spot_img
Homeຂ່າວພາຍ​ໃນຈຳປາສັກ ຄວ້າ 2 ແຊ໋ມ ເຕະບານນັກຮຽນ ທົ່ວປະເທດ 2022

ຈຳປາສັກ ຄວ້າ 2 ແຊ໋ມ ເຕະບານນັກຮຽນ ທົ່ວປະເທດ 2022

Published on

ປີນີ້ເປັນປີຄຳຂອງຊາວແຂວງຈຳປາສັກ ພາຍໃນປີ 2022 ສາມາດຍາດໄດ້ແຊ໋ມເຕະບານເຍົາວະຊົນທົ່ວປະເທດເຖິງ 3 ລາຍການ ກໍຄື ແຊ໋ມລາຍການ ຢູ-15 ທົ່ວປະເທດ ຊີງຂັນປະທານສະຫະພັນບານເຕະແຫ່ງຊາດລາວ ແລະ ຫຼ້າສຸດ ທີມເຕະບານນັກຮຽນແຂວງຈໍາປາສັກ ທັງປະເພດຍິງ ແລະ ຊາຍ ກໍຍັງກວາດແຊ໋ມການແຂ່ງຂັນກິລາເຕະບານ ນັກຮຽນ ທົ່ວປະເທດ ຊີງຂັນທ່ານລັດຖະມົນຕີກະຊວງສຶກສາທິການ ແລະ ກິລາ ຫຼື “Copa Coca-Cola Lao” ຄັ້ງທີ V ປະຈຳປີ 2022 ໄປຄອງ ພ້ອມເງິນລາງວັນ 140 ລ້ານກີບ.

ພິທີປິດການແຂ່ງຂັນລາຍການ “Copa Coca-Cola Lao” ຄັ້ງທີ V ປະຈຳປີ 2022 ໄດ້ມີຂຶ້ນເມື່ອວັນທີ 24 ພະຈິກ ຜ່ານມາ ທີ່ສະໜາມກິລາລ້ານຊ້າງ ບ້ານໜອງໄຮ ເມືອງຫາດຊາຍຟອງ ນະຄອນຫຼວງວຽງຈັນ, ໃຫ້ກຽດເຂົ້າຮ່ວມ ແລະ ມອບລາງວັນຂອງ ທ່ານ ນາງ ຂັນທະລີ ສີຣິພົງພັນ ຮອງລັດທະມົນຕີ ກະຊວງສຶກສາທິການ ແລະ ກິລາ, ມີທ່ານ ວິລະວັນ ບຸນສຸກໄທ ຫົວໜ້າກົມກິລາມວນຊົນ, ພະລະ ແລະ ສິລະປະສຶກສາ ກະຊວງສຶກສາທິການ ແລະ ກິລາ ພ້ອມດ້ວຍຄະນະ, ຕົວແທນຈາກ ບໍລິສັດ ລາວ ໂຄຄາ-ໂຄລາ ບ໊ອດຕລິງ ຈຳກັດ ຕະຫຼອດຮອດຜູ້ສະໜັບສະໜູນອື່ນໆ, ຄະນະນຳ, ຄູຝຶກ, ນັກກິລາ, ພະນັກງານ, ຄູອາຈານ ແລະ ນ້ອງນັກຮຽນ ກໍຄື ກອງເຊຍຢ່າງຄຶກຄື້ນ.

ໂອກາດດັ່ງກ່າວ, ທ່ານ ວິລະວັນ ບຸນສຸກໄທ ລາຍງານໃຫ້ຮູ້ວ່າ: ການແຂ່ງຂັນລາຍການນີ້ ຈັດຂຶ້ນໃນທົ່ວປະເທດ ຄັດເລືອກເອົາ 2 ທີມຈາກເຂດພາກເໜືອ, 4 ທີມຈາກນະຄອນຫຼວງວຽງຈັນ ແລະ 2 ທີມຈາກເຂດພາກໃຕ້ ເຂົ້າຮ່ວມມາແຂ່ງຂັນໃນຮອບ 4 ທີມສຸດທ້າຍ ໂດຍທີມເຕະບານນັກຮຽນແຂວງຈໍາປາສັກ ທັງທີມຍິງ ແລະ ທີມຊາຍ ຜ່ານເຂົ້າຮອບສຸດທ້າຍໃນລາຍການດັ່ງກ່າວ ໃນຖານະແຊ໋ມຮອບຄັດເລືອກເຂດພາກໃຕ້ ຂຶ້ນມາແຂ່ງຂັນລາຍການນີ້ ໃນຕົ້ນອາທິດທີ່ຜ່ານມາ ແລະ ໃນຮອບ 4 ທີມສຸດທ້າຍທັງທີມຍິງ ແລະ ທີມຊາຍ ປະກອບມີ: ທີມຊາຍ ມສ ສາລາຄໍາ ກັບ ມສ ຫງວຽນຢູ ຈາກນະຄອນຫຼວງວຽງຈັນ, ໄຊຍະບູລີ ແລະ ຈໍາປາສັກ ສ່ວນ ທີມຍິງມີ ມສ ສົມສະຫວາດ ກັບ ມສ ໂຄກສີວິໄລ ຈາກນະຄອນຫຼວງຫຼວງ ແລະ ແຂວງຫຼວງພະບາງ ກັບ ແຂວງຈໍາປາສັກ.

ຜ່ານການແຂ່ງຂັນປາກົດວ່າ: ທີມຍິງ ແຂວງຈໍາປາສັກ ເອົາຊະນະ ມສ ໂຄກສີວິໄລ ໃນຮອບ 4 ທີມສຸດທ້າຍ ກ່ອນຜ່ານເຂົ້າຊີງຊະນະເລີດ ສາມາດເອົາຊະນະ ແຂວງຫຼວງພະບາງ 2-0 ຄວ້າແຊ໋ມປະເພດທີມຍິງໄປຄອງ ສ່ວນທີມຊາຍແຂວງຈໍາປາສັກ ດວນຈຸດໂທດເອົາຊະນະ ມສ ສາລະຄໍາ 4-2 ຫຼັງສະເໝີກັນໃນເກມ 1-1 ໃນຮອບ 4 ທີມສຸດທ້າຍ ກ່ອນຜ່ານການເຂົ້າຮອບຊີງຊະນະເລີດ ກໍສາມາດບຽດເອົາຊະນະ ມສ ຫງວຽນຢູ 1-0 ຄວ້າແຊ໋ມປະເພດທີມຊາຍໄປຄອງເຊັ່ນກັນ ຂະນະທີ່ລາງວັນຂອງລາຍການນີ້ ອັນດັບທີ 1-3 ທັງທີມຍິງ ແລະ ທີມຊາຍ ໄດ້ເທົ່າກັນໝົດ ກໍຄື ຊະນະເລີດ ໄດ້ຮັບຂັນແຊ໋ມ ພ້ອມເງິນສົດ 70 ລ້ານກີບ, ອັນດັບທີ 2 ໄດ້ຮັບເງິນສົດ 40 ລ້ານກີບ ແລະ ອັນດັບທີ 3 ໄດ້ຮັບລາງວັນເງິນສົດ 20 ລ້ານກີບ ສ່ວນລາງວັນດີເດັ່ນຕ່າງໆ ໂດຍສະເພາະລາງວັນຜູ້ຮັກສາປະຕູດີເດັ່ນປະເພດຊາຍ ທ້າວ ທິດສາຄອນ ສາລີວົງຮັດ, ລາງວັນດາວຍິງສູງສຸດ ກິຕາ ເຮືອງວິໄລ ຈາກ ມສ ຫງວຽນຢູ ແລະ ລາງວັນນັກເຕະດີເດັ່ນ ວັນທະສັກ ອິນທິລາດ ຈາກແຂວງຈຳປາສັກ ແລະ ລາງວັນດີເດັ່ນປະເພດຍິງ ລາງວັນຜູ້ຮັກສາປະຕູດີເດັ່ນ ນາງ ປານິດາ ລາດສະວົງ ຈາກແຂວງຈໍາປາສັກ, ລາງວັນດາວຍິງສູງສຸດ ນາງ ເຮມາ ແສງປະເສີດ ຈາກແຂວງຈໍາປາສັກ ແລະ ລາງວັນນັກເຕະດີເດັ່ນ ນາງ ຟ້າ ພົມມາ ຈາກແຂວງຫຼວງພະບາງ.

ພາບ: ເສດຖະກິດ-ການຄ້າ ຂ່າວ: ໜັງສືພິມສຶກສາ-ກິລາລາຍວັນ

ບົດຄວາມຫຼ້າສຸດ

ທັງໜ້າຕາດີ ທັງຈິດໃຈດີ Felix Stray kids ໃນ 2 ປີທີ່ (2024-2025) Felix ໄດ້ບໍລິຈາກໃຫ້ປະເທດລາວ ລວມມູນຄ່າທັງໝົດປະມານ 3 ຕື້ກີບ

ທັງໜ້າຕາດີ ທັງຈິດໃຈດີ Felix Stray kids ຂອບໃຈທີ່ໃຫ້ການສະໜັບສະໜູນມາຕະຫຼອດ 2 ປີ (2024-2025) ທີ່ໄດ້ເຂົ້າມາຊ່ວຍເຫຼືອເດັກນ້ອຍໃນປະເທດລາວໃຫ້ມີຊີວິດການເປັນຢູ່ ແລະ ສະພາບເວດລ້ອມທີ່ດີຂຶ້ນ, ໃນ 2...

ຕ້ອງກະກຽມຂໍ້ມູນຫຍັງແນ່ ເພື່ອຂຽນປະກອບເອກະສານເຮັດບັດປະຈໍາຕົວດິຈິຕອນ ກຽມພ້ອມໄວ້ ເພື່ອຄວາມສະດວກ ແລະ ວ່ອງໄວ

ໃນປັດຈຸບັນໃນນະຄອນຫຼວງວຽງຈັນສາມາດເຮັດບັດປະຈໍາຕົວໄດ້ແລ້ວ ຢູ່ທີ່ກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ບ້ານແສງສະຫວ່າງ ເມືອງໄຊເສດຖາ ນະຄອນຫຼວງວຽງຈັນ ເຊິ່ງກ່ອນທີ່ຈະເຮັດບັດປະຈຳຕົວດິຈິຕອນແມ່ນ ຕ້ອງໄດ້ຊື້ແບບຟອມປະກອບຂໍ້ມູນ ລາຄາ 30,000 ກີບ ແລະ ຈະເປີດບໍລິການເຮັດບັດປະຈຳຕົວໃນທົ່ວປະເທດໃນຕົ້ນເດືອນຕຸລາ...

ອົບພະຍົບຫຼາຍກວ່າ 1,000 ຄົນ ເຫດໄຟໄໝ້ເຂດຊຸມຊົນແອອັດ ໃນນະຄອນຫຼວງມະນິລາ ປະເທດຟິລິປິນ

ເກີດເຫດໄຟໄໝ້ຮຸນແຮງຢູ່ເຂດຊຸມຊົນແອອັດ ໃນເມືອງຫຼວງຂອງຟິລິບປິນ ປະຊາຊົນຫຼາຍກວ່າ 500 ຄອບຄົວບໍ່ມີທີ່ຢູ່ອາໄສ. ສຳນັກຂ່າວຕ່າງປະເທດລາຍງານວ່າ: ໃນວັນທີ 15 ກັນຍາ 2025 ຜ່ານມາ, ເກີດເຫດໄຟໄໝ້ຮຸນແຮງໃນຊ່ວງກາງຄືນໃນດເຂດຊຸມຊົນ ແຮບປີ້ແລນ ເຮັດໃຫ້ອາຄານບ້ານເຮຶືອນໄດ້ຮັບຄວາມເສຍຫາຍຫຼາຍຮ້ອຍຫຼັງ ເຮັດໃຫ້ປະຊາຊົນກວ່າ...

ງົດງາມທີ່ສຸດຈາກທົ່ວໂລກ ຕາດກວາງຊີ ແຂວງຫຼວງພະບາງ ຖືຈັດຢູ່ໃນ 21 ນໍ້າຕົກທີ່ສວຍງາມຈາກທົ່ວໂລກ ປີ 2025

ວາລະສານ ການທ່ອງທ່ຽວຊື່ດັງຂອງໂລກ Travel + Leisure ໄດ້ຈັດອັນດັບ Top 21 Most Beautiful Waterfalls in the World...