ແຂວງວຽງຈັນ ຊັບຊ້ອນພະນັກງານການນຳ ຫລາຍຕຳແໜ່ງ!

ຂປລ. ​​ວັນທີ 30 ພຶດສະພານີ້, ແຂວງວຽງຈັນ ໄດ້ຈັດພິທີປະກາດ ຊັບຊ້ອນພະນັກງານການນຳຫລາຍຕຳແໜ່ງ ເພື່ອໃຫ້ມີຄວາມແທດເໜາະ ກັບໜ້າວຽກແລະ ເໝາະກັບຄວາມຮູ້ຄວາມສາດມາດ ແນໃສ່ຮັບປະກັນ ໃຫ້ການປະຕິບັດໜ້າທີ່ວິຊາສະເພາະ ໃຫ້ມີຜົນສຳເລັດດີຂຶ້ນກວ່າເກົ່າ.

ໃນພິທີ ທ່ານ ອຸ່ນແສງ ແກ້ວດາວັນ ຫົວໜ້າຄະນະຈັດຕັ້ງແຂວງ ໄດ້ຜ່ານຂໍ້ຕົກລົງຂອງ ທ່ານ ເຈົ້າແຂວງເປັນຕົ້ນແມ່ນແຕ່ງຕັ້ງ ທ່ານ ບົວລຳແພງ ວາງປະດິດ ເປັນຮອງປະທານກຳມະບານແຂວງ, ທ່ານ ສົມຄິດ ອິນທະວົງ ເປັນອຳ ນວຍການໂຮງຮຽນການເມືອງການປົກຄອງ, ທ່ານ ຫຸມພັນ ເມືອງແສນ, ທ່ານ ທອງວັນ ຈັນທະລາ ເປັນຮອງອຳນວຍການ ໂຮງຮຽນການເມືອງການປົກຄອງ, ທ່ານ ວໍລະສອນ ອັກຄະສອນ ແລະ ທ່ານ ພູຄຳ ສຸດທິຈັກ ເປັນຮອງຫົວໜ້າ ຫ້ອງວ່າການປົກຄອງແຂວງ, ທ່ານ ສົມສະນິດ ແສງທອງ ເປັນຫົວໜ້າພະແນກ ການຕ່າງປະເທດ, ທ່ານ ສັນຕິພາບ ວິລະເກດ ເປັນຮອງຫົວໜ້າ ພະແນກການຕ່າງປະເທດ, ທ່ານ ພັທ ສົມປອງ ຄຳສີດາ, ທ່ານສອນໄຊ ລວງອາໄພ, ທ່ານ ທອງດຳ ສີວິໄລລັກ ເປັນຮອງຫົວໜ້າຄະນະຈັດຕັ້ງແຂວງ, ທ່ານ ແສງແກ້ວ ສູນທະວົງສາ ແລະ ທ່ານ ແສງທຳ ອະໄພຍະລາດ ເປັນຮອງຄະນະໂຄສະນາອົບຮົມແຂວງ, ​ແຕ່ງຕັ້ງທ່ານ ທ່ອນຄຳ ສີຫາລາດ ແລະ ທ່ານ ຈັນທະວົງ ບົວລະພັນ ເປັນຮອງຄະນະໂຄສະນາອົບຮົມ ແຂວງວຽງຈັນ.

 

ແຫລ່ງຂ່າວ:

ຂປລ

ຕິດຕາມເລື່ອງດີດີເພຈທ່ຽວເມືອງລາວ Laotrips ກົດໄລຄ໌ເລີຍ!