spot_img
Homeຂ່າວພາຍ​ໃນກະຊວງການເງິນ ເນັ້ນເດັດດ່ຽວແກ້ໄຂຄວາມເຄັ່ງຕຶງດ້ານງົບປະມານ

ກະຊວງການເງິນ ເນັ້ນເດັດດ່ຽວແກ້ໄຂຄວາມເຄັ່ງຕຶງດ້ານງົບປະມານ

Published on

ທ່ານ ສົມດີ ດວງດີ ຮອງນາຍົກລັດຖະມົນຕີ, ລັດຖະມົນຕີກະຊວງການເງິນ ໄດ້ຕອບຂໍ້ຊັກຖາມຂອງສື່ມວນຊົນພາຍຫລັງສຳເລັດກອງປະຊຸມລັດຖະບານສະໄຫມສາມັນປະຈຳເດືອນພຶດສະພາເມື່ອອາທິດຜ່ານມາວ່າ: ພວກເຮົາ ຈະເຂັ້ມງວດໃນການຕິດຕາມກວດກາການຈັດຕັ້ງປະຕິບັດວຽກງານຕ່າງໆຂອງພະນັກງານລັດຖະກອນພວກເຮົາ ທີ່ເປັນບັນຫາສຳຄັນໃນການຈັດເກັບລາຍຮັບ, ການປະຕິບັດໜ້າທີ່ຂອງພະນັກງານໃນທຸກຂົງເຂດ ໂດຍສະເພາະແມ່ນຂົງເຂດການເກັບລາຍຮັບພາສີ, ອາກອນ, ຊັບສິນ, ການຄຸ້ມຄອງການເງິນຂອງວິສາຫະກິດຂອງລັດລົງທຶນ ແລະ ອື່ນໆ .

ຂະນະທີ່ບັນຫາສໍາຄັນ ແລະ ຮີບດ່ວນທີ່ສຸດທີ່ປະຊຸມໄດ້ເນັ້ນ ໃຫ້ຂະແໜງການກ່ຽວຂ້ອງ ຄົ້ນຄວ້າ ແລະ ນໍາໃຊ້ເຄື່ອງມືທີ່ທັນສະໄໝ ເຂົ້າໃນລະບົບຈັດເກັບລາຍຮັບ ເພື່ອຮັບປະກັນຄວາມຮັດກຸມ ແລະ ໂປ່ງໃສ. ພ້ອມກັນນີ້ ກໍ່ໃຫ້ເອົາໃຈໃສ່ສຶກສາອົບຮົມພະນັກງານ, ເຈົ້າໜ້າທີ່ພາສີ-ອາກອນ ໃຫ້ຕັ້ງໜ້າປະຕິ ບັດ ສິດ ແລະ ໜ້າທີ່ຂອງຕົນ ດ້ວຍຄວາມຮັບຜິດຊອບສູງ, ບໍລິສຸດໂປ່ງໃສ, ເດັດດ່ຽວແກ້ໄຂປະກົດການຫຍໍ້ທໍ້ທີ່ບໍ່ໂປ່ງໃສ ໃນການຈັດເກັບລາຍຮັບງົບປະມານ.

ກະຊວງການເງິນຄາດວ່າແຕ່ນີ້ຫາທ້າຍປີ 2016 ແມ່ນເຮັດແນວໃດໃຫ້ຮັບປະກັນການເກັບລາຍຮັບໃຫ້ໄດ້ຕາມແຜນ ແລະ ປະຕິບັດລາຍຈ່າຍໃຫ້ໄດ້ປົກກະຕິ ໂດຍສະເພາະລາຍຈ່າຍເງິນເດືອນ, ເງິນບໍລິຫານ ແລະ ລາຍຈ່າຍຈຳເປັນຂອງລັດຖະບານ ແລະ ຄາດວ່ານັບແຕ່ປີ 2017 ເປັນຕົ້ນໄປສະພາບການຈະຄ່ອຍໆກ້າວເຂົ້າສູ່ລາຍຮັບລາຍຈ່າຍປົກກະຕິ.

 

ຂ່າວຈາກ: ເສດຖະກິດ-ການຄ້າ

ບົດຄວາມຫຼ້າສຸດ

ເສຍຊີວິດຢ່າງນ້ອຍ 4 ຄົນ ເກີດເຫດກວດຍິງຢູ່ບາແຫ່ງໜຶ່ງ ໃນລັດເຊົາແຄໂລໄລນາ ສະຫະລັດອາເມລິກາ

ເກີດເຫດກວດຍິງຢູ່ບາແຫ່ງໜຶ່ງ ໃນລັດເຊົາແຄໂລໄລນາ ສະຫະລັດອາເມລິກາ ສຳນັກຂ່າວຕ່າງປະເທດລາຍງານໃນຊ່ວງຕອນເຊົ້າຂອງວັນອາທິດ 12 ຕຸລາ 2025 ເກີດເຫດເຫດການກວດຍິງ ພາຍໃນ ບາແຫ່ງໜຶ່ງ ເຊິ່ງເປັນບາທີ່ໄດ້ຮັບຄວາມນິຍົມຢູ່ໃນລັດເຊົາແຄໂລໄລນາ ສະຫະລັດອາເມລິກາ ເຊິ່ງເຫດການດັ່ງກ່າວເຮັດໃຫ້ມີຄົນເສຍຊີວິດຢ່າງນ້ອຍ 4 ຄົນ...

ເລີ່ມ! ວັນທີ 1 ພະຈິກ 2025 ທ່ານ ໂດນັລ ທຣຳ ປະທານນາທິບໍດີ ສະຫະລັດອາເມລິກາ ຈະຮຽກເກັບພາສີນຳເຂົ້າສິນຄ້າຈາກຈີນ ເພີ່ມອີກ 100%

ລາຍງານຈາກສຳນັກຂ່າວຕ່າງປະເທດ ໃນວັນທີ 10/10/2025 ທີ່ຜ່ານມາ ທ່ານ ໂດນັລ ທຣຳ ປະທານນາທິບໍດີ ສະຫະລັດອາເມລິກາ ໄດ້ອອກຄໍາສັ່ງ ຈະຮຽກເກັບພາສີນຳເຂົ້າສິນຄ້າຈາກຈີນ ເພີ່ມອີກ 100% ຈາກທີ່ປັດຈຸບັນສະຫະລັດເກັບພາສີສິນຄ້າຈີນຢູ່ທີ່...

ອຸທາຫອນ! ແມ່ຕູ້ຊາວຈີນມີຄວາມເຊື່ອແປກ ຕັດສິນໃຈກິນກົບສົດໆລົງທ້ອງ ຫວັງໃຫ້ເຊົາເຈັບຫຼັງ ແຕ່ສຸດທ້າຍອາການໜັກ

ເມື່ອປວດຫຼັງຫຼາຍຄົນອາດຈະເລືອກກິນຢາ ຫຼື ໄປຫາແພດ ແມ່ນບໍ່, ແຕ່ມີລາຍງານຂ່າວຈາກເມືອງຫາງໂຈ ປະເທດຈີນ, ເມືອບໍ່ດົນມານີ້ ວ່າ ມີແມ່ຕູ້ຄົນໜຶ່ງ ມີອາການເຈັບຫຼັງ ແລະເລືອກວິທີຮັກສາຕາມຄວາມເຊື່ອຂອງຕົນ ໂດຍການກືນກິນກົບສົດລົງທ້ອງ ຈົນເຮັດໃຫ້ເຊື້ອພະຍາດເຂົ້າສູ່ຮ່າງກາຍ. ເຊິ່ງກ່ອນເກີດເຫດແມ່ຕູ້ໄດ້ຂໍໃຫ້ພີ່ນ້ອງໄປຈັບກົບຂະໜາດນ້ອຍມາໃຫ້ ໂດຍບໍ່ໄດ້ບອກວ່າຈະເອົາໄປເຮັດຫຍັງ,...

ວັນການທູດລາວຄົບຮອບ 80 ປີ ປັດຈຸບັນ ລາວມີສາຍພົວພັນການທູດກັບ 151 ປະເທດ ມີສໍານັກງານຕາງໜ້າການທູດ ຢູ່ຕ່າງປະເທດ 41 ແຫ່ງ

ວັນການທູດລາວຄົບຮອບ 80 ປີ (12/10/1945-12/10/2025) ແມ່ນວັນສຳຄັນທາງປະຫວັດສາດຂອງຊາດ ທີ່ມີຄວາມໝາຍຄວາມສຳຄັນ ເພາະສະແດງອອກພູມປັນຍາຄວາມສະຫລາດສ່ອງໃສຂອງບັນພະບູລຸດ ແລະ ຄວາມສຳເລັດຂອງພາລະກິດຕ່າງໆຕັ້ງແຕ່ອາດີດຮອດປັດຈຸບັນ ແລະ ແນໃສ່ສືບຕໍ່ສ້າງເປັນບົດຮຽນ ເປັນມູນມັງມໍລະດົກຕົກທອດໃຫ້ແກ່ຄົນຮຸ່ນ ໃໝ່ຕໍ່ໆໄປໃນອະນາຄົດ. ເຊິ່ງກົມການເມືອງສູນກາງພັກໄດ້ອອກແຈ້ງການສະບັບເລກທີ...