spot_img
Homeຂ່າວຄວາມສະຫງົບກອງກວດກາປ່າໄມ້ປະຈຳແຂວງບໍ່ແກ້ວ ແລະ ພາກສ່ວນທີ່ກ່ຽວຂ້ອງນຳຕົວຜູ້ລັກລອບຕັດໄມ້ຫວງຫ້າມມາສຳນວນຄະດີ.

ກອງກວດກາປ່າໄມ້ປະຈຳແຂວງບໍ່ແກ້ວ ແລະ ພາກສ່ວນທີ່ກ່ຽວຂ້ອງນຳຕົວຜູ້ລັກລອບຕັດໄມ້ຫວງຫ້າມມາສຳນວນຄະດີ.

Published on

ຕາມການລາຍງານເບື້ອງຕົ້ນຂອງໜ່ວຍອອກສັນລະເວ ຂອງທະຫານແຂວງບໍ່ແກ້ວ ຕາມລຽບທາງຕັດໃຫມ່ພູ 106 ໃຫ້ຮູ້ວ່າ: ໃນເວລາ 21 ໂມງ 00 ນາທີ ຂອງວັນທີ 14 ກັນຍາ 2023 ຜ່ານມາ, ໄດ້ພົບເຫັນຄົນທີ່ໜ້າສົງໃສລັກລອບຕັດໄມ້ຢູ່ປ່າສະຫງວນພູ106, ສະນັ້ນ ຈຶ່ງໄດ້ເຂົ້າສອບຖາມ ແລະ ກວດຄົ້ນ, ຜ່ານການກວດຄົ້ນໄດ້ກວດພົບ ຈັກສະຕິນ 1 ເຄື່ອງ ແລະ ເຄື່ອງອຸປະກອນຈຳນວນໜຶ່ງ, ຜູ້ກ່ຽວໄດ້ຍອມຮັບວ່າມາຂົນໄມ້ແທ້ ແລະ ໃຫ້ຜູ້ກ່ຽວນຳທາງໄປຫາ ຈຸດທີ່ຕັດໄມ້, ເວລາໄປຮອດຈຸດໄດ້ພົບເຫັນຄົນກຳລັງຕັດໄມ້ແທ້ ແຕ່ສອງຄົນໄຫວໂຕທັນລົບໜີໄປເນື່ອງຈາກ ເປັນປ່າຕຶບ ແລະ ພາກສ່ວນດັ່ງກ່າວແມ່ນໄດ້ວາງແຜນແປງເສັ້ນທາງລົບໜີໄວ້ແລ້ວ, ຜ່ານການເຂົ້າກວດຄົ້ນສາມາດຍຶດ ໄດ້ຄື: ຈັກສະຕິນ ຈຳນວນ 04 ເຄື່ອງ, ລົດຈັກ ຈຳນວນ 02 ຄັນ, ໄມ້ຈຳນວນ 01 ຕັບ ຂະໜາດ 30×30, ຍາວ ປະມານ 2,5 ແມັດ, ໄມ້ດູ່ຕັດເປັນທ່ອນປະມານ 20 ກວ່າທ່ອນ ແລະ ຕັດໄວ້ຄາຕົ້ນອີກຈຳນວນຫນື່ງ, ຍັງກວດເຫັນອຸປະກອນເສບຢາບ້າ ແລະ ຢາບ້າ ຈຳນວນ 30 ເມັດ, ພ້ອມທັງເຄື່ອງອຸປະກອນຈໍານວນໜຶ່ງຕື່ມອີກ.

ສາມາດຈັບຜູ້ກະທຳຜິດໄດ້ທັງໝົດ 4 ຄົນ ລົບຫນີອີກ 2 ຄົນ ເຊິ່ງມີຄື: ທ້າວ ແອ ອາຍຸ 25 ປີ ອາຊີບປະຊາຊົນ, ທ້າວ ເສົາ ອາຍຸ 23 ປີ ອາຊີບປະຊາຊົນ, ທ້າວ ບຸນວິໄລທອງ ອາຍຸ 23 ປີ ອາຊີບ ປະຊາຊົນ, ທ້າວ ໂສ ອາຍຸ 23 ປີ ອາຊີບ ປະຊາຊົນ ທັງ 4 ຄົນແມ່ນຢູ່ບ້ານໃຫຍ່ຫ້ວຍຊາຍເໜືອ, ເມືອງຫ້ວຍຊາຍ, ແຂວງບໍ່ແກ້ວ, ສ່ວນຜູ້ທີລົບໜີ ມີ: ທ້າວ ແກ້ວ ຢູ່ບ້ານນ້ຳເດືອ ເມືອງຫ້ວຍຊາຍ, ທ້າວ ກວ້າງ ຢູ່ບ້ານໃຫຍ່ຫ້ວຍຊາຍ ເໜືອ, ສະນັັ້ນ ພາກສ່ວນທີ່ກ່ຽວຂ້ອງຈື່ງໄດ້ນຳຕົວຜູ້ກະທຳຜິດໄປສຳນວນຄະດີທີຈຸດລັກລອບຕັດໄມ້.
ທີ່ມາ: ໜັງສືພິມບໍ່ແກ້ວ

ບົດຄວາມຫຼ້າສຸດ

ເຫດປະທ້ວງທີ່ຕີມໍເລສເຕ ນັກສຶກສາກວ່າ 2.000 ຄົນ ເຂົ້າປະທ້ວງລັດຖະບານ ຫຼັງອະນຸມັດແຜນການຈັດຊື້ລົດຫຼູລາຄາແພງ

ໃນວັນທີ 17/09/2025 ທີ່ຜ່ານມາ, ຈາກສຳນັກຂ່າວຈາກປະເທດຕີມໍ ເລສເຕ ລານງານວ່າ ມີເຫດການປະທ້ວງຈາກປະຊາຊົນຫຼາຍກວ່າ 2.000 ຄົນ ໃນນະຄອນຫຼວງດິລີ ປະເທດຕີມໍ ເລສເຕ, ໃນນັ້ນສ່ວນຫຼາຍແມ່ນນັກສຶກສາ ທັງໝົດມາເພື່ອປະທ້ວງແຜນການທີ່ໄດ້ຮັບອະນຸມັດເມື່ືອປີກ່ອນ...

ຂຶ້ນຄ່າແຮງງານຂັ້ນຕໍ່າ ໃຫ້ແກ່ແຮງງານໃນອຸດສາຫະກຳຕັດຫຍິບຂອງກໍາປູເຈຍ ປັບຂຶ້ນຈາກ 208 ໂດລາ ເປັນ 210 ໂດລາ ຕໍ່ເດືອນ

ປະກາດ​ໃນ​ວັນ​ທີ 17 ກັນຍາ ຜ່ານມາ​ວ່າ, ທ່ານ ຮຸນ ມາເນດ ນາຍົກລັດຖະມົນຕີ ກຳປູເຈຍ ໄດ້​ກຳນົດ​ຄ່າ​ແຮງງານ​ຂັ້ນ​ຕ່ຳ​ຕໍ່​ເດືອນ​ໃໝ່​ໃຫ້​ແກ່​ອຸດສາຫະກຳ​ຕັດຫຍິບ, ເກີບ ແລະ ສິນຄ້າ​ສຳລັບການເດີນທາງ ​ເປັນ...

ຕຳກາງອາກາດ ເຫດລົດບິນຕໍາກັນກາງອາກາດຢູ່ເມືອງສາງຊຸນ ສປ.ຈີນ ໃນລະຫວ່າງຊ້ອມການສະແດງເປີດໂຕລົດບິນໄດ້

ໃນວັນທີ 18/09/2025 ມີລາຍງານຈາກສຳນັກຂ່າວປະເທດຈີນ ເກີດອຸບປະຕິເຫດ ລົດບິນຕໍາກັນລະຫວ່າງຊ້ອມການສະແດງ ທີ່ເມືອງສາງຊຸນ ຂອງປະເທດຈີນ ລາຍງານມີຜູ້ບາດເຈັບ 1 ຄົນ. ອຸບບັດຕິເຫດດັ່ງກ່າວໄດ້ເກີດຂຶ້ນໃນຕອນທີ່ບໍລິສັດ Xpeng ຂອງປະເທດຈີນ ໄດ້ຈັດງານສະແດງເປີດໂຕລົດບິນ. ສະແດງເຖິງເຕັກໂລໂນຊີທີ່ທັນສະໄໝ...

ຍ້ອນຫຼັບໃນ! ກະບະລີໂວ້ຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ

ກະບະລີໂວ້ຫຼັບໃນຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ ຢູ່ບ້ານດ້ານຊ້າງ ເມືອງໄຊທານີ ນະຄອນຫຼວງວຽງຈັນ ເຈົ້າໜ້າທີ່ ປກສ ເມືອງໄຊທານີ ນະຄອນຫຼວງວຽງຈັນ ໃຫ້ຮູ້ວ່າ:...