spot_img
Homeຂ່າວພາຍ​ໃນກວດພົບເຫັນ-ດໍາເນີນຄະດີຕໍ່ຜູ້ລັກລອບໃຊ້ກະແສໄຟຟ້າທັງໝົດ 260 ກໍລະນີ

ກວດພົບເຫັນ-ດໍາເນີນຄະດີຕໍ່ຜູ້ລັກລອບໃຊ້ກະແສໄຟຟ້າທັງໝົດ 260 ກໍລະນີ

Published on

ປີ 2022 ຜ່ານມານີ້, ລັດວິສາຫະກິດໄຟຟ້າລາວ (ຟຟລ) ກວດພົບເຫັນ ແລະ ດໍາເນີນຄະດີຕໍ່ຜູ້ລັກລອບໃຊ້ກະແສໄຟຟ້າທັງໝົດ 260 ກໍລະນີ, ໃນນີ້ມີທັງຂະແໜງອຸດສາຫະກຳລາຍໃຫຍ່, ລວມເຖີງຄົນຕ່າງປະເທດທີ່ເຊົ່າບ່ອນຢູ່ເພື່ອເຮັດທຸລະກິດ ແລະ ປະຊາຊົນທົ່ວໄປ ເຊິ່ງສາມາດເກັບກູ້ພະລັງງານຄືນມາ ແລະ ປັບໄໝເປັນເງິນເຖິງ 68 ຕື້ກີບ.

ທ່ານ ຈັນທະບູນ ສຸກອາລຸນ, ຜູ້ອໍານວຍການໃຫຍ່ລັດວິສາຫະກິດ ຟຟລ ລາຍງານໃຫ້ຮູ້ຢູ່ກອງປະຊຸມການ ດໍາເນີນທຸລະກິດຂອງລັດວິສາຫະກິດ ຟຟລ ຈັດຂື້ນໃນວັນທີ 10 ມີນາ 2023 ຢູ່ສໍານັກງານໃຫຍ່ ຟຟລ, ນະຄອນຫຼວງວຽງຈັນ ວ່າ: ໃນຈຳນວນຜູ້ລັກລອບໃຊ້ກະແສໄຟຟ້າທັງໝົດນີ້, ຫຼາຍກວ່າໝູ່ແມ່ນຢູ່ນະຄອນຫຼວງວຽງຈັນ ມີເຖິງ 160 ກໍລະນີ, ແຕ່ບາງແຂວງເກືອບວ່າບໍ່ມີເລີຍ. ການລັກລອບໃຊ້ກະແສໄຟຟ້າ ຫຼື ໃຊ້ໄຟຟ້ານອກລະບົບ ເຮັດໃຫ້ມີພະລັງງານຕົກເຮ່ຍໄດ້ສ້າງຜົນເສຍຫາຍອັນໃຫຍ່ຫຼວງຕໍ່ການພັດທະນາປະເທດຊາດ. ຕໍ່ບັນຫາເກີດຂຶ້ນ ຟຟລ ໄດ້ພະຍາຍາມແກ້ໄຂ ແລະ ລົງກວດກາກົງເຕີ່ໄຟເປັນປະຈໍາ ເຮັດໃຫ້ມາຮອດປັດຈຸບັນ ສະພາບການລັກລອບໃຊ້ກະແສໄຟຟ້າມີທ່າອ່ຽງຫຼຸດລົງ, ໃນນີ້ ສະເພາະໃນປີ 2022 ຜ່ານມາ ສາມາດເຮັດໃຫ້ພະລັງງານຕົກເຮ່ຍຫຼຸດລົງ 2,29 % ສາມາດປະຢັດເງິນໄດ້ສູງເຖິງ 400 ຕື້ກີບ. ສໍາລັບກໍລະນີກວດພົບເຫັນການລັກລອບໃຊ້ກະແສໄຟຟ້າ, ຟຟລ ໄດ້ປະຕິບັດເປັນກໍລະນີຕົວຢ່າງ ຄື: ຟ້ອງສານ ເນື່ອງຈາກການລັກໄຟຟ້າ ກໍຄື ລັກຊັບສິນຂອງລັດ ມີຄວາມຜິດຕໍ່ກົດໝາຍອາຍາຕ້ອງໄດ້ດໍາເນີນຄະດີຫາໄອຍະການເພື່ອຟ້ອງສານລົງໂທດຕາມລະບຽບກົດໝາຍ.

ຜູ້ອໍານວຍການໃຫຍ່ ຟຟລ ໃຫ້ຮູ້ຕື່ມວ່າ: ປັດຈຸບັນ, ທົ່ວປະເທດມີຕາຂ່າຍໄຟຟ້າແຮງສູງ 10.000 ກວ່າ ກິໂລ ແມັດ, ແຮງກາງ ແລະ ແຮງຕໍ່າ 50.000 ກວ່າກິໂລແມັດ. ສະນັ້ນ ຕ້ອງໄດ້ບຳລຸງຮັກສາອຸປະກອນຕ່າງໆ ເປັນຕົ້ນແມ່ນ ດອກກັນໄຟ, ໝໍ້ແປງໄຟ, ສາຍໄຟ ແລະ ອື່ນໆ. ທຸກຢ່າງເຫຼົ່ານີ້ລ້ວນແຕ່ມີອາຍຸການນຳໄຊ້ຂອງມັນ. ນອກຈາກນີ້ ສາຍໄຟຢູ່ລາວສ່ວນໃຫຍ່ເປັນສາຍເປືອຍຈື່ງເຮັດໃຫ້ກະແສໄຟຟ້າມັກຕົກ ໂດຍສະເພາະໃນລະດູຝົນ.

ທີ່ມາ FM90

ບົດຄວາມຫຼ້າສຸດ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ໄດ້ຄາດ່ານໜອງຄາຍ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ຄາດ່ານໜອງຄາຍ (ດ່ານຂົວມິດຕະພາບແຫ່ງທີ 1) ໃນວັນທີ 3 ພະຈິກ...

ຂໍສະແດງຄວາມຍິນດີນຳ ນາຍົກເນເທີແລນຄົນໃໝ່ ແລະ ເປັນນາຍົກທີ່ເປັນ LGBTQ+ ຄົນທຳອິດ

ວັນທີ 03/11/2025, ຂໍສະແດງຄວາມຍິນດີນຳ ຣອບ ເຈດເທນ (Rob Jetten) ນາຍົກລັດຖະມົນຕີຄົນໃໝ່ຂອງປະເທດເນເທີແລນ ດ້ວຍອາຍຸ 38 ປີ, ແລະ ຍັງເປັນຄັ້ງປະຫວັດສາດຂອງເນເທີແລນ ທີ່ມີນາຍົກລັດຖະມົນຕີອາຍຸນ້ອຍທີ່ສຸດ...

ຫຸ່ນຍົນທຳລາຍເຊື້ອມະເຮັງ ຄວາມຫວັງໃໝ່ຂອງວົງການແພດ ຄາດວ່າຈະໄດ້ນໍາໃຊ້ໃນປີ 2030

ເມື່ອບໍ່ດົນມານີ້, ຜູ້ຊ່ຽວຊານຈາກ Karolinska Institutet ປະເທດສະວີເດັນ, ໄດ້ພັດທະນາຮຸ່ນຍົນທີ່ມີຊື່ວ່າ ນາໂນບອດທີ່ສ້າງຂຶ້ນຈາກດີເອັນເອ ສາມາດເຄື່ອນທີ່ເຂົ້າຜ່ານກະແສເລືອດ ແລະ ປ່ອຍຢາ ເພື່ອກຳຈັດເຊື້ອມະເຮັງທີ່ຢູ່ໃນຮ່າງກາຍ ເຊັ່ນ: ມະເຮັງເຕົ້ານົມ ແລະ...

ຝູງລີງຕິດເຊື້ອຫຼຸດ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລີງຈຳນວນໜຶ່ງຫຼຸດອອກ ຢູ່ລັດມິສຊິສຊິບປີ ສະຫະລັດອາເມລິກາ

ລັດມິສຊິສຊິບປີ ລະທຶກ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລິງຈຳນວນໜຶ່ງຫຼຸດອອກໄປໄດ້. ສຳນັກຂ່າວຕ່າງປະເທດລາຍງານໃນວັນທີ 28 ຕຸລາ 2025, ລົດບັນທຸກຂົນຝູງລີງທົດລອງທີ່ອາດຕິດເຊື້ອໄວຣັສ ໄດ້ເກີດອຸບັດຕິເຫດປິ້ນລົງຂ້າງທາງ ຢູ່ເສັ້ນທາງຫຼວງລະຫວ່າງລັດໝາຍເລກ 59 ໃນເຂດແຈສເປີ ລັດມິສຊິສຊິບປີ...