spot_img
Homeຂ່າວການພັດທະນາລັດຖະບານລາວ UNODC ແລະ UNDP ຮ່ວມປະຊຸມການຕ້ານການສໍ້ລາດບັງຫຼວງ

ລັດຖະບານລາວ UNODC ແລະ UNDP ຮ່ວມປະຊຸມການຕ້ານການສໍ້ລາດບັງຫຼວງ

Published on

12166709_1036006443098232_1785727018_n

ອົງການກວດກາລັດຖະບານ ຮ່ວມກັບອົງການ UNODC ແລະ UNDP ຈັດກອງປະຊຸມປະເມີນຜົນຄວາມຕ້ອງການພັດທະນາຄວາມອາດສາມາດໃນການຕ້ານການສໍ້ລາດບັງຫຼວງ ຢູ່ ສປປ ລາວ

ກອງປະຊຸມປະເມີນຜົນຄວາມຕ້ອງການພັດທະນາຄວາມອາດສາມາດໃນການຕ້ານການສໍ້ລາດບັງຫຼວງ ຢູ່ ສປປ ລາວ ໄດ້ຈັດຂື້ນໃນລະຫວ່າງວັນທີ 12-16 ຕຸລາ 2015ໂດຍການເປັນເຈົ້າພາບຂອງອົງການກວດກາລັດຖະບານ ແລະ ຕ້ານການສໍ້ລາດບັງຫຼວງ ແຫ່ງ ສປປ ລາວ ຮ່ວມກັບອົງການສະຫະປະຊາຊາດເພື່ອຕ້ານຢາເສບຕິດ ແລະ ອາຊະຍາກຳ (UNODC) ແລະ ອົງການສະຫະປະຊາຊາດເພື່ອການພັດທະນາ (UNDP) ໂດຍມີທີມງານທີ່ປຶກສາ, ຊ່ຽວຊານຈາກອົງການຈັດຕັ້ງສາກົນ ແລະ ບັນດາກະຊວງ-ອົງການທີ່ກ່ຽວຂ້ອງເຂົ້າຮ່ວມ.

ກອງປະຊຸມຄັ້ງນີ້ແມ່ນເພື່ອສະເໜີຜົນງານໃນວຽກງານການສະກັດກັ້ນ ແລະ ຕ້ານການສໍ້ລາດບັງຫຼວງຂອງ ສປປ ລາວ ພ້ອມທັງການຈັດຕັ້ງປະຕິບັດສົນທິສັນຍາ ສປຊ ວ່າດ້ວຍການຕ້ານການສໍ້ລາດບັງຫຼວງໃນຮອບວຽນທີ 1 ຂອງ ສປປ ລາວ ແລະ ເພື່ອເປັນການກະກຽມດຳເນີນການທົບທວນສົນທິສັນຍາ ສປຊ ວ່າດ້ວຍການຕ້ານການສໍ້ລາດບັງຫຼວງ (ພາກທີ 2 ມາດຕະການສະກັດກັ້ນ ແລະ ພາກທີ 5 ວ່າດ້ວຍການເກັບກູ້ຊັບສິນຄືນ) ແລະ ເປັນການສ້າງແຜນວຽກໃນການສະກັດກັ້ນ ແລະ ຕ້ານການສໍ້ລາດບັງຫຼວງຂອງ ສປປ ລາວ ໃນໄລຍະ ປີ 2016-2020. ເຊິ່ງໃນກອງປະຊຸມດັ່ງກ່າວໄດ້ຜ່ານບົດລາຍງານຂອງອົງການກວດກາລັດຖະບານ ແລະ ຕ້ານການສໍ້ລາດບັງຫຼວງກ່ຽວກັບການເຄື່ອນໄຫວວຽກງານສະກັດກັ້ນ ແລະ ຕ້ານການສໍ້ລາດບັງຫຼວງພາຍຫຼັງທີ່ໄດ້ຮ່ວມຂະບວນການທົບທວນສົນທິສັນຍາ ສປຊ ວ່າດ້ວຍການຕ້ານການສໍ້ລາດບັງຫຼວງ, ບົດລາຍງານຂອງອົງການ UNODC, UNDP ກ່ຽວກັບວິທີການໃນການປະເມີນຜົນຄວາມອາດສາມາດໃນການຕ້ານການສໍ້ລາດບັງຫຼວງຂອງ ສປປ ລາວ.

ຈາກນັ້ນ ຄະນະຊ່ຽວຊານ ຈາກອົງການ UNODC ແລະ UNDP ໄດ້ໄດ້ໄປຢ້ຽມຢາມ ແລະ ເຮັດວຽກກັບບັນດາກະຊວງທີ່ກ່ຽວຂ້ອງ ເປັນຕົ້ນແມ່ນ ອົງການກວດສອບແຫ່ງລັດ, ກະຊວງຍຸຕິທຳ, ສະພາແຫ່ງຊາດ, ສານປະຊາຊົນສູງສຸດ, ອົງການໄອຍະການປະຊາຊົນສູງສຸດ, ກະຊວງພາຍໃນ, ກະຊວງການຕ່າງປະເທດ ແລະ ກະຊວງອື່ນໆ.

ນອກຈາກນີ້, ໃນວັນທີ 12 ຕຸລາ 2015 ບັນດາຕະນະຜູ້ແທນທີ່ມາຮ່ວມກອງປະຊຸມ ກໍ່ໄດ້ເຂົ້າຢ້ຽມຂຳນັບ ພະນະທ່ານ ດຣ ບຸນທອງ ຈິດມະນີ ກຳມະການກົມການເມືອງສູນກາງພັກ, ປະທານອົງການກວດກາລັດຖະບານ ແລະ ຫົວໜ້າອົງການຕ້ານການສໍ້ລາດບັງຫຼວງຂັ້ນສູນກາງ, ຕາງໜ້າ ຄະນະຜູ້ແທນໄດ້ລາຍງານຫຍໍ້ກ່ຽວກັບຂອບເຂດວຽກ ແລະ ວາລະຂອງກອງປະຊຸມໃຫ້ພະນະທ່ານ ດຣ ບຸນທອງ ຈິດມະນີ ໄດ້ຮັບຊາບ ຈາກນັ້ນ ທ່ານ ດຣ ບຸນທອງ ຈິດມະນີ ໄດ້ຕີລາຄາສູງຕໍ່ຄະນະຜູ້ແທນທີ່ມາເຂົ້າຮ່ວມ ແລະ ອວຍພອນໃຫ້ກອງປະຊຸມຈົ່ງປະສົບຜົນສຳເລັດໃນການຈັດຕັ້ງປະຕິບັດການປະເມີນຜົນຄວາມອາດສາມາດໃນການຕ້ານການສໍ້ລາດບັງຫຼວງຕາມລະດັບຄາດໝາຍທີ່ວາງໄວ້.

12167624_1036006439764899_1959980735_n

12077458_1036006446431565_1470918466_n 12077458_1036006433098233_1470633891_n

ຂ່າວ ທີມຂ່າວLaoPost.com

 

ບົດຄວາມຫຼ້າສຸດ

ຈັບສາຍປາຕີ້ຄໍລະເຈັ້້ນ 9 ຄົນ ຢູ່ບ້ານອຸດົມ ເມືອງຫ້ວຍຊາຍ ແຂວງບໍ່ແກ້ວ.

ປກສ ແຂວງບໍ່ແກ້ວ ມ້າງຄະດີແກ້ງມົ້ວສຸ່ມຢາເສບຕິດ ຈຳນວນ 9 ຄົນ ຈັດປາຕີ້ຄໍລະເຈັ້ນ ຢູ່ບ້ານອຸດົມ ເມືອງຫ້ວຍຊາຍ ແຂວງບໍ່ແກ້ວ. ໃນຄັ້ງວັນທີ 26 ມີນາ 2025 ຜ່່ານມາ,...

ຈະນໍາໃຊ້ຕຳຫຼວດຈະລາຈອນ 1,172 ສະຫາຍ ໃນການອຳນວຍຄວາມສະດວກ ໃນໄລຍະປີໃໝ່ລາວ 2025

ເພື່ອສະກັດກັ້ນອຸບັດເຫດ ກົມຕຳຫຼວດຈະລາຈອນ ຈະນໍາໃຊ້ຕຳຫຼວດຈະລາຈອນ 1,172 ສະຫາຍ ຕັ້ງຈຸດກວດກາ 143 ຈຸດ ຕາມແຕ່ລະເສັ້ນທາງ ໄລຍະປີໃໝ່ລາວ. ທ່ານ ພັອ ຄໍາສອນ ສີດາວົງ ຫົວໜ້າກົມຕຳຫລວດຈະລາຈອນ,...

ລະທຶກ! ເຮືອສະປີດໂບ໊ດເກີດໄຟໄໝ້ກາງທະເລອັນດາມັນ ປະເທດໄທ

ເລັ່ງອົບພະຍົບຜູ້ໂດຍສານ ຈາກເຫດໄຟໄໝ້ເຮືອສະປີດໂບ໊ດ ບໍລິເວນເກາະໄມ້ທ່ອນ ຈັງຫວັດພູເກັດ ປະເທດໄທ. ສຳນັກຂ່າວຕ່າງປະເທດລາຍງານ ເຫດໄຟໄໝ້ເຮືອສະປີດໂບ໊ດບໍລິເວນເກາະໄມ້ທ່ອນ ຈັງຫວັດພູເກັດ ປະເທດໄທ ໃນເວລາປະມານ 09:10 ນາທີ ຂອງວັນທີ 1 ເມສາ...

ເພີ່ມຂຶ້ນຕໍ່ເນື່ອງເຫຍື່ອແຜ່ນດິນໄຫວທີ່ມຽນມາ ຫຼ້າສຸດມີຜູ້ເສຍຊີວິດກວ່າ 2,056 ຄົນ

ສະຖານະການແຜ່ນດິນໄຫວໃນມຽນມາຍັງໜ້າເປັນຫ່ວງ ເຈົ້ານ້າທີ່ຕ້ອງເລັ່ງທຳການຄົ້ນຫາ ແລະ ຊ່ວຍຜູ້ລອດຊີວິດອອກມາຈາກໃຕ້ຊາກອາຄານ ຫຼັງຈາກ້າວເຂົ້າສູ່ມື້ທີ 4 ນັບຕັ້ງແຕ່ເກີດເຫດເມື່ອວັນທີ 28 ມີນາ 2025. ສຳນັກຂ່າວຕ່າງປະເທດລາຍນງານໃນວັນທີ 1 ເມສາ 2025 ນີ້,...