ອີຢິບພົບຫ້ອງລັບໃນສຸສານຂອງຟາໂຣຕຸຕັນຄາມຸນ ຄາດອາດເປັນບ່ອນເກັບຮ່າງພະນາງເນເຟີຣ໌ຕິຕິ ຣາຊິນີຜູ້ງົດງາມ!
A picture taken on November 28, 2015 shows the sarcophagus of King Tutankhamun displayed in his burial chamber in in the Valley of the Kings, close to Luxor, 500 kms south of the Egyptian capital, Cairo. Scans in King Tutankhamun’s tomb in Egypt’s Valley of the Kings point to a hidden chamber, the country’s antiquities minister said Saturday, possibly heralding the discovery of Queen Nefertiti’s resting place. AFP PHOTO / KHALED DESOUKI
ຫຼັງຈາກທີ່ ໂຣເວີຣສ໌ ລີຟສ໌ ນັກອີຢິບວິທະຍາຊາວອັງກິດຄົ້ນພົບປະຕູ 2 ບານ ຊ້ອນຢູ່ດ້ານຫຼັງກຳແພງດ້ານທິດເໜືອໃນສຸສານຂອງຟາໂຣຕຸຕັນຄາມຸນ ໃນເມືອງ ລັກຊໍຣ ຂອງປະເທດອີຢິບ ແລະ ການກວດພົບອຸນຫະພູມດ້ານຝາກຳແພງທາງທິດເໜືອເຊັ່ນກັນທີ່ແຕກຕ່າງກັບຝາໃນສ່ວນອື່ນໆ ໂດຍການໃຊ້ລັງສີອິນຟາເຣດ ຍິ່ງຕອກຢ້ຳຄວາມເປັນໄປໄດ້ຂອງຂໍ້ສັນນິຖານທີ່ວ່າ ພາຍໃນສຸສານແຫ່ງນີ້ອາດມີຮ່າງຂອງພະນາງ ເນເຟີຣ໌ຕິຕິ ຣາຊິນີຜູ້ງົດງາມ ແລະ ພະມານດາຂອງຟາໂຣຕຸຕັນຄາມຸນຝັງຢູ່ດ້ວຍ.
ລ່າສຸດ ມາມດູ ອັລດາມາຕີ ລັດຖະມົນຕີກະຊວງບູຮານວັດຖຸຂອງອີຢິບເຜີຍຜົນການສະແກນສຸສານດ້ວຍເຣດາວ່າ ພົບຊ່ອງວ່າງອິນຊີວັດຖຸຢູ່ບໍລິເວນກຳແພງດ້ານທິດເໜືອ ແລະ ທິດຕະເວັນຕົກຂອງສຸສານ ໂດຍເຊື່ອວ່າເປັນໄປໄດ້ເຖິງ 90% ທີ່ຈະມີອີກ 2 ຫ້ອງຊ້ອນຢູ່ພາຍໃນ ແຕ່ຍັງບໍ່ທັນມີການຢືນຢັນທີ່ແນ່ຊັດວ່າ ອິນຊີທີ່ພົບນັ້ນເປັນ ມ່ຳມີ້ ແຕ່ຄາດວ່າເປັນໄປໄດ້ທີ່ຮ່າງພະນາງ ເນເຟີຣ໌ຕິຕິ ຈະຖືກຝັງຢູ່ໃນຫ້ອງດັ່ງກ່າວ.
ຫຼັງຈາກຜູ້ຊ່ຽວຊານຈະໃຊ້ສັນຍານໃນຫ້ອງດ້ວຍເຣດາທີ່ທັນສະໄໝກວດສອບສຸສານອີກຄັ້ງ ເພື່ອວັດຂະໜາດ, ຄວາມໜາຂອງປະຕູທັງສອງ ແລະ ຄາດວ່າອາດຮູ້ຄຳຕອບໃນວັນທີ 1 ເມສານີ້ ແລະ ໃຊ້ເທັກໂນໂລຢີທີ່ທັນສະໄໝຄົ້້ນຫາຄວາມຈິງທີ່ຊ້ອນຢູ່ໃນສຸສານນັບພັນປີແຫ່ງນີ້ຕໍ່ໄປ.
ແຫລ່ງຂ່າວຈາກ: ເວັບໄຊ໌ ໂພສຕ໌ທູເດ.ຄອມ