spot_img
Homeຂ່າວພາຍ​ໃນເອກອັກຄະລັດຖະທູດ ສປປ ລາວ ຍື່ນສານແຕ່ງຕັ້ງຕໍ່ປະທານາທິບໍດີ ສີລັງກາ

ເອກອັກຄະລັດຖະທູດ ສປປ ລາວ ຍື່ນສານແຕ່ງຕັ້ງຕໍ່ປະທານາທິບໍດີ ສີລັງກາ

Published on

ໃນວັນທີ 6 ພຶດສະພາ 2019 ທີ່ທໍານຽບປະທານາທິບໍດີນະຄອນຫຼວງໂຄລົມໂບ ປະເທດສີລັງກາ ທ່ານ ບຸນແນມ ຈວງຫອມ ໄດ້ຍື່ນສານແຕ່ງຕັ້ງຕໍ່ ທ່ານ ໄມຕຣີພາລາ ສີຣິເຊນາ (Maithripala SIRISENA) ປະທານາທິບໍດີແຫ່ງສາທາລະນະລັດ ປະຊາທິປະໄຕ ສັງຄົມນິຍົມສີລັງກາ ເພື່ອດໍາລົງຕໍາແໜ່ງເປັນເອກອັກຄະລັດຖະທູດວິສາມັນຜູ້ມີອໍານາດເຕັມແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ປະຈຳສາທາລະນະລັດ ປະຊາທິປະໄຕ ສັງຄົມນິຍົມສີລັງກາ ໂດຍມີສຳນັກງານສະຖານທູດຕັ້ງຢູ່ນະຄອນຫຼວງນິວເດນລີ ປະເທດອິນເດຍ.

ທ່ານເອກອັກຄະລັດຖະທູດໄດ້ສະແດງຄວາມຂອບໃຈຢ່າງສູງ ແລະ ຖືເປັນກຽດຢ່າງຍິ່ງທີ່ທ່ານປະທານາທິບໍດີໄດ້ໃຫ້ກຽດຮັບສານແຕ່ງຕັ້ງດັ່ງກ່າວ ແລະ ໄດ້ໃຫ້ຄຳໝັ້ນສັນຍາວ່າ ໃນໄລຍະເວລາການປະຕິບັດໜ້າທີ່ການທູດຢູ່ສີລັງການີ້ ຈະພະຍາຍາມປະຕິບັດໜ້າທີ່ສຸດຄວາມສາມາດ ເພື່ອຊຸກຍູ້ສົ່ງເສີມສາຍພົວພັນ ແລະ ມິດຕະພາບທີ່ມີມູນເຊື້ອດີງາມ ຍາວນານ ແລະ ການຮ່ວມມືສອງຝ່າຍໃຫ້ມີບາດກ້າວໃໝ່ ແລະ ຂະຫຍາຍຕົວຂຶ້ນໄປເລື້ອຍໆ ພ້ອມນີ້ ທ່ານເອກອັກຄະລັດຖະທູດລາວກໍໄດ້ນຳເອົາຄຳອວຍພອນໄຊອັນປະເສີດຂອງ ທ່ານ ບຸນຍັງ ວໍລະຈິດ ປະທານປະເທດແຫ່ງ ສປປ ລາວ ຝາກເຖິງທ່ານປະທານາທິບໍດີ ໄມຕຣີພາລາ ສີຣິເຊນາ ຈົ່ງມີສຸຂະພະລານະໄມແຂງແຮງ ມີຄວາມຜາສຸກໃນຊີວິດສ່ວນຕົວ ແລະ ຄອບຄົວ ແລະ ໄດ້ຮັບຜົນສຳເລັດໃນພາລະໜ້າທີ່ ທັງນີ້  ທ່ານເອກອັກຄະລັດຖະທູດລາວຍັງໄດ້ຕາງໜ້າໃຫ້ລັດຖະບານ ແລະ ປະຊາຊົນລາວ ສະແດງຄວາມຂອບໃຈ ແລະ ຮູ້ບຸນຄຸນຕໍ່ການຊ່ວຍເຫລືອຂອງລັດຖະບານ ແລະ ປະຊາຊົນຊາວສີລັງກາໃນໄລຍະຜ່ານມາກໍຄືການປົກປັກຮັກສາ ແລະ ພັດທະນາເສດຖະກິດ-ສັງຄົມຂອງ ສປປ ລາວ ໃນປັດຈຸບັນ.

ທັງນີ້ ສປປ ລາວ ແລະ ສີລັງກາ ໄດ້ສ້າງຕັ້ງສາຍພົວພັນການທູດຮ່ວມກັນເມື່ອວັນທີ 20 ກໍລະກົດ 1965 ຊຶ່ງສາຍພົວພັນດັ່ງກ່າວໄດ້ກາຍເປັນມູນເຊື້ອດີງາມ ຍາວນານ ແລະ ມີການຮ່ວມມືທີ່ຂະຫຍາຍຕົວດີຂຶ້ນເລື້ອຍໆ ໂດຍມີການແລກປ່ຽນ ແລະ ຢ້ຽມ ຢາມຂອງຄະນະຜູ້ແທນໃນລະດັບຕ່າງໆຂອງສອງປະເທດ ມີການຮ່ວມມືກັນໃນຫຼາຍຂະແໜງການເຊັ່ນ ທາງດ້ານສຶກສາ ວັດທະນະທໍາ ເສດຖະກິດ ວິທະຍາ ເຕັກໂນໂລຊີ ແລະ ອື່ນໆ.

ປະເທດສີລັງກາ ມີເນື້ອທີ່ທັງໝົດ 65.610 ກິໂລແມັດຕາແມັດ ມີພົນລະເມືອງ 22,4 ລ້ານກວ່າຄົນ  ເປັນໜຶ່ງໃນບັນດາປະເທດສະມາຊິກສະມາຄົມອາຊີໃຕ້ເພື່ອການຮ່ວມມືຂົງເຂດ ຫຼື (SAARC) ກໍຄືໜຶ່ງໃນບັນດາປະເທດໃນອາຊີໃຕ້ທີ່ມີເສດຖະກິດຂະຫຍາຍຕົວໄວ (GDP 6,4% ແລະ ລາຍຮັບຕໍ່ຫົວຄົນມີ 13,847 ໂດລາເມື່ອປີ 2012) ພາຍຫຼັງສິ້ນສຸດສົງຄາມກາງເມືອງເມື່ອ 10 ປີຜ່ານມາ ໂດຍລັດຖະບານໄດ້ສຸມໃສ່ການພັດທະນາພື້ນຖານໂຄງລ່າງເພື່ອກ້າວເຂົ້າເປັນປະເທດທີ່ມີລາຍຮັບລະດັບປານ ກາງ ແລະ ສາມາດຫຼຸດຜ່ອນຄວາມທຸກຍາກ ຊຶ່ງຍັງເຫຼືອແຕ່ 9% ຂອງພົນລະເມືອງທົ່ວປະເທດ.

 

ໂດຍ: ສະຫະລັດ ວອນທິວົງໄຊ

ບົດຄວາມຫຼ້າສຸດ

ຕັ້ງໃຈ ຫຼື ອຸບັດຕິເຫດ! ເປີດເຜີຍສາເຫດເຮືອບິນ ແອອິນເດຍ ປະສົບອຸບັດຕິເຫດຕົກ

ເປີດເຜີຍສາເຫດເຮືອບິນ ແອອິນເດຍ ປະສົບອຸບັດຕິເຫດຕົກ ເຮັດໃຫ້ມີຜູ້ເສຍຊີວິດເປັນຈຳນວນຫຼາຍ. ສຳນັກຂ່າວຕ່າງປະເທດລາຍງານໃນວັນທີ 12 ກໍລະກົດ 2025, ໜ່ວຍງານສອບສວນອຸບັດຕິເຫດທາງອາກາດອິນເດຍ (AAIB) ໄດ້ເຜີຍແຜ່ລາຍງານເບື້ອງຕົ້ນກ່ຽວກັບສາເຫດທີ່ເຮັດໃຫ້ເຮືອບິນສາຍການບິນແອອິນເດຍ (Air India) ຖ້ຽວບິນທີ AI171...

ສຕລ ປະກາດລາຍຊື່ນັກກິລາທີມຊາດລາວ ຍູ 23 ເຂົ້າຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ.

ປະກາດ 23 ລາຍຊື່ນັກກິລາທີມຊາດລາວ ຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ. ໃນວັນທີ 11 ກໍລະກົດ 2025 ສະຫະພັນບານເຕະແຫ່ງຊາດລາວ (ສຕລ)...

ດາວດວງໃໝ່! ສາຍແສງໃນເວທີສາກົນ ອອດສະກ້າ ນັກກິລາໜຸ່ມນ້ອຍລາວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ

ນ້ອງ ອອດສະກ້າ ອາຍຸ 11 ປີ ໜຸ່ມນ້ອຍແຄ່ງລູກເຂົ້າໜຽວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ ທີ່ປະເທດແອັດສະປາຍ. ກາຍເປັນອີກຂ່າວດີຂອງວົງການກິລາບານເຕະເຍົາວະຊົນລາວ ອີກໜຶ່ງຜົນງານໃນເວທີສາກົນ ທ້າວ ສີນໄຊ ຫຼວງບຸນເຮືອງ ຫຼື...

ເຈົ້າໜ້າທີ່ຕຳຫຼວດໄທຈັບກຸມ ໜຸ່ມຮັກສັດເລືອກທາງຜິດ ຂາຍຢາບ້າເພື່ອຫາເງິນຊື້ອາຫາານໃຫ້ໝາ-ແມວ

ໜຸ່ມໄທຮັກສັດເລືອກທາງຜິດ ຂາຍຢາບ້າເພື່ອຊື້ອາຫານມາລ້ຽງໝາ-ແມວ 30 ກວ່າໂຕ ສຳນັກຂ່າວໄທລັດລາຍງານໃນວັນທີ 9 ກໍລະກົດ 2025 ຜ່ານມາ, ເຈົ້າໜ້າທີ່ຕຳຫຼວດໄທ ຮ່ວມກັບພາກສ່ວນກ່ຽວຂ້ອງໄດ້ລົງພຶ້ນທີ່ເພື່ອແກ້ໄຂບັນຫາຢາເສບຕິດ ຕາມການລາຍງານຂອງພົນລະເມືອງດີວ່າມີກຸ່ມຄົນຄ້າຂາຍຢາເສບຕິດໃນຊຸມຊົນແຫ່ງໜຶ່ງໃນ ຈັງຫວັດ ສຣະແກ້ວ ປະເທດໄທ. ຕາມການລົງພຶ້ນທີ່ຕົວຈິງຂອງເຈົ້າໜ້າທີ່ໄທສາມາດຈັບຕົວຜູ້ຖືກຫາໄດ້ໜຶ່ງຄົນ...