ໃນ​ວັນ​ທີ 4 ທັນວາ​ຜ່ານ​ມາ ທະນາຄານ ອາ​ເຮັສບີ ລາວ​ຈຳກັດ (RHB Bank Lao Limited) ​ໄດ້​ຈັດ​ກິດຈະກຳ​ການ​ຊ່ວຍ​ເຫລື​ອສັງຄົມ ​ໂດຍ​ການ​ມອບອຸປະກອນ​ການ​ສຶກສາ ​ແລະ ກິລາ ຈຳນວນ​ໜຶ່ງ ​ເຊິ່ງປະກອບ​ມີ: ພັດ​ລົມ​ແຂວນ​ເພດານ​ສຳລັບ​ຫ້ອງ​ຮຽນ ຈຳນວນ 42 ໜ່ວຍ, ​ໂຕະ​ຫີນ ຈຳ​ນວນ 3 ຊຸດ,ກະດານ​ຂາວ ຈຳນວນ 4 ​ແຜ່ນ, ບິ​ກຂຽນ​ກະດານ ຈຳນວນ 2 ກັບ, ​ເຄື່ອງ​ກິລາຈຳນວນ 44 ຊຸດ, ຕາໜ່າງບານ​ເຕະ ຈຳ​ນວນ 2 ຊຸດ, ຕາໜ່າງບານ​ຕີ ຈຳນວນ2 ຊຸດ, ຕາໜ່າງກະຕໍ້ ຈຳນວນ 1 ຊຸດ, ໝາກບານ​ເຕະ ຈຳນວນ 9 ໜ່ວຍ ​ແລະ ໝາກບານ​ຕີ ຈຳນວນ 2 ໜ່ວຍ ​ໃຫ້​ແກ່​ບັນດາ​ນ້ອງ​ນັກຮຽນ​ຂອງ 3 ​ໂຮງຮຽນ​ປະຖົມ​ໃນ​ເມືອງ​ໄຊ​ທານີ ນະຄອນ

ຫລວງ​ວຽງ​ຈັນຄື: ​ໂຮງຮຽນ​ປະຖົມ​ສົມບູນ ນາ​ຄວາຍ, ​ໂຮງຮຽນ​ປະຖົມ​ສົມບູນ ໜອງ​ສອງ​ຫ້ອງ ​ແລະ ​ໂຮງຮຽນ​ປະຖົມ​ສົມບູນ​ບໍ່​ເຫລັກ (ຫລັກ 36) ​ເພື່ອ​ນຳ​​ໃຊ້​ເຂົ້າ​ໃນ​ວຽກ​ງານ​ສົ່ງ​ເສີມ​ການ​ສຶກສາ ​ແລະ ກິລາ​ຂອງ​ບັນດາ​ໂຮງຮຽນ​ດັ່ງກ່າວ​ໃຫ້​ດີກ​ວ່າ​ເກົ່າ.

ທະນາຄານ ອາ​ເຮັສບີ ລາວ ຈຳກັດ ຈະ​ສືບ​ຕໍ່​ການ​ຈັດ​ກິດຈະກຳ​ເພື່ອ​ຊ່ວຍ​ເຫລືອ​ສັງຄົມ ​ໂດຍ​ສະ​ເພາະ​ແມ່ນ​ບັນດາ​ໝູ່​ບ້ານ​ທີ່​ຢູ່​ຊົນນະບົດ ​ແລະ ​ເຂດ​ຫ່າງ​ໄກ​ສອກຫລີກ ທີ່​ມີ​ຄວາມ​ຕ້ອງການ​ໃນ​ການ​ຊ່ວຍ​ເຫລືອ​ໃນ​ຊຸມ​ປີ​ຕໍ່ໆ​ປີ ​ເພື່ອ​ເປັນ​ແຮງ​ພັກ​ດັນ​ໃນ​ການ​ກໍ່ສ້າງ​ຊຸມ​ຊົນ​ໃຫ້​ມີ​ຄວາມ​ຈະ​ເລີ​ນ ​ແລະ ​​ເຂັ້ມ​ແຂງ.

ທະນາຄານ ອາ​ເຮັສບີ ລາວ ຈຳກັດ ຕັ້ງ​ຢູ່​ຖະໜົນ​ໄກ​ສອນ ພົມວິຫານ, ບ້າ​ນ​ໂພນ​ໄຊ ​ເມືອງ​ໄຊ​​ເສດ​ຖານະຄອນຫລວງ​ວຽງ​ຈັນ ​ເລີ່​ມດຳ​ເນີນ​ງານ​ຕັ້ງ​ແຕ່​ວັນ​ທີ 6 ມິ​ຖຸນາ 2014​ ​ເປັນ​ຕົ້ນ​ມາ.

ແຫ່ລງຂ່າວ