spot_img
Homeນານາສາລະການລ່າສັດນ້ຳໃນລະດູວາງໄຂ່ ຍັງມີໃຫ້ເຫັນແຜ່ຫລາຍ ໂດຍບໍ່ເກງກົວຕໍ່ກົດໝາຍ!

ການລ່າສັດນ້ຳໃນລະດູວາງໄຂ່ ຍັງມີໃຫ້ເຫັນແຜ່ຫລາຍ ໂດຍບໍ່ເກງກົວຕໍ່ກົດໝາຍ!

Published on

ປັດຈຸບັນນີ້, ເຖິງວ່າລັດຖະບານເຮົາ ໄດ້ມີມາດຕະການເຂັ້ມງວດ ເພື່ອຕ້ານການຫາປາ ແລະ ສັດນ້ຳແບບດັບສູນ, ໂດຍສະເພາະແມ່ນ ຫ້າມບໍ່ໃຫ້ຫາປາໃນລະດູແຜ່ພັນ ຫຼື ລະດູວາງໄຂ, ໃນລະຫວ່າງເດືອນກໍລະກົດ-ກັນຍາ ແລະ ຍັງໄດ້ກຳນົດເອົາ ວັນທີ 13 ກໍລະກົດຂອງທຸກໆປີ ເປັນວັນປ່ອຍປາ ແລະ ອະນຸລັກສັດນ້ຳ-ສັດປ່າແຫ່ງຊາດ, ແນ່ໃສ່ປົກປັກຮັກສາສັດນ້ຳ-ສັດປ່າທີ່ໃກ້ຈະສູນພັນ, ພ້ອມທັງເປັນການປຸກລະດົມໃຫ້ປະຊາຊົນ ມີຈິດສຳນຶກໃນການຮັກສາສິ່ງແວດລ້ອມ ແລະ ປ່ອຍສັດນ້ຳ-ສັດປ່າຄືນສູ່ທຳມະຊາດ, ພ້ອມໄດ້ອອກຂໍ້ຫ້າມຕ່າງໆ ເພື່ອຄຸ້ມຄອງ ແລະ ຍືດອາວຸດທີ່ໃຊ້ລ່າສັດ ແບບດັບສູນຢ່າງເຂັ້ມງວດ, ແຕ່ກໍຍັງປະກົດມີການລັກລອບ ລ່າສັດນ້ຳ-ສັດປ່າເກີນຂອບເຂດ ແລະ ຄ້າຂາຍສັດດັ່ງກ່າວ ທີ່ຜິດກົດໝາຍຍັງມີຢູ່ແຜ່ຫຼາຍ, ບໍ່ເວັ້ນແຕ່ໃນໄລດູຫ້າມ, ມັນສະແດງອອກປັດຈຸບັນ ຢູ່ຕະຫຼາດຫຼາຍແຫ່ງໃນນະຄອນຫຼວງວຽງຈັນ, ກໍຄືໃຂເຂດແຂວງອື່ນໆໃນທົ່ວປະເທດ ຍັງມີການວາງຂາຍປາ ແລະ ສັດນ້ຳຫາຍາກຢ່າງຫຼວງຫຼາຍ, ໂດຍບໍ່ຢ້ານກົວຕໍ່ລະບຽບກົດໝາຍ, ເຊັ່ນດຽວກັນກັບຢູ່ເຂດຊານເມືອງຕ່າງໆ ມີການວາງຂາຍປາ ແລະ ສັດນ້ຳຂີດແດງດັ່ງກ່າວ, ຊຶ່ງປະຊາຊົນຈຳນວນໜຶ່ງ ຍັງເຫັນແກ່ຜົນປະໂຫຍດສ່ວນໂຕ, ໂດຍບໍ່ຄຳນຶງເຖິງຂໍຫ້າມ ແລະ ລະບຽບກົດໝາຍແຕ່ຢ່າງໃດ.

ດັ່ງນັ້ນ ພາກສ່ວນກ່ຽວຂ້ອງ ຈະຕ້ອງໄດ້ເພີ່ມທະວີການປະຕິບັດໜ້າທີ່ ໃຫ້ເຂັ້ມງວດກວ່າເກົ່າ, ໂດຍສະເພາະມແມ່ນການກວດກາ, ດຳເນີນມາດຕະການ ຕໍ່ຜູ້ທີ່ລະເມີດຢ່າງເຂັ້ມງວດ, ໄປຄຽງຄູ່ກັບ ການປົກປັກຮັກສາປ່າໄມ້ ແລະ ແຫຼ່ງນ້ຳທີ່ສຳຄັນ, ເພື່ອຄວາມອຸດົມສົມບູນຂອງສັດນ້ຳ-ສັດປ່າ ແລະ ລະບົບນິເວນທາງທຳມະຊາດ, ກາຍເປັນທ່າແຮງ ໃນການພັດທະນາເສດຖະກິດ-ສັງຄົມແຫ່ງຊາດ, ສົມກັບຄຳເວົ້າທີ່ວ່າ: ເມືອງລາວເປັນເມືອງທີ່ວວຍງາມ ແລະ ອຸດົມສົມບູນໄປດ້ວຍຊີວະນາໆພັນ.

 

ແຫລ່ງຂ່າວ:

ລພນ

ຕິດຕາມເລື່ອງດີດີ ວິທະຍາສຶກສາ ກົດໄລຄ໌ເລີຍ!

ບົດຄວາມຫຼ້າສຸດ

ໃນປີ 2026 ລັດຖະບານຈະປັບເງິນເດືອນ ພະນັກງານລັດຖະກອນບໍ່ຫຼຸດ 3,000,000 ກີບ/ເດືອນ ເພື່ອແກ້ໄຂສະພາບການເປັນຢູ່ຂອງພະນັກງານ

ທ່ານ ສັນຕິພາບ ພົມວິຫານ ລັດຖະມົນຕີກະຊວງການເງິນ ໄດ້ຊີ້ແຈງຕໍ່ການຊັກຖາມຂອງສະມາຊິກສະພາແຫ່ງຊາດ ໃນກອງປະຊຸມສະໄໝສາມັນ ເທື່ອທີ 10 ຂອງສະພາແຫ່ງຊາດ ຊຸດທີ IX ໃນວັນທີ 13 ພະຈິກ...

ຈັບໄດ້ທັງໝົດແລ້ວ! ກໍລະນີລົດບັນທຸກລິງປີ້ນທີ່ ສ.ອາເມຣິກາ ເຮັດໃຫ້ລິງຕິດເຊື້ອໂຕນໜີເມື່ອສອງອາທິດທີ່ຜ່ານມາ ປັດຈຸບັນ ສາມາດນຳລິງທັງໝົດກັບມາໄດ້ແລ້ວ

ເປັນເວລາກວ່າ 8 ມື້ໃນການໄລ່ຈັບລີງຕິດເຊື້ອ, ກໍລະນີທີ່ເກີດຂຶ້ນ ໃນວັນທີ 28 ເດືອນຕຸລາ 2025 ທີ່ຜ່ານມາ ທີ່ລັດມິດຊີຊິບປີ້ ( Mississippi ), ສະຫະລັດອາເມລິກາ...

ໂຄງການ ASEAN SOAR Together ໄດ້ຮ່ວມແບ່ງປັນເລື່ອງລາວຄວາມສໍາເລັດຂອງ MSME ດິຈິຕ້ອນ ທີ່ງານ ABIS 2025

ສະເຫຼີມສະຫຼອງຜົນສໍາເລັດຂອງການຫັນສູ່ດິຈິຕ້ອນຂອງ MSME ໃນທົ່ວອາຊຽນ ຜ່ານໂຄງການ ASEAN SOAR Together ກົວລາ ລໍາເປີ, 31 ຕຸລາ 2025 – ມູນນິທິ ອາຊຽນ...

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ໄດ້ຄາດ່ານໜອງຄາຍ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ຄາດ່ານໜອງຄາຍ (ດ່ານຂົວມິດຕະພາບແຫ່ງທີ 1) ໃນວັນທີ 3 ພະຈິກ...