spot_img
Homeຂ່າວທ້ອງຖິ່ນແຂວງບໍ່ແກ້ວ ຈັດງານຕະຫລາດນັດ-ຂາຍສິນຄ້າ ສົ່ງເສີມເສດຖະກິດພາຍໃນ

ແຂວງບໍ່ແກ້ວ ຈັດງານຕະຫລາດນັດ-ຂາຍສິນຄ້າ ສົ່ງເສີມເສດຖະກິດພາຍໃນ

Published on

ຂປລ. ​ງານຕະຫລາດນັດ ​ແລະ ຂາຍ​ສິນຄ້າ ​ເພື່ອ​ສົ່ງ​ເສີມ​ເສດຖະກິດ​ແຂວງ​ບໍ່​ແກ້ວ ​ໄດ້​ຈັດ​ຂຶ້ນ​ໃນລະຫວ່າງ​ ວັນ​ທີ 12-17 ຕຸລານີ້, ຢູ່​ເມືອງ​ຫ້ວຍຊາຍ ​ແຂວງ​ບໍ່​ແກ້ວ ​ໂດຍ​ເປັນ​ກຽດເຂົ້າຮ່ວມ​ເປີ​ດພິທີ​ຢ່າງ​ເປັນ​ທາງ​ການຂອງ ທ່ານ ຄຳ​ພັນ ​ເຜີຍ​ຍະ​ວົງ ​ເຈົ້າ​ແຂວງ​ບໍ່​ແກ້ວ, ທ່ານ​ນາງ ວາລີ ​ເວດ​ສະ​ພົງ ຮອງ​ປະທານ​ສະພາ​ການ​ຄ້າ ​ແລະ ອຸດສາຫະ​ກຳ​ແຫ່ງ​ຊາດ​ລາວ, ທ່ານ ສົມຫວັງ ນິນທະວົງ ຫົວໜ້າກົມສົ່ງເສີມ ແລະ ພັດທະນາສິນຄ້າ, ກະຊວງ​ອຸດສາຫະກຳ ​ແລະ ການ​ຄ້າ, ພ້ອມດ້ວຍພາກສ່ວນທີ່ກ່ຽວ ແລະ ມວນ​ຊົນ​ຊາວ​ ແຂວງ​ບໍ່​ແກ້ວ ເຂົ້າຮ່ວມ.

ໂອກາດ​​ດັ່ງກ່າວ, ທ່ານ ສີ​ສຸພັນ ສິລິ​ວົງ ປະທານ​ສະພາການ​ຄ້າ-ອຸດສາຫະກຳ​ ແຂວງ​ບໍ່​​ແກ້ວ ກ່າວ​ວ່າ: ງານວາງສະ​ແດງ​​ ໃນ​ຄັ້ງ​ນີ້, ມີ​ຮ້ານ​ວາງສະ​ແດງ​ທັງ​ໝົດ 160 ຮ້ານ, ​ໃນ​ນັ້ນ​ ມີຮ້ານ​ວາງສະ​ແດງ​ຂອງ​ພາຍ​ໃນ​ແຂວງ 100 ກວ່າຮ້ານ, ຈາກ​ຕ່າງ​ແຂວງ 11 ຮ້ານ ​ແລະ ປະ​ເທດ​ເພື່ອນ​ບ້ານ ​32 ຮ້ານ(ຫວຽດນາມ,​ ໄທ), ນອກ​ນັ້ນ, ​ຍັງ​ມີຜູ້​ປະກອບ​ການຕ່າງ​ປະເທດ ທີ່​ດຳ​ເນີນທຸລະ​ກິດ​ຢູ່​ແຂວງ​ບໍ່​ແກ້ວ 12 ຮ້ານ ​ເຊິ່ງຜະລິດ​ຕະພັນທີ່​ນຳ​ມາ​ວາງສະ​ແດງ ປະກອບ​ມີ ​ເຄື່ອງອັນຍະ​ມະນີ​ແກ້ວ ທີ່​ເປັນ​ເອກະລັກ​ຂອງ​ແຂວງ, ເຄື່ອງ​ເຟີ​ນີ​ເຈີ, ຜະລິດ​ຕະພັນ​ຫັດຖະກຳ​ຈັກສານ, ອຸດສາຫະກຳ, ຜະລິດ​ຕະພັນ​ຜ້າ​ຝ່າຍ​ ແລະ ​ເຄື່ອງນຸ່ງ​ຂອງ​ຊົນ​​ເຜົ່າ, ຜະລິດ​ຕະພັນ​ກະສິກຳ​ປຸງ​ແຕ່ງ, ຜະ​ລິດ​ຕະພັນ​ສິນຄ້າ​ໂອດັ​ອບ, ສິນຄ້າ​ສຳ​ເລັດ​ຮູບ, ຜະລິດ​ຕະພັນ​ປຸງ​ແຕ່ງ​ຈາກ​ນ້ຳມັນ​ເຄື່ອ, ຜະລິດ​ຕະພັນ ​ນ້ຳມັນ​ເຊື້ອ​ໄຟ ​ແລະ ອື່ນໆ​. ທັງ​ນີ້, ​ແນ​ໃສ່​ສົ່ງ​ເສີມພັດທະນາ​ເສດຖະກິດ​ແຂວງ ກໍ​ຄື ​ສົ່ງ​ເສີມ​ພູມ​ປັນຍາ​ຂອງ​ຊາວບ້ານ ​ໃນ​ການ​ຜະ​ລິດ​ສິນຄ້າ ​ແລະ ສ້າງ​ຄວາມ​ເຂັ້ມ​ແຂງໃຫ້​ພາກ​ທຸລະ​ກິດ, ຜູ້​ປະກອບ​ການ ໃຫ້ສາມາດ​ເຊື່ອມ​ໂຍງກັບ​ພາກ​ພື້ນ ​ແລະ ສາກົນ, ທັງ​ເປັນ​ການ​ຂຸດ​ຄົ້ນ​ ມູນ​ເຊື້ອ​ຜົນ​ຜະລິດ​ ທີ່​ເປັນ​ພູມ​ປັນຍາຂອງ​ຊາວບ້ານ​ ໃຫ້​ຂະຫຍາຍຕົວໄປ​ຖືກ​ທິດ, ມີ​ສ່ວນຮ່ວມ​ໃນ​ການ​ພັດທະນາ​ ເສດ​ຖະກິດ-ສັງຄົມ ​ໃຫ້​ມີ​ຄວາມ​ເຂັ້ມ​ແຂງ ​ແລະ ກ້າວໜ້າ​​ຢ່າງ​ບໍ່​ຢຸດ​ຢັ້ງ.

ນອກ​ນັ້ນ, ພາຍ​ໃນ​ການ​ງານ​ດັ່ງກ່າວ, ຍັງ​ມີ​ການສະ​ແດງ​ສິລະ​ປະ​ວັນນະຄະດີ, ຮ້ອງ​ເພງ ​ແລະ ອື່ນໆ ​ເຊິ່ງ​ໄດ້​ເຊື້ອ​ເຊີນ​ເອົາ​ນັກ​ຮ້ອງ, ນັກສະ​ແດງທີ່​ມີ​ຊື່ສຽງ​ໃນ ສປປ ລາວ ​ແລະ ປະ​ເທດ​ເພື່ອນ​ບ້ານຈຳນວນ​ໜຶ່ງ ມາ​ສ້າງຄວາມ​ມ່ວນ​ຊື່ນ ​ໃຫ້​ໄດ້​ເບິ່ງ​ໄດ້​ຊົມ​ໃນ​ທຸກ​ວັນ, ພິ​ເສດ ​ໃນ​ງານຍັງມີ​ການ​ແຂ່ງຂັນ​ຊົນ​ງົວ​ອີກ​ດ້ວຍ.

 

ແຫລ່ງຂ່າວ:

ຂປລ

ຕິດຕາມເຮົາທາງFacebook ກົດຖືກໃຈເລີຍ!

ບົດຄວາມຫຼ້າສຸດ

ຮຽນວາງຢາພິດໂດຍຖາມ ChatGPT ສາວອາເມລິກາໃຊ້ເວລາສຶກສາກວ່າ 3 ເດືອນ ເພື່ອວາງຢາຜົວ ສຸດທ້າຍຖືກເຈົ້າໜ້າທີ່ກັກໂຕ

ມີລາຍງານຈາກສຳນັກຂ່າວຕ່າງປະເທດ ໃນວັນທີ 10/10/2025 ທີ່ຜ່ານມາທີ່ລັດໂຄໂລໄລນາ, ສະຫະລັດອາເມລິກາ ເຈົ້າໜ້າທີ່ໄດ້ເຂົ້າກັກໂຕຍິງ ອາຍຸ 43 ປີ ໃນຂໍ້ຫາພະຍາຍາມຈົບຊີວິດຜົວຂອງຕົນເອງ ໂດຍການໃຊ້ສານປົນເປື້ອນໃນອາຫານ ແລະ ເຄື່ອງດື່ມ. ຈາກການສືບສວນຂອງເຈົ້າໜ້າທີ່ໄດ້ຮູ້ວ່າ ໃນລະຫວ່າງ...

ໄລຍະ 3 ເດືອນ ຄະນະກຳມະການສົ່ງເສີມ ແລະ ຄຸ້ມຄອງການລົງທຶນ ສາມາດດຶງດູດການລົງທຶນໄດ້ 1 ຕື້ກວ່າໂດລາ

ທ່ານ ສະເຫຼີມໄຊ ກົມມະສິດ, ຮອງນາຍົກລັດຖະມົນຕີ, ປະທານຄະນະກຳມະການສົ່ງເສີມ ແລະ ຄຸ້ມຄອງການລົງທຶນ ໄດ້ລົງຊີ້ນຳວຽກງານ ຫ້ອງການ ຄະນະກຳມະການສົ່ງເສີມ ແລະ ຄຸ້ມຄອງການລົງທຶນ. ໃນຕອນເຊົ້າຂອງ ວັນທີ 13...

ເສຍຊີວິດຢ່າງນ້ອຍ 4 ຄົນ ເກີດເຫດກວດຍິງຢູ່ບາແຫ່ງໜຶ່ງ ໃນລັດເຊົາແຄໂລໄລນາ ສະຫະລັດອາເມລິກາ

ເກີດເຫດກວດຍິງຢູ່ບາແຫ່ງໜຶ່ງ ໃນລັດເຊົາແຄໂລໄລນາ ສະຫະລັດອາເມລິກາ ສຳນັກຂ່າວຕ່າງປະເທດລາຍງານໃນຊ່ວງຕອນເຊົ້າຂອງວັນອາທິດ 12 ຕຸລາ 2025 ເກີດເຫດເຫດການກວດຍິງ ພາຍໃນ ບາແຫ່ງໜຶ່ງ ເຊິ່ງເປັນບາທີ່ໄດ້ຮັບຄວາມນິຍົມຢູ່ໃນລັດເຊົາແຄໂລໄລນາ ສະຫະລັດອາເມລິກາ ເຊິ່ງເຫດການດັ່ງກ່າວເຮັດໃຫ້ມີຄົນເສຍຊີວິດຢ່າງນ້ອຍ 4 ຄົນ...

ເລີ່ມ! ວັນທີ 1 ພະຈິກ 2025 ທ່ານ ໂດນັລ ທຣຳ ປະທານນາທິບໍດີ ສະຫະລັດອາເມລິກາ ຈະຮຽກເກັບພາສີນຳເຂົ້າສິນຄ້າຈາກຈີນ ເພີ່ມອີກ 100%

ລາຍງານຈາກສຳນັກຂ່າວຕ່າງປະເທດ ໃນວັນທີ 10/10/2025 ທີ່ຜ່ານມາ ທ່ານ ໂດນັລ ທຣຳ ປະທານນາທິບໍດີ ສະຫະລັດອາເມລິກາ ໄດ້ອອກຄໍາສັ່ງ ຈະຮຽກເກັບພາສີນຳເຂົ້າສິນຄ້າຈາກຈີນ ເພີ່ມອີກ 100% ຈາກທີ່ປັດຈຸບັນສະຫະລັດເກັບພາສີສິນຄ້າຈີນຢູ່ທີ່...