spot_img
Homeຂ່າວທ້ອງຖິ່ນການສົ່ງເສີມວັດທະນະທຳທ້ອງຖິ່ນ​ຕິດພັນກັບການທ່ອງທ່ຽວ

ການສົ່ງເສີມວັດທະນະທຳທ້ອງຖິ່ນ​ຕິດພັນກັບການທ່ອງທ່ຽວ

Published on

ໃນວັນທີ​ 27 ມັງກອນ​ 2023​ ຜ່າມມາ, ໄລຍະເທດສະການ ບູນດອກງີ້ວບານ ທີ່ເຂດເສດຖະກິດພິເສດສາມຫລ່ຽມຄຳ ເມືອງຕົ້ນເຜີ້ງ ແຂວງ​ບໍ່ແກ້ວ​ ສປປ​ ລາວ​ ໄດ້ຈັດກິດຈະກຳການແຂ່ງຂັນເຮືອໄຟ​ ກໍຄືການສົ່ງເສີມວັດທະນະທຳອັນດີງາມຂອງທ້ອງຖິ່ນຕິດພັນກັບການທ່ອງທ່ຽວ ໂດຍປະກອບມີ 8 ບ້ານເຂົ້າຮ່ວມຄື: ບ້ານພຽງງາມ,​ ບ້ານດອນມູນ, ບ້ານໃຫຍ່ຕົ້ນເຜີ້ງ1,​ ບ້ານໃຫຍ່ຕົ້ນເຜີ້ງ2,​ ບ້ານດອນສະຫວັນ,​ ບ້ານ​ສີບຸນເຮືອງ, ບ້ານຄວ້ານສາມຫລ່ຽມຄຳ ແລະ​ ບ້າຍມອມ​ ຜົນການປະກວດໂດຍອີງໃສ່ການຕົບແຕ່ງ, ​ເອ້ຢອງ,​ ຄວາມເປັນເອກະລັກປະຈຳທ້ອງຖິ່ນຕິດພັນກັບຮີດຄອງປະເພນີ,​ ຂະບວນການແຫ່,​ ການນຸ່ງຖືທີ່ເປັນເອກະລັກຂອງຊົນເຜົ່າ ແລະ​ ການລອຍເຮືອໄຟ.

ເຊິ່ງຜ່ານຄະນະກຳມະການຮັບຜິດຊອບໄດ້ປະກາດຜົນລາງວັນມີດັ່ງນີ້:
ທີ ​1 ບ້ານມອມ ພ້ອມເງິນລາງວັນ 15​ລ້ານກີບ.
ທີ​ 2 ບ້ານຄວ້ານສາມຫລ່ຽມຄຳ​ພ້ອມເງິນລາງວັນ​10​ລ້ານກີບ.
ທີ​ 3 ບ້ານໃຫຍ່ຕົ້ນເຜີ້ງ1​ ພ້ອມເງິນລາງວັນ​7,5 ລ້ານກີບ.

ນອກນັ້ນ, ໄດ້ມອບລາງວັນຊົມເຊີຍໃຫ້ ເຮືອເຂົ້າຮ່ວມ ບ້ານລະ 5 ລ້ານກີບ ໂດຍເປັນກຽດເຂົ້າຮ່ວມມີທ່ານເຈົ້າເມືອງຕົ້ນເຜີ້ງ,​ ຫົວໜ້າ​ພະແນກຖວທ ແຂວງບໍ່ແກ້ວ ແລະ​ ອໍານາດການປົກຄອງບ້ານ​ແລະ​ ປະຊາຊົນເຂົ້າຮ່ວມ​ ຢ່າງເບີກບານມ່ວນຊື່ນ,​ມີຄວາມສາມັກຄີ​ ແລະ​ ສະແດງອອກເຖິງການອະນຸລັກຮັກສາວັດທະນະທຳອັນດີງາມທ້ອງຖິ່ນຂອງຕົນ.​

ແຫຼ່ງຂ່າວ: MediaLAOS

ບົດຄວາມຫຼ້າສຸດ

ເຂົ້າກັກໂຕທັນທີ! ເຈົ້າໜ້າທີ່ກັກໂຕໜຸ່ມລາວ ໃນຂໍ້ຫາມີພຶດຕິກຳໃຊ້ບັນຊີ ຮັບ-ຖອນເງິນ ໃຫ້ກຸ່ມສະແກມເມີ

ອີງຕາມການລາຍງານຈາກສຳນັກຂ່າວປະເທດໄທ, ເຈົ້າໜ້າທີ່ກວດຄົນເຂົ້າເມືອງໜອງຄາຍ ປະເທດໄທ ໄດ້ເຂົ້າກັກໂຕໜຸ່ມຄົນລາວ ທີ່ມີຊື່ວ່າ ທ ເຈມບອນ ອາຍຸ 31 ປີ ຢູ່ທີ່ດ່ານຊາຍແດນຂົວມິດຕະພາບລາວ-ໄທ ແຫ່ງທີ 1 ໃນວັນທີ...

ພິທີເປີດງານມະຫະກຳກິລາແຫ່ງຊາດ ຄັ້ງທີ XII ນະຄອນຫຼວງວຽງຈັນເກມ 2025 ຢ່າງເປັນທາງການ

ເປີດຂຶ້ນຢ່າງເປັນທາງການແລ້ວ ງານມະຫະກຳກິລາແຫ່ງຊາດ ຄັ້ງທີ XII ນະຄອນຫຼວງວຽງຈັນເກມ 2025. ມະຫະກຳກິລາ ແຫ່ງຊາດ ຄັ້ງທີ XII ຫຼື ນະຄອນຫຼວງວຽງຈັນເກມ ທີ່ນະຄອນຫຼວງວຽງຈັນ ເປັນເຈົ້າພາບ ໄດ້ເປີດຂຶ້ນຢ່າງເປັນທາງການ...

ໃນປີ 2026 ລັດຖະບານຈະປັບເງິນເດືອນ ພະນັກງານລັດຖະກອນບໍ່ຫຼຸດ 3,000,000 ກີບ/ເດືອນ ເພື່ອແກ້ໄຂສະພາບການເປັນຢູ່ຂອງພະນັກງານ

ທ່ານ ສັນຕິພາບ ພົມວິຫານ ລັດຖະມົນຕີກະຊວງການເງິນ ໄດ້ຊີ້ແຈງຕໍ່ການຊັກຖາມຂອງສະມາຊິກສະພາແຫ່ງຊາດ ໃນກອງປະຊຸມສະໄໝສາມັນ ເທື່ອທີ 10 ຂອງສະພາແຫ່ງຊາດ ຊຸດທີ IX ໃນວັນທີ 13 ພະຈິກ...

ຈັບໄດ້ທັງໝົດແລ້ວ! ກໍລະນີລົດບັນທຸກລິງປີ້ນທີ່ ສ.ອາເມຣິກາ ເຮັດໃຫ້ລິງຕິດເຊື້ອໂຕນໜີເມື່ອສອງອາທິດທີ່ຜ່ານມາ ປັດຈຸບັນ ສາມາດນຳລິງທັງໝົດກັບມາໄດ້ແລ້ວ

ເປັນເວລາກວ່າ 8 ມື້ໃນການໄລ່ຈັບລີງຕິດເຊື້ອ, ກໍລະນີທີ່ເກີດຂຶ້ນ ໃນວັນທີ 28 ເດືອນຕຸລາ 2025 ທີ່ຜ່ານມາ ທີ່ລັດມິດຊີຊິບປີ້ ( Mississippi ), ສະຫະລັດອາເມລິກາ...