່ ​ເຊັ່ນ: ສະ​ໂມ​ສອນ​ສີ​ໂຄດ ສະ​ໂມ​ສອນ​ວຽງ​ຈັນ ສະ​ໂມ​ສອນ​ໂຊ​ໂຕ​ກັງ​ລາວ ສະ​ໂມ​ສອນ​ໂຊ​ໂຕ​ລິວ​ລາວ ​ແລະ ສະ​ໂມ​ສອນ​ສູນ​ກາງ​ຊາວ​ໜຸ່ມ​ປະຊາຊົນ​ປະຕິວັດ​ລາວ.

ທີ່ມາ http://www.vientianemai.net/teen/khao/3/11646

ບົດຄວາມຫຼ້າສຸດ

ໃນປີ 2026 ລັດຖະບານຈະປັບເງິນເດືອນ ພະນັກງານລັດຖະກອນບໍ່ຫຼຸດ 3,000,000 ກີບ/ເດືອນ ເພື່ອແກ້ໄຂສະພາບການເປັນຢູ່ຂອງພະນັກງານ

ທ່ານ ສັນຕິພາບ ພົມວິຫານ ລັດຖະມົນຕີກະຊວງການເງິນ ໄດ້ຊີ້ແຈງຕໍ່ການຊັກຖາມຂອງສະມາຊິກສະພາແຫ່ງຊາດ ໃນກອງປະຊຸມສະໄໝສາມັນ ເທື່ອທີ 10 ຂອງສະພາແຫ່ງຊາດ ຊຸດທີ IX ໃນວັນທີ 13 ພະຈິກ...

ຈັບໄດ້ທັງໝົດແລ້ວ! ກໍລະນີລົດບັນທຸກລິງປີ້ນທີ່ ສ.ອາເມຣິກາ ເຮັດໃຫ້ລິງຕິດເຊື້ອໂຕນໜີເມື່ອສອງອາທິດທີ່ຜ່ານມາ ປັດຈຸບັນ ສາມາດນຳລິງທັງໝົດກັບມາໄດ້ແລ້ວ

ເປັນເວລາກວ່າ 8 ມື້ໃນການໄລ່ຈັບລີງຕິດເຊື້ອ, ກໍລະນີທີ່ເກີດຂຶ້ນ ໃນວັນທີ 28 ເດືອນຕຸລາ 2025 ທີ່ຜ່ານມາ ທີ່ລັດມິດຊີຊິບປີ້ ( Mississippi ), ສະຫະລັດອາເມລິກາ...

ໂຄງການ ASEAN SOAR Together ໄດ້ຮ່ວມແບ່ງປັນເລື່ອງລາວຄວາມສໍາເລັດຂອງ MSME ດິຈິຕ້ອນ ທີ່ງານ ABIS 2025

ສະເຫຼີມສະຫຼອງຜົນສໍາເລັດຂອງການຫັນສູ່ດິຈິຕ້ອນຂອງ MSME ໃນທົ່ວອາຊຽນ ຜ່ານໂຄງການ ASEAN SOAR Together ກົວລາ ລໍາເປີ, 31 ຕຸລາ 2025 – ມູນນິທິ ອາຊຽນ...

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ໄດ້ຄາດ່ານໜອງຄາຍ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ຄາດ່ານໜອງຄາຍ (ດ່ານຂົວມິດຕະພາບແຫ່ງທີ 1) ໃນວັນທີ 3 ພະຈິກ...