spot_img
Homeອຸບັດເຫດແລະປາກົດການຫຍໍ້ທໍ້ເກີດເຫດລັກຊັບນັກທຸລະກິດຊາວເກົາຫຼີໃຕ້ ເຂດບ້ານທົ່ງພານທອງ ຄົນຮ້າຍໄດ້ຊັບສິນໄປກວ່າ 70 ລ້ານກີບ

ເກີດເຫດລັກຊັບນັກທຸລະກິດຊາວເກົາຫຼີໃຕ້ ເຂດບ້ານທົ່ງພານທອງ ຄົນຮ້າຍໄດ້ຊັບສິນໄປກວ່າ 70 ລ້ານກີບ

Published on

ຕາມແຫຼ່ງຂ່າວຈາກເພສ ແຈ້ງເສຍຫາຍ ໄດ້ແຈ້ງໃຫ້ຮູ້ວ່າ. ໃນເວລາ 21:40 ນາທີ ຂອງວັນທີ 5 ທັນວາ 2016 ທີ່ຜ່ານມາ ທາງເຈົ້າໜ້າທີ່ ທຄຕ ປກສ ເມືອງ ສີສັດຕະນາກໄດ້ຮັບແຈ້ງເຫດວ່າມີຄົນຮ້າຍລັກກະເປົາຂອງ ທ້າວ ກິມຊຽງຈິກ ອາຍຸ 56ປີ ອາຊີບນັກທຸລະກິດ ສັນຊາດຊາວເກົາຫຼີໃຕ້ ເຊິ່ງຄົນຮ້າຍໄດ້ຊັບສິນໄປເປັນຈຳນວນມູນຄ່າກວ່າ 70 ລ້ານກີບ.

ເຫດການດັ່ງກ່າວໄດ້ເກີດຂຶ້ນໃນເວລາ 19:56ນາທີ ເຊິ່ງພາບວົງຈອນປິດໄດ້ບັນທຶກພາບຄົນຮ້າຍໄວ້ຢ່າງຊັດເຈນ ຄົນຮ້າຍເປັນເພດຍິງ ແຕ່ມີລັກສະນະຄ້າຍສາວປະເພດສອງ (ບໍ່ແນ່ໃຈວ່າເປັນສາວແທ້ ຫຼື ສາວທຽມ) ໄດ້ຍ່າງເຂົ້າມາທີ່ໜ້າຈຸດເກີດເຫດ (ຄ້າຍຮ້ານຂາຍເຄື່ອງໃຊ້ເອເລັກໂທຣນິກ ແລະ ຂາຍເຄື່ອງໃຊ້ຫ້ອງການ) ເຊິ່ງຄົນຮ້າຍໄດ້ສັງເກດບຶດໜຶ່ງເພື່ອໃຫ້ແນ່ໃຈວ່າເວລານັ້ນແມ່ນບໍ່ມີຄົນແລ້ວ ຄົນຮ້າຍຈິ່ງໃຊ້ໂອກາດນີ້ຍ່າງເຂົ້າໄປໃນຮ້ານ ແລ້ວແນມຫາສິ່ງມີຄ່າ ຈາກນັ້ນຄົນຮ້າຍກໍ່ເຫັນກະເປົາທີ່ວາງເຖິງໜ້າໂຕະຄົນຮ້າຍກໍ່ຟ້າວຍ່າງເຂົ້າໄປຈັບເອົາກະເປົາແລ້ວຍ່າງລົບໜີຢ່າງໄວວາ ເຊິ່ງການກໍ່ເຫດລັກຊັບຄັ້ງນີ້ຄົນຮ້າຍໃຊ້ເວລາປະມານ 20 ນາທີກໍ່ສຳເລັດ ແລະ ໄດ້ຊັບສິນໄປກວ່າ 70 ລ້ານກີບ.

ເມືອທາງເຈົ້າໜ້າທີ່ ທຄຕ ປກສ ເມືອງ ສີສັດຕະນາກ ກໍ່ໄດ້ປະສານສົມທົບ ປກສ ກຸ່ມວັດນາກ ແລະ ນາຍບ້ານທົ່ງພານທອງ ຈິ່ງໄດ້ສົ່ງເຈົ້າໜ້າທີ່ລົງມາກວດກາສະຖານທີ່ຈຸູດເກີດເຫດ ເພື່ອເກັບຮ່ອງຮອຍຂອງຄົນຮ້າຍ ເພື່ອໃຊ້ເປັນຫຼັກຖານໃນການສືບສວນ ເພື່ອນຳໄປສູ່ການຈັບກຸມຕົວຜູ້ກໍ່ເຫດລັກຊັບໃນຄັ້ງນີ້ມາດຳເນີນຄະດີຕາມກົດໝາຍບ້ານເມືອງ.

ເຊິ່ງຊັບສິນໃນກະເປົາທີ່ຄົນຮ້າຍໄດ້ໄປປະກອບມີ:

  1. ເງິນສົດ ຈຳນວນ 6,900 ໂດລາສະຫະລັດ
  2. ເງິນສົດຈຳນວນ 10,000,000 ກີບ
  3. ໂທລະສັບ ຊຳຊຸງ 2 ເຄື່ອງ
  4. Passport 1ຫົວ ອອກຊື່: Mr. Kim Sang Jik
  5. ບັດເອທີເອັມ ທະນາຄານການຄ້າຕ່າງປະເທດ 2 ບັດ
  6. ບັດຂັບຊີ່ 1 ບັດ
  7. ປື້ມທະນາຄານ ແລະ ບັດເອທີເອັມ ຢູ່ເກົາຫຼີໃຕ້ (1 ຫົວ 1ບັດ)

ຜູ້ເສຍຫາຍໄດ້ຕັ້ງວົງເງິນສົມມະນາຄຸນສຳລັບຜູ້ທີ່ສາມາດຈັບຕົວຄົນຮ້າຍ ມູນຄ່າ 3,000,000 ກີບ, ຖ້າຫາກທ່ານໃດມີເບາະແສຄົນຮ້າຍ ກໍ່ສາມາດແຈ້ງໄດ້ທີ່: 020 5461 6666

66633

 

 

 

ວິດີໂອຈາກ: ເພສ ແຈ້ງເສຍຫາຍ
ຕິດຕາມຂ່າວເສດຖະກິດລາວ ກົດໄລຄ໌ເລີຍ!

ບົດຄວາມຫຼ້າສຸດ

ຕັ້ງໃຈ ຫຼື ອຸບັດຕິເຫດ! ເປີດເຜີຍສາເຫດເຮືອບິນ ແອອິນເດຍ ປະສົບອຸບັດຕິເຫດຕົກ

ເປີດເຜີຍສາເຫດເຮືອບິນ ແອອິນເດຍ ປະສົບອຸບັດຕິເຫດຕົກ ເຮັດໃຫ້ມີຜູ້ເສຍຊີວິດເປັນຈຳນວນຫຼາຍ. ສຳນັກຂ່າວຕ່າງປະເທດລາຍງານໃນວັນທີ 12 ກໍລະກົດ 2025, ໜ່ວຍງານສອບສວນອຸບັດຕິເຫດທາງອາກາດອິນເດຍ (AAIB) ໄດ້ເຜີຍແຜ່ລາຍງານເບື້ອງຕົ້ນກ່ຽວກັບສາເຫດທີ່ເຮັດໃຫ້ເຮືອບິນສາຍການບິນແອອິນເດຍ (Air India) ຖ້ຽວບິນທີ AI171...

ສຕລ ປະກາດລາຍຊື່ນັກກິລາທີມຊາດລາວ ຍູ 23 ເຂົ້າຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ.

ປະກາດ 23 ລາຍຊື່ນັກກິລາທີມຊາດລາວ ຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ. ໃນວັນທີ 11 ກໍລະກົດ 2025 ສະຫະພັນບານເຕະແຫ່ງຊາດລາວ (ສຕລ)...

ດາວດວງໃໝ່! ສາຍແສງໃນເວທີສາກົນ ອອດສະກ້າ ນັກກິລາໜຸ່ມນ້ອຍລາວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ

ນ້ອງ ອອດສະກ້າ ອາຍຸ 11 ປີ ໜຸ່ມນ້ອຍແຄ່ງລູກເຂົ້າໜຽວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ ທີ່ປະເທດແອັດສະປາຍ. ກາຍເປັນອີກຂ່າວດີຂອງວົງການກິລາບານເຕະເຍົາວະຊົນລາວ ອີກໜຶ່ງຜົນງານໃນເວທີສາກົນ ທ້າວ ສີນໄຊ ຫຼວງບຸນເຮືອງ ຫຼື...

ເຈົ້າໜ້າທີ່ຕຳຫຼວດໄທຈັບກຸມ ໜຸ່ມຮັກສັດເລືອກທາງຜິດ ຂາຍຢາບ້າເພື່ອຫາເງິນຊື້ອາຫາານໃຫ້ໝາ-ແມວ

ໜຸ່ມໄທຮັກສັດເລືອກທາງຜິດ ຂາຍຢາບ້າເພື່ອຊື້ອາຫານມາລ້ຽງໝາ-ແມວ 30 ກວ່າໂຕ ສຳນັກຂ່າວໄທລັດລາຍງານໃນວັນທີ 9 ກໍລະກົດ 2025 ຜ່ານມາ, ເຈົ້າໜ້າທີ່ຕຳຫຼວດໄທ ຮ່ວມກັບພາກສ່ວນກ່ຽວຂ້ອງໄດ້ລົງພຶ້ນທີ່ເພື່ອແກ້ໄຂບັນຫາຢາເສບຕິດ ຕາມການລາຍງານຂອງພົນລະເມືອງດີວ່າມີກຸ່ມຄົນຄ້າຂາຍຢາເສບຕິດໃນຊຸມຊົນແຫ່ງໜຶ່ງໃນ ຈັງຫວັດ ສຣະແກ້ວ ປະເທດໄທ. ຕາມການລົງພຶ້ນທີ່ຕົວຈິງຂອງເຈົ້າໜ້າທີ່ໄທສາມາດຈັບຕົວຜູ້ຖືກຫາໄດ້ໜຶ່ງຄົນ...