spot_img
Homeຂ່າວຕ່າງປະເທດຣັດເຊຍຈັດໜັກ! ເຜີຍຂໍ້ມູນຜູ້ນຳຕວກກີ ລັກລອບຄ້ານ້ຳມັນເຖື່ອນ ກັບກຸ່ມໄອເອັສ!

ຣັດເຊຍຈັດໜັກ! ເຜີຍຂໍ້ມູນຜູ້ນຳຕວກກີ ລັກລອບຄ້ານ້ຳມັນເຖື່ອນ ກັບກຸ່ມໄອເອັສ!

Published on

EyWwB5WU57MYnKOuYBn0bEPjDxfWqvvDMSn7DxPm67covrUcldXYWd

ສຳນັກຂ່າວຕ່າງປະເທດ ລາຍງານໃນວັນທີ 3 ທັນວານີ້ວ່າ ກະຊວງປ້ອງກັນປະເທດຣັດເຊຍ ໄດ້ຈັດງານຖະແຫລງຂ່າວ ຢູ່ນະຄອນຫລວງມົດສະກູ ໃນວັນທີ 2 ທັນວາຜ່ານມານີ້ວ່າ ລະດັບຜູ້ນຳໃນລັດຖະບານຕວກກີ ຊຶ່ງລວມທັງ ທ່ານ ເຣເຊບ ເຕຢິບ ເອີໂດກັນ ພ້ອມດ້ວຍຄອບຄົວ ມີສ່ວນກ່ຽວຂ້ອງກັບ ການຄ້າຂາຍນ້ຳມັນເຖື່ອນ ກັບກຸ່ມລັດອິດສະລາມ ຫລື ໄອເອັສ ອັນເປັນການຈັດຫາເງິນທຶນ ໃຫ້ແກ່ກຸ່ມດັ່ງກ່າວ ໂດຍ ທ່ານ ອະນາໂຕລີ ອັນໂຕນອບ ລັດຖະມົນຕີຊ່ວຍວ່າການ ກະຊວງປ້ອງກັນປະເທດຣັດເຊຍ ໄດ້ເປີດເຜີຍວ່າ ປັດຈຸບັນ ຣັດເຊຍຮູ້ເສັ້ນທາງຫລັກ ສຳລັບການລັກລອບຂົນນ້ຳມັນເຖື່ອນ ເຂົ້າສູ່ປະເທດຕວກກີ 3 ເສັ້ນທາງຫລັກ ຊຶ່ງນ້ຳມັນຖືກຂົນສົ່ງ ດ້ວຍລົດບັນທຸກຫລາຍພັນຄັນ.

ຣັດເຊຍຍັງໄດ້ເປີດເຜີຍອີກວ່າ ລາຍໄດ້ຂອງກຸ່ມລັດອິດສະລາມ ໃນເມື່ອກ່ອນຢູ່ທີ່ 3 ລ້ານໂດລາຕໍ່ມື້ ແຕ່ພາຍຫລັງການໂຈມຕີຂອງຣັດເຊຍ ໃສ່ກຸ່ມດັ່ງກ່າວຢູ່ຊີຣີ ນັບຕັ້ງແຕ່ວັນທີ 30 ກັນຍາ 2015 ຜ່ານມາ ໄດ້ທຳລາຍໂຮງເກັບນ້ຳມັນ 32 ແຫ່ງ, ໂຮງກັ່ນນ້ຳມັນ 11 ແຫ່ງ ແລະ ປ້ຳນ້ຳມັນ 23 ແຫ່ງ ລວມທັງທຳລາຍ ລົດບັນທຸກນ້ຳມັນອີກ 1,080 ຄັນ ອັນໄດ້ສົ່ງຜົນ ເຮັດໃຫ້ລາຍຮັບຂອງພວກເຂົາຫລຸດລົງ ເຫລືອປະມານ 1.5 ລ້ານໂດລາຕໍ່ມື້ເທົ່ານັ້ນ.

ພ້ອມກັນນີ້, ພາຍໃນງານຖະແຫລງຂ່າວ ຍັງໄດ້ເປີດເຜີຍອີກວ່າ ຕວກກີໄດ້ສົ່ງນັກຮົບ ຫລາຍກ່ວາ 2,000 ຄົນ ລູກປືນ 120 ໂຕນ ແລະ ຍານພາຫະນະອີກ 250 ຄັນ ໄປໃຫ້ແກ່ກຸ່ມໄອເອັສ ແລະ ກຸ່ມຕິດອາວຸດ ອັນ-ນຸສະຣາ ໃນປະເທດຊີຣີ ແລະ ຍັງມີທ່າທີສືບຕໍ່ໃຫ້ການສະໜັບສະໜູນ ຢ່າງຕໍ່ເນື່ອງອີກດ້ວຍ.

ທັງນີ້ ທ່ານ ເອີໂດກັນ ຜູ້ນຳຂອງຕວກກີ ໄດ້ອອກມາຕອບໂຕ້ ຂໍ້ກ່າວຫາຂອງຣັດເຊຍວ່າ ບໍ່ມີໃຜມີສິດ ໃນການໃສ່ຮ້າຍປ້າຍສີຕວກກີ ແລະ ປະກາດອີກວ່າ ຕົນເອງພ້ອມທີ່ຈະລາອອກ ຫາກຂໍ້ກ່າວຫາຂອງຣັດເຊຍ ໄດ້ຮັບການພິສູດວ່າເປັນຄວາມຈິງ ພ້ອມທັງຢ້ຳອີກວ່າ ເຂົາບໍ່ຢາກໃຫ້ຄວາມສຳພັນ ລະຫວ່າງຕວກກີ ແລະ ຣັດເຊຍ ຊຸດໂຊມລົງໄປກ່ວານີ້.

NjpUs24nCQKx5e1D740klBO4umfqS1OJUXTqVVCpjrv

NjpUs24nCQKx5e1D740klBO4umfqS1Or2OQuZej8HE1

NjpUs24nCQKx5e1D740klBO4umfqS1VnsyNbTJ6yKsZ

ບົດຄວາມຫຼ້າສຸດ

ໃນປີ 2024 ແຂວງໄຊສົມບູນ ກວດພົບພະນັກງານ ສໍ້ລາດບັງຫຼວງ 3 ຄົນ ມູນຄ່າເສຍຫາຍເກືອບ 20 ລ້ານກີບ

ແຂວງໄຊສົມບູນ ກວດພົບພະນັກງານ ສໍ້ລາດບັງຫຼວງ 3 ຄົນ ມູນຄ່າເສຍຫາຍເກືອບ 20 ລ້ານກີບ ໃນປີ 2024 ຄະນະກວດກາພັກ,ອົງການກວດກາລັດ ແຂວງໄຊສົມບູນ ຈັດກອງປະຊຸມ ສະຫຼຸບຕີລາຄາວຽກງານກວດກາທົ່ວແຂວງໄຊສົມບູນ ປະຈຳປີ...

ກອງທັບປະຊາຊົນລາວ ສິ້ນສຸດພາລະກິດ ຊ່ວຍເຫຼືອຜູ້ປະສົບໄພແຜ່ນດິນໄຫວຢູ່ ສສ ມຽນມາ

ກອງທັບປະຊາຊົນລາວ ສໍາເລັດການຊ່ວຍເຫຼືອຜູ້ປະສົບໄພແຜ່ນດິນໄຫວຢູ່ ສສ ມຽນມາ ໃນວັນທີ 8 ເມສາ ຜ່ານມາ ຄະນະປະຕິບັດງານຊ່ວຍເຫຼືອຜູ້ປະສົບແຜ່ນດິນໄຫວຂອງກອງທັບປະຊາຊົນລາວ ນຳໂດຍສະຫາຍ ພັນເອກ ປາດຖະໜາ ບຸດຕິຈັກ ຮອງຫົວໜ້າຫ້ອງການກົມໃຫຍ່ເສນາທິການກອງທັບ, ຄະນະກຳມະການຄຸ້ມຄອງໄພພິບັດກະຊວງປ້ອງກັນປະເທດ,...

ຕົກກາງທະເລ! ເຮລິຄອບເຕີແພດຍີ່ປຸ່ນຕົກທະເລ ຂະນະຂົນສົ່ງຜູ້ປ່ວຍໄປໂຮງໝໍ

ເຮລິຄອບເຕີແພດຂອງຍີ່ປຸ່ນເກີດເຫດຕົກກາງທະເລ ຂະນະກຳລັງຂົນສົ່ງຜູ້ປ່ວຍໄປໂຮງໝໍ ເຮັດໃຫ້ມີຜູ້ເສຍຊີວິດ 3 ຄົນ. ສຳນັກຂ່າວຕ່າງປະເທດລາຍງານ ເຫດເຮລິຄອບເຕີແພດຍີ່ປຸ່ນລຳໜຶ່ງຕົກກາງທະເລ ຂະນະກຳລັງຮັບ-ສົ່ງຜູ້ປ່ວຍ 1 ຄົນໄປໂຮງໝໍ ໂດຍເດີນທາງຈາກສະໜາມບິນສຶຊິມະ ໃນຈັງຫວັດນາງາຊາກິ ໄປໂຮງໝໍໃນເມືອງຟຸຄຸໂອກະ ເມື່ອວັນທີ 6...

ປະຊາຊົນຊາວອາເມລິກາລວມຕົວກັນຕາມເມືອງໃຫຍ່ ກວ່າ 50 ລັດ ປະທ້ວງຕໍ່ຕ້ານ ໂດນັລ ທຣຳ ຜູ້ນຳສະຫະລັດ

ຊາວອາເມລິກາລວມຕົວກັນຕາມເມືອງໃຫຍ່ ແລະ ສະຖານທີ່ຕ່າງໆ ເພື່ອປະທ້ວງຕໍ່ຕ້ານ ປະທານາທິບໍດີ ໂດນັລ ທຣຳ ແລະ ອີລອນ ມັສ. ສຳນັກຂ່າວຕ່າງປະເທດລາຍງານໃນວັນທີ 6 ເມສາ 2025 ຜ່ານມານີ້ວ່າ:...