ກອງປະຊຸມ ຄະນະກຳມະການຜູ້ຕາງໜ້າຖາວອນ ປະຈຳອາຊຽນ ຄັ້ງທີ 12 ໄຂຂຶ້ນທີ່ ນະຄອນຫລວງວຽງຈັນ

0
74

ຂປລ. ກອງ​ປະຊຸມ​ ຄະນະ​ກຳມະການຜູ້ຕາງໜ້າຖາວອນ ປະຈຳ​ອາຊຽນ ຄັ້ງ​ທີ 12 (12/2016 CPR Meeting ) ​ໄດ້​ມີຂຶ້ນ​ໃນ​ວັນ​ທີ 10 ສິງຫາ ນີ້ ທີ່​ນະຄອນຫລວງ​ວຽງຈັນ, ​ໂດຍ​ການ​​ເປັນ​ປະທານ​ຂອງ ​ທ່ານ ລັດສະໜີ ​ແກ້ວມະນີ, ​ເອກ​ອັກຄະ​ລັດຖະທູດ, ​ຜູ້ຕາງໜ້າຖາວອນ ​ແຫ່ງ ສປປ ລາວ ປະຈຳ​ອາຊຽນ ​ແລະ ​ເອກ​ອັກຄະ​ລັດຖະທູດ, ຜູ້​ຕາງໜ້າຖາວອນ​ 10 ປະ​ເທດ ສະມາຊິກ​ອາຊຽນ, ຮອງ​ເລຂາທິການ​ໃຫຍ່​ອາ​ຊຽນ ຝ່າຍ​ການ​ເມືອງ-ຄວາມ​ໝັ້ນຄົງ ​ແລະ ພາກສ່ວນ​ທີ່​ກ່ຽວຂ້ອງ​ເຂົ້າ​ຮ່ວມ.

ຈຸດປະ​ສົງ​ຂອງ​ກອງ​ປະຊຸມຄັ້ງ​ນີ້, ​ແມ່ນ​ເລັ່ງ​​ໃສ່ກະກຽມດ້ານ​ເນື້ອ​ໃນ​ ໃຫ້​ແກ່ບັນດາກອງ​ປະຊຸມ​ ເຈົ້າໜ້າທີ່​ອາວຸ​ໂສ, ກອງ​ປະຊຸມ​ ສະພາ​ປະສານ​ງານ​ອາຊຽນ (ACC) ກອງ​ປະຊຸມສຸດ​ຍອດ​ອາຊຽນ ຄັ້ງ​ທີ 28-29 ​ແລະ ກອງ​ປະຊຸມ​ສຸດ​ຍອດ​ ກັບປະ​ເທດ​ຄູ່​ເຈລະຈາ, ​ເຊິ່ງຈະ​ຈັດ​ຂຶ້ນ ລະຫວ່າງ 6-8 ກັນຍາ 2016 ທີ່​ນະຄອນຫລວງ​ວຽງຈັນ.

ກອງ​ປະຊຸມ​ ຄະນະ​ກຳມະການຜູ້ຕາງໜ້າຖາວອນ ປະຈຳ​ອາຊຽນ ​ແມ່ນ​ກົນ​ໄກໜຶ່ງຂອງ​ອາຊຽນ ​ເຊິ່ງພາລະບົດບາດຫລັກ​ ໃນ​ການ​ເປັນ​ເສນາ​ທິການ​ ໃຫ້​ແກ່​ກອງ​ປະຊຸມລະດັບ​ ເຈົ້າໜ້າທີ່​ອາວຸ​ໂສອາຊຽນ, ​ກອງ​ປະຊຸມລະດັບ​ລັດຖະມົນຕີ ​ແລະ ກອງ​ປະຊຸມ​ລະດັບ​ສຸດ​ຍອດ.

 

ແຫລ່ງຂ່າວ:

ຂປລ

ຕິດຕາມເຮາທາງFacebook ກົດຖືກໃຈເລີຍ!

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.