spot_img
Homeຂ່າວການພັດທະນາກະຊວງພະລັງງານຯເຜີຍ ປະເທດເຮົາສຳເລັດກໍ່ສ້າງໂຄງການໄຟຟ້າ 42 ແຫ່ງ ກຳລັງຕິດຕັ້ງ 6,300 ເມກາວັດ

ກະຊວງພະລັງງານຯເຜີຍ ປະເທດເຮົາສຳເລັດກໍ່ສ້າງໂຄງການໄຟຟ້າ 42 ແຫ່ງ ກຳລັງຕິດຕັ້ງ 6,300 ເມກາວັດ

Published on

ປັດຈຸບັນສປປ ລາວ ໄດ້ສຳ​ເລັດການກໍ່ສ້າງ ໂຄງການໄຟຟ້າພະລັງນ້ຳແລະ ພະລັງຄວາມຮ້ອນ ທັງໝົດ 42 ​ໂຄງການ, ມີກຳລັງຕິດຕັ້ງທັງໝົດ 6.300 ​ເມກາວັດ, ສາມາດຜະລິດພະລັງງານໄຟຟ້າໄດ້ເຖິງ 35 ພັນລ້ານກິໂລວັດໂມງ. ສຳລັບການພັດທະນາ ໂຄງການ​​ໄຟຟ້າ ທີ່ກຳລັງກະກຽມແລະ ດຳເນີນການກໍ່ສ້າງ ມີທັງໝົດ 53 ​ໂຄງການ, ຄາດວ່າຈະສຳເລັດພາຍໃນປີ 2020.

ທ່ານ ຄຳມະນີ ອິນທິລາດ ລັດຖະມົນຕີກະຊວງພະລັງງານແລະ ບໍ່ແຮ່ ​​ແຈ້ງໃຫ້ຮູ້ວ່າ: ສະເພາະປີ 2016 ​ແມ່ນຈະສຳເລັດ 7 ​ໂຄງການ, ມີກຳລັງຕິດຕັ້ງ 634 ​ເມກາວັດ, ປີ 2017-2018 ສຳເລັດ 9 ໂຄງການ, ປີ 2019 ມີ 14 ​ໂຄງການແລະ ປີ 2020 ສຳເລັດ 13 ​ໂຄງການເຊິ່ງຈະມີກຳລັງຕິດຕັ້ງທັງໝົດ ປະມານ 8.000 ​ເມກາວັດ, ຮອດປີ 2020 ສປປ ລາວ ຈະມີໂຄງການໄຟຟ້າ 90 ກວ່າແຫ່ງຢູ່ໃນການຄຸ້ມຄອງ, ມີກຳລັງຕິດຕັ້ງ​​ເກືອບ 14 ພັນເມກາວັດ. ພ້ອມກັບການພັດທະນາຂະແໜງໄຟຟ້າແລ້ວ ຍັງມີການຂະຫຍາຍສາຍສົ່ງໄຟຟ້າເຊິ່ງມີ 3 ລະດັບຄື: ​ແຮງສູງ 500 ກິໂລໂວ, ​ແຮງກາງ 230 ກິໂລໂວແລະແຮງຕ່ຳ 115 ກິໂລໂວ, ຍາວເກືອບ7.000 ກິໂລແມັດ. ​ສຳລັບແຮງສູງ 500 ກິໂລໂວ ຂະຫຍາຍໄດ້ເກືອບ 200 ກິໂລແມັດ ຮອດປີ 2018 ຈະສຳເລັດຕື່ມອີກປະມານ 90 ກິໂລແມັດ ລວມກວ່າ 100 ກິໂລແມັດ, ​ສາຍສົ່ງ 500 ກິໂລໂວນນີ້ ມີຄວາມສຳຄັນທີ່ສຸດເພາະຈະໄດ້ສະໜອງໄຟຟ້າໃຫ້ແຂວງພາກເໜືອ, ພາກກາງແລະ ພາກໃຕ້ ຮັບປະກັນການເຊື່ອມໂຍງໄຟຟ້າ ​​ໃຫ້ເປັນລະບົບໃນທົ່ວປະເທດ, ພ້ອມນັ້ນ ຍັງເປັນລະບົບທີ່ເຊື່ອມໂຍງກັບປະ​​ເທດເພື່ອນມິດອ້ອມຂ້າງ ​ເຊັ່ນ: ໄທ, ຫວຽດນາມ, ກຳປູເຈຍ ແລະ ມຽນມາ, ພ້ອມ​​ມີແຜນຈະ​​ເຊື່ອມໂຍງໄປຍັງປະເທດມາເລເຊຍ ໃນຕໍ່ໜ້າ.

ສ່ວນສາຍສົ່ງລະບົບ 230 ​ແລະ 115 ກິໂລໂວ ກໍມີການເຊື່ອມໂຍງໃນທົ່ວປະເທດ ເພື່ອສະໜອງໃຫ້ປະຊາຊົນ​​ ໄດ້ຊົມໃຊ້ຢ່າງທົ່ວເຖິງ ເຊິ່ງປັດຈຸບັນກວມ 85% ຂອງຈຳນວນບ້ານທັງໝົດແລະ 92% ຂອງຈຳນວນຄອບຄົວທັງໝົດ. ໃນໄລະ 5 ປີ ຜ່ານມາໄດ້ມີການຊີ້ນຳ ນຳພາຈັດຕັ້ງປະຕິບັດ​ ວຽກງານພະລັງງານແລະ ບໍ່ແຮ່ ລວມຍອດການຜະລິດຕະພັນ ທັງໝົດປະມານ 95 ພັນຕື້ກວ່າກີບ, ​ໃນນັ້ນ ຂະແໜງໄຟຟ້າ 27 ພັນ​​ຕື້ກີບ, ຂະແໜງບໍ່ແຮ່ 68 ພັນຕື້ກີບເຊິ່ງເປັນມູນຄ່າມະຫາສານເພື່ອປະກອບສ່ວນພັດທະນາ ເສດຖະກິດສັງຄົມຂອງປະເທດ.

ຢ່າງໃດກໍຕາມທ່ານລັດຖະມົນຕີກະຊວງພະລັງງານແລະ ບໍ່ແຮ່ ເຫັນວ່າ​ ຂະແໜງໄຟຟ້າໄດ້ຂະຫຍາຍຕົວລະດັບ 15% ​ໃນແຕ່ລະປີແຕ່ຂະແໜງບໍ່ແຮ່ຫລຸດລົງ ສະເລ່ຍປະມານ 6% ​ເນື່ອງຈາກລາຄາແຮ່ຄຳ, ທອງເງິນ, ເຫລັກແລະແຮ່ທາດຕ່າງໆໃນຕະຫລາດໂລກຫລຸດລົງແຕ່ຄາດວ່າຈະເພີ່ມຂຶ້ນອີກຮອບ​ ໃນປີ 2017.

 

ແຫລ່ງຂ່າວ:

ຂປລ

ຕິດຕາມເຮົາທາງFacebook ກົດຖືກໃຈເລີຍ!

ບົດຄວາມຫຼ້າສຸດ

ສຕລ ປະກາດລາຍຊື່ນັກກິລາທີມຊາດລາວ ຍູ 23 ເຂົ້າຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ.

ປະກາດ 23 ລາຍຊື່ນັກກິລາທີມຊາດລາວ ຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ. ໃນວັນທີ 11 ກໍລະກົດ 2025 ສະຫະພັນບານເຕະແຫ່ງຊາດລາວ (ສຕລ)...

ດາວດວງໃໝ່! ສາຍແສງໃນເວທີສາກົນ ອອດສະກ້າ ນັກກິລາໜຸ່ມນ້ອຍລາວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ

ນ້ອງ ອອດສະກ້າ ອາຍຸ 11 ປີ ໜຸ່ມນ້ອຍແຄ່ງລູກເຂົ້າໜຽວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ ທີ່ປະເທດແອັດສະປາຍ. ກາຍເປັນອີກຂ່າວດີຂອງວົງການກິລາບານເຕະເຍົາວະຊົນລາວ ອີກໜຶ່ງຜົນງານໃນເວທີສາກົນ ທ້າວ ສີນໄຊ ຫຼວງບຸນເຮືອງ ຫຼື...

ເຈົ້າໜ້າທີ່ຕຳຫຼວດໄທຈັບກຸມ ໜຸ່ມຮັກສັດເລືອກທາງຜິດ ຂາຍຢາບ້າເພື່ອຫາເງິນຊື້ອາຫາານໃຫ້ໝາ-ແມວ

ໜຸ່ມໄທຮັກສັດເລືອກທາງຜິດ ຂາຍຢາບ້າເພື່ອຊື້ອາຫານມາລ້ຽງໝາ-ແມວ 30 ກວ່າໂຕ ສຳນັກຂ່າວໄທລັດລາຍງານໃນວັນທີ 9 ກໍລະກົດ 2025 ຜ່ານມາ, ເຈົ້າໜ້າທີ່ຕຳຫຼວດໄທ ຮ່ວມກັບພາກສ່ວນກ່ຽວຂ້ອງໄດ້ລົງພຶ້ນທີ່ເພື່ອແກ້ໄຂບັນຫາຢາເສບຕິດ ຕາມການລາຍງານຂອງພົນລະເມືອງດີວ່າມີກຸ່ມຄົນຄ້າຂາຍຢາເສບຕິດໃນຊຸມຊົນແຫ່ງໜຶ່ງໃນ ຈັງຫວັດ ສຣະແກ້ວ ປະເທດໄທ. ຕາມການລົງພຶ້ນທີ່ຕົວຈິງຂອງເຈົ້າໜ້າທີ່ໄທສາມາດຈັບຕົວຜູ້ຖືກຫາໄດ້ໜຶ່ງຄົນ...

ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ມາຂຶ້ນກັບຄະນະໂຄສະນາອົບຮົມສູນກາງພັກ ຢ່າງເປັນທາງການ

ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ມາຂຶ້ນກັບຄະນະໂຄສະນາອົບຮົມສູນກາງພັກ. ພິທີເຊັນບົດບັກທຶກ ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ຈາກກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ ມາຂຶ້ນກັບຄະນະໂຄສະນາອົບຮົມສູນກາງພັກ ຈັດຂຶ້ນໃນວັນທີ 8 ກໍລະກົດ 2025,...