spot_img
Homeຂ່າວການພັດທະນາແຂວງຊຽງຂວາງ ມີເສັ້ນທາງເຂົ້າເຖິງບ້ານເກືອບ 99%

ແຂວງຊຽງຂວາງ ມີເສັ້ນທາງເຂົ້າເຖິງບ້ານເກືອບ 99%

Published on

2b767613b8e4d5fe4e07bb791cf1a2cd

ອຳນາດ​ການ​ປົກຄອງ​ແຂວງຊຽງ​ຂວາງ ໄດ້​ເອົາໃຈໃສ່​ຢ່າງຕັ້ງໜ້າ​ ເຂົ້າ​ໃນ​ການຈັດຕັ້ງ​ປະຕິບັດ​ແຜນ​ພັດທະນາ​ເສດຖະກິດ-ສັງຄົມ ສົກ​ປີ 2014-2015 ຕະຫຼອດ​ໄລຍະ 1 ປີ ຜ່ານ​ມາ ເສດຖະກິດ​ຂອງ​ແຂວງຂະຫຍາຍຕົວ​ໃນ​ລະດັບ 9% ຕໍ່​ປີ ສະເລ່ຍ​ລາຍ​ຮັບ​ຕໍ່​ຫົວ​ຄົນໄດ້ 1.328 ໂດ​ລາ/ຄົນ/ປີ ພົ້ນ​ເດັ່ນແມ່ນ​ວຽກ​ງານ​ການ​ລະດົມ​ທຶນທົ່ວ​ແຂວງ ​ເຂົ້າ​ໃນ​ການ​ພັດ​ທະນາ​ເສດຖະກິດ-ສັງຄົມ ສາມາດບັນລຸ​ໄດ້ 1.688,84 ຕື້​ກີບ ລື່ນແຜນການ 4,29%.

ທ່ານ ​ດຣ. ໄມ​ດີ ຄຳ​ພຸກ​ດວງແກ້ວ ຫົວໜ້າ​ພະ​ແນກ​ແຜນການ ແລະ ການ​ລົງທຶນແຂວງ​ຊຽງຂວາງ ກ່າວ​ວ່າ: ປັດຈຸບັນ ທົ່ວ​ແຂວງສາມາດ​ຫຼຸດຜ່ອນ​ຕົວເລກ​ຄອບຄົວ​ທຸກ​ຍາກ ​ຍັງ​ເຫຼືອພຽງ 978 ຄອບຄົວ ເທົ່າ​ກັບ 2,22% ຂອງ​ຄອບຄົວ​ທັງ​ໝົດພາຍ​ໃນ​ແຂວງ ເອົາໃຈໃສ່​ຂະຫຍາຍ​ລະບົບ​ຄົມມະນາຄົມ​ ສູ່ເຂດ​ຊົນນະບົດ​ຫ່າງ​ໄກ​ສອກຫຼີກ ເຊິ່ງ​ໃນ​ປີ 2015 ມີ​ເສັ້ນທາງ​ເຂົ້າເຖິງ​ບ້ານ​ທັງ​ໝົດ​ພາຍ​ໃນ​ແຂວງ ກວມ​ເອົາ 98,75% (6 ບ້ານຍັງ​ບໍ່​ມີ​ເສັ້ນທາງ​ເຂົ້າ​ເຖິງ) ລະບົບ​ໄປສະນີ-ໂທລະ​ຄົມ 78% ຄອບຄົວ​ໄດ້​ນຳ​ໃຊ້​ໄຟຟ້າ​ຖາວອນມີ 87,94% ສ້າງ​ບ້ານ​ພັດ​ທະນາໄດ້ 195 ບ້ານ​ ໃນ​ຈຳນວນບ້ານ​ທັງ​ໝົດ 481 ບ້ານ ສ້າງບ້ານ​ໃຫຍ່​ໃຫ້​ເປັນ​ລັກສະນະ​ຕົວເມືອງ​ນ້ອຍ​ໄດ້ 1 ແຫ່ງ ສ້າງບ້ານ​ວັດທະນະທຳໄດ້ 278 ບ້ານ ເທົ່າ​ກັບ 57,32% ແລະ ມີ​ຄອບຄົວ​ໄດ້​ຮັບ​ການ​ຢັ້ງຢືນເປັນ​ຄອບ​ຄົບ​ວັດທະນະທຳ ຈຳນວນ 23.568 ຄອບຄົວ.

 

ແຫລ່ງຂ່າວ:

ວຈໝ

ບົດຄວາມຫຼ້າສຸດ

ຈັບສາຍປາຕີ້ຄໍລະເຈັ້້ນ 9 ຄົນ ຢູ່ບ້ານອຸດົມ ເມືອງຫ້ວຍຊາຍ ແຂວງບໍ່ແກ້ວ.

ປກສ ແຂວງບໍ່ແກ້ວ ມ້າງຄະດີແກ້ງມົ້ວສຸ່ມຢາເສບຕິດ ຈຳນວນ 9 ຄົນ ຈັດປາຕີ້ຄໍລະເຈັ້ນ ຢູ່ບ້ານອຸດົມ ເມືອງຫ້ວຍຊາຍ ແຂວງບໍ່ແກ້ວ. ໃນຄັ້ງວັນທີ 26 ມີນາ 2025 ຜ່່ານມາ,...

ຈະນໍາໃຊ້ຕຳຫຼວດຈະລາຈອນ 1,172 ສະຫາຍ ໃນການອຳນວຍຄວາມສະດວກ ໃນໄລຍະປີໃໝ່ລາວ 2025

ເພື່ອສະກັດກັ້ນອຸບັດເຫດ ກົມຕຳຫຼວດຈະລາຈອນ ຈະນໍາໃຊ້ຕຳຫຼວດຈະລາຈອນ 1,172 ສະຫາຍ ຕັ້ງຈຸດກວດກາ 143 ຈຸດ ຕາມແຕ່ລະເສັ້ນທາງ ໄລຍະປີໃໝ່ລາວ. ທ່ານ ພັອ ຄໍາສອນ ສີດາວົງ ຫົວໜ້າກົມຕຳຫລວດຈະລາຈອນ,...

ລະທຶກ! ເຮືອສະປີດໂບ໊ດເກີດໄຟໄໝ້ກາງທະເລອັນດາມັນ ປະເທດໄທ

ເລັ່ງອົບພະຍົບຜູ້ໂດຍສານ ຈາກເຫດໄຟໄໝ້ເຮືອສະປີດໂບ໊ດ ບໍລິເວນເກາະໄມ້ທ່ອນ ຈັງຫວັດພູເກັດ ປະເທດໄທ. ສຳນັກຂ່າວຕ່າງປະເທດລາຍງານ ເຫດໄຟໄໝ້ເຮືອສະປີດໂບ໊ດບໍລິເວນເກາະໄມ້ທ່ອນ ຈັງຫວັດພູເກັດ ປະເທດໄທ ໃນເວລາປະມານ 09:10 ນາທີ ຂອງວັນທີ 1 ເມສາ...

ເພີ່ມຂຶ້ນຕໍ່ເນື່ອງເຫຍື່ອແຜ່ນດິນໄຫວທີ່ມຽນມາ ຫຼ້າສຸດມີຜູ້ເສຍຊີວິດກວ່າ 2,056 ຄົນ

ສະຖານະການແຜ່ນດິນໄຫວໃນມຽນມາຍັງໜ້າເປັນຫ່ວງ ເຈົ້ານ້າທີ່ຕ້ອງເລັ່ງທຳການຄົ້ນຫາ ແລະ ຊ່ວຍຜູ້ລອດຊີວິດອອກມາຈາກໃຕ້ຊາກອາຄານ ຫຼັງຈາກ້າວເຂົ້າສູ່ມື້ທີ 4 ນັບຕັ້ງແຕ່ເກີດເຫດເມື່ອວັນທີ 28 ມີນາ 2025. ສຳນັກຂ່າວຕ່າງປະເທດລາຍນງານໃນວັນທີ 1 ເມສາ 2025 ນີ້,...