spot_img
Homeຂ່າວການສຶກສາກະຊວງສຶກສາຯ ຈະປັບປຸງຄຸນນະພາບ ແລະ ສະໜອງຄູເຂດຫ່າງໄກສອກຫລີກ ໃຫ້ໄດ້ຕາມຄວາມຕ້ອງການ

ກະຊວງສຶກສາຯ ຈະປັບປຸງຄຸນນະພາບ ແລະ ສະໜອງຄູເຂດຫ່າງໄກສອກຫລີກ ໃຫ້ໄດ້ຕາມຄວາມຕ້ອງການ

Published on

ທ່ານ ນາງແສງເດືອນ ຫລ້າຈັນທະບູນ ລັດຖະມົນຕີ ກະຊວງສຶກສາທິການແລະ ກິລາຊີ້ແຈ້ງບັນຫາຕໍ່​ ກອງປະຊຸມສະພາໄໝສາມັນເທື່ອທີ 2 ຂອງສະພາແຫ່ງຊາດ ຊຸດທີ VIII ​​ນີ້ວ່າ: ເພື່ອຮັບປະກັນການຕອບສະໜອງຄູ ໃຫ້ບັນລຸຕາມຄວາມຕ້ອງການ ໂດຍສະເພາະແມ່ນ ຄູທີ່ຢູ່ເຂດຫ່າງໄກສອກຫລີກໃຫ້ພຽງພໍແນໃສ່ຮັບປະກັນ​ ການສະໜອງຄຸນນະພາບການຮຽນຮູ້ ໃຫ້ແກ່ນັກຮຽນທຸກຄົນນັ້ນ ກະຊວງສຶກສາທິການແລະ ກິລາ ໄດ້ວາງມາດຕະການວິທີແກ້ໄຂ​​ ໂດຍການຄົ້ນຄ້ວາມາດຖານແລະ ວິທີການຊັບຊ້ອນ ບັນຈຸຄູ, ຈັດສັນຄູສອນຊັ້ນລ້ຽງເດັກ​-ອະນຸບານແລະ ຊັ້ນປະຖົມສຶກສາຄືນໃໝ່, ວາງແຜນ​ ​ແລະ ຄຸ້ມຄອງກ່ຽວກັບ ຄວາມຕ້ອງການຄູແລະ ການສະໜອງຄູ ໃຫ້ມີການປະສານງານເປັນຢ່າງດີ ໂດຍຈະກໍານົດຄວາມຕ້ອງການຄູ ເຊິ່ງເລີ່ມຈາກຂັ້ນໂຮງຮຽນ ຂຶ້ນມາຢ່າງໜ້ອຍໃນທຸກໆສອງປີ.

ທ່ານລັດຖະມົນຕີຍັງກ່າວຕື່ມວ່າ: ​ຈະຈັດຝຶກອົບຮົມໃຫ້ແກ່ຜູ້ບໍລິຫານການສຶກສາຂັ້ນແຂວງ, ຂັ້ນເມືອງ ແລະ ໂຮງຮຽນ ກ່ຽວກັບການເກັບກໍາຂໍ້ມູນການສຶກສາພາຍໃນບ້ານເພື່ອສະໜັບສະໜູນ ໃຫ້ແກ່ການກະກຽມວາງແຜນ ຄວາມຕ້ອງການຄູເພື່ອສ້າງຄວາມເຂັ້ມແຂງ ໃຫ້ແກ່ຜູ້ບໍລິຫານໂຮງຮຽນ ໃນການບໍລິຫານຄຸ້ມຄອງໂຮງຮຽນໃຫ້ດີຂຶ້ນ, ສ້າງແລະ ປັບປຸງນິຕິກໍາຕ່າງໆ ທີ່ກ່ຽວຂ້ອງ ກັບການຄຸ້ມຄອງບໍລິຫານ ການສຶກສາຊັ້ນປະຖົມແລະ ມັດທະຍົມສຶກສາ, ປັບປຸງວຽກງານບໍລິຫານແລະ ຄຸ້ມຄອງໂຮງຮຽນ ໂດຍຖືເອົາການບໍລິຫານ​-ຄຸ້ມຄອງ​​ໂຮງຮຽນ ເປັນຫລັກ ເລີ່ມຕົ້ນຈາກການ ສ້າງຄວາມເຂັ້ມແຂງ ໃຫ້ແກ່ຜູ້ອໍານວຍການໂຮງຮຽນ, ນໍາໃຊ້ລະບົບໄອຊີທີເພື່ອຍົກສູງປະສິດທິພາບໃນການ ບໍລິຫານຄຸ້ມຄອງໂຮງຮຽນ, ສ້າງເງື່ອນໄຂໃຫ້ຄູສຶກສານິເທດໄດ້ລົງຕິດຕາມແລະ ຊ່ວຍເຫລືອຄູພາຍໃນໂຮງຮຽນເພື່ໃຫ້ຜູ້ອໍານວຍການໂຮງຮຽນ ໄດ້ມີເວລາສຸມໃສ່ປັບປຸງການບໍລິຫານ ຄຸ້ມຄອງ​​ໂຮງຮຽນໃຫ້ຫລາຍຂຶ້ນ.

 

ແຫລ່ງຂ່າວ:

ຂປລ

ຕິດຕາມເຮົາທາງFacebook ກົດຖືກໃຈເລີຍ!

ບົດຄວາມຫຼ້າສຸດ

ເສຍຊີວິດຢ່າງນ້ອຍ 4 ຄົນ ເກີດເຫດກວດຍິງຢູ່ບາແຫ່ງໜຶ່ງ ໃນລັດເຊົາແຄໂລໄລນາ ສະຫະລັດອາເມລິກາ

ເກີດເຫດກວດຍິງຢູ່ບາແຫ່ງໜຶ່ງ ໃນລັດເຊົາແຄໂລໄລນາ ສະຫະລັດອາເມລິກາ ສຳນັກຂ່າວຕ່າງປະເທດລາຍງານໃນຊ່ວງຕອນເຊົ້າຂອງວັນອາທິດ 12 ຕຸລາ 2025 ເກີດເຫດເຫດການກວດຍິງ ພາຍໃນ ບາແຫ່ງໜຶ່ງ ເຊິ່ງເປັນບາທີ່ໄດ້ຮັບຄວາມນິຍົມຢູ່ໃນລັດເຊົາແຄໂລໄລນາ ສະຫະລັດອາເມລິກາ ເຊິ່ງເຫດການດັ່ງກ່າວເຮັດໃຫ້ມີຄົນເສຍຊີວິດຢ່າງນ້ອຍ 4 ຄົນ...

ເລີ່ມ! ວັນທີ 1 ພະຈິກ 2025 ທ່ານ ໂດນັລ ທຣຳ ປະທານນາທິບໍດີ ສະຫະລັດອາເມລິກາ ຈະຮຽກເກັບພາສີນຳເຂົ້າສິນຄ້າຈາກຈີນ ເພີ່ມອີກ 100%

ລາຍງານຈາກສຳນັກຂ່າວຕ່າງປະເທດ ໃນວັນທີ 10/10/2025 ທີ່ຜ່ານມາ ທ່ານ ໂດນັລ ທຣຳ ປະທານນາທິບໍດີ ສະຫະລັດອາເມລິກາ ໄດ້ອອກຄໍາສັ່ງ ຈະຮຽກເກັບພາສີນຳເຂົ້າສິນຄ້າຈາກຈີນ ເພີ່ມອີກ 100% ຈາກທີ່ປັດຈຸບັນສະຫະລັດເກັບພາສີສິນຄ້າຈີນຢູ່ທີ່...

ອຸທາຫອນ! ແມ່ຕູ້ຊາວຈີນມີຄວາມເຊື່ອແປກ ຕັດສິນໃຈກິນກົບສົດໆລົງທ້ອງ ຫວັງໃຫ້ເຊົາເຈັບຫຼັງ ແຕ່ສຸດທ້າຍອາການໜັກ

ເມື່ອປວດຫຼັງຫຼາຍຄົນອາດຈະເລືອກກິນຢາ ຫຼື ໄປຫາແພດ ແມ່ນບໍ່, ແຕ່ມີລາຍງານຂ່າວຈາກເມືອງຫາງໂຈ ປະເທດຈີນ, ເມືອບໍ່ດົນມານີ້ ວ່າ ມີແມ່ຕູ້ຄົນໜຶ່ງ ມີອາການເຈັບຫຼັງ ແລະເລືອກວິທີຮັກສາຕາມຄວາມເຊື່ອຂອງຕົນ ໂດຍການກືນກິນກົບສົດລົງທ້ອງ ຈົນເຮັດໃຫ້ເຊື້ອພະຍາດເຂົ້າສູ່ຮ່າງກາຍ. ເຊິ່ງກ່ອນເກີດເຫດແມ່ຕູ້ໄດ້ຂໍໃຫ້ພີ່ນ້ອງໄປຈັບກົບຂະໜາດນ້ອຍມາໃຫ້ ໂດຍບໍ່ໄດ້ບອກວ່າຈະເອົາໄປເຮັດຫຍັງ,...

ວັນການທູດລາວຄົບຮອບ 80 ປີ ປັດຈຸບັນ ລາວມີສາຍພົວພັນການທູດກັບ 151 ປະເທດ ມີສໍານັກງານຕາງໜ້າການທູດ ຢູ່ຕ່າງປະເທດ 41 ແຫ່ງ

ວັນການທູດລາວຄົບຮອບ 80 ປີ (12/10/1945-12/10/2025) ແມ່ນວັນສຳຄັນທາງປະຫວັດສາດຂອງຊາດ ທີ່ມີຄວາມໝາຍຄວາມສຳຄັນ ເພາະສະແດງອອກພູມປັນຍາຄວາມສະຫລາດສ່ອງໃສຂອງບັນພະບູລຸດ ແລະ ຄວາມສຳເລັດຂອງພາລະກິດຕ່າງໆຕັ້ງແຕ່ອາດີດຮອດປັດຈຸບັນ ແລະ ແນໃສ່ສືບຕໍ່ສ້າງເປັນບົດຮຽນ ເປັນມູນມັງມໍລະດົກຕົກທອດໃຫ້ແກ່ຄົນຮຸ່ນ ໃໝ່ຕໍ່ໆໄປໃນອະນາຄົດ. ເຊິ່ງກົມການເມືອງສູນກາງພັກໄດ້ອອກແຈ້ງການສະບັບເລກທີ...