spot_img
Homeຂ່າວພາຍ​ໃນກອງປະຊຸມປຶກສາຫາລືກ່ຽວກັບການຢຸດການປ່ອຍນໍ້າ ແລະ ຢຸດທຳການຜະລິດກະແສໄຟຟ້າຊົ່ວຄາວ

ກອງປະຊຸມປຶກສາຫາລືກ່ຽວກັບການຢຸດການປ່ອຍນໍ້າ ແລະ ຢຸດທຳການຜະລິດກະແສໄຟຟ້າຊົ່ວຄາວ

Published on

ອີງຕາມຂ່າວຈາກ ແຂວງຄຳມ່ວນ ໃຫ້ຮູ້ວ່າ: ເພື່ອປະຕິບັດຕາມສັນຍາສຳປະທານ ລະຫວ່າງ ບໍລິສັດໄຟຟ້ານໍ້າເທີນ 2 ແລະ ລັດຖະບານລາວ ໃນສັນຍາທີ່ກໍານົດໄວ້ຄື: ໂຄງການໄຟຟ້ານໍ້າເທີນ 2 ຈະຕ້ອງຫລຸດອັດຕາການປ່ອຍນໍ້າລົງສູ່ນໍ້າເຊບັ້ງໄຟ ເມື່ອອັດຕາການໄຫລຂອງນໍ້າເຊ ຢູ່ເມືອງມະຫາໄຊ ຂຶ້ນຮອດລະດັບ 14,4 ແມັດ. ສະນັ້ນ, ໃນວັນທີ 17 ກັນຍາ 2023 ນີ້ ຢູ່ເຮືອນຈັກບໍລິສັດ ໄຟຟ້ານໍ້າເທີນ 2 ເມືອງຍົມມະລາດ, ບໍລິສັດໄຟຟ້າເທີນ 2 ໄດ້ຈັດກອງປະຊຸມປຶກສາຫາລືກ່ຽວກັບການຢຸດການປ່ອຍນໍ້າ ແລະ ຢຸດທຳການຜະລິດກະແສໄຟຟ້າຊົ່ວຄາວ ເນື່ອງຈາກລະດັບນໍ້າເຊບັ້ງໄຟເພີ່ມຂຶ້ນສູງ ໂດຍມີ ທ່ານ ຄໍາໜັ້ນ ສໍປະເສີດ ຫົວໜ້າພະແນກຊັບພະຍາກອນທໍາມະຊາດ ແລະ ສິ່ງແວດລ້ອມແຂວງ, ຕາງໜ້າຫ້ອງວ່າການປົກຄອງແຂວງຄໍາມ່ວນ, ພ້ອມດ້ວຍການນໍາຂອງເມືອງຍົມມະລາດ, ມະ ຫາໄຊ, ເຊບັ້ງໄຟ, ໜອງບົກ ແລະ ເມືອງໄຊບູລີ ແຂວງສະຫວັນນະເຂດ ແລະ ພາກສ່ວນກກ່ຽວຂ້ອງ ເຂົ້າຮ່ວມ.

ໃນກອງປະຊຸມ, ຜູ້ເຂົ້າຮ່ວມໄດ້ຮັບຟັງການລາຍງານກ່ຽວກັບຂໍ້ມູນ ໃນການດຳເນີນງານຂອງໂຄງການ ໂດຍສະເພາະການບໍລິຫານນໍ້າຢູ່ອ່າງຈັດເກັບນໍ້າ ຂອງເຂື່ອນໄຟຟ້ານໍ້າເທີນ 2 ເພື່ອໃຫ້ທຸກພາກສ່ວນທີ່ເຂົ້າຮ່ວມໄດ້ຮັບຮູ້ ແລະ ເຂົ້າໃຈຢ່າງຖືກຕ້ອງ, ພ້ອມທັງເປີດໂອກາດໃນການແລກປ່ຽນປະ ກອບຄໍາຄິດເຫັນ ໃນດ້ານຕ່າງໆ, ລວມເຖິງຂໍ້ສະດວກ-ຂໍ້ຫຍຸ້ງຍາກ ແລະ ວິທີການແກ້ໄຂ ບົນພື້ນຖານຄວາມຖືກຕ້ອງສອດຄ່ອງ ຕາມສັນຍາສຳປະທານ ລະຫວ່າງບໍລິສັດໄຟຟ້ານໍ້າເທີນ 2 ແລະ ລັດຖະບານລາວ ທີ່ກໍານົດໄວ້, ຈຸດປະສົງ ເພື່ອເປັນການຢັ້ງຢືນວ່າ ບໍລິສັດໄຟຟ້ານໍ້າເທີນ 2 ໄດ້ປະຕິບັດຕາມພັນທະຕໍ່ລັດຖະບານ ໃນການຢຸດຕິການປ່ອຍນໍ້າ. ພ້ອມນີ້, ບໍລິສັດ ກໍໄດ້ສະເໜີມາຍັງການຈັດຕັ້ງລັດທີ່ກ່ຽວ ຂ້ອງຂັ້ນແຂວງ, ເມືອງ ແລະ ອໍານາດການປົກຄອງບ້ານທີ່ເຂົ້າຮ່ວມ ຈົ່ງນໍາເອົາຂໍ້ມູນຂ່າວສານດັ່ງກ່າວ ໄປເຜີຍແຜ່ໂຄສະນາໃຫ້ປະຊາຊົນ ບັນດາບ້ານທີ່ຕັ້ງລຽບແຄມນໍ້າເຊບັ້ງໄຟ ຮັບຮູ້ ແລະ ເຂົ້າໃຈ.

ໂອກາດນີ້, ທ່ານ ບຸນມາ ຄວ້າງແສງສິງ ຫົວໜ້າພະແນກຄວບຄຸມການຜະລິດ ແລະ ບໍລິຫານຈັດການນໍ້າ ເຂື່ອນໄຟຟ້ານໍ້າເທີນ 2 ໄດ້ໃຫ້ສໍາພາດວ່າ: ການຢຸດການຜະລິດກະແສໄຟຟ້າຊົ່ວຄາວ ແລະ ຢຸດການປ່ອຍນໍ້າລົງຄອງສົ່ງນໍ້າເຊບັ້ງໄຟ ເພື່ອປະຕິບັດຕາມສັນຍາສໍາປະທານຕໍ່ລັດຖະບານ ເນື່ອງຈາກລະດັບນໍ້າເຊບັ້ງໄຟ ສູງຮອດລະດັບເຕືອນໄພ ລະດັບ 14,4 ແມັດ(ເຂດອັນຕະລາຍ). ດັ່ງນັ້ນ, ບໍລິສັດໄຟຟ້ານໍ້າເທີນ 2 ໄດ້ຫລຸດການຜະລິດ ໂດຍເລີ່ມຢຸດເຄື່ອງຈັກທໍາອິດ ໃນເວລາ 15:30 ໂມງ ວັນທີ 16 ກັນຍາ, ເຄື່ອງຈັກທີ 2 ເວລາ 15:40 ໂມງ, ເຄື່ອງຈັກທີ 3 ເວລາ 15:50 ໂມງ ແລະ ເລີ່ມປິດສົມບູນໃນເວລາ 22:00 ໂມງ, ເຄື່ອງຈັກທຸກເຄື່ອງແມ່ນໄດ້ຢຸດທຳການຜະລິດ, ປະຕູນໍ້າແມ່ນໄດ້ປິດຈົນຮອດລະດັບຕໍ່າສຸດ, ນໍ້າທີ່ສົ່ງໄປຕາມຄ່ອງສົ່ງນໍ້າແມ່ນໄດ້ປິດ, ໃຫ້ໝັ້ນໃຈໄດ້ວ່າ ບໍລິສັດໄຟຟ້ານໍ້າເທີນ 2 ໄດ້ຢຸດການປ່ອຍນໍ້າລົງຄອງເໝືອງສົ່ງນໍ້າສູ່ ນໍ້າເຊບັ້ງໄຟຊົ່ວຄາວ, ພ້ອມທັງໄດ້ຕິດຕາມລະດັບນໍ້າຕະຫລອດເວລາ ເພື່ອຮັບປະກັນຄວາມປອດໄພຂອງປະຊາຊົນ. ຄາດວ່າຈະເລີ່ມແລ່ນເຄື່ອງຈັກຜະລິດໄຟຟ້າ ແລະ ປ່ອຍນໍ້າໄດ້ ກໍຕໍ່ເມື່ອປະລິມານນໍ້າເຊບັ້ງໄຟໄດ້ຫລຸດລົງ ຈາກເຂດອັນຕະລາຍ ຫລື ລະດັບເຕືອນໄພ ທີ່ກໍານົດໄວ້.

ທີ່ມາ: ຂ່າວສານປະເທດລາວ

ບົດຄວາມຫຼ້າສຸດ

ສຕລ ປະກາດລາຍຊື່ນັກກິລາທີມຊາດລາວ ຍູ 23 ເຂົ້າຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ.

ປະກາດ 23 ລາຍຊື່ນັກກິລາທີມຊາດລາວ ຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ. ໃນວັນທີ 11 ກໍລະກົດ 2025 ສະຫະພັນບານເຕະແຫ່ງຊາດລາວ (ສຕລ)...

ດາວດວງໃໝ່! ສາຍແສງໃນເວທີສາກົນ ອອດສະກ້າ ນັກກິລາໜຸ່ມນ້ອຍລາວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ

ນ້ອງ ອອດສະກ້າ ອາຍຸ 11 ປີ ໜຸ່ມນ້ອຍແຄ່ງລູກເຂົ້າໜຽວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ ທີ່ປະເທດແອັດສະປາຍ. ກາຍເປັນອີກຂ່າວດີຂອງວົງການກິລາບານເຕະເຍົາວະຊົນລາວ ອີກໜຶ່ງຜົນງານໃນເວທີສາກົນ ທ້າວ ສີນໄຊ ຫຼວງບຸນເຮືອງ ຫຼື...

ເຈົ້າໜ້າທີ່ຕຳຫຼວດໄທຈັບກຸມ ໜຸ່ມຮັກສັດເລືອກທາງຜິດ ຂາຍຢາບ້າເພື່ອຫາເງິນຊື້ອາຫາານໃຫ້ໝາ-ແມວ

ໜຸ່ມໄທຮັກສັດເລືອກທາງຜິດ ຂາຍຢາບ້າເພື່ອຊື້ອາຫານມາລ້ຽງໝາ-ແມວ 30 ກວ່າໂຕ ສຳນັກຂ່າວໄທລັດລາຍງານໃນວັນທີ 9 ກໍລະກົດ 2025 ຜ່ານມາ, ເຈົ້າໜ້າທີ່ຕຳຫຼວດໄທ ຮ່ວມກັບພາກສ່ວນກ່ຽວຂ້ອງໄດ້ລົງພຶ້ນທີ່ເພື່ອແກ້ໄຂບັນຫາຢາເສບຕິດ ຕາມການລາຍງານຂອງພົນລະເມືອງດີວ່າມີກຸ່ມຄົນຄ້າຂາຍຢາເສບຕິດໃນຊຸມຊົນແຫ່ງໜຶ່ງໃນ ຈັງຫວັດ ສຣະແກ້ວ ປະເທດໄທ. ຕາມການລົງພຶ້ນທີ່ຕົວຈິງຂອງເຈົ້າໜ້າທີ່ໄທສາມາດຈັບຕົວຜູ້ຖືກຫາໄດ້ໜຶ່ງຄົນ...

ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ມາຂຶ້ນກັບຄະນະໂຄສະນາອົບຮົມສູນກາງພັກ ຢ່າງເປັນທາງການ

ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ມາຂຶ້ນກັບຄະນະໂຄສະນາອົບຮົມສູນກາງພັກ. ພິທີເຊັນບົດບັກທຶກ ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ຈາກກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ ມາຂຶ້ນກັບຄະນະໂຄສະນາອົບຮົມສູນກາງພັກ ຈັດຂຶ້ນໃນວັນທີ 8 ກໍລະກົດ 2025,...