spot_img
Homeຂ່າວເຫດການກອງ​ປະຊຸມ​ລັດຖະບານ​ເປີດກວ້າງ ປະຈຳ​ສົກປີ​ 2014-2015 ໄຂຂຶ້ນຢ່າງເປັນທາງການ

ກອງ​ປະຊຸມ​ລັດຖະບານ​ເປີດກວ້າງ ປະຈຳ​ສົກປີ​ 2014-2015 ໄຂຂຶ້ນຢ່າງເປັນທາງການ

Published on

meeting

ຂປລ. ກອງ​ປະ​ຊຸມ​ລັດ​ຖະ​ບານ​​ເປີດກວ້າງປະ​ຈຳ​ປີ 2014-2015 ໄດ້​ໄຂ​ຂຶ້ນ​ຢ່າງ​ເປັນ​ທາງ​ການ ​ໃນ​ວັນ​ທີ 23 ກັນ​ຍາ​ນີ້ ທີ່ ​ຫ້ອງວ່າ​ການ​ລັດ​ຖະ​ບານ ພາຍ​ໃຕ້​ການ​ເປັນ​ປະ​ທານ​ຂອງທ່ານ ທອງ​ສິງ ​ທຳ​ມະ​ວົງນາ ​ຍົກ​ລັດ​ຖະ​ມົນ​ຕີ, ມີ​ບັນ​ດາ​ຮອງ​ນາ​ຍົກ​ລັດ​ຖະ​ມົນ​ຕີ, ຄະ​ນະ​ລັດ​ຖະ​ບານ ພ້ອມດ້ວຍ​ເຈົ້າ​ແຂວງ​ເຂົ້າ​ຮ່ວມ.

ໃນກອງ​ປະ​ຊຸມພາຍຫລັງ ທ່ານນາ​ຍົກ​ລັດ​ຖະ​ມົນ​ຕີກ່າວ​ເປີດ​ຢ່າງ​ເປັນ​ທາງ​ການ​ແລ້ວ, ກອງ​ປະ​ຊຸມ​ໄດ້​ຮັບ​ຟັງ​ການ​ລາຍ​ງານ​ຈາກ​ບັນດາ​ລັດຖະມົນຕີ​ ກ່ຽວ​ກັບ​ການຈັດ​ຕັ້ງ​ປະຕິບັດ​ວຽກ​ງານ ​ຂອງ​ຂະ​ແໜງ​ການ​ຕ່າງໆ​​ ເຊັ່ນ​: ບົດ​ລາຍ​ງານ​ຫ​ຍໍ້​ກ່ຽວ​ກັບ​ສະ​ພາບ​ການ​ຈັດ​ຕັ້ງ​ປະ​ຕິ​ບັດ​ ແຜນ​ພັດ​ທະ​ນາ​ເສດ​ຖະ​ກິດສັງ​ຄົມ ​ສົກ​ປີ 2014-2015, ເຜີຍ ​ແຜ່​ດຳ​ລັດ​ວ່າ​ດ້ວຍ​ການ​ຈັດ​ຕັ້ງ​ປະ​ຕິ​ບັດ ​ແຜນ​ພັດ​ທະ​ນາ​ເສດ​ຖະ​ກິດ-ສັງ​ຄົມ​ ສົກ​ປີ 2015-2016, ຮັບ​ຟັງ​ການ​ລາຍ​ງານ​ຫ​ຍໍ້​ ກ່ຽວ​ກັບສະ​ພາບ​ການ​ຈັດ​ຕັ້ງປະ​ຕິ​ບັດ​ແຜນ​ງົບ​ປະ​ມານ ​ປະ​ຈຳ​ປີ 2014-2015 ແລະ ​ເຜີຍ​ແຜ່​ແຜນ​ງົບ​ປະ​ມານ​ມານ​ປະ​ຈໍາ​ສົກ​ປີ 2015-2016, ຮັບ​ຟັງ​ລາຍ​ງານ​ຫ​ຍໍ້​ສະ​ພາບ​ການ​ຈັດ​ຕັ້ງ​ປະ​ຕິ​ບັດ​ແຜນ​ເງິນ​ຕາ​ ປະ​ຈຳ​ສົກ​ປີ 2014-2015 ແລະ ເຜີຍ​ແຜ່​ແຜນ​ເງິນ​ຕາ​ປະ​ຈຳ​ປີ 2015-2016, ຮັບ​ຟັງ​ການ​ລາຍ​ງານ​ການ​ຈັດ​ຕັ້ງ​ປະ​ຕິ​ບັດ ​ໂຄງ​ການ​ທາງ​ລົດ​ໄຟ ແລະ ໂຄງ​ການ​ກໍ່​ສ້າງ​ສະໜາມ​ບິນ​ສາ​ກົນ ​ຢູ່ ສ​ປ​ປ ລາວ, ໄດ້​ຮັບ​ຟັງ​ການ​ລາຍ​ງານ​ການ​ແກ້​ໄຂ​ໜີ້ສິນ ໂຄງ​ການ​ລົງ​ທຶນ​ຂອງ​ລັດ, ມາດ​ຕະ​ການ​ແກ້​ໄຂ ແລະ ແຜນ​ໃນ​ຕໍ່​ຫ​ນ້າ.

ນອກ​ຈາກ​ນີ້ ຍັງ​ໄດ້​ຮັບ​ຟັງ​ການ​ລາຍ​ງານ​ຈາກ​ຄະ​ນະພັດ​ທະ​ນາ​ຊົນ​ນະ​ບົດ ແລະ ລຶບ​ລ້າງ​ຄວາມ​ທຸກ​ຍາກ​ຂັ້ນ​ສູນ​ກາງ, ກະ​ຊວງ​ແຜນ​ການ ແລະ ການ​ລົງ​ທຶນ, ກະ​ຊວງ​ພາຍ​ໃນ ກ່ຽວ ​ກັບ​ການ​ຈັດ​ຕັ້ງ​ປະ​ຕິ​ບັດ​ໂຄງ​ການ​ພັດ​ທະ​ນາ 10 ເຂດ​ຈຸດ​ສຸມ​ ຂອງ​ລັດ​ຖະ​ບານ, 54 ຈຸດ​ສຸມ​ຂອງ​ທ້ອງ​ຖິ່ນ, ການ​ຈັດ​ສັນ​ພູມ​ລຳ​ເນົາ ແລະ ບ່ອນ ​ທຳ​ມາ​ຫາ​ກິນ​ຂອງ​ປະ​ຊາ​ຊົນ, ຈາກ​ນັ້ນ​ໄດ້​ຮັບ​ຟັງ​ບົດ​ສະຫລຸບ​ການ​ຕີ​ລາ​ຄາ​ການ​ບໍ​ລິ​ຫານ​ງານ​ຂອງ​ລັດ​ ຖະ​ບານ ສົກ​ປີ 2014-2015 ແລະ ແຜນ​ວຽກ​ຈຸດ​ສຸມ ສົກປີ 2015-2016.

ພ້ອມ​ນີ້, ຜູ້​ເຂົ້າ​ຮ່ວມກອງ​ປະ​ຊຸມ ​ຍັງໄດ້ພ້ອມ​ກັນ​ປະ​ກອບ​ຄຳ​ຄິດ​ຄຳ​ເຫັນ ​ໃສ່​ບັນ​ດາ​ບົດ​ລາຍ​ງານ​ດັ່ງ​ກ່າວຢ່າງ​ກົງ​ໄປ​ກົງ​ມາ ເພື່ອ​ເຮັດ​ໃຫ້​ບົດ​ລາຍ​ງານ​ດັ່ງ​ກ່າວ​ມີ​ຄ​ວາມ​ສົມ​ບູນ​ຂຶ້ນ.

 

ແຫລ່ງຂ່າວ:

ຂປລ

ບົດຄວາມຫຼ້າສຸດ

ຈັບສາຍປາຕີ້ຄໍລະເຈັ້້ນ 9 ຄົນ ຢູ່ບ້ານອຸດົມ ເມືອງຫ້ວຍຊາຍ ແຂວງບໍ່ແກ້ວ.

ປກສ ແຂວງບໍ່ແກ້ວ ມ້າງຄະດີແກ້ງມົ້ວສຸ່ມຢາເສບຕິດ ຈຳນວນ 9 ຄົນ ຈັດປາຕີ້ຄໍລະເຈັ້ນ ຢູ່ບ້ານອຸດົມ ເມືອງຫ້ວຍຊາຍ ແຂວງບໍ່ແກ້ວ. ໃນຄັ້ງວັນທີ 26 ມີນາ 2025 ຜ່່ານມາ,...

ຈະນໍາໃຊ້ຕຳຫຼວດຈະລາຈອນ 1,172 ສະຫາຍ ໃນການອຳນວຍຄວາມສະດວກ ໃນໄລຍະປີໃໝ່ລາວ 2025

ເພື່ອສະກັດກັ້ນອຸບັດເຫດ ກົມຕຳຫຼວດຈະລາຈອນ ຈະນໍາໃຊ້ຕຳຫຼວດຈະລາຈອນ 1,172 ສະຫາຍ ຕັ້ງຈຸດກວດກາ 143 ຈຸດ ຕາມແຕ່ລະເສັ້ນທາງ ໄລຍະປີໃໝ່ລາວ. ທ່ານ ພັອ ຄໍາສອນ ສີດາວົງ ຫົວໜ້າກົມຕຳຫລວດຈະລາຈອນ,...

ລະທຶກ! ເຮືອສະປີດໂບ໊ດເກີດໄຟໄໝ້ກາງທະເລອັນດາມັນ ປະເທດໄທ

ເລັ່ງອົບພະຍົບຜູ້ໂດຍສານ ຈາກເຫດໄຟໄໝ້ເຮືອສະປີດໂບ໊ດ ບໍລິເວນເກາະໄມ້ທ່ອນ ຈັງຫວັດພູເກັດ ປະເທດໄທ. ສຳນັກຂ່າວຕ່າງປະເທດລາຍງານ ເຫດໄຟໄໝ້ເຮືອສະປີດໂບ໊ດບໍລິເວນເກາະໄມ້ທ່ອນ ຈັງຫວັດພູເກັດ ປະເທດໄທ ໃນເວລາປະມານ 09:10 ນາທີ ຂອງວັນທີ 1 ເມສາ...

ເພີ່ມຂຶ້ນຕໍ່ເນື່ອງເຫຍື່ອແຜ່ນດິນໄຫວທີ່ມຽນມາ ຫຼ້າສຸດມີຜູ້ເສຍຊີວິດກວ່າ 2,056 ຄົນ

ສະຖານະການແຜ່ນດິນໄຫວໃນມຽນມາຍັງໜ້າເປັນຫ່ວງ ເຈົ້ານ້າທີ່ຕ້ອງເລັ່ງທຳການຄົ້ນຫາ ແລະ ຊ່ວຍຜູ້ລອດຊີວິດອອກມາຈາກໃຕ້ຊາກອາຄານ ຫຼັງຈາກ້າວເຂົ້າສູ່ມື້ທີ 4 ນັບຕັ້ງແຕ່ເກີດເຫດເມື່ອວັນທີ 28 ມີນາ 2025. ສຳນັກຂ່າວຕ່າງປະເທດລາຍນງານໃນວັນທີ 1 ເມສາ 2025 ນີ້,...