spot_img
Homeລວມກົດຫມາຍລາວການຮັບສິນບົນ ແລະ ການໃຫ້ສິນບົນມີຄວາມຜິດຄືແນວໃດ ແລະ ມີມາດຕະການຕໍ່ຜູ້ກະທຳຜິດຄືແນວໃດ?

ການຮັບສິນບົນ ແລະ ການໃຫ້ສິນບົນມີຄວາມຜິດຄືແນວໃດ ແລະ ມີມາດຕະການຕໍ່ຜູ້ກະທຳຜິດຄືແນວໃດ?

Published on

ໃນຄໍລຳ ຄວາມຮູ້ກ່ຽວກັບກົດໝາຍລາວ ວັນນີ້ ເຮົາຈະມາເວົ້າກ່ຽວກັບ “ການຮັບສິນບົນ ແລະ ການໃຫ້ສິນບົນມີຄວາມຜິດຄືແນວໃດ ແລະ ມີມາດຕະການຕໍ່ຜູ້ກະທຳຜິດຄືແນວໃດ?” ເຊິ່ງແອັດມິນໄດ້ໄປອ່ານພົບຢູ່ທີ່ ໜັງສືພິມເສດຖະກິດ-ການຄ້າ ໃນຄໍລຳຕອບໂຈດກົດໝາຍ ສະບັບວັນທີ 21 ກັນຍາ 2016 ແອັດມິນເຫັນວ່າຫົວບົດນີ້ມັນມີປະໂຫຍດຫຼາຍ ແລະ ຄິດວ່າມັນຈະເສີມສ້າງຄວາມຮູ້ດ້ານກົດໝາຍໃຫ້ກັບຄົນທີ່ໄດ້ອ່ານ ຈິ່ງນຳເອົາຫົວບົດດັ່ງກ່າວມາເຜີຍແຜ່ໃຫ້ແຟນຂ່າວ ລາວໂພສຕ໌ ໄດ້ອ່ານນຳກັນ

ອີງຕາມມາດຕາ 157 ຂອງກົດໝາຍອາຍາ ສະບັບປັງປຸງ 2005 ກຳນົດໄວ້ວ່າ ພະນັກງານຜູ້ໃດຫາກໄດ້ທວງເອົາ, ຂໍເອົາ, ຮັບເອົາ ຫຼື ຕົກລົງຮັບເອົາສິນບົນຈາກຜູ່ອື່ນດ້ວຍການໃຊ້ໜ້າທີ່ຕຳແໜ່ງຂອງຕົນ ເພື່ອປະໂຫຍດຂອງຜູ່ໃຫ້ສິນປົນ ຈະຖືກລົງໂທດຕັດອິດສະຫຼະພາບ ແຕ່ ໜຶ່ງປີ ຫາ ສາມປີ ແລະ ຈະຖືກປັບໃໝເທົ່າກັບຈຳນວນເງິນ ຫຼື ມູນຄ່າຂອງສິນບົນ

ຜູ້ໃຫ້ສິນບົນ ຫຼື ຜູ້ຕົກລົງໃຫ້ສິນບົນແກ່ພະນັກງານ ຈະຖືກລົງໂທດຕັດອິດສະຫຼະພາບ ແຕ່ຫົກເດືອນ ຫາ ສອງປີ ແລະ ຈະຖືກປັບໃໝເທົ່າກັບຈຳນວນເງິນ ຫຼື ມູນຄ່າຂອງສິນບົນ

ໃນກໍລະນີສິນບົນນັ້ນຫາກເປັນຈຳນວນຫຼາຍ ຜູ້ຮັບ ແລະ ຜູ້ໃຫ້ສິນບົນຈະຖືກລົງໂທດຕັດອິດສະຫຼະພາບ ແຕ່ສາມປີ ຫາ ຫ້າປີ ແລະ ຈະຖືກປັບໃໝສອງເທົ່າຂອງຈຳນວນເງິນ ຫຼື ມູນຄ່າຂອງສິນບົນ

ຜູ້ເປັນສື່ກາງໃນການຮັບສິນບົນ ແລະ ໃນການໃຫ້ສິນບົນຈະຖືກລົງໂທດຕັດອິດສະຫຼະພາບ ແຕ່ຫົກເດືອນ ຫາ ສອງປີ ແລະ ຈະຖືກປັບໃໝເທົ່າກັບຈຳນວນເງິນ ຫຼື ມູນຄ່າສິນບົນ

ຜູ້ທີ່ໃຫ້ສິນບົນຍ້ອນຖືກບັງຄັບ, ຂົ່ມຂູ່ ແລະ ພາຍຫຼັງທີ່ໄດ້ໃຫ້ສິນບົນແລ້ວຈິງໃຈໄປລາຍງານຕໍ່ເຈົ້າໜ້າທີ່ ຈະບໍ່ຖືວ່າເປັນຜູ້ກະທຳຜິດໃນສະຖານໃຫ້ສິນບົນ

ອີງຕາມປື້ມກົດໝາຍພາກທົ່ວໄປ ແລະ ພາກສະເພາະສະບັບເລກທີ 142/ສປປ

ອີງຕາມມະຕິຕົກລົງຂອງສະພາແຫ່ງຊາດ ແລະ ລັດຖະດຳລັດຂອງປະທານປະເທດ ກ່ຽວກັບການຕົກລົງຮັບຮອງເອົາກົດໝາຍວ່າດ້ວຍອາຍາ ສະບັບປັບປຸງ ວັນທີ 9 ພະຈິກ 2005 ທີ່ນະຄອນຫຼວງວຽງຈັນ.

ແຫຼ່ງທີ່ມາຈາກ: http://laoedaily.com.la/

 
ຕິດຕາມນານາສາລະ ກົດໄລຄ໌ເລີຍ!

ບົດຄວາມຫຼ້າສຸດ

ຝູງລີງຕິດເຊື້ອຫຼຸດ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລີງຈຳນວນໜຶ່ງຫຼຸດອອກ ຢູ່ລັດມິສຊິສຊິບປີ ສະຫະລັດອາເມລິກາ

ລັດມິສຊິສຊິບປີ ລະທຶກ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລິງຈຳນວນໜຶ່ງຫຼຸດອອກໄປໄດ້. ສຳນັກຂ່າວຕ່າງປະເທດລາຍງານໃນວັນທີ 28 ຕຸລາ 2025, ລົດບັນທຸກຂົນຝູງລີງທົດລອງທີ່ອາດຕິດເຊື້ອໄວຣັສ ໄດ້ເກີດອຸບັດຕິເຫດປິ້ນລົງຂ້າງທາງ ຢູ່ເສັ້ນທາງຫຼວງລະຫວ່າງລັດໝາຍເລກ 59 ໃນເຂດແຈສເປີ ລັດມິສຊິສຊິບປີ...

ພະນັກງານກວດກາ ສປປ ລາວ 30 ທ່ານ ເຂົ້າຮ່ວມຝຶກອົບຮົມ ວຽກງານ ສະກັດກັ້ນ ແລະ ຕ້ານການສໍ້ລາດບັງຫຼວງ ຢູ່ ສປ ຈີນ

ພະນັກງານກວດກາ ສປປ ລາວ ເຂົ້າຮ່ວມຝຶກອົບຮົມ ວຽກງານ ສະກັດກັ້ນ ແລະ ຕ້ານການສໍ້ລາດບັງຫຼວງ ຢູ່ ສປ ຈີນໃນລະຫວ່າງວັນທີ 17-25 ຕຸລາ 2025...

ກອງປະຊຸມສຸດຍອດອາຊຽນ ຄັ້ງທີ 47 ແລະ ບັນດາກອງປະຊຸມສຸດຍອດທີ່ກ່ຽວຂ້ອງ

ນາຍົກລັດຖະມົນຕີ ເຂົ້າຮ່ວມກອງປະຊຸມສຸດຍອດອາຊຽນ ຄັ້ງທີ 47 ແລະ ບັນດາກອງປະຊຸມສຸດຍອດທີ່ກ່ຽວຂ້ອງ ໃນວັນທີ 26 ຕຸລາ 2025 ທີ່ກົວລາລໍາເປີ ປະເທດ ມາເລເຊຍ, ທ່ານ ສອນໄຊ...

ມີໃຜຊື່ຍາວກວ່ານີ້ບໍ່? ຊາຍຊາວນິວຊີແລນມີຊື່ຍາວທີ່ສຸດໃນໂລກ ໃຊ້ເວລາອ່ານ 20 ນາທີ ຈຶ່ງອ່ານແລ້ວ

ມາຮູ້ຈັກກັບຊາຍຜູ້ທີ່ມີຊື່ທີ່ຍາວທີ່ສຸດໃນໂລກ, ລໍເລນ ວອດກິນ (Laurence Watkins) ອາຍຸ 60 ປີ, ອາໄສຢູ່ເມືອງໂອດແລນ ປະເທດນິວຊີແລນ ລາວມີຈໍານວນຊື່ຍາວເຖິງ 2,253 ຄໍາ. ຜ່ານມາຊາຍຄົນນີ້ຫຼົງໄຫຼໃນລາຍການ Ripley's...