UN ແລະ ຫຼາຍປະເທດສະແດງເຈດຈຳນົງຊ່ວຍລາວໃນເຫດໄພພິບັດເຂື່ອນແຕກທີ່ອັດຕະປື

0
706

ເມື່ອວັນທີ 25 ກໍລະກົດ 2018 ມີລາຍງານວ່າ ທ່ານ ສະຕີເຟັນ ດູຮາຣິກ ໂຄສົກອົງການສະຫະປະຊາຊາດຖະແຫຼງວ່າ ເລຂາທິການໃຫຍ່ອົງການສະຫະປະຊາຊາດເສຍໃຈຕໍ່ກັບການສູນເສຍຊີວິດ ແລະ ຊັບສິນອັນເກີດມາຈາກເຫດເຊປຽນ-ເຊນ້ຳນ້ອຍແຕກ ເນື່ອງຈາກພາຍຸຝົນຕົກໜັກ, ເຊິ່ງເລຂາທິການໃຫຍ່ສະຫະປະຊາຊາດ ໄດ້ສະແດງຄວາມເສຍໃຈໄປຍັງຄອບຄົວຜູ້ປະສົບໄພ ແລະ ຕໍ່ລັດຖະບານລາວ ກໍ່ຄືປະຊາຊົນໃນອາຊີຕະເວັນອອກສຽງໃຕ້ ພ້ອມທັງສະແດງຄວາມພ້ອມຈະໃຫ້ການຊ່ວຍເຫຼືອ ແລະ ບັນເທົາທຸກແກ່ ສປປ ລາວ.

ຕໍ່ກັບບັນຫາດັ່ງກ່າວມີຫຼາຍປະເທດໄດ້ສະແດງເຈດຈຳນົງທີ່ຈະໃຫ້ການຊ່ວຍເຫຼືອແກ່ ສປປ ລາວ ໂດຍສະເພາະບັນດາປະເທດໃນອາຊີເຊັ່ນ: ໄທ ແລະ ເກົາຫຼີໃຕ້ ແມ່ນສົ່ງທີມກູ້ໄພທີ່ຊ່ຽວຊານ ພ້ອມທັງເຮລິຄອບເຕີ, ເຮືອ ແລະ ອຸປະກອນທີ່ຈຳເປັນເຂົ້າມາໃນລາວແລ້ວ, ສ່ວນສິງກະໂປ ແລະ ມາເລເຊຍກໍ່ສະແດງເຈດຈຳນົງທີ່ພ້ອມຈະໃຫ້ການຊ່ວຍເຫຼືອລາວເທົ່າທີ່ຈະຊ່ວຍເຫຼືອໄດ້.

ໃນດ້ານຂອງລັດຖະບານລາວ ທ່ານ ທອງລຸນ ສີສຸລິດ ນາຍົກລັດຖະມົນຕີ ແລະ ຄະນະກໍ່ໄດ້ລົງຕິດຕາມສະຖານະການການຊ່ວຍເຫຼືອຜູ້ປະສົບໄພຢ່າງໃກ້ຊິດ ຢູ່ທີ່ເມືອງສະໜາມໄຊ ແຂວງອັດຕະປື ພ້ອມທັງມອບເງິນຊ່ວຍເຫຼືອເບື້ອງຕົ້ນ 1.2 ຕື້ກີບ.

 ແຫລ່ງຂ່າວຈາກ: ອິດສະຫຼະ

 

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.