ໜ້າທຳອິດ Tags ອິນເດຍ

ໂຄດ​ຄໍາ​ສັ່ງ: ອິນເດຍ

ຮ້ານອາຫານໃນອິນເດຍຈັດກິດຈະກຳນຳຂີ້ເຫຍື້ອມາແລກອາຫານ

ດັ່ງທີ່ຮູ້ກັນດີວ່າຂີ້ເຫຍື້ອພລາສຕິກກຳລັງກາຍເປັນບັນຫາໃຫຍ່ສຳລັບທົ່ວໂລກ ເນື່ອງຈາກຄວາມຍາກໃນການທຳລາຍ ແລະ ຍັງກາຍເປັນມົນລະພິດທາງທະເລທີ່ກຳລັງເປັນອັນຕະລາຍຢ່າງຍິ່ງສຳລັບສັດນ້ອຍ-ໃຫຍ່ໃນທ້ອງທະເລ ທັງນີ້ ໃນແຕ່ລະປະເທດກໍມີຄວາມ ພະຍາຍາມຫາທາງແກ້ໄຂ ປັບຫຼຸດ ຫຼື ຫາວິທີການນຳຂີ້ເຫຍື້ອພລາສຕິກມາຣີໄຊເຄິລເພື່ອ ໃຫ້ເກີດປະໂຫຍດສູງສຸດ. ແຕ່ຢູ່ໃນປະເທດອິນເດຍ ໂດຍຮ້ານອາຫານທີ່ມີຊື່ວ່າ “ກາຣເບຈຄາເຟ່” ເປັນຮ້ານອາຫານຂະໜາດນ້ອຍໃນເມືອງອຳພິກາປຸຣະຜັດມີຄວາມຄິດທີ່ແຕກຕ່າງ ແລະ ແຫວກແນວແຕ່ເປັນຄວາມຄິດທີ່ໜ້າສົ່ງເສີມ ໂດຍການໃຫ້ລູກຄ້າທີ່ນຳເອົາຂີ້ເຫຍື້ອພລາສຕິກມານຳສາມາດນຳມາແລກກັບອາຫານໄດ້ ຊຶ່ງຂີ້ເຫຍື້ອພລາສຕິກ 1 ກີໂລກຣາມສາມາດແລກກັບເຂົ້າລາດ ໜ້າ (ແກງກະລີ່ ຖົ່ວ ແລະ...

ປະທານາທິບໍດີອິນເດຍສັ່ງຖອນສິດທິປົກຄອງພິເສດແຄຊເມຍ

ລາຍງານຂ່າວເມື່ອວັນທີ 5 ສິງຫາຜ່ານມາລະບຸວ່າ ລັດຖະມົນຕີກະຊວງກິດຈະການພາຍໃນຂອງອິນເດຍຖະແຫຼງຕໍ່ສະມາຊິກລັດຖະ ສະພາວ່າ ປະທານາທິບໍດີ ຣາມ ນາດ ໂກວິນ ໄດ້ລົງນາມເພື່ອຖອດຖອນມາດຕາ 370 ໃນລັດຖະທຳມະນູນ ຊຶ່ງມາດຕາດັ່ງກ່າວມີເນື້ອໃນສຳຄັນວ່າ ການໃຫ້ອຳນາດພິເສດໃນການປົກຄອງຕົງເອງຂອງລັດຈຳມູ ແລະ ແຄຊເມຍ ຊຶ່ງເປັນພື້ນທີ່ພິພາດຊາຍແດນອິນເດຍ-ປາກິສຖານ ທ່າມກາງຄວາມວິຕົກກັງວົນວ່າຈະກາຍ ເປັນການຈຸດຊະນວນໃຫ້ເກີດຄວາມຂັດແຍ່ງຮຸນແຮງ ແລະ ຫຼາຍຝ່າຍກໍເລີ່ມສະແດງຄວາມ ບໍພໍໃຈຕໍ່ການຖອດສິດໃນການປົກຄອງໃນຄັ້ງນີ້. ຢ່າງໃດກໍຕາມ ການເຄື່ອນໄຫວດັ່ງກ່າວເກີດຂຶ້ນພາຍຫຼັງທີ່ມີການຂົ່ມຂູ່ກໍ່ການຮ້າຍໃນພື້ນທີ່ ຊຶ່ງສົ່ງຜົນໃຫ້ທາງການຕ້ອງກະກາດເຕືອນໄພ...

ອິນເດຍອອກກົດໝາຍ “ຫ້າມໃຊ້ທຳນຽມຂໍປະເມຍ” ດ້ວຍວາຈາ

ສຳນັກຂ່າວຕ່າງປະເທດລາຍງານເມື່ອວັນທີ 1 ສິງຫາວ່າ ລັດຖະສະພາອິນເດຍໄດ້ອະນຸມັດຮ່າງພຣະຣາຊບັນຢັດສິດທິຂອງຊາວມຸສລິມດ້ວຍການສັ່ງຫ້າມບໍ່ໃຫ້ເວົ້າຄຳວ່າ “ປະຮ້າງ” 3 ຄັ້ງເພື່ອແຍກທາງກັບເມຍຕາມຫຼັກສາສະໜາອິສລາມ. ການອະນຸມັດກົດໝາຍດັ່ງກ່າວມີຂຶ້ນພາຍຫຼັງທີ່ກ່ອນໜ້ານີ້ເມື່ອປະມານເດືອນສິງຫາ 2017 ສານສູງສຸດຂອງອິນເດຍໄດ້ມີຄຳພິພາກສາວ່າ ກົດໝາຍອິສລາມທີ່ອະນຸຍາດໃຫ້ຊາຍຄົນໃດກໍຕາມທີ່ເປັນສາມີປະຮ້າງຈາກພັນລະຍາໄດ້ດ້ວຍການກ່າວຄຳວ່າ “ປະຮ້າງ” ຫຼື talaq 3 ຄັ້ງຖືເປັນການຜິດຕໍ່ລັດຖະທຳມະນູນ. ທັງນີ້ ຮ່າງກົດໝາຍດັ່ງກ່າວໄດ້ຮັບການຊຸກຍູ້ໂດຍລັດຖະບານຊາດນິຍົມຮິນດູຂອງນາຍົກລັດຖະມົນຕີ ເຣນທຣາ ໂມດິ ໂດຍໄດ້ກ່າວພາຍຫຼັງສະພາສູງສຸດໄດ້ລົງມະຕິຜ່ານຮ່າງກົດໝາຍດັ່ງກ່າວຊຶ່ງລະບຸວ່າ “ການ talaq 3 ຄັ້ງຂອງສາມີເພື່ອຂໍປະຮ້າງເມຍຕາມຫຼັກສາສະໜາອິສລາມນັ້ນເປັນທຳນຽມບູຮານທີ່ຈຳກັດຢູ່ໃນຖັງຂີ້ເຫຍື້ອຂອງປະຫວັດສາດ ຮ່າງກົດໝາຍສະບັບນີ້ໄດ້ຮັບການອະນຸມັດຈາກສະພາເມື່ອບໍ່ດົນມານີ້...

ອິນເດຍປະສົບຄວາມສຳເລັດໃນການເພີ່ມປະຊາກອນເສືອ

ເຈົ້າໜ້າທີ່ຂອງອິນເດຍກ່າວວ່າ ປະຊາກອນເສືອເບັງກອລທີ່ໃກ້ສູນພັນມາຮອດປັດຈຸບັນມີຈຳນວນເພີ່ມຂຶ້ນເລື້ອຍໆ ໂດຍການປະເມີນການຂອງລັດຖະບານພົບວ່າ ມີເສືອເບັງກອລໃນປະເທດອິນເດຍເກືອບ 3.000 ໂຕ ຫຼື ເພີ່ມຂຶ້ນ 33% ນັບແຕ່ປີ 2014. ຜູ້ຊ່ຽວຊານດ້ານສັດປ່າກ່າວວ່າ ການເພີ່ມຂຶ້ນຂອງປະຊາກອນເສືອເປັນຜົນມາຈາກມາດຕະການກວດສອບຄວາມປອດໄພຂອງຊີວິດສັດປ່າທີ່ດີຂຶ້ນ ແລະ ນະໂຍບາຍສັດປ່າທີ່ເຂັ້ມງວດຂຶ້ນ ຊຶ່ງຊ່ວຍໃຫ້ປະຊາກອນເສືອຂະຫຍາຍໂຕຫຼາຍທີ່ສຸດໃນເວລາປະມານ 2 ທົດສະວັດ ຂະນະທີ່ນາຍົກລັດຖະມົນຕີແຫ່ງອິນເດຍກ່າວໃນງານຖະແຫຼງຂ່າວປະກາດຄວາມສຳເລັດນີ້ວ່າ “ເມື່ອປະຊາຊົນໃນອິນ ເດຍຕັດສິນໃຈຢ່າງໃດຢ່າງໜຶ່ງກໍຈະບໍ່ມີສິ່ງໃດທີ່ຈະມາຂວາງກັ້ນບໍ່ໃຫ້ໄດ້ຜົນລັບທີ່ເຂົາເຈົ້າຕ້ອງການ”. ການສຳຫຼວດສຳມະໂນປະຊາກອນເສືອຄອບຄຸມພື້ນທີ່ເປັນວົງກວ້າງ ແລະ ຕິດຕາມເສືອໂດຍໃຊ້ກ້ອງຫຼາຍກວ່າ 1.000 ໜ່ວຍຊຶ່ງພົບວ່າ...

ພົບວັດຖຸຄ້າຍຄືລູກອຸກາບາດຕົກຢູ່ເຂດທົ່ງນາໃນອິນເດຍ

ສຳນັກຂ່າວຕ່າງປະເທດລາຍງານເມື່ອວັນທີ 28 ກໍລະກົດຜ່ານມາວ່າ ພົບວັດຖຸຕ້ອງສົງໃສທີ່ອາດເປັນອຸກາບາດນ້ຳຕານອ່ອນຂະໜາດເທົ່າກັບໜ່ວຍໝາກບານໃນເຂດພາກຕາເວັນອອກຂອງອິນເດຍ ຊຶ່ງເຮັດໃຫ້ເກີດຂຸມຂະໜາດພໍປະມານ ແລະ ມີກຸ່ມຄວັນລອຍລ່ອງອອກມາຈາກວັດຖຸຕ້ອງສົງໃສ ຊຶ່ງໄດ້ສ້າງຄວາມແຕກຕື່ນ ແລະ ຕົກໃຈໃຫ້ແກ່ຊາວບ້ານໃນເຂດດັ່ງກ່າວ. ຂະນະທີ່ນາຍບ້ານເຂດມະທຸພານີໃນລັດພິຫານໄດ້ໃຫ້ຮູ້ວ່າ ຊ່ວງທີ່ເກີດເຫດຊາວນາກຳລັງເຮັດວຽກທັນໃດນັ້ນກໍມີຫີນໜັກຕົກລົງມາຈາກທ້ອງຟ້າພ້ອມກັບສຽງດັງສະນັ່ນຫວັ່ນໄຫວຈົນເຮັດໃຫ້ຊາວບ້ານແຕກຕື່ນພາກັນຫຼົບໜີໄປຢູ່ທີ່ປອດໄພ ແລະ ເມື່ອກັບມາເບິ່ງບ່ອນເກີດເຫດກໍພົບວ່າມີຂຸມເລິກປະມານ 120 ຊັງຕີແມັດ. ທັງນີ້ ຫີນກ້ອນດັ່ງກ່າວມີຄຸນສົມບັດຄືກັບແມ່ເຫຼັກທີ່ແຂງແກ່ງ ມີເງົາເລື່ອມເລັກນ້ອຍ ແລະ ມີນ້ຳໜັກປະມານ 15 ກີໂລກຣາມ ຊຶ່ງຂະນະນີ້ນັກວິທະຍາສາດໄດ້ນຳຫີນກ້ອນດັ່ງກ່າວໄປສຶກສາເພື່ອຈະຢືນຢັນວ່າຫີນກ້ອນນີ້ເປັນອຸກາບາດ ຫຼື ບໍ່?...

ເກີດເຫດຟ້າຜ່າໃນອິນເດຍ ເສຍຊີວິດແລ້ວ 20 ລາຍ

ສຳນັກຂ່າວຕ່າງປະເທດລາຍງານເມື່ອວັນທີ 24 ກໍລະກົດຜ່ານມາວ່າ ເຈົ້າໜ້າທີ່ສຳນັກງານ ບໍລິຫານຈັດການໄພພິບັດຂອງອິນ ເດຍເປີດເຜີຍວ່າ ພົບຜູ້ເສຍຊີວິດຢ່າງໜ້ອຍ 20 ລາຍຈາກເຫດຟ້າຜ່າເນື່ອງຈາກພະຍຸຟ້າຮ້ອງເມື່ອວັນທີ 23 ກໍລະກົດໃນລັດພິຫານທາງຕາເວັນອອກຂອງປະເທດ ສົ່ງຜົນໃຫ້ໂຕເລກຜູ້ເສຍຊີວິດທັງໝົດໃນລັດພິຫານທີ່ເກີດຈາກຟ້າຜ່າ ແລະ ນ້ຳຖ້ວມຫຼາຍກວ່າ 100 ລາຍ ນັບແຕ່ເລີ່ມຕົ້ນລະດູມໍລະສົມໃນເດືອນມິຖຸນາ. ຂະນະທີ່ມີປະຊາຊົນໄດ້ຮັບຄວາມເດືອດຮ້ອນກວ່າ 1 ລ້ານຄົນຈາກນ້ຳຖ້ວມບ້ານເຮືອນ ແລະ ພື້ນທີ່ກະສິກຳໄດ້ຮັບຄວາມເສຍຫາຍຈາກລະດັບນ້ຳທີ່ຖ້ວມສູງໂດຍສະເພາະໃນລັດພິຫານ ແລະ ອັສສຳ ທັງນີ້...

ໜ້າເສົ້າ! ແຮດນໍດຽວສາຍພັນຫາຍາກເສຍຊີວິດ 12 ໂຕ

ສຳນັກຂ່າວຕ່າງປະເທດລາຍງານເມື່ອວັນທີ 22 ກໍລະກົດຜ່ານມາໂດຍໄດ້ລາຍງານຄວາມຄືບໜ້າສະຖານະການພະຍຸມໍລະສຸມ ແລະ ນ້ຳຖ້ວມຮຸນແຮງໃນລັດອັສສຳທາງຕາເວັນອອກສຽງເໜືອຂອງອິນເດຍ ຊຶ່ງໄດ້ຂ້າຊີວິດປະຊາຊົນໄປແລ້ວຢ່າງໜ້ອຍ 80 ລາຍ ແລະ ອີກຫຼາຍລ້ານຄົນຕ້ອງອົບພະຍົບໜີຕາຍ. ຂະນະທີ່ເຈົ້າໜ້າທີ່ປ່າໄມ້ພົບແຮດນໍດຽວສາຍພັນຫາຍາກຢ່າງໜ້ອຍ 12 ໂຕຈົມນໍ້າຕາຍໃນເຂດພື້ນທີ່ອຸທິຍານແຫ່ງຊາດກາຊີຣັງຄາຊຶ່ງຖືກນໍ້າຖ້ວມສູງເປັນບໍລິເວນກວ້າງກວມ 90% ທັງນີ້ ແຮດນໍດຽວຖືເປັນສາຍພັນແຮດທີ່ຫາຍາກ ແລະ ຢູ່ໃນພາວະສ່ຽງສູນພັນ ຊຶ່ງປັດຈຸບັນປະຊາກອນແຮດສາຍພັນນີ້ເຫຼືອຢູ່ປະມານ 2.400 ໂຕທົ່ວໂລກ. ສ່ວນໂຕເລກສັດປ່າທີ່ຕາຍໃນເຫດອຸທົກກະໄພຄັ້ງໃຫຍ່ນີ້ເພີ່ມຂຶ້ນເປັນ 141 ໂຕນັບແຕ່ວັນທີ 13 ກໍລະກົດ...

ອິນເດຍປະກາດປ່ອຍຍານອະວະກາດ “ຈັນທຣາຍານ-2” ສຳຫຼວດດວງຈັນ

ລາຍງານຂ່າວຕ່າງປະເທດເມື່ອວັນທີ 18 ໃຫ້ຮູ້ວ່າ ອົງການວິໄຈອະວະກາດອິນເດຍ ຫຼື ອິສໂຣ ປະກາດກຳນົດໃໝ່ໃນການປ່ອຍ “ຈັນທຣາຍານ-2” ຍານອະວະກາດໄຮ້ຄົນຂັບໃນໂຄງການສຳຫຼວດດວງຈັນ ພາຍຫຼັງຖະແຫຼງເລື່ອນຈາກກຳນົດການເດີມເມື່ອວັນທີ 15 ກໍລະກົດຜ່ານາມາ. ກຳນົດການໃໝ່ນີ້ຈະມີຂຶ້ນໃນວັນທີ 22 ກໍລະກົດນີ້ ເວລາ 14:43 ໂມງ (ຕາມເວລາທ້ອງຖິ່ນ) ທີ່ຖານປ່ອຍຍານເຂດສຣີຫະຣິໂຄຕາ ພາຍຫຼັງທີ່ເມື່ອວັນທີ 15 ກໍລະກົດຜ່ານມາໄດ້ມີການຍົກເລີກການປ່ອຍຍານອະວະກາດເກືອບ 1 ຊົ່ວໂມງກ່ອນກຳນົດເດີມໃນເວລາ...

ມາເບິ່ງພໍ່ເຖົ້າໃນອິນເດຍທີ່ “ບໍ່ສະຜົມ-ບໍ່ຕັດຜົມ” ດົນກວ່າ 40 ປີ

ໃນລັດພິຫານຂອງອິນເດຍມີຊາຍສູງໄຊຄົນໜຶ່ງທີ່ຈົ່ງຜົມມາກວ່າ 40 ປີທີ່ມີຊື່ວ່າ ທຸດທູ ໂດຍພໍ່ເຖົ້າໄດ້ໃຫ້ເຫດຜົນວ່າ ຜົມຂອງຕົນເອງຖັກເປຍເປັນຊົງເດຣດລ໋ອກເອງໂດຍທຳມະຊາດ ຊຶ່ງຖືວ່າເປັນການບູຊາເທບ ລວມທັງເຊົາສູບຢາ ແລະ ເຊົາດື່ມເຫຼົ້າເພື່ອຖວາຍແດ່ເທບ. ກ່ອນໜ້ານັ້ນ ທຸດທູ ເຄີຍເຮັດວຽກໃນໜ່ວຍງານປ່າໄມ້ດົນກວ່າ 31 ປີ ແລະ ຢູ່ກັບພັນລະຍາ ມີລູກ 3 ຄົນ ຊຶ່ງ ທຸດທູ ກ່າວວ່າ ພັນລະຍາບໍ່ມີບັນຫາຫຍັງທີ່ຕ້ອງຢູ່ກັບຄົນຜົມຍາວ ສ່ວນສະຖິຕິຄົນທີ່ຈົ່ງຜົມຊົງເດຣດລ໋ອກຍາວທີ່ສຸດໃນໂລກກໍຄືແມ່ຍິງຊາວເຄນຢາທີ່ອາໄສຢູ່ໃນລັດຟໍຣິດາ...

ເສຍຊີວິດຢ່າງໜ້ອຍ 15 ລາຍ ເຫດກຳແພງຖະຫຼົ່ມທັບບ້ານພັກຄົນງານທີ່ອິນເດຍ

ສຳນັກຂ່າວຕ່າງປະເທດລາຍງານເມື່ອວັນທີ 29 ມິຖຸນາຜ່ານມາວ່າ ເກີດເຫດກຳແພງຂອງອາດພາຣດເມັນຖະຫຼົ່ມທັບບ່ອນພັກທີ່ຢູ່ຕິດກຳແພງໃນເມືອງປູເນ່ ລັດມະຫາຣາຊະຣະຂອງອິນເດຍ ສົ່ງຜົນໃຫ້ມີຜູ້ເສຍຊີວິດຢ່າງໜ້ອຍ 15 ລາຍ ໃນນັ້ນ 4 ລາຍເປັນເດັກນ້ອຍ. ທັງນີ້ ຜູ້ເສຍຊີວິດສ່ວນໃຫຍ່ເປັນຄົນງານ ແລະ ຄອບຄົວຂອງຄົນງານທີ່ອາໄສ ແລະ ກຳລັງພັກຜ່ອນຢູ່ໃນຊ່ວງເກີດເຫດ ຊຶ່ງເຂດດັ່ງກ່າວຖືເປັນທີ່ຢູ່ອາໄສຊົ່ວຄາວທີ່ສ້າງໄວ້ສຳລັບຄົນງານຂອງໂຄງການກໍ່ສ້າງໃກ້ຄຽງ. ສ່ວນເຈົ້າໜ້າທີ່ກູ້ໄພລະບຸວ່າ ຍັງຢູ່ໃນລະຫວ່າງການຄົ້ນຫາຜູ້ລອດຊີວິດ ຂະນະທີ່ທາງການລັດຖະມົນຕີຂອງລັດມີຄຳສັ່ງຕັ້ງຄະນະສອບສວນເຫດການທີ່ເກີດຂຶ້ນ ພ້ອມປະກາດຈະຈ່າຍຄ່າຊົດເຊີຍເບື້ອງຕົ້ນໃຫ້ກັບບັນດາຄອບຄົວຂອງຄົນງານທີ່ເສຍຊີວິດຈາກເຫດການດັ່ງກ່າວ ຂະນະທີ່ການສອບສວນເບື້ອງຕົ້ນພົບວ່າ ກ່ອນເກີດເຫດມີຝົນຕົກໜັກຕິດຕໍ່ກັນເຖິງ 2 ວັນ. ລາຍງານດຽວກັນລະບຸອີກວ່າ...

ອິນເດຍສັງເວີຍແລ້ວ 53 ລາຍພະຍາດສະໝອງອັກເສບກະທັນຫັນ

ລາຍງານສະຖານະການ ການແຜ່ລະບາດຂອງພະຍາດໃນລັດພິຫານ ທາງຕາເວັນອອກສຽງເໜືອຂອງປະເທດອິນເດຍ ພາຍຫຼັງພົບເດັກປ່ວຍເປັນພະຍາດສະໝອງອັກເສບກະທັນຫັນ (AES) ໃນນັ້ນ ເສຍຊີວິດແລ້ວຢ່າງໜ້ອຍ 53 ລາຍໃນໄລຍະພຽງແຕ່ 10 ວັນ. ສ່ວນທາງການທ້ອງຖິ່ນລະບຸວ່າ ຄາດວ່າເດັກນ້ອຍອາດໄດ້ຮັບສານພິດຈາກໝາກລິ້ນຈີ່ ຊຶ່ງເປັນໝາກໄມ້ຍອດນິຍົມຂອງທ້ອງຖິ່ນ ແລະ ມີການປູກຢ່າງກວ້າງຂວາງ ພ້ອມປະກາດເຕືອນໃຫ້ຜູ້ປົກຄອງເຝົ້າລະວັງລູກຫຼານຢ່າງໃກ້ຊິດ ແລະ ຫຼີກເວັ້ນການບໍລິໂພກໝາກລິ້ນຈີ່ໃນໄລຍະນີ້. ທາງດ້ານ ທ່ານ ໂສກ ກຸມານ ຊຶ່ງເຈົ້າໜ້າທີ່ອາວຸໂສດ້ານສາທາລະນະສຸກປະຈຳລັດພິຫານກໍໄດ້ເປີດເຜີຍວ່າ ພົບເດັກເກືອບ 100...

ເກີດເຫດໄຟໄໝ້ທີ່ເມືອງສຸຣັຕຂອງອິນເດຍ ມີນັກຮຽນເສຍຊີວິດ 19 ລາຍ

ມີເດັກນັກຮຽນໄວລຸ້ນເສຍຊີວິດ 19 ລາຍໃນເຫດການໄຟໄໝ້ໂຮງຮຽນສອນພິເສດຊຶ່ງເປັນອາຄານ 4 ຊັ້ນທີ່ເມືອງສຸຣັຕ ທາງຕາເວັນອອກຂອງອິນເດຍ ເຫດການດັ່ງກ່າວເກີດຂຶ້ນເມື່ອວັນທີ 25 ພຶດສະພາ 2019. ຂະນະທີ່ເຈົ້າໜ້າທີ່ຕຳຫຼວດໃນລັດຄຸຊຣາຕໄດ້ເປີດເຜີຍວ່າ ພົບຜູ້ເສຍຊີວິດເປັນເດັກນັກຮຽນໄວລຸ້ນຈຳນວນ 19 ລາຍ ແລະ ຍັງມີຜູ້ທີ່ໄດ້ຮັບບາດເຈັບຈາກໄຟລວກ ແລະ ສູດດົມຄວັນພິດອີກຫຼາຍກວ່າ 10 ຄົນ ຊຶ່ງອາຄານດັ່ງກ່າວແມ່ນເປັນອາຄານສອນພິເສດສຳລັບນັກຮຽນທີ່ກຽມຄວາມພ້ອມກ່ອນສອບເສັງ. ລາຍງານຂ່າວດຽວກັນລະບຸຕື່ມວ່າ ເດັກນັກຮຽນທີ່ເສຍຊີວິດສ່ວນໃຫຍ່ແມ່ນຍ້ອນຕິດຢູ່ໃນຊາກອາຄານ ແລະ ບໍ່ສາມາດໜີອອກມາໄດ້ເພາະໄຟໄໝ້ຂັ້ນໄດທາງລົງ ຂະນະທີ່ມີນັກຮຽນ...
error: Content is protected !!