spot_img
Homeຂ່າວການພັດທະນາສປປ ລາວ ກະກຽມນຳສະເໜີ ທົ່ງໄຫຫີນ ເຂົ້າເປັນມໍລະດົກໂລກ!

ສປປ ລາວ ກະກຽມນຳສະເໜີ ທົ່ງໄຫຫີນ ເຂົ້າເປັນມໍລະດົກໂລກ!

Published on

ไหีน

ຂປລ. ​ ວັນ​ທີ 11 ສິງຫາ 2015 ນີ້ ກອງ​ປະຊຸມ ປຶກສາ​ຫາລື​ຂັ້ນ​ແຂວງ ​ເພື່ອ​ກະກຽມ​ສະ​ເໜີ​ທົ່ງ​ໄຫ​ຫີນ ​ເຂົ້າເປັນ​ມໍລະດົກ​ໂລກ ​ໄດ້​ຈັດຂຶ້ນຢ່າງ​ເປັນ​ທາງ​ການ​ ທີ່​ຫ້ອງ​ປະຊຸມ​​ໃຫຍ່​ ພະແນ​ກຖະ​ແຫລງຂ່າວ, ວັດທະນະທຳ ​ແລະ ທ່ອງ​ທ່ຽວ ​ແຂວງ​ຊຽງ​ຂວາງ ໂດຍໃຫ້ກຽດເຂົ້າ​ຮ່ວມ​ ມີ​ທ່ານ ດຣ. ບົວ​ສອນ ສີນ​ວັນທອງ ​ຮອງ​ເລຂາ​ພັກ​ແຂວງ ຮອງ​ເຈົ້າ​ແຂວງໆຊຽງ​ຂວາງ, ທ່ານ ບົວ​ເງິນ ຊາ​ພູ​ວົງ ລັດຖະມົນຕີ​ຊ່ວຍ​ວ່າການ ​ກະຊວງ​ຖະ​ແຫລ​ງຂ່າວ, ວັດທະນະທຳ ​ແລະ ທ່ອງ​ທ່ຽວ ພ້ອມບັນດາຫົວໜ້າ-ຮອງ​ຫົວໜ້າ​ກົມ​ ມໍລະດົກແລະເຈົ້າໜ້າທີ່ກ່ຽວຂ້ອງ.

ທ່ານ ສຳລານ ຫລວງ​ອາ​ໄພ ຮອງ​ຫົວໜ້າ​ກົມມໍລະດົກ ໄດ້ສະ​ເໜີ​ຄວາມ​ເປັນ​ມາ ​ແລະ ຈຸດປະສົງ​ ຂອງ​ກອງ​ປະຊຸມ ​ປັບປຸງ​ຮ່າງ​ເອກະສານ​ແຜນ​ແມ່​ບົດ ​ຄຸ້ມ​ຄອງ​ທົ່ງ​ໄຫ​ຫີນ, ຄຸນຄ່າ​ຂອງ​ຈັກກະວານ​ ຂອງ​ທົ່ງ​ໄຫ​ຫີນ ​ແລະ ຂອບ​ເຂດ​ສະຖານ​ທີ່​ໄຫ​ຫີນ (​ແຜນ​ທີ່) ພ້ອມ​ນີ້ ທ່ານ ວຽງ​ແກ້ວ ສຸກ​ສະຫວັດດີ ຮອງ​ຫົວໜ້າ​ກົມ​ມໍລະດົກ ​​ໄດ້​ເປີດ​​ເຜີຍ​ວ່າ: ຂະ​ບວນການ ​ແລະ ການ​ຂຽນ​ຄຳ​ຮ້ອງ​ສະ​ເໜີ ​ເປັນ​ມໍລະດົກ​ໂລກ ຕໍ່​ກັບ​ການ​ກຳນົດ​ຂອບ​ເຂດ, ແຜນການ​ຄຸ້ມຄອງ ​ແລະ ມາດຖານ​ເງື່ອນ​ໄຂ​ ​ແລະ ຍັງ​ໄດ້​ປະກອບ​ຄຳ​ຄິດຄຳ​ເຫັນ​ໃສ່​ ແຜນ​ແມ່​ບົດ​ຄຸ້ມ​ຄອງ​ ແຫລ່ງ​ມໍລະດົກ​ທົ່ງ​ໄຫ​ຫີນ ​ເປັນ​ຕົ້ນ​ແມ່ນ​ການ​ກຳນົດ​ ຂອບ​ເຂດ​ພື້ນ​ທີ່​ອະນຸລັກ, ​ແຜນ​ທີ່, ​ແຜນການ​ຄຸ້ມ​ຄອງ, ການ​ກະກຽມ​ເ​ອກະສາ​ນ ຄຳ​ຮ້ອງ​ເຂົ້າ​ເປັນ​ມໍລະດົກ​ໂລກ​ ໃນ​ອະນາ​ຄົດ​.

ແນວໃດກໍດີ ອະດີດຜ່ານມາ, ສປປ ລາວມີ 2 ​ແຫ່ງໄດ້ຮັບຮອງເປັນແຫລ່ງ ມໍລະດົກໂລກຈາກອົງການ ອຸຍເນັສໂກ (UNESCO) ຄື: ​ແຫລ່ງມໍລະດົກໂລກ ແຂວງຫລວງພະບາງແລະ ວັດພູຈໍາປາສັກ,ເຊິ່ງທັງສອງແຫລ່ງມໍລະດົກນີ້​ ​ ໄດ້​ກາຍ​ເປັນ​ສ່ວນ​ສໍາ​ຄັນ ​ໃນ​ການ​ດຶງ​ດູດ​ນັກ​ທ່ອງ​ທ່ຽວ​ ເຂົ້າ​ມາ​ຢ້ຽມຢາມ ​ແລະ ທ່ອງ​ທ່ຽວ ສປປ ລາວ ​​ເພີ່ມ​ຂຶ້ນ​ຢ່າງ​ຕໍ່​ເນື່ອງ ​ແລະ ຄາດ​ວ່າ​ພາຍ​ໃນ​ປີ 2016 ນີ້​ນັກ​ທ່ອງ​ທ່ຽວ​ຕ່າງປະ​ເທດ ​ຈະ ​ເຂົ້າ​ມາ​ຢ້ຽມລາວ​ເພີ່ມ​ຂຶ້ນ​ເຖິງ 4 ລ້ານ​ກວ່າ​ຄົນ ​ເຊິ່ງຈະ​ເປັນ​ການ​ປະກອບສ່ວນ​ສໍາຄັນ ​ເຂົ້າ​ໃນ​ການ​ພັດທະນາ ​ເສດຖະກິດ-ສັງຄົມ, ສ້າງ​ວຽກ​ເຮັດ​ງານ​ທໍາ ​ໃຫ້​ຄົນ​ລາວ​ເພີ່ມ​ຂຶ້ນ​ເຊັ່ນ​ກັນ ​ແລະ ​ເມື່ອ​ບໍ່​ດົນ​ມາ​ນີ້, ສປປ ລາວ ​ໄດ້​ເຊັນ​ສັນຍາ​ຮ່ວມ​ມື​​ ເປີດ​ສາຍ​ການບິນ​ ລະຫວ່າງ​ປະ​ເທດກັບ ສ ເກົາ ຫລີ ​ແລະ ຍີ່ປຸ່ນ ອັນ​​ໄດ້​ເຮັດ​ໃຫ້​ນັກ​ທ່ອງ​ທ່ຽວ ​ເຂົ້າມາ​ທ່ອງ​ທ່ຽວ ສປປ ລາວ ຫລາຍ​ເພີ່ມ​ຂຶ້ນ​ກວ່າ 1 ​ແສນ​ຄົນ.

ຂອບໃຈຂ່າວຈາກ:
ຂປລ

ບົດຄວາມຫຼ້າສຸດ

ຕັ້ງໃຈ ຫຼື ອຸບັດຕິເຫດ! ເປີດເຜີຍສາເຫດເຮືອບິນ ແອອິນເດຍ ປະສົບອຸບັດຕິເຫດຕົກ

ເປີດເຜີຍສາເຫດເຮືອບິນ ແອອິນເດຍ ປະສົບອຸບັດຕິເຫດຕົກ ເຮັດໃຫ້ມີຜູ້ເສຍຊີວິດເປັນຈຳນວນຫຼາຍ. ສຳນັກຂ່າວຕ່າງປະເທດລາຍງານໃນວັນທີ 12 ກໍລະກົດ 2025, ໜ່ວຍງານສອບສວນອຸບັດຕິເຫດທາງອາກາດອິນເດຍ (AAIB) ໄດ້ເຜີຍແຜ່ລາຍງານເບື້ອງຕົ້ນກ່ຽວກັບສາເຫດທີ່ເຮັດໃຫ້ເຮືອບິນສາຍການບິນແອອິນເດຍ (Air India) ຖ້ຽວບິນທີ AI171...

ສຕລ ປະກາດລາຍຊື່ນັກກິລາທີມຊາດລາວ ຍູ 23 ເຂົ້າຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ.

ປະກາດ 23 ລາຍຊື່ນັກກິລາທີມຊາດລາວ ຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ. ໃນວັນທີ 11 ກໍລະກົດ 2025 ສະຫະພັນບານເຕະແຫ່ງຊາດລາວ (ສຕລ)...

ດາວດວງໃໝ່! ສາຍແສງໃນເວທີສາກົນ ອອດສະກ້າ ນັກກິລາໜຸ່ມນ້ອຍລາວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ

ນ້ອງ ອອດສະກ້າ ອາຍຸ 11 ປີ ໜຸ່ມນ້ອຍແຄ່ງລູກເຂົ້າໜຽວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ ທີ່ປະເທດແອັດສະປາຍ. ກາຍເປັນອີກຂ່າວດີຂອງວົງການກິລາບານເຕະເຍົາວະຊົນລາວ ອີກໜຶ່ງຜົນງານໃນເວທີສາກົນ ທ້າວ ສີນໄຊ ຫຼວງບຸນເຮືອງ ຫຼື...

ເຈົ້າໜ້າທີ່ຕຳຫຼວດໄທຈັບກຸມ ໜຸ່ມຮັກສັດເລືອກທາງຜິດ ຂາຍຢາບ້າເພື່ອຫາເງິນຊື້ອາຫາານໃຫ້ໝາ-ແມວ

ໜຸ່ມໄທຮັກສັດເລືອກທາງຜິດ ຂາຍຢາບ້າເພື່ອຊື້ອາຫານມາລ້ຽງໝາ-ແມວ 30 ກວ່າໂຕ ສຳນັກຂ່າວໄທລັດລາຍງານໃນວັນທີ 9 ກໍລະກົດ 2025 ຜ່ານມາ, ເຈົ້າໜ້າທີ່ຕຳຫຼວດໄທ ຮ່ວມກັບພາກສ່ວນກ່ຽວຂ້ອງໄດ້ລົງພຶ້ນທີ່ເພື່ອແກ້ໄຂບັນຫາຢາເສບຕິດ ຕາມການລາຍງານຂອງພົນລະເມືອງດີວ່າມີກຸ່ມຄົນຄ້າຂາຍຢາເສບຕິດໃນຊຸມຊົນແຫ່ງໜຶ່ງໃນ ຈັງຫວັດ ສຣະແກ້ວ ປະເທດໄທ. ຕາມການລົງພຶ້ນທີ່ຕົວຈິງຂອງເຈົ້າໜ້າທີ່ໄທສາມາດຈັບຕົວຜູ້ຖືກຫາໄດ້ໜຶ່ງຄົນ...