spot_img
Homeຂ່າວການສຶກສາຈຳນວນນັກຮຽນສອບເສັງເຂົ້າ ມຊ ປີນີ້ຫຼຸດລົງຫຼາຍເມື່ອທຽບໃສ່ປີທີ່ຜ່ານມາ

ຈຳນວນນັກຮຽນສອບເສັງເຂົ້າ ມຊ ປີນີ້ຫຼຸດລົງຫຼາຍເມື່ອທຽບໃສ່ປີທີ່ຜ່ານມາ

Published on

ອີງຕາມສຳນັກຂ່າວເສດຖະກິດ-ການຄ້າ ລາຍງານເມື່ອວັນທີ 27 ສິງຫາ 2018 ວ່າ ຈຳນວນນັກຮຽນທີ່ທີ່ມີໜ້າສອບເສັງເຂົ້າມະຫາວິທະຍາໄລແຫ່ງຊາດ (ມຊ) ສົກຮຽນປີ 2018-2019 ມີ 14 ພັນກວ່າຄົນ, ແຕ່ທາງ ມຊ ຈະຂັດເອົາພຽງ 7.575 ພັນກວ່າຄົນເທົ່ານັ້ນ.

ທ່ານ ຮສ. ປອ. ອຸດົມ ພອນຄຳເພັງ ຮອງອະທິການບໍດີຝ່າຍວິຊາການ ມະຫາວິທະຍາໄລແຫ່ງຊາດ ໃຫ້ສຳພາດໃນວັນທີ 25 ສິງຫາ 2018 ວ່າ ການສອບເສັງຄັດເລືອກເອົານັກສຶກສາເຂົ້າຮຽນຢູ່ ມະຫາວິທະຍາໄລແຫ່ງຊາດ ປະຈຳສົກປີ 2018-2019 ແລະ ເປັນຊຸດພິເສດທີ່ຜ່ານການສະໝັກແບບອອນລາຍ ແລະ ມີນັກຮຽນມາລົງທະບຽນອອນລາຍທັງໝົດ 19.262 ຄົນ, ແຕ່ນັກຮຽນທີ່ມາເອົາບັດເຂົ້າຫ້ອງເສັງຕົວຈິງມີພຽງ 14.490 ຄົນ. ໃນນັ້ນແບ່ງເປັນ 3 ສາຍຄື: ສາຍ A ມີນັກຮຽນສອບເສັງຈຳນວນ 5.290 ຄົນ, ແບ່ງເປັນ 7 ສູນສອບເສັງ, ມີ 237 ຫ້ອງສອບເສັງ, ມີຄະນະກຳມະການຍາມຫ້ອງສອບເສັງຈຳນວນ 506 ຄົນ;​ ສາຍ B ມີນັກຮຽນສອບເສັງຈຳນວນ 8.180 ຄົນ, ແບ່ງເປັນ 9 ສູນ, ມີ 332 ຫ້ອງສອບເສັງ, ​ມີຄະນະກຳມະການຍາມຫ້ອງສອບເສັງ 699 ຄົນ; ແລະ ສາຍ C ມີນັກຮຽນສອບເສັງຈຳນວນ 1.020 ຄົນ, ປະກອບມີ 1 ສູນສອບເສັງ, ມີ 51 ຫ້ອງ, ຄະນະກຳມະການຍາມຫ້ອງສອບເສັງ 114 ຄົນ, ແຕ່ລະຫ້ອງບັນຈຸນັກຮຽນປະມານ 20-30 ຄົນ ຕໍ່ຄະນະກຳມະການ 1 ຄົນ.

ທ່ານຍັງກ່າວຕື່ມອີກວ່າ ຖ້າທຽບໃສ່ສົກປີຜ່ານມາມີນັກຮຽນມາລົງທະບຽນ 19 ພັນກວ່າຄົນ ແລະ ມີໜ້າສອບເສັງຕົວຈິງ 18 ພັນກວ່າຄົນ ແລະ ມຊ ຮັບເອົານັກສຶກສາປະມານ 6 ພັນຄົນ ຖືວ່າປີ 2018 ນີ້ ມຊ ຮັບເອົານັກຮຽນເພີ່ມຂຶ້ນປະມານ 1 ພັນກວ່າຄົນ ແຕ່ຖືວ່ານັກຮຽນທີ່ມີໜ້າມາສອບເສັງແມ່ນຫຼຸດຈຳນວນລົງຫຼາຍເມື່ອທຽບໃສ່ປີທີ່ຜ່ານມາ ປະມານຫຼາຍກວ່າ 4 ພັນຄົນ ສາເຫດອາດເປັນຍ້ອນສະພາບອາກາດບໍ່ອຳນວຍຄວາມສະດວກ ຫຼາຍແຂວງຖືກນໍ້າຖ້ວມ,​ເສັ້ນທາງເປ່ເພ ເຮັດໃຫ້ການເດີນທາງພົບຄວາມຫຍຸ້ງຍາກ ແລະ ອີງໃສ່ເງື່ອນໄຂທີ່ມີທາງເລືອກຫຼາຍຂຶ້ນເພາະບາງຄົນອາດສອບເສັງເຂົ້າມະຫາວິທະຍາໄລ, ວິທະຍາໄລ, ສະຖາບັນແຫ່ງອື່ນໆ.

ແຫລ່ງຂ່າວ: laoedaily.com.la

ບົດຄວາມຫຼ້າສຸດ

ເສຍຊີວິດຢ່າງນ້ອຍ 4 ຄົນ ເກີດເຫດກວດຍິງຢູ່ບາແຫ່ງໜຶ່ງ ໃນລັດເຊົາແຄໂລໄລນາ ສະຫະລັດອາເມລິກາ

ເກີດເຫດກວດຍິງຢູ່ບາແຫ່ງໜຶ່ງ ໃນລັດເຊົາແຄໂລໄລນາ ສະຫະລັດອາເມລິກາ ສຳນັກຂ່າວຕ່າງປະເທດລາຍງານໃນຊ່ວງຕອນເຊົ້າຂອງວັນອາທິດ 12 ຕຸລາ 2025 ເກີດເຫດເຫດການກວດຍິງ ພາຍໃນ ບາແຫ່ງໜຶ່ງ ເຊິ່ງເປັນບາທີ່ໄດ້ຮັບຄວາມນິຍົມຢູ່ໃນລັດເຊົາແຄໂລໄລນາ ສະຫະລັດອາເມລິກາ ເຊິ່ງເຫດການດັ່ງກ່າວເຮັດໃຫ້ມີຄົນເສຍຊີວິດຢ່າງນ້ອຍ 4 ຄົນ...

ເລີ່ມ! ວັນທີ 1 ພະຈິກ 2025 ທ່ານ ໂດນັລ ທຣຳ ປະທານນາທິບໍດີ ສະຫະລັດອາເມລິກາ ຈະຮຽກເກັບພາສີນຳເຂົ້າສິນຄ້າຈາກຈີນ ເພີ່ມອີກ 100%

ລາຍງານຈາກສຳນັກຂ່າວຕ່າງປະເທດ ໃນວັນທີ 10/10/2025 ທີ່ຜ່ານມາ ທ່ານ ໂດນັລ ທຣຳ ປະທານນາທິບໍດີ ສະຫະລັດອາເມລິກາ ໄດ້ອອກຄໍາສັ່ງ ຈະຮຽກເກັບພາສີນຳເຂົ້າສິນຄ້າຈາກຈີນ ເພີ່ມອີກ 100% ຈາກທີ່ປັດຈຸບັນສະຫະລັດເກັບພາສີສິນຄ້າຈີນຢູ່ທີ່...

ອຸທາຫອນ! ແມ່ຕູ້ຊາວຈີນມີຄວາມເຊື່ອແປກ ຕັດສິນໃຈກິນກົບສົດໆລົງທ້ອງ ຫວັງໃຫ້ເຊົາເຈັບຫຼັງ ແຕ່ສຸດທ້າຍອາການໜັກ

ເມື່ອປວດຫຼັງຫຼາຍຄົນອາດຈະເລືອກກິນຢາ ຫຼື ໄປຫາແພດ ແມ່ນບໍ່, ແຕ່ມີລາຍງານຂ່າວຈາກເມືອງຫາງໂຈ ປະເທດຈີນ, ເມືອບໍ່ດົນມານີ້ ວ່າ ມີແມ່ຕູ້ຄົນໜຶ່ງ ມີອາການເຈັບຫຼັງ ແລະເລືອກວິທີຮັກສາຕາມຄວາມເຊື່ອຂອງຕົນ ໂດຍການກືນກິນກົບສົດລົງທ້ອງ ຈົນເຮັດໃຫ້ເຊື້ອພະຍາດເຂົ້າສູ່ຮ່າງກາຍ. ເຊິ່ງກ່ອນເກີດເຫດແມ່ຕູ້ໄດ້ຂໍໃຫ້ພີ່ນ້ອງໄປຈັບກົບຂະໜາດນ້ອຍມາໃຫ້ ໂດຍບໍ່ໄດ້ບອກວ່າຈະເອົາໄປເຮັດຫຍັງ,...

ວັນການທູດລາວຄົບຮອບ 80 ປີ ປັດຈຸບັນ ລາວມີສາຍພົວພັນການທູດກັບ 151 ປະເທດ ມີສໍານັກງານຕາງໜ້າການທູດ ຢູ່ຕ່າງປະເທດ 41 ແຫ່ງ

ວັນການທູດລາວຄົບຮອບ 80 ປີ (12/10/1945-12/10/2025) ແມ່ນວັນສຳຄັນທາງປະຫວັດສາດຂອງຊາດ ທີ່ມີຄວາມໝາຍຄວາມສຳຄັນ ເພາະສະແດງອອກພູມປັນຍາຄວາມສະຫລາດສ່ອງໃສຂອງບັນພະບູລຸດ ແລະ ຄວາມສຳເລັດຂອງພາລະກິດຕ່າງໆຕັ້ງແຕ່ອາດີດຮອດປັດຈຸບັນ ແລະ ແນໃສ່ສືບຕໍ່ສ້າງເປັນບົດຮຽນ ເປັນມູນມັງມໍລະດົກຕົກທອດໃຫ້ແກ່ຄົນຮຸ່ນ ໃໝ່ຕໍ່ໆໄປໃນອະນາຄົດ. ເຊິ່ງກົມການເມືອງສູນກາງພັກໄດ້ອອກແຈ້ງການສະບັບເລກທີ...