spot_img
Homeຂ່າວທ້ອງຖິ່ນກອງປະຊຸມ ຄະນະບໍລິຫານງານພັກແຂວງໄຊຍະບູລີ ໄດ້ຄົ້ນຄວ້າ ແລະແກ້ໄຂຫຼາຍບັນຫາ

ກອງປະຊຸມ ຄະນະບໍລິຫານງານພັກແຂວງໄຊຍະບູລີ ໄດ້ຄົ້ນຄວ້າ ແລະແກ້ໄຂຫຼາຍບັນຫາ

Published on

ໜັງສືພິມ ເສດຖະກິດ-ສັງຄົມ ລາຍງານວ່າ ວັນທີ 20 ເມສາ 2017 ຜ່ານມາ ກອງປະຊຸມຄົບຄະນະບໍລິຫານງານພັກແຂວງໄຊຍະບູລີ ຄັ້ງທີ 6 ສະໄໝທີ 6 ໄດ້ດຳເນີນມາເປັນ 2 ວັນແລ້ວ ພາຍໃຕ້ການເປັນປະທານຂອງສະຫາຍ ພົງສະຫວັນ ສິດທະວົງ ເຈົ້າແຂວງໄຊຍະບູລີ, ສະຫາຍ ຍັນຍົງ ສີປະເສີດ ຮອງເຈົ້າແຂວງໄຊຍະບູລີ ແລະພະນັກງານຫຼັກແຫຼ່ງທີ່ກ່ຽວຂ້ອງເຂົ້າຮ່ວມ

ພາຍໃນກອງປະຊຸມຄັ້ງນີ້ ຮອງເຈົ້າແຂວງໄດ້ໄດ້ລາຍງານສະພາບພາຍໃນແຂວງໃຫ້ຮູ້ວ່າ ຕະຫຼອດໄລຍະເວລາ 3 ເດືອນຜ່ານມາ ສາມາດເຮັດສຳເລັດວຽກງານຫຼາຍດ້ານ ເປັນຕົ້ນແມ່ນ: ໄດ້ລົງຕິດຕາມກວດກາ ແລະຊຸກຍູ້ບັນຫາໂຄງການຕ່າງໆເຊັ່ນ: ໄດ້ຮັບການລົງທຶນທັງໝົດ 65 ຕື້ກວ່າກີບ ເພື່ອປະຕິບັດ 318 ໂຄງການ, ພ້ອມເອົາໃຈໃສ່ຕິດຕາມ ຊຸກຍູ້ການຈັດຕັ້ງປະຕິບັດ ໂຄງການຊ່ວຍເຫຼືອລ້າ ແລະທຶນກູ້ຢືມ  ທີ່ເປັນໂຄງການແຜນງານ ແລະສົ່ງເສີມວິຊາການ, ສ່ວນຫຼາຍແມ່ນການລົງທຶນພື້ນຖານໂຄງລ່າງ

ໃນປະຈຸບັນທົ່ວແຂວງມີການລົງທຶນທັງໝົດ 32 ໂຄງການ ມູນຄ່າ 22 ລ້ານກວ່າໂດລາສະຫະລັດ, ມີທຶນກູ້ຢືມ 3 ໂຄງການ ມູນຄ່າ 14 ລ້ານກວ່າໂດລາສະຫະລັດ, ທຶນຊ່ວຍເຫຼືອລ້າ 29 ໂຄງການ ມູນຄ່າກວ່າ 6 ລ້ານກວ່າໂດລາສະຫະລັດ ແລະທຶນພາຍໃນຈຳນວນໜຶ່ງ ໃນນັ້ນໄດ້ຈັດຕັ້ງປະຕິບັດຕົວຈິງ 23 ໂຄງການ, ນອກນັ້ນ ຍັງໄດ້ດຶງດູດເອົານັກລົງທຶນ ນັບທັງເອກະຊົນ ແລະຕ່າງປະເທດ ເຂົ້າມາລົງທຶນໃສ່ຂະແໜງການຕ່າງໆເຊັ່ນ: ຂະແໜງອຸດສະຫະກຳ, ກະສິກຳ, ບໍ່ແຮ່, ໄຟຟ້າ, ການບໍລິການ.

ພ້ອມດຽວກັນນັ້ນ ທ່ານ ຍັນຍົງ ສີປະເສີດ ກໍໄດ້ກ່າວວ່າ: ໃນໄລຍະດຽວກັນນັ້ນ ແຂວງຍັງໄດ້ຄຸ້ມຄອງການຈັດເກັບລາຍຮັບເຂົ້າງົບປະມານບັນລຸ 208 ຕື້ກວ່າກີບ ເທົ່າກັບ 30% ຂອງແຜນການປີ, ໄດ້ສຳຫຼວດຫົວໜ່ວຍທຸລະກິດ ສຳເລັດມີ 8 ຫົວໜ່ວຍ, ໄດ້ແກ້ໄຂພາຫະນະນຳເຂົ້າບໍ່ຖືກຕ້ອງທີ່ມາແຈ້ງທັງໝົດ 870 ຄັນ, ໃນນີ້ມີລົດຈັກ 87 ຄັນ,​ ມີລົດເສຍພາສີແລ້ວ 63 ຄັນ ມູນຄ່າກວ່າ 23 ຕື້ກວ່າກີບ

ຈາກນັ້ນຜູ້ເຂົ້າຮ່ວມກອງປະຊຸມກໍໄດ້ປະກອບຄຳຄິດຄຳເຫັນ ໃສ່ຮ່າງບົດລາຍງານດັ່ງກ່າວນັ້ນ

 

ບົດຄວາມຫຼ້າສຸດ

ຍີ່ປຸ່ນໃຫ້ທຶນຊ່ວຍເຫຼືອ 88,546 ໂດລາ ໃນໂຄງການກໍ່ສ້າງໂຮງຮຽນປະຖົມສົມບູນ ບ້ານຫາດສະ ເມືອງປາກທາ ແຂວງບໍ່ແກ້ວ ເພື່ອຍົກລະດັບສະພາບແວດລ້ອມການສຶກສາຮ່ຳຮຽນ

ໃນວັນທີ 15 ຕຸລາ 2025 ທີ່ຜ່ານມາ, ລັດຖະບານຍີ່ປຸ່ນໄດ້ໃຫ້ການຊ່ວຍເຫຼືອເປັນມູນຄ່າປະມານ 88,546 ໂດລາສະຫະລັດ ໃນ ໂຄງການກໍ່ສ້າງໂຮງຮຽນປະຖົມສົມບູນບ້ານຫາດສະ ເຊິ່ງແມ່ນໂຄງການທີ່ຢູ່ພາຍໃຕ້ກອບຮ່ວມມືທີ່ມີຊື່ວ່າ ໂຄງການເສີມສ້າງຄວາມໝັ້ນຄົງຂອງມະນຸດຂັ້ນຮາກຖານ (GGP). ໂຄງການດັ່ງກ່າວແມ່ນການສະໜັບສະໜູນທຶນຮອນເພື່ອກໍ່ສ້າງອາຄານຮຽນໃໝ່, ຫ້ອງນໍ້າ...

ຕ້ອນຮັບຢ່າງອົບອຸ່ນ! ປະທານປະເທດ ຕ້ອນຮັບນາຍົກລັດຖະມົນຕີ ແຫ່ງ ຣາຊະອານາຈັກໄທ

ປະທານປະເທດ ຕ້ອນຮັບນາຍົກລັດຖະມົນຕີ ແຫ່ງ ຣາຊະອານາຈັກໄທ ໃນວັນທີ 16 ຕຸລາ 2025 ນີ້, ທີ່ທໍານຽບປະທານປະເທດ, ທ່ານ ທອງລຸນ ສີສຸລິດ ປະທານປະເທດ ແຫ່ງ...

ຍທຂ ຈະສຸມໃສ່ວຽກງານເຄຫາ-ຜັງເມືອງ ນໍ້າປະປາຕາມແຜນພັດທະນາແບບຍືນຍົງ

ວຽກງານເຄຫາ ແລະ ຜັງເມືອງ, ວຽກງານນໍ້າປະປາ ກໍເປັນວຽກງານສໍາຄັນທີ່ພັກ-ລັດ ກໍຄືກະຊວງໂຍທາທິການ ແລະ ຂົນສົ່ງ (ຍທຂ) ໃຫ້ຄວາມສໍາຄັນ ແລະ ຈະສືບຕໍ່ສຸມໃສ່ແກ້ໄຂ ເພື່ອເຮັດໃຫ້ວຽກງານດັ່ງກ່າວບັນລຸຄາດໝາຍຕາມແຜນພັດທະນາແບບຍືນຍົງ. ສະຫາຍ ເຫຼັກໄຫຼ...

ຮຽນວາງຢາພິດໂດຍຖາມ ChatGPT ສາວອາເມລິກາໃຊ້ເວລາສຶກສາກວ່າ 3 ເດືອນ ເພື່ອວາງຢາຜົວ ສຸດທ້າຍຖືກເຈົ້າໜ້າທີ່ກັກໂຕ

ມີລາຍງານຈາກສຳນັກຂ່າວຕ່າງປະເທດ ໃນວັນທີ 10/10/2025 ທີ່ຜ່ານມາທີ່ລັດໂຄໂລໄລນາ, ສະຫະລັດອາເມລິກາ ເຈົ້າໜ້າທີ່ໄດ້ເຂົ້າກັກໂຕຍິງ ອາຍຸ 43 ປີ ໃນຂໍ້ຫາພະຍາຍາມຈົບຊີວິດຜົວຂອງຕົນເອງ ໂດຍການໃຊ້ສານປົນເປື້ອນໃນອາຫານ ແລະ ເຄື່ອງດື່ມ. ຈາກການສືບສວນຂອງເຈົ້າໜ້າທີ່ໄດ້ຮູ້ວ່າ ໃນລະຫວ່າງ...