spot_img
Homeຂ່າວພາຍ​ໃນການແຈ້ງຜົນກວດ ໂຄວິດ-19 ປອມ ມີຄວາມຜິດທາງກົດໝາຍ ໃນຂໍ້ຫາ ເຈດຕະນາຫລອກລວງຜູ້ອື່ນ

ການແຈ້ງຜົນກວດ ໂຄວິດ-19 ປອມ ມີຄວາມຜິດທາງກົດໝາຍ ໃນຂໍ້ຫາ ເຈດຕະນາຫລອກລວງຜູ້ອື່ນ

Published on

ປັດຈຸບັນຫລາຍອົງການທັງພາກລັດ ແລະ ເອກະຊົນ ກັງວົນເລື່ອງການແພ່ລະບາດຂອງພະຍາດ ໂຄວິດ-19 ໂດຍສະເພາະແມ່ນສາຍພັນ ໂອໄມຄຣອນ ທີ່ມີການ ລະບາດໄວກວ່າສາຍພັນອື່ນ ເຊິ່ງກ່າຍເປັນຊ່ອງວ່າງໃຫ້ກຸ່ມຄົນທີ່ມີແນວຄິດບໍ່ດີຈຳນວນໜຶ່ງ ສວຍໂອກາດສົ່ງຜົນກວດ ໂຄວິດປອມ ເພື່ອສວຍໂອກາດຢາກພັກວຽກ ແລະ ໄດ້ເງິນປະກັນ ໂດຍບໍ່ຄຳນຶງເຖິງຜົນກະທົບກັບຜູ້ປ່ວຍໂຄວິດ ຕົວຈິງ ເຊິ່ງການກະທຳດັ່ງກ່າວແມ່ນ ມີຄວາມຜິດທາງກົດໝາຍ ໃນຂໍ້ຫາ ເຈດຕະນາຫລອກລວງຜູ້ອື່ນ ໂດຍສະແດງຂໍ້ມູນທາງ ດິຈິຕອນ ທີ່ບໍ່ມີມູນຄວາມຈິງ, ລວມເຖິງຜົນໃນທາງປະຕິບັດອື່ນໆ ເຊັ່ນ: ການຖືກໄລ່ອອກ, ການບໍ່ຈ່າຍຄ່າແຮງງານ ໄປຈົນເຖິງການຂຶ້ນບັນຊີດຳ ໃນກຸ່ມທຸລະກິດປະກັນໄພ ແລະ ປະກັນສຸຂະພາບ.

ປັດຈຸບັນ ສປປ ລາວ ກໍາລັງປະເຊີນກັບການລະບາດສາຍພັນ ໂອໄມຄຣອນ ເຮັດໃຫ້ຍອດຜູ້ຕິດເຊື້ອໃໝ່ລາຍວັນສະເລ່ຍສູງເຖິງ 2.000 ກວ່າຄົນ ນັແຕ່ຂະນະດຽວກັນ ກໍມີຄົນຈຳນວນໜຶ່ງສວຍໃຊ້ໂອກາດນີ້ ຕົວະຜົນກວດໂຄວິດ ຂອງຕົນເພື່ອທີ່ຈະໄດ້ພັກວຽກຍາວ ຫລື ຫວັງເອົາເງິນຊ່ວຍເຫລືອ ແລະ ເງິນປະກັນ. ແລະ ເພື່ອປ້ອງກັນການໂກງດັ່ງກ່າວ ເຮັດໃຫ້ຫຼາຍແຫ່ງອອກມາດຕະການໃນການຖ່າຍຮູບຜົນກວດ ໂຄວິດ ທີ່ຮັດກຸມ ຂຶ້ນ ໂດຍໃຫ້ຜູ້ໃຊ້ອຸປະກອນກວດແບບ ATK ຕ້ອງຂຽນຊື່ ແລະ ວັນທີ່ ໄດ້ຜົນກວດທຸກຄັ້ງກ່ອນຖ່າຍພາບ,ໂດຍ ອາດຈະຂຽນໃນເຈ້ຍ ຫຼື ຂຽນລົງເທິງອຸປະກອນກວດຜົນເລີຍ ບໍ່ວ່າຜົນກວດນັ້ນຈະສະແດງຜົນເປັນ 1 ຂີດ ຫຼື 2 ຂີດກໍຕາມ, ເພື່ອປ້ອງກັນບໍ່ໃຫ້ຄົນນໍາໄປໃຊ້ຊ້ໍາ ແລະ ຫາກຜົນເປັນ 2 ຂີດ ຈະຕ້ອງກວດຊ້ໍາດ້ວຍຊຸດ ATK ຕ່າງ ຍີ່ຫໍ້ ແລະ ເຮັດການຢືນຢັນໃນແບບດຽວກັນ.

ສໍາລັບ ການປອມແປງຜົນກວດ ໂຄວິດ ໃນປັດຈຸບັນ ເກີດຂຶ້ນໄດ້ທັງສອງແບບ ຄື ການປອມຜົນກວດຈາກຊຸດກວດແບບໄວ (ATK) ແລະ ປອມຜົນກວດຈາກໂຮງໝໍ (RT-PCR) ເຊິ່ງທັງສອງແບບ ມີວິທີການທີ່ແຕກຕ່າງກັນໄປ ເຊິ່ງເຫດການດັ່ງກ່າວແມ່ນກົງກັບ ພຶດຕິກໍາທີ່ເປັນອາຊະຍາກຳທາງລະບົບຄອມພິວເຕີ ຕາມກົດໝາຍວ່າດ້ວຍ ການຕ້ານ ແລະ ສະກັດກັ້ນ ອາຊະຍາກຳທາງລະບົບຄອມພິວເຕີ ແລະ ຜູ້ທີ່ລະເມີດກົດໝາຍ.

ສຳລັບ ການປອມແປງຂໍ້ມູນທາງຄອມພິວເຕີ ຈະຖືກລົງໂທດຕັດອິດສະລະພາບແຕ່ ໜຶ່ງປີ ຫາ ຫ້າປີ ແລະ ຈະຖືກປັບໃໝແຕ່ 5.000.000 ກີບ ຫາ 30.000.000 ກີບ ແລະ ການດຳເນີນກິດຈະການ ກ່ຽວກັບເຄື່ອງມືອາຊະຍາກທາງລະບົບຄອມພິວເຕີ ຈະຖືກຕັດອິດສະລະພາບແຕ່ ສາມປີ ຫາ ຫ້າປີ ແລະ ຈະຖືກປັບໃໝແຕ່ 10. 000. 000 ກີບ ຫາ 50.000.000 ກີບ.
ຂໍ້ມູນ: InsideLao

ບົດຄວາມຫຼ້າສຸດ

ຍທຂ ຈະສຸມໃສ່ວຽກງານເຄຫາ-ຜັງເມືອງ ນໍ້າປະປາຕາມແຜນພັດທະນາແບບຍືນຍົງ

ວຽກງານເຄຫາ ແລະ ຜັງເມືອງ, ວຽກງານນໍ້າປະປາ ກໍເປັນວຽກງານສໍາຄັນທີ່ພັກ-ລັດ ກໍຄືກະຊວງໂຍທາທິການ ແລະ ຂົນສົ່ງ (ຍທຂ) ໃຫ້ຄວາມສໍາຄັນ ແລະ ຈະສືບຕໍ່ສຸມໃສ່ແກ້ໄຂ ເພື່ອເຮັດໃຫ້ວຽກງານດັ່ງກ່າວບັນລຸຄາດໝາຍຕາມແຜນພັດທະນາແບບຍືນຍົງ. ສະຫາຍ ເຫຼັກໄຫຼ...

ຮຽນວາງຢາພິດໂດຍຖາມ ChatGPT ສາວອາເມລິກາໃຊ້ເວລາສຶກສາກວ່າ 3 ເດືອນ ເພື່ອວາງຢາຜົວ ສຸດທ້າຍຖືກເຈົ້າໜ້າທີ່ກັກໂຕ

ມີລາຍງານຈາກສຳນັກຂ່າວຕ່າງປະເທດ ໃນວັນທີ 10/10/2025 ທີ່ຜ່ານມາທີ່ລັດໂຄໂລໄລນາ, ສະຫະລັດອາເມລິກາ ເຈົ້າໜ້າທີ່ໄດ້ເຂົ້າກັກໂຕຍິງ ອາຍຸ 43 ປີ ໃນຂໍ້ຫາພະຍາຍາມຈົບຊີວິດຜົວຂອງຕົນເອງ ໂດຍການໃຊ້ສານປົນເປື້ອນໃນອາຫານ ແລະ ເຄື່ອງດື່ມ. ຈາກການສືບສວນຂອງເຈົ້າໜ້າທີ່ໄດ້ຮູ້ວ່າ ໃນລະຫວ່າງ...

ໄລຍະ 3 ເດືອນ ຄະນະກຳມະການສົ່ງເສີມ ແລະ ຄຸ້ມຄອງການລົງທຶນ ສາມາດດຶງດູດການລົງທຶນໄດ້ 1 ຕື້ກວ່າໂດລາ

ທ່ານ ສະເຫຼີມໄຊ ກົມມະສິດ, ຮອງນາຍົກລັດຖະມົນຕີ, ປະທານຄະນະກຳມະການສົ່ງເສີມ ແລະ ຄຸ້ມຄອງການລົງທຶນ ໄດ້ລົງຊີ້ນຳວຽກງານ ຫ້ອງການ ຄະນະກຳມະການສົ່ງເສີມ ແລະ ຄຸ້ມຄອງການລົງທຶນ. ໃນຕອນເຊົ້າຂອງ ວັນທີ 13...

ເສຍຊີວິດຢ່າງນ້ອຍ 4 ຄົນ ເກີດເຫດກວດຍິງຢູ່ບາແຫ່ງໜຶ່ງ ໃນລັດເຊົາແຄໂລໄລນາ ສະຫະລັດອາເມລິກາ

ເກີດເຫດກວດຍິງຢູ່ບາແຫ່ງໜຶ່ງ ໃນລັດເຊົາແຄໂລໄລນາ ສະຫະລັດອາເມລິກາ ສຳນັກຂ່າວຕ່າງປະເທດລາຍງານໃນຊ່ວງຕອນເຊົ້າຂອງວັນອາທິດ 12 ຕຸລາ 2025 ເກີດເຫດເຫດການກວດຍິງ ພາຍໃນ ບາແຫ່ງໜຶ່ງ ເຊິ່ງເປັນບາທີ່ໄດ້ຮັບຄວາມນິຍົມຢູ່ໃນລັດເຊົາແຄໂລໄລນາ ສະຫະລັດອາເມລິກາ ເຊິ່ງເຫດການດັ່ງກ່າວເຮັດໃຫ້ມີຄົນເສຍຊີວິດຢ່າງນ້ອຍ 4 ຄົນ...