ກະຊວງການເງິນ ເນັ້ນເດັດດ່ຽວແກ້ໄຂຄວາມເຄັ່ງຕຶງດ້ານງົບປະມານ

ທ່ານ ສົມດີ ດວງດີ ຮອງນາຍົກລັດຖະມົນຕີ, ລັດຖະມົນຕີກະຊວງການເງິນ ໄດ້ຕອບຂໍ້ຊັກຖາມຂອງສື່ມວນຊົນພາຍຫລັງສຳເລັດກອງປະຊຸມລັດຖະບານສະໄຫມສາມັນປະຈຳເດືອນພຶດສະພາເມື່ອອາທິດຜ່ານມາວ່າ: ພວກເຮົາ ຈະເຂັ້ມງວດໃນການຕິດຕາມກວດກາການຈັດຕັ້ງປະຕິບັດວຽກງານຕ່າງໆຂອງພະນັກງານລັດຖະກອນພວກເຮົາ ທີ່ເປັນບັນຫາສຳຄັນໃນການຈັດເກັບລາຍຮັບ, ການປະຕິບັດໜ້າທີ່ຂອງພະນັກງານໃນທຸກຂົງເຂດ ໂດຍສະເພາະແມ່ນຂົງເຂດການເກັບລາຍຮັບພາສີ, ອາກອນ, ຊັບສິນ, ການຄຸ້ມຄອງການເງິນຂອງວິສາຫະກິດຂອງລັດລົງທຶນ ແລະ ອື່ນໆ .

ຂະນະທີ່ບັນຫາສໍາຄັນ ແລະ ຮີບດ່ວນທີ່ສຸດທີ່ປະຊຸມໄດ້ເນັ້ນ ໃຫ້ຂະແໜງການກ່ຽວຂ້ອງ ຄົ້ນຄວ້າ ແລະ ນໍາໃຊ້ເຄື່ອງມືທີ່ທັນສະໄໝ ເຂົ້າໃນລະບົບຈັດເກັບລາຍຮັບ ເພື່ອຮັບປະກັນຄວາມຮັດກຸມ ແລະ ໂປ່ງໃສ. ພ້ອມກັນນີ້ ກໍ່ໃຫ້ເອົາໃຈໃສ່ສຶກສາອົບຮົມພະນັກງານ, ເຈົ້າໜ້າທີ່ພາສີ-ອາກອນ ໃຫ້ຕັ້ງໜ້າປະຕິ ບັດ ສິດ ແລະ ໜ້າທີ່ຂອງຕົນ ດ້ວຍຄວາມຮັບຜິດຊອບສູງ, ບໍລິສຸດໂປ່ງໃສ, ເດັດດ່ຽວແກ້ໄຂປະກົດການຫຍໍ້ທໍ້ທີ່ບໍ່ໂປ່ງໃສ ໃນການຈັດເກັບລາຍຮັບງົບປະມານ.

ກະຊວງການເງິນຄາດວ່າແຕ່ນີ້ຫາທ້າຍປີ 2016 ແມ່ນເຮັດແນວໃດໃຫ້ຮັບປະກັນການເກັບລາຍຮັບໃຫ້ໄດ້ຕາມແຜນ ແລະ ປະຕິບັດລາຍຈ່າຍໃຫ້ໄດ້ປົກກະຕິ ໂດຍສະເພາະລາຍຈ່າຍເງິນເດືອນ, ເງິນບໍລິຫານ ແລະ ລາຍຈ່າຍຈຳເປັນຂອງລັດຖະບານ ແລະ ຄາດວ່ານັບແຕ່ປີ 2017 ເປັນຕົ້ນໄປສະພາບການຈະຄ່ອຍໆກ້າວເຂົ້າສູ່ລາຍຮັບລາຍຈ່າຍປົກກະຕິ.

 

ຂ່າວຈາກ: ເສດຖະກິດ-ການຄ້າ

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.